ᓄᑖᑦ ᓄᓇᑐᖃᕐᓂᑦ ᓇᓗᓇᐃᒃᑯᑎᓂᓪᓗ ᑲᑎᒪᔨᐅᓂᐊᖅᑐᓂᒃ (HSMBC) ᐃᔅᓯᕙᐅᑕᖅ ᑎᒃᑯᐊᖅᑕᐅᔪᓪᓗ ᑭᒡᒐᖅᑐᐃᔩᑦ

ᑭᒃᑰᓂᖏᓐᓂ ᓇᓗᓇᐃᖅᓯᓯᒪᔪᑦ

ᒪᐃᒥ 2, 2024, ᒥᓂᔅᑕᕆᔭᐅᔪᖅ ᓯᑏᕙᓐᓂ ᒋᐅᐳᑦ, ᒥᓂᔅᑕᐅᓪᓗᓂ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᒥ ᐊᓯᔾᔨᐸᓪᓕᐊᔪᒥᑦ ᐊᒻᒪᓗ ᑲᒪᓪᓗᓂ ᑲᓇᑕᐅᑉ ᒥᕐᖑᐃᖅᓯᕐᕕᖏᓐᓂ, ᓇᓗᓇᐃᖅᓯᓂᐊᖅᑐᖅ ᑎᒃᑯᐊᖅᑕᐅᔪᓂᒃ ᓄᑖᕐᒥᑦ ᐃᔅᓯᕙᐅᑕᕐᒥᑦ ᐊᒻᒪᓗ ᑎᓴᒪᓂᒃ ᑭᒡᒐᖅᑐᐃᔨᐅᓂᐊᖅᑐᓂᒃ ᓄᓇᑐᖃᕐᓂᑦ ᓇᓗᓇᐃᒃᑯᑎᓂᓪᓗ ᑲᑎᒪᔨᐅᓂᐊᖅᑐᓂᒃ (HSMBC).

ᑭᒃᑰᓂᖏᓐᓂ ᓇᓗᓇᐃᖅᑕᑦ

ᐳᓈᑦ ᑎᐅᕆᐊᑦ
ᑲᑎᒪᔩᑦ ᐃᔅᓯᕙᐅᑕᖓ ᐊᒻᒪᓗ ᑭᒡᒐᖅᑐᐃᔨ ᓅ ᐳᕌᓐᓱᐃᒃᒧᑦ

ᐳᓈᑦ ᑎᐅᕆᐊᑦ ᐱᑐᖃᓕᕆᔨᐅᔪᖅ, ᖃᐅᔨᓴᖅᑎ, ᑎᑎᕋᖅᑎ ᐅᓂᒃᑳᓕᐅᖅᑎ ᐱᕙᓪᓕᐊᔪᓄᑦ. ᒪᐃᔭᐅᓯᒪᔪᖅ ᑐᕋᖁᑦᒥ (Caraquet), ᓅ ᐳᕌᓐᓱᐃᒃᒥ, ᒪᐃᒥᓂᑦ 2021. ᓄᓇᓕᖓ ᐱᓕᕆᖃᑕᐅᑦᑎᐊᑉᐸᑦᑐᖅ ᑭᓱᑐᐃᓐᓇᕐᓂᑦ ᐃᓕᓐᓂᐊᕈᑎᓕᕆᓂᕐᒨᖓᔪᓂᒃ ᐅᐃᕖᒻᒦᓐᖔᖅᑐᓂᒃ, ᒪᑯᓂᖓᓗ ᑲᓇᑕᒥ ᐊᓪᓚᖏᓐᓂ ᐊᒻᒪᓗ, ᐱᓗᐊᖅᑐᒥᑦ, ᑲᓇᑕᒥ ᖃᓄᐃᑦᑑᖃᑦᑕᖅᓯᒪᓂᖏᓐᓂ.

ᑎᐅᕆᐊᑦ ᖃᓄᐃᑦᑐᑐᐃᓐᓇᕐᓂᑦ ᐃᖅᑲᓇᐃᔮᖃᖅᓯᒪᔪᖅ ᑭᒃᑯᑐᐃᓐᓇᕐᓄᑦ ᑎᒥᐅᔪᓄᑦ, ᒪᑯᓂᖓᓗ ᐊᖏᔪᖅᑳᖑᓯᒪᓪᓗᓂ ᓯᕗᓕᖅᑎᒻᒪᕆᐅᑉ ᐊᓪᓚᕕᖓᓐᓂ ᐊᒻᒪᓗ ᐊᐅᓚᑦᑎᔨᐅᓯᒪᓪᓗᓂ ᓄᓇᖃᖅᑳᖅᑐᒥᓂᕐᓂᑦ ᐃᖃᓗᓕᕆᓂᕐᒥᑦ ᐃᒪᕐᒥᐅᑕᓕᕆᔨᒃᑯᓐᓄᑦ ᑲᓇᑕᒥ. ᑎᐅᕆᐊᑦ ᒪᓕᒐᓕᐅᖅᑎᐅᖃᑕᐅᓯᒪᓪᓗᓂᓗ ᒪᓕᒐᓕᐅᕐᕕᔾᔪᐊᒥ ᑐᕋᖁᑦᒥ (Caraquet). ᑕᐃᔅᓱᒪᓂᔅᓴᐃᓐᓇᖅ, ᒥᓂᔅᑕᐅᓚᐅᖅᓯᒪᒻᒥᔪᖅ ᐱᕈᖅᑐᓕᕆᓂᕐᒥᑦ ᐃᖃᓗᓕᕆᓂᕐᒥᓪᓗ, ᒥᓂᔅᑕᐅᓪᓗᓂᓗ ᒐᕙᒪᓕᕆᔨᒃᑯᓐᓂ, ᒥᓂᔅᑕᐅᑲᐃᓐᓇᖅᑐᓂᓗ ᐃᓕᓐᓂᐊᖅᑐᓕᕆᔨᐅᓂᕐᒧᑦ. ᐃᖅᑲᓇᐃᔭᕆᐊᓯᖅᑳᓚᐅᖅᓯᒪᔪᖅ ᐱᑐᖃᓕᕆᔨᐅᓪᓗᓂ, ᐱᑕᖃᕐᓂᑦ ᓴᓗᒻᒪᖅᓴᐃᔨᐅᓪᓗᓂ ᑲᒪᔨᐅᓪᓗᓂᓗ ᐊᐅᓚᑦᑎᔨᐅᓪᓗᓂᓗ ᓄᓇᑐᖃᕐᓂᑦ ᐱᑐᖃᓕᕆᓂᕐᒥᑦ ᐅᐃᕖᓐᓃᓐᖔᖅᓯᒪᔪᓂᒃ ᑐᕋᖁᑦᒥ (Caraquet). ᑎᐅᕆᐊᑦ ᐸᐃᑉᐹᓕᒃ ᓴᓇᓐᖑᐊᖅᑐᓕᕆᓂᕐᒥᑦ ᐱᑐᖃᕐᓂᓪᓗ ᓯᓚᑦᑐᖅᓴᕐᕕᔾᔪᐊᒥ ᒪᒻᑦᑕᒻᒥ.

ᐱᑐᖃᕐᓂᑦ ᖃᐅᔨᒪᑦᑎᐊᖅᑐᐊᓗᒃ, ᓄᓇᓕᕐᔪᐊᕗᑦ ᐃᓕᓴᖅᓯᓯᒪᒋᐊᖃᕐᖓᑕ ᐃᓄᑦᑎᓐᓂ, ᖃᓄᐃᓘᕐᓂᐅᖃᑦᑕᖅᓯᒪᔪᓂᒃ ᓇᒥᐅᓐᓂᕐᒪᖔᑕᓗ ᑕᒪᓐᓇ ᐅᕙᑦᑎᓐᓄᑦ ᐃᓚᒋᖃᓯᐅᑎᒻᒪᑕ ᑕᒫᓂᒥᐅᑕᐅᑎᓪᓗᑕ. ᓅ ᐳᕋᓐᓱᐃᒃ ᑭᒡᒐᖅᑐᐃᔨᐅᓗᖓ, ᐱᖃᑕᐅᔪᓐᓇᕋᒪ ᖁᕕᐊᓪᓚᕆᑦᑐᖓ ᑲᑎᒪᔨᕋᓛᖑᓂᐊᖅᑐᓂᒃ ᐅᐱᒍᓲᑎᓕᓐᓄᑦ.

ᐸᐃᑉᐹᓕᒃ ᓯᑏᕙᓐ ᐋᔾᔨ
ᑭᒡᒐᖅᑐᐃᔨ ᐊᓐᑎᐅᕆᔪᒧᑦ

ᐸᐃᑉᐹᓕᒃ ᓯᑏᕙᓐ ᐋᔾᔨ ᐃᓕᓴᐃᔨᐅᔪᖅ ᓯᓚᑦᑐᖅᓴᕐᕕᔾᔪᐊᕐᒥ ᑲᑎᒪᔨᐅᓂᕐᒥᑦ ᐊᖏᔪᖅᑲᐅᑎᓂᒃ, ᐅᐊᑦᑎᐊᕈᕐᓂᓴᕐᓂᑦ, ᑲᑎᒪᔨᓕᕆᓂᕐᒥᓪᓗ ᑳᕈᑕᓐ ᓯᓚᑦᑐᖅᓴᕐᕕᔾᔪᐊᖓᓐᓂ ᐋᑐᕚᒥ, ᓴᖅᑮᖃᑕᐅᓯᒪᓪᓗᓂ ᑲᓚᐃᑕ ᕋᓐᑐ (Clayton H. Riddell) ᐱᔭᕇᖅᓯᕙᑦᑐᓂᒃ ᑲᑎᒪᔨᐅᓂᕐᒧᑦ ᐊᖏᔪᖅᑲᐅᑎᓂᒃ. ᐊᖏᔪᖅᑳᒻᒪᕆᐅᖃᑕᐅᔪᖅ ᐱᐅ ᑯᕌᒻ ᑐᑦᑕᕐᕕᖓᓐᓄᑦ ᐅᓪᓗᒥᓕᓴᕐᓂᑦ ᓯᓚᕐᔪᐊᒥ ᐅᐊᑦᑎᐊᕈᕐᓂᓴᓕᕆᓂᕐᒥᑦ ᓯᓚᑦᑐᖅᓴᕐᕕᔾᔪᐊᖓᓐᓂ ᑐᕌᓐᑐᒥ.

ᐸᐃᑉᐹᓕ ᐋᔾᔨ ᐅᖃᓕᒫᒐᕐᓂᑦ ᓴᖅᑮᓯᒪᔪᖅ ᑲᓇᑕᐅᑉ ᖃᓄᐃᑦᑑᖃᑦᑕᖅᓯᒪᓂᖏᓐᓂ, ᐅᓂᒃᑳᖃᕐᓂᖅᓴᐅᓪᓗᓂ ᑲᑎᒪᔨᐅᓂᕐᒥᑦ, ᐃᓱᒪᓇᓱᕐᓂᕐᒥᑦ, ᐊᒻᒪᓗ ᓯᓚᕐᔪᐊᓕᕆᓂᕐᒥᑦ. ᒫᓐᓇᕈᓗᒃ ᐱᖓᔪᐊᓐᓂ ᐅᖃᓕᒫᒐᓕᐅᕋᑖᓚᐅᕐᒥᔪᖅ ᐅᖃᐅᓯᑐᖃᐃᑦ ᑐᑭᖏᓐᓂ ᑲᓇᑕᒥ. ᐃᔅᓯᕙᐅᑕᐅᖃᑦᑕᖅᓯᒪᒻᒥᔪᖅ ᓯᓚᑦᑐᖅᓴᕐᕕᔾᔪᐊᒥ ᑲᑎᒪᔨᓛᖏᓐᓄᑦ ᑳᕈᑕᓐ ᐊᒻᒪᓗ ᓗᐊᕋᑦᑕ ᓯᓚᑦᑐᖅᓴᕐᕕᔾᔪᐊᖏᓐᓂ, ᐃᓐᓄᕐᓂᑦ ᑲᑎᒪᔨᐅᖃᑕᐅᓯᒪᒻᒥᔪᖅ ᑲᑎᒪᔨᐅᓪᓗᓂᓗ ᓗᐊᕋᓐᑕᓐᒻ, ᐊᒻᒪᓗ ᐱᔭᕇᖅᓯᓯᒪᓪᓗᓂ ᑲᓚᐃᑕᓐ ᕋᑎᐅ ᐱᔭᕇᖅᐸᑦᑐᓄᑦ ᐃᓕᓐᓂᐊᕈᑎᒥᑦ ᐅᑭᐅᓄᑦ ᐱᖓᓲᔪᖅᑐᓄᑦ. ᐸᐃᑉᓕ ᐋᔨ ᓯᓚᑦᑐᖅᓴᕐᕕᔾᔪᐊᖓᓐᓂ ᐅᐊᑐᓗᒥᑦ.

ᖁᕕᐊᓪᓚᕆᑦᑐᖓ ᐱᔨᑦᑎᕋᕈᓐᓇᖅᓯᒪᒐᒪ ᓄᓇᑐᖃᓐᓂᑦ ᓇᓗᓇᐃᒃᑯᑎᓂᓪᓗ ᑲᑎᒪᔨᐅᖃᑕᐅᓪᓗᖓ ᑲᓇᑕᒥ. ᑲᑎᒪᔩᑦ ᖃᐅᔨᒪᔭᐅᑦᑎᐊᕐᖓᑕ ᑐᖅᑯᖅᓯᒪᑎᑦᑎᑦᑎᐊᖃᑦᑕᕐᓂᖏᓐᓂ ᐅᐊᑦᑎᐊᕈᕐᓂᓴᕐᓂᑦ ᑲᓇᑕᒥᐅᑕᕐᓄᑦ. ᐱᖃᑕᐅᓂᐊᕐᓂᓐᓂᑦ ᑲᒪᖃᑕᐅᓂᐊᕐᓂᓐᓂᓪᓗ ᕿᓚᓈᑦᑎᐊᖅᑯᖓ.

Hᐊᐅᕆ Hᐅᓪᒪᓐ
ᑭᒡᒐᖅᑐᐃᔨ ᐳᕆᓐᔅ ᐃᐊᑦᕗᑦ ᐊᐃᓚᒧᑦ

ᕼᐊᐅᕆ ᐳᑐᓪᒪᓐ ᖃᐅᔨᓴᖅᑎᐅᔪᖅ ᐃᒻᒥᒃᑯᖅᑐᖅ ᐃᓕᓴᐃᔨᐅᖃᑦᑕᖅᑐᓂ ᖃᐅᔨᓴᖅᑐᓕᕆᓂᕐᒥᑦ ᑲᓇᑕᒥ ᐃᒪᕐᒥ ᐃᖏᕐᕋᓂᐅᖃᑦᑕᖅᓯᒪᔪᓂᓪᓗ ᐱᑐᖃᕐᓂᑦ. ᐃᑦᑕᕐᓂᓴᓕᕆᓂᕐᒥᑦ ᓂᓪᓕᐊᔨᐅᖃᑦᑕᖅᑐᓂ, ᐊᐅᓚᑦᑎᐅᔨᖃᑦᑕᖅᑐᓂᓗ ᐅᐊᑦᑎᐊᕈᕐᓂᓴᕐᓂᑦ ᐊᑐᐃᓐᓇᐅᑎᑕᐅᔪᓂᒃ, ᐊᒻᒪᓗ ᐅᐊᑦᑎᐊᕈᕐᓂᓴᓂᑦ ᖃᐅᔨᓴᖃᑦᑕᖅᓯᒪᓪᓗᓂ ᐅᑭᐅᓄᑦ 50−ᐅᓗᐊᖅᑐᓄᑦ, ᒫᓐᓇᓕᓴᖅ ᐃᑦᑕᕐᓂᓴᓕᕆᔨᒻᒥ ᐊᐅᓚᑦᑎᔨᐅᓚᐅᖅᑐᖅ ᐳᕆᔅ ᐃᐊᑦᕗᑦ ᐊᐃᓚᒥᑦ. ᑲᑎᒪᔨᐅᖃᑕᐅᖃᑦᑕᖅᓯᒪᓪᓗᓂᓗ ᐳᕆᓐᔅ ᐃᐊᑦᕗᑦ ᐊᐃᓚᒥ ᑕᑯᔭᒐᖃᕐᕕᖓᓂ ᐃᑦᑕᕐᓇᓕᕆᔨᒃᑯᓪᓗ ᑲᑎᒪᔨᖏᓐᓄᑦ.

ᐃᓚᒋᔭᐅᖃᑕᐅᒻᒥᔪᖅ ᒫᓐᓇ ᐃᑦᑕᕐᓂᓴᓕᕆᕕᓐᓄᑦ ᑲᑐᔾᔨᖃᑎᒌᓐᓄᑦ ᐱᓗᐊᖅᑐᒥᓪᓗ ᐅᐱᒋᔭᖃᑦᑎᐊᕐᒥᔪᖅ ᐃᓚᒋᔭᐅᒻᒪᑦ ᒐᕙᒪᑐᖃᒃᑯᓐᓄᑦ, ᑲᓇᑕᒥ ᐊᕕᑦᑐᖅᓯᒪᔪᓄᑦ ᐅᑭᐅᖅᑕᖅᑐᒥᓪᓗ ᓄᓇᑐᖃᒥᓂᕐᓄᑦ ᐱᒋᐊᕈᑕᐅᓯᒪᔪᓂᒃ. ᐃᓚᒋᔭᐅᖃᑕᐅᓯᒪᓪᓗᓂᓗ ᐱᓕᕆᔨᒻᒪᕆᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᑲᓇᑕᒥ ᐅᖃᐅᔾᔨᒋᐊᖅᑎᓄᑦ ᑲᑎᒪᔨᓄᑦ ᓴᓴᐃᔭᑎᒃᑯᓐᓄᑦ (Osgoode Society), ᑲᑎᒪᔨᐅᖃᑕᐅᔪᓂᑦ ᓴᓇᓐᖑᐊᒐᖃᕐᕕᓐᓄᑦ, ᕚᓐᑰᕗᒥ ᐱᓐᖑᐊᕕᔾᔪᐊᕐᓂᕐᒧᑦ ᓯᓚᕐᔪᐊᒥ ᐱᖅᑯᓯᓕᕆᓂᕐᒥᑦ ᐃᑲᔪᖅᓯᒪᓪᓗᓂ, ᐊᒻᒪᓗ ᑲᑎᒪᔨᐅᖃᑕᐅᓯᒪᓪᓗᓂ ᐱᒋᐊᖅᑕᐅᓯᒪᔪᓂᒃ ᑐᑦᑕᕕᒻᒥ (Pavilion). ᐃᓕᓐᓂᐊᑎᑦᑎᒍᑎᒋᖃᑦᑕᖅᑕᖏᑦ ᐃᓕᓐᓂᐊᑲᐃᓐᓇᑐᓐᓄᓪᓗ ᐅᐊᑦᑎᐊᕈᕐᓂᓴᕐᓂᑦ ᒪᓕᒐᓕᕆᓂᕐᒥᓪᓗ ᓯᓚᑦᑐᖅᓴᕐᕕᔾᔪᐊᖓᓐᓂ ᐊᐅᐴᑕ ᐊᒻᒪᓗ ᑯᐃᓐ ᓯᓚᑦᑐᖅᓴᕐᕕᔾᔪᐊᖓᓐᓂ ᑭᖕᓐᑕᓐᒥ. ᑲᓇᑕᒥᓗ ᑭᒡᒐᖅᑐᐃᖃᑦᑕᖅᓯᒪᒻᒥᔪᖅ ᓈᒻᒪᓴᓐᖏᑦᑐᓂᑦ ᐃᓚᒋᔭᐅᖃᑦᑕᖅᓯᒪᔪᖅ ᐳᕆᓐᔅ ᐃᐊᑦᕗᑦ ᐊᐃᓚᒥ.

ᑲᓇᑕᐅᑉ ᐅᐊᑦᑎᐊᕈᕐᓂᓴᖏᑦ ᓄᐊᑕᐅᕙᑦᑐᑦ ᓴᖅᑭᔮᖅᑎᑦᑕᐅᓪᓗᑎᓪᓗ ᓄᓇᑐᖃᕐᓂᑦ ᓇᓗᓇᐃᒃᑯᑕᐅᓯᒪᔪᓂᓪᓗ ᑲᑎᒪᔨᖏᓐᓄᑦ ᐱᒻᒪᕆᐅᒻᒪᑦ ᐃᑲᔪᕆᐊᖃᕋᑦᑕ ᑲᓇᑕᒥᐅᑕᕐᓂᑦ ᐃᓕᓐᓂᐊᑎᑦᑎᓗᑕ ᐅᐊᑦᑎᐊᕈᕐᓂᓴᕐᓂᑦ ᐅᓪᓗᒥᓕᓴᕐᓄᑦ ᓯᕗᓂᑦᑎᓐᓄᑦ ᑎᑭᓪᓗᒍ. ᑲᑎᒪᔨᐅᓪᓗᓂ ᐊᔅᓱᕉᑎᖃᖃᑦᑕᖅᓯᒪᒐᑦᑕ ᐊᒥᓱᓂᑦ ᐅᓂᒃᑳᕗᑦ ᑐᑭᓯᑎᑦᑎᔾᔪᑎᒋᓇᓱᐊᖅᑐᑎᒍ ᖃᓄᑐᐃᓐᓇᑦᑎᐊᖅ ᓴᓐᖏᓂᕆᔭᕗᑦ ᑕᒪᓐᓇ ᑲᓇᑕᒥᐅᑕᐅᓪᓗᑕ.

 

ᐹᓗᕆ ᑯᐊᕆᓂᖅ
ᑭᒡᒐᖅᑐᐃᔨ ᓴᔅᑳᑦᓱᐊᒧᑦ

ᐸᐃᑉᐹᓕᒃ ᕚᓗᕆ ᑯᐊᕆᓂᖅ ᐃᓕᓴᐃᔨᐅᔪᖅ (A.S. Morton Professor) ᐅᐊᑦᑎᐊᕆᕐᓂᓴᕐᓂᑦ ᓯᓚᑦᑐᖅᓴᕐᕕᖓᓐᓂ ᓵᔅᑳᑦᓱᐊᓐ. ᐃᓕᓴᕆᔭᐅᓯᒪᓪᓗᓂ ᐃᓕᓴᐃᔨᐅᓂᖓᓐᓂᑦ ᖃᐅᔨᓴᖅᑎᒻᒪᕆᐅᓪᓗᓂ ᐃᓕᓴᐃᔨᐅᓯᒪᒻᒥᔪᖅ, ᐃᓕᓴᕆᔭᐅᔾᔪᑎᑖᓚᐅᖅᓯᒪᔪᖅ (Provost’s Award) ᐃᓕᓴᐃᔨᑦᑎᐊᕙᐅᓂᖓᓐᓄᑦ ᓯᓚᑦᑐᖅᓴᕐᕕᒻᒥ ᓴᓇᓐᖑᐊᖅᑐᓕᕆᓂᕐᒥᑦ ᖃᐅᔨᓴᖅᑐᓕᕆᓂᕐᒥᓪᓗ. ᐃᓕᓐᓂᐊᑎᑦᑎᔾᔪᑎᒋᖃᑦᑕᖅᑕᖏᑦ ᖃᐅᔨᓴᕐᓂᒃᑯᑦ ᐃᓕᓴᕆᔭᐅᖃᑦᑕᖅᓯᒪᒻᒥᔪᖅ ᕈᐃᔪ ᓴᓴᐃᔭᑎᒃᑯᖏᓐᓂ (Royal Society) ᑲᓇᑕᒥ.

ᐸᐃᑉᐹᓕᒃ ᑯᐊᕆᓂᖅ ᐅᖃᓕᒫᒐᕐᓂᑦ ᓴᖅᑮᓯᒪᔪᖅ ᐅᓪᓗᒥᓕᓴᕐᓂᑦ ᑕᐃᒪᐃᑦᑑᖃᑎᒌᓐᓂᕐᒥᑦ ᐅᐊᑦᑎᐊᕈᕐᓂᓴᕐᓂᑦ ᐅᓂᒃᑳᖃᖅᑐᓂ. ᐅᖃᓕᒫᒐᖓ ᐃᒪᐃᑦᑑᓪᓗᓂ ᒫᓐᓇᓕᓴᖅ, ᐊᕐᓇᐅᔭᐃᑦ (Prairie Fairies): ᐊᕐᓇᐅᔭᐃᑦ ᐊᖑᑕᐅᔭᐃᓪᓗ ᖃᓪᓗᓈᑦ ᑲᓇᑕᒥ 1930-1985 (2018) ᐃᓕᓴᕆᔭᐅᓯᒪᓪᓗᓂ ᑭᓕᐅ (Clio Award) ᑲᓇᑕᒥᐅᑕᕐᓂᑦ ᐅᐊᑦᑎᐊᕈᕐᓂᓴᕐᓂᑦ ᑲᑐᔾᔨᖃᑎᒌᓐᓂᒃ ᐅᖃᓕᒫᒐᐅᑦᑎᐊᕙᐅᓂᖓᓐᓄᑦ ᐅᐊᑦᑎᐊᕈᕐᓂᓴᕐᓂᑦ ᓄᓇᒥ ᐊᒻᒪᓗ ᐅᖃᓕᒫᒐᑦᑎᐊᕙᐅᓂᖓᓐᓄᑦ ᑲᓇᑕᒥᐅᑕᕐᓂᑦ ᑲᑎᒪᔨᕋᓛᖏᓐᓂ ᐊᕐᓇᓄᑦ ᐊᖑᑎᓄᓪᓗ ᐅᐊᑦᑎᐊᕈ ᖃᓄᐃᑦᑑᖃᑦᑕᓂᕐᒪᖓᑕ. ᐃᑲᔪᖃᑦᑕᓲᖅ ᓄᓇᓕᓐᓂᑦ, ᐊᕕᑦᑐᖅᓯᒪᔪᓂᒃ ᑲᓇᑕᒥᓪᓗ ᐊᕕᑦᑐᖅᓯᒪᔪᓂᒃ ᑲᑐᔾᔨᖃᑎᒌᓐᓂᒃ. ᑲᑎᒪᔨᐅᓕᓂᑐᖄᓗᒃ ᑲᑎᒪᔨᕋᓛᖑᓂᕐᒥᓪᓗ, ᐱᔨᑦᑎᕋᖃᑦᑕᖅᑐᓯᒪᔪᖅ ᐅᐊᑦᑎᐊᕈᕐᓂᓴᕐᓂᑦ ᐃᖅᑲᓇᐃᔭᕐᕕᓐᓂᒃ, ᒫᓐᓇᕈᓗᒃ ᐅᑭᐅᓄᑦ ᐱᖓᓱᓄᑦ ᐃᓕᓯᒪᓚᐅᕐᒥᔪᖅ ᐊᖏᔪᖅᑳᒻᒪᕆᐅᓪᓗᓂ ᓯᓚᑦᑐᖅᓴᕐᕕᒻᒥ ᓴᓇᓐᖑᐊᖅᑐᓕᕆᓂᕐᒥᑦ ᖃᐅᔨᓴᖅᑐᓕᕆᓂᕐᒥᓪᓗ. ᐸᐃᑉᐹᖃᕆᓪᓗᓂᓗ ᖁᕝᕙᓯᓐᓂᖅᐹᖑᖃᑕᐅᔪᒥᑦ ᑲᓇᑕᒥ ᐱᑐᖃᓕᕐᓂᕐᒥᑦ ᓯᓚᑦᑐᖅᓴᕐᕕᔾᔪᐊᖓᓐᓂ ᑐᕌᓐᑐᒥ ᑲᓇᑕᒥ ᐱᖅᑯᓯᓕᕆᓂᕐᒥᑦ ᐊᕐᓇᓂᑦ ᐊᖑᑎᓂᓪᓗ ᐅᐊᑦᑎᐊᕈᕐᓂᓴᕐᓂ. ᓴᔅᑳᑦᓱᐊᒻᒥᐅᑕᐅᓕᖅᑐᖅ 1996−ᒥᓂᑦ.

ᐅᐱᒋᑦᑎᐊᖅᑕᕋ ᓴᔅᑳᑦᓱᐊᒻᒥ ᑭᒡᒐᖅᑐᐃᔨᐅᒋᐊᔅᓴᖅ ᓄᓇᑐᖃᖏᓐᓂ ᓇᓗᓇᐃᒃᑯᑎᓂᓪᓗ ᑲᑎᒪᔨᐅᒋᐊᔅᓴᖅ ᑲᓇᑕᒥ. ᑕᐃᒪᑦᑕᐅ HSMBC−ᑯᑎᑐᑦ, ᐃᓕᓐᓂᐊᑎᑦᑎᖃᑦᑕᕐᓂᑦ ᑲᓇᑕᒥᐅᑕᕐᓂᑦ ᓄᐊᑕᐅᓯᒪᔪᓂᒃ ᐅᐊᑦᑎᐊᕈᕐᓂᓴᕐᓂᑦ, ᑕᑯᔅᓴᐅᑎᓪᓗᒋᓪᓗ ᐱᒻᒪᕆᐊᓘᒻᒪᑕ. ᕿᓚᓈᑦᑎᐊᖅᑐᖓ ᐱᓕᕆᖃᑎᖃᑦᑕᕆᐊᔅᓴᖅ ᑲᑎᒪᔨᓂᒃ ᓴᐃᒻᒪᖃᑎᒌᓐᓂᒥᓪᓗ ᐅᔾᔨᕈᓱᑎᑦᑎᓪᓕᓂᕐᒥᓪᓗ ᐃᓕᓴᕆᔭᐅᓐᖏᓗᐊᖃᑦᑕᕐᖓᑕ ᐃᓄᐃᑦ, ᓇᒦᓐᓂᖏᑦ ᖃᓄᐃᓘᕐᓂᖏᓪᓗ ᑲᓇᑕᒥ ᐅᐊᑦᑎᐊᕈᕐᓂᓴᐅᔪᓂᒃ.

ᔭᓯᑲ ᑰᑦᑎᖅ
ᑭᒡᒐᖅᑐᐃᔨ ᓄᓇᕗᒻᒧᑦ

ᔭᓯᑲ ᑰᑦᑎᖅ ᐊᐅᓚᑦᑎᔨᐅᓯᒪᔪᖅ ᐱᑐᖃᓕᕆᓂᕐᒥᑦ ᓄᓇᑦᑕ ᓱᓇᒃᑯᑖᖃᕐᕕᖓᓐᓂ ᑕᑯᔭᒐᖃᕐᒃᕕᒻᒥ ᐃᖃᓗᓐᓂ 2019−ᒥᓂᑦ. ᐱᓕᕆᐊᓄᑦ ᐊᐅᓚᑦᑎᔨᐅᖃᑕᐅᕋᑖᓚᐅᖅᑐᖅ ᓄᓇᕗᒻᒥ ᑕᕐᕆᔮᔅᓴᓕᕆᔨᒃᑯᓐᓂ ᑯᐊᐳᕇᓴᒃᑯᓐᓂ. ᑰᑦᑎᖅ ᐃᓄᒃ ᐃᓚᖃᖅᑐᓂ ᐃᒡᓗᓕᒻᒥᐅᓂᒃ ᑕᑯᔭᒐᖃᕐᕕᒻᒥ ᐱᓕᕆᐊᖏᓐᓂ ᖁᕕᐊᒋᔭᖃᓪᓚᕆᑦᑐᖅ ᐱᐅᖅᓱᐊᕆᐊᖓ ᑲᒪᑦᑎᐊᕆᐊᖓᓗ ᐃᓄᐃᑦ ᓴᓇᐅᒐᑐᖄᓗᖏᓐᓂ. ᓇᒧᑐᐃᓐᓈᖃᑦᑕᖅᓯᒪᔪᖅ ᑲᓇᑕᒥ ᓯᓚᑖᓄᓪᓗ ᕿᒥᕐᕈᔭᖅᑐᖃᑦᑕᖅᓯᒪᓪᓗᓂ, ᒪᑯᓄᖓ ᐴᓐ (Bern), ᓱᐃᑦᓱᓚᓐ (Switzerland), ᐊᒻᒪᓗ ᑰᐸᓐᕼᐊᒐᓐ (Copenhagen), ᑕᓐᒪᒃ (Denmark).

ᑰᑦᑎᖅ ᒫᓐᓇ ᑲᑎᒪᔨᐅᖃᑕᐅᔪᖅ ᐊᔾᔨᒌᓐᖏᑦᑐᓄᑦ ᓲᕐᓗ ᐊᓕᐊᓇᐃᑦ ᑕᑯᓐᓈᑎᑦᑎᖃᑦᑕᖅᑐᓂᒃ ᑲᑎᒪᔨᖏᓐᓄᑦ, ᐃᑦᑕᕐᓂᓴᓕᕆᔩᑦ ᑲᑎᒪᔨᖏᓐᓄᑦ ᓄᓇᕗᒻᒥ, ᓄᓇᖃᖅᑳᖅᓯᒪᔪᓂᒃ ᐃᑦᑕᕐᓂᓴᓕᕆᓂᕐᒥ ᑲᑎᒪᔨᖏᓐᓄᑦ, ᐃᓄᐃᑦ ᓯᕗᒃᑲᑕᖅᑏᑦ ᐃᓄᓐᓄᑦ ᓯᕗᓂᔅᓴᖃᕐᓂᕐᒧᑦ ᓴᓇᓐᖑᐊᖅᑐᓕᕆᓂᕐᒥᑦ ᑐᓂᕐᕈᓯᖃᑦᑕᓱᕐᓂᑦ ᑮᓇᐅᔭᓂᒃ, ᐊᐅᓪᓚᖃᑦᑕᕐᓗᑎᑦ ᓄᓇᕗᒻᒧᑦ ᑲᑎᒪᔨᖏᓐᓄᑦ, ᐃᓄᐃᑦ ᓴᓇᓐᖑᐊᒐᕐᓂᑦ ᐃᑦᑕᕐᓂᓴᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓄᑦ ᐊᒻᒪᓗ ᕈᐃᔪ ᑲᓇᑕᒥᐅᑕᕐᓄᑦ ᓄᓇᐃᑦ ᓴᓴᐃᔭᑎᒃᑯᖏᓐᓄᑦ. ᐸᐃᑉᐸᖃᖃᑕᔪᖅ ᑕᕐᕆᔮᔅᓴᓕᕆᓂᕐᒧᑦ ᔪᐊᒃ ᓯᓚᑦᑐᖅᓴᕐᕕᔾᔪᐊᖓᓐᓂ ᐊᒻᒪᓗ ᐸᐃᑉᐸᖃᖅᑐᓂ ᓄᐊᑦᑎᓂᕐᒧᑦ ᐊᐅᓚᑦᑎᔨᐅᓂᕐᒧᑦ ᐱᐅᖅᓱᐊᓂᕐᓂᓪᓗ ᐸᓚᒥᖕ (Fleming) ᓯᓚᑦᑐᖅᓴᕐᕕᖓᓐᓂ.

ᖁᕕᐊᑦᑐᖓ ᐃᓚᒋᔭᐅᓂᐊᕋᒪ ᓄᓇᑐᖃᕐᓂᑦ ᐃᓕᓴᕆᔭᐅᓯᒪᔪᓂᓪᓗ ᑲᑎᒪᔨᐅᓂᕐᒧᑦ ᑲᓇᑕᒥ ᑭᒡᒐᖅᑐᐃᔨᐅᓗᖓ ᓄᓇᕗᒻᒧᑦ. ᐊᑦᑐᐃᑦᑎᐊᕐᓂᐊᕐᓂᖏᓐᓂ ᑕᑯᔅᓴᐅᑎᑦᑎᓂᐊᕐᓂᒥᓪᓗ ᐅᐊᑦᑎᐊᕈᕐᓂᓴᕐᓂᑦ ᕿᓚᓈᑦᑎᐊᖅᑐᖓ ᓴᖅᑮᑲᓐᓂᕐᓗᑎᓪᓗ ᐊᔭᐅᖅᑐᐃᑲᓐᓂᕐᓗᑎᓪᓗ ᓄᓇᓕᓐᓂᑦ.