ᓄᕙᕐᔪᐊᕐᓇᖅ-19 ᐳᓛᕆᐊᕐᓂᐊᕈᕕᓪᓗ

ᐊᓯᔾᔨᖅᓯᒪᔪᑦ ᓱᕐᕋᐃᑐᐃᓐᓇᕆᐊᓖᑦ ᐳᓛᕆᐊᕈᒪᓂᕐᓂᑦ

ᐅᖁᒪᐃᓐᓂᓂᐊᕐᑎᒃᑯᑦ ᓱᒃᑲᐃᑦᑐᒥᑦ ᖃᓱᑎᑦᓯᕙᓪᓕᐊᑎᑦᓯᓂᖏᑦ ᒪᓕᑦᑐᒋᑦ ᖃᓄᐃᓐᖏᑦᓯᐊᖁᓪᓗᒋᑦ ᓄᓇᕗᒥ, ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑦ ᒪᑐᐃᖅᓯᑲᓐᓂᖅᐳᑦ ᓯᕐᒥᓕᐅᑉ ᑲᓇᑕᒥ ᒥᕐᖑᐃᓯᕐᕕᖓᓂᑦ ᐳᓚᕋᑎᓄᑦ ᔪᓚᐃ 1, 2022 ᖑᑎᓪᓗᒍ.

ᓄᕙᕐᔪᐊᕐᓇᖅ ᑰᕕᑦ-19 ᐱᔾᔪᑎᒋᓪᓗᒍ, ᐱᔨᑦᓯᕈᑏᑦ ᐃᓪᓗᖁᑎᖏᓪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓᑕ ᑭᓪᓕᖃᕐᒪᑕ ᓱᓕ ᒫᓐᓇᒃᑯᑦ. ᓂᐅᕐᕈᔪᒪᔪᑦ ᓯᕗᕐᖓᑐᖄᒍᑦ ᐋᖅᑭᑦᓱᐃᒋᐊᓖᑦ ᑎᑭᓚᐅᖏᓂᖏᓂ ᐱᔨᑦᓯᕈᑏᑦ ᐊᑐᐃᓐᓇᐅᓂᐊᕋᓗᐊᕐᒪᖔᑕ. ᑐᓴᕋᑦᓴᑦ ᐊᓯᔾᔨᑲᑕᐃᓐᓇᕐᖓᑕ ᑐᓴᖅᑎᑦᓯᖃᑦᑕᓂᐊᕐᑐᒍᑦ ᑐᓴᕋᑦᓴᐃᑦ ᐊᓯᔾᔨᑐᐊᕋᐃᑉᐸᑕ.

• ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓ ᐊᓪᓚᕝᕕᖓ ᒥᑦᑎᒪᑕᓕᒻᒥ ᒪᑐᐃᖓᓕᖅᑐᑦ ᑭᒃᑯᑐᐃᓐᓇᕐᓄᑦ. ᑲᓇᑕᒥ ᒥᕐᖑᐃᓯᕐᕕᐅᑉ ᐃᖅᑲᓇᐃᔭᕐᑎᖏᓐᓂᑦ ᖃᐅᔨᒋᐊᕈᒪᒍᕕᑦ, ᐃᕐᖐᓈᖅᑕᐅᑎᒃᑯᑦ sirmilik.info@pc.gc.ca ᐅᖄᓚᓗᑎᓪᓘᓐᓃᑦ 867-899-8092.
• ᖃᐅᔨᒪᔭᐅᒋᐊᓖᑦ, ᐊᑎᓕᐅᕐᕖᑦ, ᐱᔪᓐᓇᐅᑎᑖᕐᕖᑦ ᐊᑭᓕᕆᐊᓖᓪᓗ ᑲᒪᒋᔭᐅᔪᓐᓇᖅᑐᑦ ᐅᐸᒍᑎᓗᑎᑦ ᓇᔫᑎᓐᖏᑦᑑᒐᓗᐊᓄᓪᓗ. ᐳᓚᕋᑏᑦ ᖃᐅᔨᒃᑲᐃᖁᔭᐅᒻᒪᕆᑦᑐᑦ ᑲᓇᑕᐅᑉ ᒥᕐᖑᐃᓯᕐᕕᖓᑕ ᐃᖅᑲᓇᐃᔭᕐᑎᖏᓐᓂᑦ ᐱᓇᓱᐊᕈᓰᒃ ᒪᕐᕉᒃ ᓯᕗᕐᖓᒍᑦ ᑎᑭᕝᕕᑦᓴᐅᑎᖓᑕ ᐅᓪᓗᖓᓂᑦ ᐱᕕᖃᑦᓯᐊᖁᓪᓗᒋᑦ ᐃᓕᓐᓂᐊᖅᑕᐅᔭᕆᐊᖃᓪᓚᕆᑦᑎᑕᐅᔪᓂᑦ.
• ᐃᖏᕐᕋᔾᔪᑎᑦᓴᑦ ᐅᖓᒻᒧᑦ ᐅᑎᒧᓪᓗ ᑲᓇᑕᒥ ᒥᕐᖑᐃᓯᕐᕕᖓᓂᑦ ᐋᖅᑭᑦᓱᕐᑕᐅᒋᐊᓖᑦ ᓚᐃᓴᓐᓯᓕᒻᒧᑦ ᐊᐅᓪᓚᕈᔾᔨᓂᖕᒥᑦ ᓇᖕᒥᓂᖃᖅᑐᒧᑦr (ᐅᐃᕕᑎᑐᑦ ᑭᓯᐊᓂ).
• ᐳᓚᕋᑏᑦ ᒪᓕᒋᐊᓖᑦ ᑕᒪᐃᓐᓂᑦᓯᐊᖅ ᐊᐅᓪᓚᖃᑦᑕᕐᑐᑦ ᒪᓕᒋᐊᓕᖏᓐᓂᑦ ᐊᒻᒪ ᑭᒃᑯᑐᐃᓐᓇᕐᓄᑦ ᐅᖁᒪᐃᓐᓂᓂᐊᕐᑏᑦ ᐊᑐᖅᑕᐅᖁᔭᖏᓐᓂᑦ ᐅᕙᓐᖓᑦ ᑲᓇᑕᐅᑉ ᒐᕙᒪᒃᑯᖏᑦ (ᐅᐃᕕᑎᑐᑦ ᑭᓯᐊᓂ) ᐊᒻᒪ ᓄᓇᕗᑦ ᒐᕙᒪᒃᑯᖏᑦ.

ᑐᐊᕕᕐᓇᕐᑐᓕᕆᔩᑦ ᐱᔨᑦᓯᕈᑎᖏᑦ ᐳᓚᕋᑏᓪᓗ ᐊᑦᑕᓇᖅᑐᒦᖁᓇᒋᑦ

ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓᒍᑦ ᐃᖏᕐᕋᓂᐊᕈᕕᑦ, ᐊᐅᓪᓚᖃᑎᒋᓯᒪᔭᑎᑦ ᐃᖅᑲᐅᒪᔭᕆᐊᓖᑦ ᐊᑦᑕᓇᕈᓐᓇᕐᒪᑕ ᖃᖅᑲᐃᑦ ᒪᓃᑦᑐᑦ ᐅᑭᐅᖅᑕᖅᑐᒥᓗ ᐃᖅᑲᓇᐃᔭᕐᑎᑭᑦᑑᒍᓐᓇᕐᒪᑕ ᐃᒻᒪᖃᓗ ᖃᓄᐃᓕᔪᖃᑳᓪᓚᑉᐸᑦ ᐊᑯᓂᑲᓪᓚᒃ ᕿᓂᖅᑎᓂᑦ ᑎᑭᑦᑐᖃᕋᓱᒐᔭᕐᖓᑦ (ᐃᒻᒪᖃ ᐅᓪᓗᕋᓴᓂᑦ). ᐊᑦᑕᓇᕐᑐᓕᕆᔪᓐᓇᕐᑐᑦ, ᐋᓐᓂᖅᑐᓕᕆᔪᓐᓇᕐᑐᑦ ᐊᒻᒪ ᑐᐊᕕᕐᓇᕐᑐᓕᕆᔪᓐᓇᕐᑐᑑᒐᔭᕐᖓᑕ ᑭᓯᐊᓂ ᐊᐅᓪᓚᖃᑎᒋᓯᒪᔭᑎᑦ. ᐃᖏᕐᕋᖃᑎᑎᑦ ᖃᐅᔨᒪᒋᐊᓖᑦ ᐊᔪᖅᑕᒥᓂᖕ ᐊᒻᒪ ᐃᒻᒥᓂᖕ ᐊᓐᓇᐅᒪᔪᓐᓇᕐᓗᑎᑦ ᖃᓄᐃᓕᔪᖃᑳᓪᓚᑉᐸᑦ.

ᐊᐅᓪᓚᖃᑎᒋᓯᒪᔭᓐᓂᑦ ᐃᑲᔪᕐᑕᐅᔪᖃᕆᐊᖃᕐᐸᑦ ᕿᓂᕐᑎᓄᑦ ᐸᖅᓴᐃᔨᓄᓪᓘᓐᓃᑦ ᓯᕕᑐᓂᖃᖅᐸᑦ 25−ᑎᒍᕇᔅᒥᑦ ᐊᒻᒧᖅᑲᐅᓂᖓ, ᓄᓇᕗᑦ ᓯᓚᑖᓂᑦ ᑎᑭᑎᑦᓯᒋᐊᖃᕋᔭᕐᖓᑕ. ᖁᓛᒎᓕᒃᑯᑦ ᐊᐃᔭᐅᑎᑦᓯᓂᖅ ᐱᑐᐃᓐᓇᐅᖏᒻᒪᑦ ᐊᑐᐃᓐᓇᐅᖏᓐᓇᖏᒻᒪᑕ (ᖁᓛᒎᓕᒃ ᐃᖅᑲᓇᐃᔭᕐᑎᖏᓪᓗ), ᓯᓚᕈᔫᑉᐸᑦ ᒥᕝᕕᓴᖅᓯᐅᕐᓂᕐᓗ ᐱᓪᓗᒋᑦ. ᐊᐅᓪᓚᖃᑎᒋᓯᒪᔭᑎᑦ ᐊᑦᑎᓂᖅᓴᒃᑰᖅᐸᑕ ᓲᕐᓗ ᐊᒃᓵᕐᔪᒃ ᐊᖅᑯᑖᒍᑦ, ᕿᓂᖅᑏᑦ ᐸᖅᓴᐃᔩᓪᓗ ᖃᒧᑕᐅᔭᒃᑰᕈᓐᓇᑐᐃᓐᓇᕆᐊᓖᑦ.

ᕿᒥᕐᕈᓗᒋᑦ ᐳᓚᕋᑏᑦ ᐊᑦᑕᓇᕐᑐᒦᕐᔭᐃᕐᓂᖏᑦ  (ᐅᐃᕕᑎᑐᑦ ᑭᓯᐊᓂ) ᐃᓚᖓᓃᑦᑐᖅ ᖃᓄᖅ ᐊᑦᑕᓇᖅᑐᒦᑦᑕᐃᓕᒪᒋᐊᑦᓴᖅ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖓᓃᓪᓗᓂ.