ᑐᓴᓚᐅᖅᑕᕗᑦ: ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᒃ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ ᐅᖃᖃᑎᖃᕐᓂᐅᔪᒥ ᓇᐃᒡᓕᒋᐊᖅᓯᒪᔪᖅ

Parc national Quttinirpaaq

Français

ᐃᓗᓕᖏᑦ

1.0 ᐱᒋᐊᕐᓂᖓn

ᐅᓇ ᐅᓂᒃᑳᓕᐊᖅ ᑐᓂᓯᕗᖅ ᕿᒥᕐᕈᔭᐅᓂᐅᔪᒥ ᐅᖃᖃᑎᖃᓪᓚᕆᖕᓂᐅᔪᓂ ᐱᓕᕆᓂᐅᔪᒥ ᐱᓕᕆᐊᖑᔪᒥ ᐅᑯᓇᓂ ᐊᐅᔭᖅ 2022−ᒥ ᐊᒻᒪᓗ ᐅᑭᐅᖅ 2023−ᒧᑦ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᒃ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ. ᑐᓂᓯᕗᖅ ᓇᐃᓖᒋᐊᖅᓯᒪᓂᐅᔪᒥ ᐅᖃᐅᓯᒃᓴᓕᐊᓂ ᐅᖃᐅᓯᐅᔪᓄᑦ ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᓄᑦ ᐊᒻᒪᓗ ᖃᓄᖅ ᐅᖃᐅᓯᒃᓴᐃᑦ ᐃᓱᐊᓂ ᐊᔭᐅᕆᓚᐅᕐᓂᖏᓐᓂ ᑭᖑᓪᓕᖅᐹᖑᔪᒥ ᐱᓕᕆᐊᖑᔪᒥ.

2.0 ᒫᓐᓇᐅᔪᖅ ᖃᓄᐃᓕᖓᓂᖏᑦ

ᑲᓇᑕᒥ ᒥᕐᖑᐃᓯᕐᕕᖕᓄᑦ ᒪᓕᒐᖓ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᒍᔾᔨᔨᓄᑦ ᒪᓕᒐᖓ ᐱᔭᕆᐊᖃᖅᑎᑦᑎᓂᖓᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ ᐊᑐᓂ ᑲᓇᑕᒥ ᒥᕐᙳᐃᖅᓯᕐᕕᐅᔪᒧᑦ ᐊᒻᒪᓗ ᕿᒥᕐᕈᔭᐅᓗᓂ ᐊᕐᕌᒍᑦ ᖁᓕᑦ ᐊᓂᒍᑐᐊᕌᖓᑕ. ᐊᐅᓚᑦᑎᓂᕐᒧᑦ ᐸᕐᓇᐅᑎᑦ ᐱᕙᓪᓕᐊᑎᑕᐅᓲᖑᕗᑦ ᐅᖃᖃᑎᖃᕐᓂᒃᑯᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ, ᐱᓕᕆᖃᑎᒋᔭᐅᔪᓂ, ᐱᔪᒪᓂᖃᖅᑎᐅᔪᓂ, ᐊᒻᒪ ᐃᓄᓕᒫᓂ, ᐊᒻᒪ ᐱᔨᑦᑎᕋᓲᖑᕗᑦ ᐱᒻᒪᕆᐅᓪᓗᑎᒃ ᓵᙵᔪᒃᓴᐅᔪᓐᓇᕐᓗᓂ ᑎᑎᖅᑲᖁᑕᐅᓪᓗᓂ ᑲᓇᑕᒥᐅᓕᒫᓄᑦ ᐱᔾᔪᑎᖃᖅᑐᒥ ᐊᐅᓚᑦᑎᓂᐅᔪᒥ ᐃᓂᒋᔭᐅᔪᓂ ᐊᓪᓚᕝᕕᓕᕆᔭᐅᔪᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ.

ᐱᒻᒪᕆᐅᓂᖅᓴᐅᔪᒥ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓄᓇᕗᒻᒥ ᓄᓇᒥ ᑲᑎᙵᓂᐅᔪᓂ (NFU), ᐊᐅᓚᑦᑎᓂᕐᒧᑦ ᐃᑲᔪᖅᓱᐃᓲᖑᒋᕗᑦ ᐃᓱᒪᓕᐅᕆᓂᐅᔪᓂ ᑎᑭᐅᑎᓂᕐᒧᑦ ᐋᒃᑐᒐᒃᓴᐅᔪᓂ ᖃᓄᐃᓕᖓᓂᐅᔪᓄᑦ ᐊᑐᓕᖅᑎᑕᐅᓂᖓᓂ ᓄᓇᕗᒻᒥ ᐊᖏᕈᑎᖓᓂ ᐊᒻᒪ ᐊᑑᑎᓕᖕᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗᓂᑦ - ᐱᓕᕆᓂᐅᔪᒥ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖕᒥ, ᓇᓗᓇᐃᖅᑕᐅᓯᒪᔪᒥ ᐊᖏᕈᑕᐅᔪᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗᐅᕗᖅ ᐊᐅᔪᐃᑦᑐᕐᒥ ᖁᑦᑎᓂᖅᐹᖅ ᐊᒻᒪ ᓯᕐᒥᓕᒃ ᑲᓇᑕᒥ ᒥᕐᙳᐃᖅᓯᕐᕖᑦ (ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗᖓ). ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ ᐱᔭᕆᐊᖃᖅᑎᑦᑎᕗᖅ ᐊᐅᓚᑦᑎᓂᕐᒧᑦ ᐸᕐᓇᐅᑎᖏᓐᓂ ᐱᕙᓪᓕᐊᑎᑕᐅᓂᖏᓐᓂ ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᓂᑦ ᐃᓗᓕᖃᖅᑐᒥ ᓇᓕᒧᑦᑐᓂ ᐅᓄᕐᓂᐅᔪᓂ ᐃᓚᒋᔭᐅᔪᓂ ᑎᒃᑯᐊᖅᑕᐅᓯᒪᔪᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ (QIA). ᐅᕘᓇ ᐱᓕᕆᓂᐅᔪᒥ, ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐋᖅᑭᒃᓱᐃᕗᑦ ᑎᑎᕋᖅᓯᒪᓂᐅᔪᓂ, ᑕᑯᓐᓇᙳᐊᖅᑕᖏᑦ, ᐸᕐᓇᒍᑎᓂ, ᐊᒻᒪ ᑐᕌᒐᕆᔭᐅᔪᓂ ᒥᕐᙳᐃᖅᓯᕐᕕᖕᒧᑦ ᑐᙵᕕᖃᖅᑐᒥ ᓇᓂᔭᐅᓂᐅᔪᓂ “ᖃᓄᐃᓕᖓᓂᖓᓂ” ᖃᐅᔨᓴᐃᓂᐅᔪᒥ ᐊᒻᒪ ᐊᖏᓂᖓᓂ ᑐᓐᓂᖅᑯᑕᐅᔪᓂ.

2.1 ᐱᔾᔪᑎᓕᒃ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖕᒥ

ᐃᓂᖃᖅᑐᒥ ᐅᐊᖕᓇᒥ ᐊᐅᓱᐃᑦᑑᑉ ᕿᑭᖅᑖᓗᐊᓂ, ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓ ᑲᓇᑕᐅᑉ ᐅᐊᖕᓇᖅᐸᓯᓛᖑᔪᒥ ᒥᕐᙳᐃᖅᓯᕐᕕᐅᕗᖅ, ᑭᒡᒐᖅᑐᐃᔪᒥ ᑲᓇᖕᓇᕐᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᓱᕐᕋᒃᑕᐅᓯᒪᙱᑦᑐᒥ ᐊᕕᒃᑐᖅᓯᒪᓂᐅᕗᖅ ᑲᓇᑕᐅᑉ ᒥᕐᙳᐃᖅᓯᕐᕕᖕᒥ ᐱᓕᕆᔾᔪᓯᐅᔪᒥ ᐸᕐᓇᐅᑎᖓᓂ. ᓯᕗᓪᓕᕐᒥ ᓴᖅᑭᑎᑕᐅᓯᒪᓪᓗᓂ ᑲᓇᑕᒥ ᒥᕐᙳᐃᖅᓯᕐᕕᖕᒥ ᓴᓂᕐᕙᒃᑕᐅᓯᒪᓂᐅᔪᒥ 1988−ᒥ, ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᒃ ᓴᐳᔾᔨᓯᒪᕗᖅ 37,775km2, ᐊᒻᒪ ᑲᓇᑕᐅᑉ ᒪᕐᕈᒋᔭᐅᓪᓗᓂ ᐊᖏᓛᖑᕗᖅ ᑲᓇᑕᒥ ᒥᕐᙳᐃᖅᓯᕐᕕᐅᔪᓂ. ᖁᑦᑎᓂᖅᐸᑉ ᓄᓇᖓ ᐊᕙᓗᔭᐅᓯᒪᕗᖅ ᓯᕐᒥᓂᑦ ᐊᒻᒪ ᖃᖅᑲᓂᑦ ᐊᒻᒪ ᐃᓚᖃᖅᐳᖅ ᐊᔾᔨᒌᙱᕈᓘᔭᖅᑐᓂ ᓱᖏᐅᑎᓯᒪᓂᐅᔪᓂ ᐆᒪᔪᐃᑦ ᓄᖅᑭᐅᕐᕕᖓᓂ, ᐱᑎᑦᑎᔪᒥ ᓴᐳᔾᔨᓯᒪᓂᐅᔪᒥᐅᓄᐸᓗᒃᑐᓂ ᐊᔾᔨᒌᙱᕈᓘᔭᖅᑐᓂ ᐆᒪᔪᓂ ᐊᑕᐅᓯᕐᒥ ᐃᓂᐅᔪᒥ. ᑲᑎᙵᓪᓗᑎᒃ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪ ᐃᓄᐃᑦ ᐊᐅᓚᑦᑎᕗᑦ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ ᐅᕘᓇ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖑᔪᓄᑦ ᓇᓗᓇᐃᖅᑕᐅᓯᒪᓂᖓᓂ ᓄᓇᕗᒻᒥ ᐊᖏᕈᑎᖓᓂ ᐊᒻᒪᓗ ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ.

Resolute Bay / ᖃᐅᓱᐃᑦᑐᖅ

“the place with no dawn”

ᐃᓄᒋᐊᖕᓂᖓ: 183 (2021 ᑭᓪᓕᓯᓂᐊᕐᓂᕐᒥ)

ᖃᐅᓱᐃᑦᑐᖅ ᐊᑕᐅᓯᐅᓪᓗᓂ ᐅᐊᖕᓇᖅᐸᓯᐅᓛᖑᖃᑕᐅᔪᒥ ᐃᓄᖃᖅᑐᒥ ᓄᓇᓕᐅᕗᖅ (ᒪᕐᕈᒋᔭᐅᓪᓗᓂ ᐊᐅᓱᐃᑦᑐᕐᒧᑦ). ᐃᓂᖃᖅᖢᓂ ᒪᕐᕈᓕᕿᒥ, ᐃᓄᒋᐊᖕᓂᖓ is 83% ᐃᓄᐃᑦ ᐊᒻᒪ 65.6% ᐃᓄᒃᑎᑐᑦ-ᐅᖃᓪᓚᓲᖑᔪᓂ. ᑕᐃᒪᐃᒐᔪᖕᓂᖓᓂ ᐅᑭᐅᕆᔭᐅᔪᖅ 27.8−ᖑᕗᖅ.

Grise Fiord / ᐊᐅᓱᐃᑦᑐᖅ

“the place that never thaws”

ᐃᓄᒋᐊᖕᓂᖓ: 144 (2021 ᑭᓪᓕᓯᓂᐊᕐᓂᕐᒥ)

ᐃᓄᖃᖅᑐᒥ ᐊᐅᓱᐃᑦᑑᑉ ᕿᑭᖅᑖᓗᐊᓂ, ᐊᐅᓱᐃᑦᑐᕐᒥ ᐅᐊᖕᓇᖅᐸᓯᐅᓛᖑᔪᒥ ᐃᓄᖃᖅᑐᒥ ᓄᓇᓕᐅᕗᖅ ᑲᓇᑕᒥ. ᐃᓄᒋᐊᖕᓂᖓ is 93% ᐃᓄᐃᑦ ᐊᒻᒪ 77.5% ᐃᓄᒃᑎᑐᑦ-ᐅᖃᓪᓚᓲᖑᔪᓂ. ᑕᐃᒪᐃᒐᔪᖕᓂᖓᓂ ᐅᑭᐅᕆᔭᐅᔪᖅ 30.9−ᖑᕗᖅ.

3.0 ᐅᖃᖃᑎᖃᕐᓂᕐᒥ ᐊᒻᒪ ᐃᓚᐅᑎᑦᑎᓂᕐᒥ ᐱᓕᕆᓂᐅᔪᖅ

ᖃᓄᐃᓕᖓᓂᖓᓂ ᒥᕐᙳᐃᖅᓯᕐᕕᖕᒥ ᖃᐅᔨᓴᐃᓂᐅᔪᒥ ᐊᒻᒪᓗ ᐊᖏᓂᖓᓂ ᑐᓐᓂᖅᑯᑕᐅᔪᒥ - ᑭᖑᓪᓕᖅᐹᖑᔪᒥ ᐱᓕᕆᓂᐅᔪᓂ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ ᐱᓕᕆᓂᐅᔪᓂ - ᐱᔭᕇᖅᑕᐅᓚᐅᖅᐳᑦ 2018−ᒥ ᐊᒻᒪ 2019−ᒥ ᒪᓕᖃᑦᑕᐅᑎᔪᒥ. ᐅᑯᐊ ᑎᑎᖅᑲᖁᑕᐅᔪᑦ ᑐᓂᓯᕗᖅ ᑐᙵᕕᐅᔪᒥ ᐱᒻᒪᕆᐅᔪᓂ ᐊᑲᐅᙱᓕᐅᕈᑕᐅᔪᓂ ᐊᒻᒪ ᐱᕕᒃᓴᖃᕐᓂᐅᔪᓂ ᑭᐅᔭᕆᐊᓕᖕᓂ ᓄᑖᖑᔪᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ. ᐊᐅᓚᑦᑎᔪᓐᓇᕐᓂᕐᒧᑦ ᑐᑭᖃᑦᑎᐊᖅᑐᓂ ᐱᕕᒃᓴᖃᕐᓂᐅᔪᓂ ᐃᑲᔪᖅᓱᐃᓂᕐᒧᑦ ᐱᕙᓪᓕᐊᑎᑕᐅᓂᖓᓂ ᓄᑖᖑᔪᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒧᑦ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᒃ, ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐱᕙᓪᓕᐊᑎᑦᑎᓚᐅᖅᐳᑦ ᐃᓚᐅᑎᑦᑎᓂᐅᔪᒥ ᐸᕐᓇᐅᑎᒥ ᐱᓇᓱᐊᕐᓂᕐᒥ ᐅᖃᐅᓯᒃᓴᓂ ᐃᓄᖕᓂ - ᐱᓗᐊᖅᑐᒥ ᓴᓂᓕᐊᓂ ᓄᓇᓕᐅᔪᓂ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ - ᒐᕙᒪᒃᑯᑦ ᐱᓕᕆᖃᑕᐅᔪᓂ, ᐱᓕᕆᔪᒪᔪᓄᑦ, ᐊᒻᒪ ᑕᒪᐃᑎᒍᑦ ᐃᓄᓕᒫᓂ. ᐃᓚᐅᑎᑦᑎᓂᐅᔪᒥ ᐸᕐᓇᐅᑎ ᓇᓗᓇᐃᖅᓯᓚᐅᖅᐳᖅ ᒪᕐᕉᖕᓂ ᐱᒻᒪᕆᐅᔪᓂ ᐱᓕᕆᓂᐅᔪᓂ, ᐅᓂᒃᑳᕆᓯᒪᓂᖓᓂ ᐃᓚᖏᓐᓂ ᐊᑖᓂ.

3.1 ᐱᓕᕆᓂᖓ I: ᐱᕙᓪᓕᐊᑎᑦᑎᓂᕐᒥ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ (ᐅᑭᐊᒃᓵᖅ 2018-ᐅᑭᐅᖅ 2019)

ᑕᐃᑲᓂ ᐱᕙᓪᓕᐊᑎᑦᑎᓂᕐᒥ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ, ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐱᓕᕆᓚᐅᖅᐳᑦ ᐃᓚᐅᑎᑦᑎᓵᓕᓂᖕᒥ ᐱᓕᕆᓂᐅᔪᓂ ᐅᖃᐅᓯᖃᕐᓂᕐᒥ ᐱᒻᒪᕆᐅᔪᓂ ᑕᐅᑐᙳᐊᖅᑕᐅᔪᓂ ᐃᓚᖏᓐᓂ, ᐅᖃᐅᓯᐅᓂᐅᔪᓂ, ᐊᒻᒪ ᐱᔪᒪᓂᖃᕐᓂᐅᔪᓂ ᖁᑦᑎᓂᖅᐸᑉ ᓄᑖᖑᔪᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ. ᐅᓇ ᐃᓚᐅᑎᑕᐅᓂᐅᔪᖅ ᐃᓗᓕᖃᓚᐅᖅᐳᖅ ᐅᐸᒃᓯᒪᔪᐃᓐᓇᐸᓗᖕᓂ ᑲᑎᒪᓂᐅᔪᓂ ᐱᒻᒪᕆᐅᔪᓂ ᐃᓄᖕᓂ ᐱᓕᕆᖃᑕᐅᔪᒪᔪᓄᑦ ᓄᓇᓕᖕᓂ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ (ᓲᕐᓗ, ᕼᐋᒻᓚᒃᑯᑦ ᑲᑎᒪᔨᐅᔪᓂ, ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐅᑦᑎᓪᓗ ᑲᑐᔾᔨᖃᑎᒌᖑᔪᓂ, ᐃᓄᑐᖃᕐᓂ, ᐊᒻᒪ ᓇᖕᒥᓂᖃᖅᑎᐅᔪᓂ), ᐊᒻᒪ ᐃᒻᒥᒃᑰᖅᑐᓂ ᑲᑎᒪᓂᐅᔪᓂ ᐊᓯᖏᓐᓂ ᒐᕙᒪᐅᔪᓂ ᐱᓕᕆᕝᕕᐅᔪᓂ ᐅᐸᒃᓯᒪᓪᓗᑎᒃ ᐅᕝᕙᓘᓐᓃᑦ ᖃᕋᓴᐅᔭᑎᒍᑦ. ᐆᒃᑑᑎᐅᔪᓂ ᐱᔪᒪᓂᖃᖃᑕᐅᔪᓄᑦ ᓴᖅᑭᑕᐅᓚᐅᖅᑐᓂ ᐅᑯᓇᓂ ᑲᑎᒪᓂᐅᔪᓂ ᐊᒻᒪ ᑲᑎᙵᓂᖏᓐᓂ(ᓄᑦ) ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᓇᓗᓇᐃᖅᑕᐅᓯᒪᕗᖅ ᐊᑖᓂ ᓇᓗᓇᐃᒃᑯᑕᖅ 1−ᒥ.

ᓇᓗᓇᐃᒃᑯᑕᖅ 1. ᐱᔪᒪᓂᖃᖃᑕᐅᔪᓂᑦ ᐅᖃᐅᓯᐅᔪᓂ ᐱᓕᕆᓂᖓ I−ᒥ ᐃᓚᐅᑎᑦᑎᓂᕐᒧᑦ ᑲᑎᒪᓂᐅᔪᓂ ᐅᖃᐅᔾᔨᓚᐅᖅᑐᓂ ᐱᕙᓪᓕᐊᑎᑦᑎᓂᕐᒥ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ.
ᐱᔪᒪᓂᖃᖃᑕᐅᔪᑦᐆᒃᑑᑎᐅᔪᑦᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓄᑦ ᑲᑎᙵᓂᐅᔪᖅ
ᐅᓄᕐᓂᖅᓴᐅᔪᓂ ᐃᓄᖕᓂ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ ᐃᓚᐅᖃᑕᐅᔪᑦ
  • ᓴᖅᑭᑎᑦᑎᒃᑲᓐᓂᕐᓗᑎᒃ ᐃᖅᑲᓇᐃᔮᒃᓴᒃᑲᕐᓂ ᒥᕐᙳᐃᖅᓯᕐᕕᖕᒥ ᓄᓇᓕᖕᒥᐅᑕᓄᑦ (ᐊᒻᒪ ᐃᓱᒪᒋᔭᖃᕐᓗᑎᒃ ᓇᐃᑦᑐᓂ ᑳᓐᑐᕌᖑᔪᓂ)
  • ᐱᔭᕇᖅᓯᓗᑎᒃ ᐅᐱᕐᙶᒥ ᐱᓕᒻᒪᒃᓴᓂᐅᔪᓂ ᖃᐅᓱᐃᑦᑐᕐᒥ ᐊᒻᒪᓗ/ᐅᕝᕙᓘᓐᓃᑦ ᐊᐅᓱᐃᑦᑐᕐᒥ ᐃᖃᓗᖕᓂᐅᙱᖔᖅᑐᖅ
  • ᓇᓗᓇᐃᖅᓯᓗᓂ ᒪᒃᑯᒃᑐᓂ ᐃᓚᐅᑎᑕᐅᓂᐅᔪᓂ ᐊᒻᒪ ᐃᖅᑲᓇᐃᔮᒃᓴᓂ, ᐳᓚᕋᕐᓗᑎᒃ ᐅᓕᓐᓂᐊᕐᕕᓂ
  • ᑐᓂᓯᓗᓂ ᐱᕕᒃᓴᖃᒃᑲᓐᓂᕐᓂᐅᔪᓂ ᓄᓇᓕᖕᒥᐅᑕᓄᑦ ᐳᓚᕋᕐᓂᕐᒥ ᒥᕐᙳᐃᖅᓯᕐᕕᖕᒧᑦ
 ᑕᑯᒍᒃ ᑐᕌᖅᑕᐅᓇᓱᐊᖅᑐᓄᑦ 1.1, 1.2, 1.3.
ᑐᓴᐅᒪᑎᑦᑎᓂᖅᓴᐅᓂᖃᕐᓗᓂ ᐅᑯᓇᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪ ᓄᓇᓕᖕᓂ
  • ᐊᑕᐅᓯᑐᐊᕐᒥ ᐊᐅᓚᑕᐅᓗᓂ ᐊᑕᐅᓯᕐᒥ ᐃᓂᐅᔪᒥ ᓴᖅᑭᑎᑦᑎᓂᐅᔪᒥ ᐃᖅᑲᓇᐃᔮᒃᓴᓂ ᒪᓂᓴᕈᑕᐅᔪᓂ
  • ᓴᖅᑭᑎᑦᑎᓗᓂ ᑐᓴᒐᒃᓴᓕᐊᖑᔪᓂ/ᖁᕝᕙᖅᓴᐃᓂᐅᔪᒥ ᓱᓇᒃᑯᑖᓂ ᖁᕝᕙᖅᓴᐃᓂᕐᒧᑦ ᒥᕐᙳᐃᖅᓯᕐᕕᖕᒥ
  • ᐃᓱᒪᒋᔭᖃᕐᓗᓂ ᓴᖅᑭᑎᑦᑎᓂᕐᒥ ᓄᓇᓕᖕᓂ ᖃᐅᔨᒪᖃᑎᒌᖕᓂᕐᒥ ᐃᓂᒃᓴᐅᔪᒥ ᓴᓂᓕᐊᓂ ᓄᓇᓕᐅᔪᓂ
  • ᖃᐅᔨᓴᐃᒃᑲᓐᓂᕐᓗᓂ ᐱᓕᕆᓂᐅᔪᒥ ᐃᖅᑲᓇᐃᔮᒃᓴᓄᑦ ᒪᓂᓴᐅᑎᓂ ᑎᑎᕋᖅᑕᐅᓂᖏᓐᓂ ᐃᓚᐅᑎᑦᑎᓇᓱᐊᒃᑲᓐᓂᕐᓂᕐᒧᑦ/ᐃᓕᕋᓇᙱᓐᓂᖅᓴᐅᓗᓂ (ᓲᕐᓗ, ᒥᒃᖠᒋᐊᖅᑎᑦᑎᓗᓂ ᖃᓪᓗᓈᓄᑦ ᐅᖃᐅᓯᐅᕙᒃᑐᓂ, ᐊᔾᔨᙳᐊᓂ ᐊᑐᕐᓂᖅᓴᐅᓗᑎᒃ, ᐊᓯᖏᓪᓗ
  • ᕆᖁᓯᒋᐊᖅᑎᑦᑎᓗᓂ ᑐᓴᐅᒪᑎᑦᑎᓂᐅᔪᓂ ᓴᓂᓕᐊᓂ ᓄᓇᓕᐅᔪᓄᑦ ᖃᐅᔨᓴᖅᑕᐅᓂᕐᓂ ᐱᓕᕆᐊᖑᔪᓂ ᒥᕐᙳᐃᖅᓯᕐᕕᖕᒥ (ᐱᓗᐊᖅᑐᒥ ᐱᔾᔪᑎᖃᖅᑐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ)
 ᑕᑯᒍᒃ ᑐᕌᖅᑕᐅᓇᓱᐊᖅᑐᓄᑦ 1.1, 1.2, 1.3, 2.4, 3.1.
ᐱᐅᓂᖅᓴᓂ ᐱᕚᓪᓕᕈᑎᖃᕐᓂᕐᒥ ᐳᓚᕋᖅᑐᓂᑦ
  • ᐊᐅᓱᐃᑦᑐᕐᒥ ᐃᒃᓯᓐᓇᖅᑕᐅᖅᑰᔨᒐᔪᒃᐳᑦ ᐱᕚᓪᓕᕈᑎᓂ ᐳᓚᕋᖅᑐᓂ
  • ᕿᓃᓐᓇᕐᓗᑎᒃ ᓄᓇᓕᖕᓂ ᐳᓚᕋᕐᓂᐅᔪᒥ ᐃᓱᒪᓂᐅᔪᓂ ᕼᐋᒻᓚᒃᑯᑦ ᐃᖅᑲᓇᐃᔭᖅᑎᓂ ᑕᒪᒃᑭᓂ ᓄᓇᓕᐅᔪᓂ
  • ᑐᓂᓯᓗᓂ ᓄᓇᓕᐅᑉ−ᐃᓗᐊᓂ ᐃᑲᔪᖅᓱᐃᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ ᐳᓚᕋᖅᑐᓕᕆᓂᕐᓂ ᐱᕕᒃᓴᖃᕐᓂᐅᔪᓂ (ᓲᕐᓗ, ᐳᓚᕋᕐᕕᖕᒥ, ᐱᓕᕆᔨᐅᔪᒥ ᐃᓂᒃᓴᐅᔪᒥ, ᐊᓯᖏᓪᓗ)
  • ᐱᓕᕆᖃᑎᖃᕐᓗᑎᒃ ᑐᔪᕐᒥᕕᐅᔪᓂ ᑐᓂᓯᓗᑎᒃ ᖁᕝᕙᖅᓴᐃᓂᐅᔪᓂ ᓱᓇᒃᑯᑖᓂ/ᑐᓴᒐᒃᓴᓂ ᐳᓚᕋᖅᑐᓄᑦ
  • ᐅᖃᐅᔾᔨᓗᑎᒃ ᓄᓇᓕᖕᓂ ᐳᓚᕋᖅᑎᐅᔪᑦ ᐊᐅᓪᓛᕐᕕᒃᓴᕆᓇᔭᖅᑕᖏᓐᓂ ᐸᕐᓇᒍᓐᓇᕐᓂᐊᕐᒪᑕ (ᓲᕐᓗ, ᓂᐅᕕᐊᒃᓴᖃᕈᓐᓇᕐᓂᐊᕐᒪᑕ ᑭᓱᑐᐃᓐᓇᓂ, ᐊᑐᐃᓐᓇᖃᖅᑎᑦᑎᓗᑎᒃ ᐳᓚᕋᕐᓂᐅᔪᒥ)
 ᑕᑯᒍᒃ ᑐᕌᖅᑕᐅᓇᓱᐊᖅᑐᓄᑦs 1.2, 2.1, 2.2.
ᐱᓕᕆᓗᑎᒃ ᐱᓕᕆᖃᑎᒌᒡᓗᑎᒃ ᐊᓯᖏᓐᓂ:
  1. ᒥᕐᙳᐃᖅᓯᕐᕕᖕᓂ
  2. ᑲᑐᔾᔨᖃᑎᒌᖑᔪᓂ
  • ᐅᖃᐅᓯᖃᕐᓗᓂ ᐱᕕᒃᓴᖃᒃᑲᓐᓂᕐᓂᐅᔪᓂ ᐱᓕᕆᓂᕐᒥ ᐊᖏᓂᖅᓴᐅᔪᒥ ᑲᑐᔾᔨᖃᑎᖐᖕᓂᐅᔪᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓂᐅᔪᓂ ᐊᕕᒃᑐᖅᓯᒪᓂᐅᔪᒥ (ᓲᕐᓗ, ᐃᖅᑲᓇᐃᔮᓂ, ᐱᓕᕆᐊᒃᓴᒧᑦ ᐊᐅᓚᑦᑎᓂᐅᔪᒥ)
  • ᐊᐅᓚᑦᑎᓗᑎᒃ ᐊᒻᒪ ᐱᓕᕆᖃᑎᖃᕐᓗᑎᒃ ᐊᓯᖏᓐᓂ ᑲᑐᔾᔨᖃᑎᒌᖑᔪᓂ ᐊᕕᒃᑐᖅᓯᒪᓂᐅᔪᒥ, ᑕᐃᒪᓐᓇᐃᑑᔪᓂ ᐊᒃᓱᕈᕈᑎᖃᖅᑐᓂ ᐊᒻᒪ ᑐᕌᒐᒃᓴᖃᖅᑐᓂ
 ᑕᑯᒍᒃ ᑐᕌᖅᑕᐅᓇᓱᐊᖅᑐᓄᑦ 2.1 2.2, 2.3 (ᐱᒻᒪᕆᐅᔪᒥ ᐸᕐᓇᒍᑎ #2 - ᐱᓕᕆᖃᑎᒌᒡᓗᑎᒃ).
ᐃᒡᓗᖁᑕᐅᔪᑦ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ
  • ᐃᓱᒪᒋᔭᖃᕐᓗᑎᒃ ᓴᖅᑭᑎᑦᑎᓂᕐᒥ ᐳᓚᕋᕐᕕᖕᒥ(ᓂ)
  • ᐃᓱᒪᒋᔭᖃᕐᓗᑎᒃ ᓴᖅᑭᑎᑦᑎᓂᕐᒥ ᑎᑎᕋᕐᕕᐅᔪᒥ ᐊᐅᓱᐃᑦᑐᕐᒥ (ᐱᑕᖃᖅᐸᒌᖅᐳᖅ ᖃᐅᓱᐃᑦᑐᕐᒥ)
 ᑕᑯᒍᒃ ᐱᒻᒪᕆᐅᔪᒥ ᐸᕐᓇᒍᑎ #2 - ᐱᓕᕆᖃᑎᒌᒡᓗᑎᒃ.

3.2 ᐱᓕᕆᓂᖓ II: ᐅᖃᖃᑎᖃᕐᓂᕐᒥ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ (ᐊᐅᔭᖅ 2022-ᐅᑭᐅᖅ 2023)

ᐅᖃᖃᑎᖃᕐᓂᓪᓚᕆᐅᓚᐅᖅᑐᖅ ᐱᓕᕆᓂᐅᔪᓂ ᐱᓕᕆᐊᖑᓚᐅᖅᑐᓂ 2022−ᒥ ᐊᒻᒪ 2023 ᐱᒋᐊᕐᓂᐸᓗᐊᓂ ᕿᓂᓚᐅᖅᐳᑦ ᓇᓗᓇᐃᖅᓯᓂᕐᒥ ᐱᓕᕆᑦᑎᐊᕐᓂᖓᓂ ᖁᓛᓂ ᐱᔪᒪᓂᖃᖃᑕᐅᔪᓂᑦ ᐃᓚᓕᐅᔾᔭᐅᓚᐅᕐᒪᖔᑦ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖕᒧᑦ.

ᑕᒪᐃᑎᒍᑦ ᐅᖃᖃᑎᖃᕐᓂᐅᔪᒥ ᑐᕌᒐᕆᔭᖓ ᐊᖏᖅᑕᐅᓚᐅᖅᐳᖅ ᑐᙵᕕᐅᔪᒥ ᖁᑦᑎᓂᖅᐹᖅ ᑲᑐᔾᔭᐅᓪᓗᓂ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᓂ ᐊᖏᓂᖓᓂ ᑐᓐᓂᖅᑯᑕᐅᔪᒥ 2018−ᒥ:

ᑭᒡᒐᖅᑐᐃᔨᐅᔪᑦ ᒥᕐᙳᐅᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐱᓕᕆᓂᐊᖅᐳᑦ ᐅᐸᒃᓯᒪᓗᑎᒃ ᐃᓄᓕᒫᓄᑦ ᐅᖃᖃᑎᖃᕐᓂᐅᔪᓂ ᒪᕐᕉᖕᓂ ᓴᓂᓕᕇᖑᔪᓂ ᓄᓇᓕᐅᔪᓂ. ᒥᕐᙳᐅᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐊᑐᕐᓂᐊᖅᐳᑦ ᒪᑐᐃᖓᔪᒥ ᐃᒡᓗᒥ ᑐᕌᒐᕆᔭᐅᔪᒥ ᐃᓄᒋᐊᒃᑐᓄᑦ ᑎᑭᐅᑎᓂᕐᒧᑦ ᒪᕐᕉᔪᓄᑦ ᓴᓂᓕᕇᖑᔪᓂ ᓄᓇᓕᐅᔪᓄᑦ. ᖄᒃᑲᓐᓂᐊᒍᑦ, ᑎᑎᕋᖅᑕᐅᒋᐊᙵᕈᒻᒥ ᐸᕐᓇᐅᑎ ᐃᓕᔭᐅᓂᐊᖅᐳᖅ ᖁᑦᑎᓂᖅᐹᖅ ᐃᑭᐊᖅᑭᕕᖓᓂ, ᐅᖃᖃᑎᖃᕐᓂᐅᔪᒥ ᑲᓇᑕᒥ ᐃᑭᐊᖅᑭᕕᖓᓂ, ᐊᒻᒪ ᑐᓐᓂᖅᓴᖅᑕᐅᓗᓂ ᑎᑎᖅᑲᑎᒍᑦ ᑎᑎᕋᖅᓯᒪᓂᐅᔪᒥ, ᐅᖃᐅᓯᒃᓴᓕᐅᕐᓂᕐᒧᑦ. ᑲᓇᑕᒥ−ᑕᒪᒃᑭᐅᒪᔪᓄᑦ ᖃᐃᖁᔭᐅᓂᐊᖅᐳᑦ ᐅᖃᐅᓯᒃᓴᓕᐅᕐᓂᕐᒧᑦ ᑎᑎᕋᖅᑕᐅᒋᐊᙵᕈᒻᒥ ᐸᕐᓴᐅᑎᒥ ᖃᕋᓴᐅᔭᑎᒍᑦ. ᐃᓱᓕᑦᑎᓂᐅᔪᒥ ᐅᖃᖃᑎᖃᕐᓂᐅᔪᒥ, ᐃᓄᓕᒫᓄᑦ “ᑐᓴᓚᐅᖅᑕᕗᑦ” ᑐᓴᒐᒃᓴᐅᔪᓂ ᑎᑎᕋᖅᓯᒪᔪᒥ ᑐᓐᓂᖅᓴᖅᑕᐅᓂᐊᖅᐳᖅ.

ᒪᓕᒃᑐᒥ ᖁᓛᓂ ᐋᖅᑭᒃᑕᐅᓯᒪᓂᐅᔪᒥ, ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐱᕙᓪᓕᐊᑎᑦᑎᓚᐅᖅᐳᑦ ᐅᖃᖃᑎᖃᕐᓂᐅᔪᒥ ᓱᓇᒃᑯᑖᓂ ᐊᒻᒪ ᐅᓂᒃᑳᕆᓯᒪᑦᑎᐊᖅᑐᒥ ᐸᕐᓇᒍᑕᐅᔪᒥ ᐃᓚᐅᑎᑦᑎᓂᕐᒧᑦ. ᐃᓚᖏᑦ ᓇᓗᓇᐃᖅᑕᐅᓯᒪᓂᐅᔪᓄᑦ ᑎᑎᕋᖅᓯᒪᕗᑦ ᐊᑖᓂ:

  • ᐅᖃᖃᑎᖃᕐᓂᐅᔪᒥ ᐱᓕᕆᐊᖑᓚᐅᖅᐳᖅ ᐅᕘᓇ ᓵᙵᖃᑦᑕᐅᑎᓪᓗᑎᒃ ᐱᓕᕆᖃᑕᐅᔪᒪᔪᓂ ᑲᑎᒪᓂᐅᔪᓂ ᐊᒻᒪᓗ ᒪᑐᐃᖓᓂᐅᔪᒥ ᐃᒡᓗᒥ ᑕᑯᒃᓴᐅᑎᑦᑎᓂᐅᔪᓂ. ᐅᑯᐊ ᑲᑎᒪᓂᐅᔪᑦ ᐃᓚᖃᓚᐅᖅᐳᑦ ᑕᑯᒃᓴᐅᑎᑦᑎᓂᐅᔪᒥ ᐊᐅᓚᑦᑎᓂᕐᒧᑦ ᐸᕐᓇᐃᓂᐅᔪᒥ ᐊᒻᒪ ᐱᕙᓪᓕᐊᑎᑦᑎᓂᕐᒥ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᐊᒻᒪ ᕿᒥᕐᕈᓂᐅᔪᒥ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ ᑕᐅᑐᙳᐊᖅᑕᐅᔪᒥ, ᐱᒻᒪᕆᐅᔪᓂ ᐸᕐᓇᒍᑎᓂ ᐊᒻᒪ ᑐᕌᖅᑕᐅᓇᓱᐊᖅᑐᓄᑦ, ᐊᒻᒪ ᐊᕕᒃᑐᖅᓯᒪᓂᐅᔪᓂ. ᐅᑯᐊ ᑲᑎᒪᓂᐅᔪᑦ ᐱᓕᕆᐊᖑᓚᐅᖅᐳᑦ ᑕᒪᒃᑭᓂ ᖃᐅᓱᐃᑦᑐᕐᒥ (ᔫᓂ 21-23 ᐊᒻᒪ ᔪᓚᐃ 11-14, 2022) ᐊᒻᒪᓗ ᐊᐅᓱᐃᑦᑐᕐᒥ (ᓄᕕᐱᕆ 7-9, 2022). ᐊᓯᖏᓐᓂ ᑐᕌᒐᕆᔭᐅᔪᓂ ᒐᕙᒪᒃᑯᓐᓂ ᐱᓕᕆᕝᕕᐅᔪᓂ ᐊᒻᒪ ᐱᒡᒍᔾᔨᔨᓂ ᐃᓚᐅᖃᑕᐅᓚᐅᖅᐳᑦ ᖃᕋᓴᐅᔭᑎᒍᐃᓐᓇᐸᓗᒃᑯᑦ ᐅᑭᐅᖅ 2023−ᒥ.
  • ᖃᐅᓱᐃᑦᑐᕐᒥ, ᐅᖃᖃᑎᖃᕐᓂᐅᔪᓂ ᐱᓕᕆᐊᖑᓚᐅᖅᐳᑦ ᐊᐅᔭᐅᔪᒥ, ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᑲᒪᒋᔭᖃᓚᐅᖅᐳᑦ ᓄᓇᓕᖕᓂ ᐃᒐᓂᐅᔪᒥ ᓯᓚᒥ ᐱᓕᕆᖃᑎᖃᖅᖢᑎᒃ ᖁᑦᑎᓂᖅᐹᖅ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᓂ.
  • ᐊᐅᓱᐃᑦᑐᕐᒥ, ᖄᒃᑲᓐᓂᐊᒍᑦ ᓵᙵᖃᑦᑕᐅᑎᔪᒥ ᑲᑎᒪᓂᐅᔪᒥ, ᓈᓚᐅᑎᒃᑯᑦ ᑐᓴᖅᓴᐅᓂᐅᔪᒥ ᐱᓕᕆᐊᖑᓚᐅᖅᐳᖅ ᓄᓇᓕᖕᓂ ᐅᖃᓪᓚᒡᕕᖓᓂ ᓴᖅᑭᑎᑦᑎᓂᕐᒥ ᐅᔾᔨᕈᓱᖕᓂᐅᔪᒥ ᐱᓕᕆᐊᒃᓴᐅᔪᒥ ᐊᒻᒪᓗ ᖁᕝᕙᖅᓴᐃᓂᕐᒥ ᑎᑭᑉᐸᓪᓕᐊᔪᒥ ᒪᑐᐃᖓᓂᐅᔪᒥ ᐃᒡᓗᒥ ᖃᓄᐃᓐᓂᐅᔪᒥ. ᐅᖃᓪᓚᒡᕕᒃ ᖃᐅᓱᐃᑦᑐᕐᒥ ᐊᑐᕐᓂᖃᓚᐅᖅᐳᑦ ᑲᔪᓰᓐᓇᖅᑐᒥ ᐱᔭᕆᑐᔪᒥ ᐊᔪᕈᑎᖃᕐᓂᐅᔪᓂ, ᑕᐃᒫᒃ ᓈᓚᐅᑎᒃᑯᑦ ᑐᓴᖅᓴᐅᑎᑦᑎᓂᐅᔪᒥ ᐊᔪᕐᓇᓚᐅᖅᐳᖅ.
  • ᑕᒪᒃᑭᓂ ᓄᓇᓕᐅᔪᓂ, ᑎᑎᕋᖅᓯᒪᔪᓂ ᑐᓴᒐᒃᓴᐅᔪᓂ ᐅᓂᒃᑳᕆᓯᒪᑦᑎᐊᖅᑐᒥ ᒫᓐᓇᐅᔪᖅ ᖃᓄᐃᓕᖓᓂᖏᓐᓂᑦ ᑐᓴᒐᒃᓴᐅᔪᓂ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ ᐱᓕᕆᓂᐅᔪᒥ, ᓇᒥ ᐊᑐᐃᓐᓇᖃᕐᓂᕐᒥ ᖃᕋᓴᐅᔭᑎᒍᑦ ᐅᖃᐅᓯᒃᓴᓕᐅᕐᓂᕐᒧᑦ ᐸᐃᑉᐹᖓᓂ, ᐊᒻᒪ ᑎᑭᑉᐸᓪᓕᐊᔪᓂ ᓄᓇᓕᐅᑉ−ᐃᓗᐊᓂ ᒪᑐᐃᖓᓂᐅᔪᒥ ᐃᒡᓗᒥ ᑲᑎᒪᓂᐅᔪᓂ ᑐᓐᓂᖅᓴᖅᑕᐅᓚᐅᖅᐳᑦ ᓄᓇᓕᖕᓄᑦ ᑎᑎᖅᑲᕐᑯᕕᖏᓐᓄᑦ ᐊᔪᕐᓇᙱᒃᑳᖓᒥ ᐅᕝᕙᓘᓐᓃᑦ ᕿᒪᒃᑕᐅᓪᓗᑎᒃ ᐊᔪᕐᓇᙱᑦᑐᒥ ᐊᑐᐃᓐᓇᖃᕐᓂᕐᒧᑦ ᓄᓇᓕᖕᓂ ᑎᑎᖅᑲᒃᑯᕕᖓᓐᓂ. ᑐᓴᒐᒃᓴᐅᔪᑦ ᖁᕝᕙᖅᓴᐃᓂᐅᔪᒥ ᒪᑐᐃᖓᔪᒥ ᐃᒡᓗᒥ ᑲᑎᒪᓂᐅᔪᒥ ᐅᓂᒃᑳᕆᓂᐅᔪᓂ ᐃᓕᔭᐅᓚᐅᕆᕗᑦ ᐊᔾᔨᒌᙱᑦᑐᓂ ᐅᐸᒃᑕᐅᒐᔪᒃᑐᓂ ᐃᓂᐅᔪᓂ ᓄᓇᓕᖕᓂ (ᓲᕐᓗ, ᑯᐊᐸᒃᑯᑦ ᓂᐅᕕᕐᕕᖏᓐᓂ, ᕼᐋᒻᓚᒃᑯᑦ ᑎᑎᕋᕐᕕᖏᓐᓂ, ᑐᔪᕐᒥᕕᖕᓂ, ᐊᓯᖏᓪᓗ) ᑕᐃᑲᓂᓗᒃᑖᖅ ᐱᓇᓱᐊᕈᓯᐅᔪᒥ ᑐᕌᖅᐸᓪᓕᐊᔪᒥ ᐊᑐᓂ ᖃᓄᐃᓐᓂᐅᔪᒧᑦ.
  • ᑎᑎᕋᖅᓯᒪᔪᓂ ᓱᓇᒃᑯᑖᓂ ᓇᒃᓯᐅᔾᔭᐅᓚᐅᖅᐳᑦ ᐱᓕᕆᖃᑕᐅᔪᒪᔪᓄᑦ ᐅᖃᐅᓯᒃᓴᓕᐅᕐᓂᕐᒧᑦ ᓵᙵᖃᑦᑕᐅᑎᓂᐅᔪᒥ ᑲᑎᒪᓂᐅᔪᓂ ᐋᖅᑭᒃᑕᐅᔪᓐᓇᙱᒃᑯᑎᒃ.

4.0 ᑭᒃᑯᓐᓂ ᑐᓴᕐᕕᒋᓚᐅᖅᑕᑦᑎᓐᓂ

ᐊᑖᓂ ᐃᓚᖏᑦ ᑐᓂᓯᕗᖅ ᕿᒥᕐᕈᓂᐅᔪᒥ ᓇᓚᐅᑦᑖᕆᔭᐅᔪᒥ ᐅᓄᕐᓂᐅᔪᓂ ᐊᒻᒪ ᖃᓄᐃᑦᑑᓂᖏᓐᓂ ᐱᓕᕆᖃᑕᐅᔪᒪᔪᓄᑦ ᐅᖃᖃᑎᒋᔭᐅᓚᐅᖅᑐᓄᑦ ᑕᐃᑲᓂᓗᒃᑖᖅ ᐅᖃᖃᑎᖃᓪᓚᕆᖕᓂᐅᔪᒥ ᐱᓕᕆᓂᐅᔪᒥ.

ᓇᓗᓇᐃᒃᑯᑕᖅ 2. ᐅᓄᕐᓂᐅᔪᓂ, ᖃᓄᐃᑦᑑᓂᖓᓂ ᐱᓕᕆᖃᑕᐅᔪᒪᔪᓄᑦ ᐅᖃᖃᑎᒋᔭᐅᔪᓂ ᖃᐅᓱᐃᑦᑐᕐᒥ (ᔫᓂ 21-23; ᔪᓚᐃ 11-14, 2022).
ᐱᓕᕆᖃᑕᐅᔪᒪᔪᑦ ᑲᑎᙵᓂᐅᔪᒥᖃᓄᐃᑦᑑᓂᖓᓂ ᐅᖃᖃᑎᖃᕐᓂᐅᔪᒥᓇᓚᐅᑦᑖᕆᔭᐅᔪᒥ ᐅᓄᕐᓂᐅᔪᓂ ᐃᓄᖕᓂ
ᖁᑦᑎᓂᖅᐹᖅ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᓂ ᑲᑎᒪᓂᐅᔪᒥ* ᐅᐸᒃᓯᒪᓂᐅᔪᒥ 3
ᐊᑕᐅᓯᐅᖃᑎᖃᖅᑐᒥ ᒪᐃᔭᐅᔪᒥ ᖃᐅᓱᐃᑦᑐᕐᒥ ᐅᐸᒃᓯᒪᓂᐅᔪᒥ 1
ᐃᓚᒋᔭᐅᔪᓄᑦ ᕼᐋᒻᓚᒃᑯᑦ ᑲᑎᒪᔨᓄᑦ ᑲᑎᒪᓂᐅᔪᓂ* ᐅᐸᒃᓯᒪᓂᐅᔪᒥ 5
ᓄᓇᓕᖕᓂ ᒪᑐᐃᖓᔪᒥ ᐃᒡᓗᒥ * ᐅᐸᒃᓯᒪᓂᐅᔪᒥ 10
ᓄᓇᓕᖕᓂ ᓯᓚᒥ ᐃᒐᓂᐅᔪᒥ* ᐅᐸᒃᓯᒪᓂᐅᔪᒥ 40
ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐅᑦᑎᓪᓗ ᑲᑐᔾᔨᖃᑎᒌᖑᔪᓂ** ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᐊᒻᒪ ᐅᐸᒃᓯᒪᓂᐅᔪᒥ ᐱᕕᒃᓴᖃᕐᓂᐅᔪᓂ ᐅᖃᓪᓚᖕᓂᐅᔪᓂ ?
ᑲᑎᓪᓗᒍ 59
*ᓇᓗᓇᐃᖅᓯᔪᖅ ᖃᓄᐃᓐᓂᐅᔪᓂ ᒪᑐᐃᖓᓚᐅᖅᑐᓂ ᑕᒪᐃᑎᒍᑦ ᐃᓄᓕᒫᓄᑦ.
**ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐅᑦᑎᓪᓗ ᑲᑐᔾᔨᖃᑎᒌᖑᔪᓂ ᖃᐃᖁᔭᐅᓚᐅᖅᐳᑦ ᐃᓚᐅᖃᑕᐅᓂᕐᒥ ᐱᓕᕆᖃᑕᐅᔪᒪᔪᓂ ᑲᑎᒪᓂᐅᔪᒥ ᒪᐃᔭᐅᔪᒥ ᖃᐅᓱᐃᑦᑐᕐᒥ, ᑭᓯᐊᓂ ᐊᐃᑦᑖᖑᒐᓗᐊᖅ, ᐅᐸᒃᑐᖃᕈᓐᓇᓚᐅᙱᓚᖅ ᐅᓪᓗᖓᓂ ᖃᓄᐃᓐᓂᐅᔪᒥ. ᐊᓯᖏᓐᓂ ᐊᒃᓱᕈᕐᓂᐅᔪᓂ ᑕᒪᒃᑭᑦ ᐅᐸᒃᓯᒪᓂᐅᔪᓂ ᐊᒻᒪ ᖃᕋᓴᐅᔭᑎᒍᑦ ᐅᖃᓘᑎᒃᑯᑦ/ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᐋᖅᑭᒃᓱᖅᑕᐅᓚᐅᖅᐳᑦ ᐋᖅᑭᒃᓯᓂᕐᒥ ᑲᑎᒪᓂᐅᔪᒥ ᐱᓕᕆᑦᑎᐊᕐᓂᖃᓚᐅᙱᓚᖅ. ᐱᕕᒃᓴᖃᕐᓂᐅᔪᒥ ᐅᖃᓪᓚᖕᓂᐅᔪᓂ ᐃᓚᒋᔭᐅᔪᓂ ᐱᓕᕆᐊᖑᓚᐅᖅᐳᖅ ᓄᓇᓕᖕᓂ ᓯᓚᒥ ᐃᒐᓂᐅᔪᒥ, ᐊᒻᒪ ᖃᕋᓴᐅᔭᑎᒍᑦ ᐊᔾᔨᖓᓂ ᐅᖃᖃᑎᖃᕐᓂᐅᔪᒥ ᓱᓇᒃᑯᑖᓂ ᑐᓂᔭᐅᓚᐅᖅᐳᑦ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᓂ ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐅᑦᑎᓪᓗ ᑲᑐᔾᔨᖃᑎᒌᖑᔪᓂ ᐊᐅᓚᑦᑎᔨᖓᓄᑦ ᑐᓐᓂᖅᓴᐃᓂᕐᒧᑦ ᐃᓚᒋᔭᐅᔪᓄᑦ.
ᓇᓗᓇᐃᒃᑯᑕᖅ 3. ᐅᓄᕐᓂᐅᔪᑦ, ᖃᓄᐃᑦᑑᓂᖓᓂ ᐱᓕᕆᖃᑕᐅᔪᒪᔪᓄᑦ ᐅᖃᖃᑎᖃᕐᓂᐅᔪᓂ ᐊᐅᓱᐃᑦᑐᕐᒥ (ᓄᕕᐱᕆ 7-9, 2022).
ᐱᓕᕆᖃᑕᐅᔪᒪᔪᑦ ᑲᑎᙵᓂᐅᔪᒥᖃᓄᐃᑦᑑᓂᖓᓂ ᐅᖃᖃᑎᖃᕐᓂᐅᔪᒥᓇᓚᐅᑦᑖᕆᔭᐅᔪᒥ ᐅᓄᕐᓂᐅᔪᓂ ᐃᓄᖕᓂ
ᖃᐃᖁᔭᐅᓯᒪᔪᓂ ᐱᓕᕆᖃᑕᐅᔪᒪᔪᓄᑦ ᑲᑎᒪᓂᐅᔪᒥ (ᕼᐋᒻᓚᒃᑯᑦ ᑲᑎᒪᔨᖏᑦ, ᐊᖑᓇᓱᒃᑎᓂ ᒥᑭᒋᐊᕐᓂᐊᖅᑎᒃᑯᓐᓂᓪᓗ ᑲᑐᔾᔨᖃᑎᒌᖑᔪᓄᑦ, ᐊᓯᖏᓪᓗ) ᐅᐸᒃᓯᒪᓂᐅᔪᒥ 9
ᒪᑐᐃᖓᔪᒥ ᐃᒡᓗᒥ* ᐅᐸᒃᓯᒪᓂᐅᔪᒥ 12
ᕼᐋᒻᓚᒃᑯᑦ ᐃᓯᕐᕕᐊᓂ ᑕᑯᒃᓴᐅᑎᑕᐅᓂᐅᔪᒥ* ᐅᐸᒃᓯᒪᓂᐅᔪᒥ 5 + ᐊᔾᔨᒌᙱᑦᑐᓂ ᐱᔪᓐᓇᖅᑎᑕᐅᔪᒥ ᑲᑎᖃᑎᖃᕐᓂᐅᔪᓂ
ᐊᐅᓱᐃᑦᑐᕐᒥ ᓄᓇᓕᖕᓂ ᐅᖃᓪᓚᒡᕕᖓᓂ* ᐅᐸᒃᓯᒪᓂᐅᔪᒥ ?
ᐹᓐᑲᐃᒃᒥ ᐅᓪᓛᕈᒻᒥᑕᕐᓂᐅᔪᒥ ᓄᓇᓕᖕᓂ ᐃᓕᓐᓂᐊᕐᕕᐅᔪᒥ (ᑲᓇᑕᒥ ᐸᓖᓯᒃᑯᓐᓂ) ᐅᐸᒃᓯᒪᓂᐅᔪᒥ ?
ᑲᑎᓪᓗᒍ 26
*ᓇᓗᓇᐃᖅᓯᔪᖅ ᖃᓄᐃᓐᓂᐅᔪᓂ ᒪᑐᐃᖓᓚᐅᖅᑐᓂ ᑕᒪᐃᑎᒍᑦ ᐃᓄᓕᒫᓄᑦ.

ᖄᒃᑲᓐᓂᐊᒍᑦ ᓄᓇᓕᖕᓂ ᐅᖃᖃᑎᖃᕐᓂᐅᔪᓂᑦ, ᒥᕐᙳᐅᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐃᓱᓚᐅᖅᐳᑦ ᐱᒻᒪᕆᐅᔪᓂ ᒐᕙᒪᐅᔪᓂ ᐱᓕᕆᕝᕕᐅᔪᓄᑦ ᐊᒻᒪᓗ ᐱᓕᕆᖃᑕᐅᔪᒪᔪᓄᑦ ᐃᓚᐅᑎᑦᑎᓂᐅᔪᓂ ᐅᕝᕙᓘᓐᓃᑦ ᐱᔪᒪᓂᖃᖅᑐᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖕᒧᑦ ᖃᕋᓴᐅᔭᑎᒍᑦ ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ, ᐃᓚᖃᖅᑐᒥ ᐃᖃᓗᓕᕆᔨᒃᑯᓐᓂ ᐊᒻᒪ ᐃᒪᕐᓄᑦ ᑲᓇᑕᒥ, ᑲᓇᑕᒥ ᓴᐳᔾᔨᔨᐅᔪᓂ, ᐊᕙᑎᓕᕆᓂᕐᒧᑦ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑲᓇᑕᒥ, ᓄᓇᕗᒻᒥ ᒐᕙᒪᒃᑯᓐᓂ, ᐊᒻᒪ ᐃᓄᐃᑦ ᐱᖁᑎᑐᖃᖏᓐᓂᒃ ᓇᐅᑦᑎᖅᓱᖅᑎᐅᔪᓂ.

ᖃᕋᓴᐅᔭᑎᒍᑦ ᐅᖃᖃᑎᖃᕐᓂᐅᔪᒥ ᒪᑐᐃᖓᓚᐅᖅᐳᖅ ᔫᓂᒥ ᑎᓯᐱᕆᒧᑦ 2022−ᒥ ᐅᕘᓇ ᐅᖃᖃᑎᖃᕐᓂᐅᔪᒥ ᑲᓇᑕᒥᐅᑕᓂ ᐃᑭᐊᖅᑭᕕᖓᓂ, ᑐᕌᖅᑎᑦᑎᔪᒥ ᐃᓄᓕᒫᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑭᐊᖅᑭᕕᖓᓄᑦ. ᐅᕙᓂ, ᑐᓴᒐᒃᓴᐃᑦ ᑐᓂᔭᐅᓚᐅᖅᐳᑦ ᐱᕙᓪᓕᐊᑎᑦᑎᓂᕐᒥ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ ᐃᓚᖃᖅᑐᒥ ᕿᒥᕐᕈᔭᐅᓂᖓᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ ᐱᓕᕆᓂᐅᔪᒥ (ᑕᑯᒍᒃ ᓇᓗᓇᐃᒃᑯᑕᖅ 4 ᐅᓂᒃᑳᕆᓯᒪᔪᓂ ᖃᕋᓴᐅᔭᑎᒍᑦ ᑎᑭᐅᑎᓂᐅᔪᒥ ᐅᑯᓇᓂ ᖃᕋᓴᐅᔭᑎᒍᑦ ᐃᑲᔪᕈᑎᒃᓴᓄᑦ). ᐳᓚᕋᖅᑎᐅᔪᑦ ᐃᓂᐅᔪᒧᑦ ᖃᐃᖁᔭᐅᓚᐅᖅᐳᑦ ᑕᑕᑎᕆᓂᕐᒥ ᐅᖃᐅᓯᒃᓴᓄᑦ ᐸᐃᑉᐹᒥ ᓇᓗᓇᐃᖅᑕᐅᓯᒪᔪᓂ ᐊᐱᖅᑯᑕᐅᔪᓂ ᐸᕐᓇᐃᑎᐅᑉ ᒥᒃᓵᓄᑦ ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᑎᑎᕋᕐᕕᒋᓗᒋᑦ ᐅᖃᐅᓯᒃᓴᖏᓐᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᓐᓄᑦ. ᑕᓪᓕᒪᓂ ᑎᑎᕋᖅᓯᒪᔪᓂ ᑐᓐᓂᖅᑯᑕᐅᔪᓂ ᐱᔭᐅᔪᖃᓚᐅᖅᐳᖅ. ᑲᓱᖃᑎᖃᕐᓂᐅᔪᒥ ᐅᖃᐅᓯᐅᓚᐅᖅᐳᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓅᖃᑎᒌᓄᑦ ᓯᐊᒻᒪᖅᑎᑦᑎᓂᕐᒧᑦ ᒪᒃᐱᒐᖏᓐᓂ ᐊᒻᒪ ᕙᐃᔅᐳᒃᑯᑦ ᑲᑎᙵᓂᐅᔪᓂ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ ᖃᓪᓗᓈᑎᑐᑦ, ᐅᐃᕖᑎᑐᑦ, ᐊᒻᒪ ᐃᓄᒃᑎᑐᑦ.

ᓇᓗᓇᐃᒃᑯᑕᖅ 4. ᓇᐃᒡᓕᒋᐊᖅᓯᒪᓂᐅᔪᒥ ᖃᕋᓴᐅᔭᑎᒍᑦ ᐃᓚᐅᖃᑕᐅᓂᐅᔪᒥ ᐊᒻᒪ ᐃᓚᐅᑎᑦᑎᓂᐅᔪᒥ.
ᖃᓄᐃᑦᑑᓂᖓᓂ ᐃᓚᐅᑎᑦᑎᓂᕐᒧᑦᑎᑭᐅᑎᓂᐅᔪᒥ
ᐳᓚᕋᕐᓂᐅᔪᓂ ᖃᕋᓴᐅᔭᑎᒍᑦ “ᑐᑦᑕᕐᕕᖓᓂ ᒪᒃᐱᒐᐅᒧᒥ” ᐱᓕᕆᐊᒃᓴᐅᔪᒥ
ᐃᓕᔭᐅᔪᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖁᑦᑎᓂᖅᐹᖅ ᐃᑭᐊᖅᑭᕕᖓᓂ 874 (194 ᐃᓄᒃᑎᑐᑦ, 612 ᖃᓪᓗᓈᑎᑐᑦ, 68 ᐅᐃᕖᑎᑐᑦ)
ᐳᓚᕋᕐᓂᐅᔪᓂ ᖃᕋᓴᐅᔭᑎᒍᑦ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓄᑦ 384 (12 ᐃᓄᒃᑎᑐ, 344 ᖃᓪᓗᓈᑎᑐᑦ, 28 ᐅᐃᕖᑎᑐᑦ)
ᐳᓚᕋᕐᓂᐅᔪᓂ ᖃᕋᓴᐅᔭᑎᒍᑦ ᐅᖃᐅᓯᒃᓴᓕᐅᕐᓂᕐᒧᑦ ᐸᐃᑉᐹᖓᓄᑦ 378 (84 ᐃᓄᒃᑎᑐ, 228 ᖃᓪᓗᓈᑎᑐᑦ, 66 ᐅᐃᕖᑎᑐᑦ)
ᕙᐃᔅᐳᒃᑯᑦ ᑎᑎᕋᕐᓂᐅᔪᓂ (ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᓄᓇᕗᒻᒥ ᒪᒃᐱᒐᖓᓐᓂ ᐊᒻᒪ ᓄᓇᓕᖕᓂ ᑲᑎᙵᓂᐅᔪᓄᑦ) 5449 (2231 ᐃᓄᒃᑎᑐ, 3654 ᖃᓪᓗᓈᑎᑐᑦ, 95 ᐅᐃᕖᑎᑐᑦ)
ᑲᑎᓪᓗᒍ 7,085

5.0 ᑐᓴᓚᐅᖅᑕᕗᑦ

ᐅᖃᐅᓯᒃᓴᓕᐊᖑᔪᓂ ᐱᓕᕆᓂᖓ II ᐅᖃᖃᑎᖃᕐᓂᐅᔪᒥ ᖃᓄᐃᓕᐅᕐᓂᐅᔪᓂ ᓇᓗᓇᐃᖅᓯᓚᐅᖅᐳᖅ ᐃᓚᐅᖃᑕᐅᔪᓂ ᐃᑲᔪᖅᓱᐃᓂᖃᒐᔪᓚᐅᕐᓂᖏᓐᓂ ᑐᒃᓯᕋᖅᑕᐅᔪᒥ ᑕᐅᑐᙳᐊᖅᑕᐅᔪᒥ ᐃᓚᖏᓐᓂ ᐊᒻᒪ ᐱᖓᓱᓂ ᐱᒻᒪᕆᐅᔪᓂ ᐸᕐᓇᒍᑕᐅᔪᓂ ᓇᓗᓇᐃᖅᑕᐅᓯᒪᔪᓂ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ. ᐱᖓᓱᑦ ᐱᒻᒪᕆᐅᔪᓂ ᐸᕐᓇᒍᑕᐅᔪᑦ ᐱᕙᓪᓕᐊᑎᑕᐅᓚᐅᖅᑐᓂ ᐆᒧᖓ ᐊᐅᓚᑦᑎᓂᕐᒧᑦ ᐸᕐᓇᐅᑎᒧᑦ ᐃᓚᖃᖅᐳᑦ ᐅᑯᓂᖓ:

ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #1 - ᐃᒃᐱᒍᓱᑦᑎᐊᕐᓂᕐᒥ ᐊᖏᖃᑎᒌᖃᑎᒋᔭᐅᔪᓂ

ᓇᓗᓇᐃᖅᓯᓂᕐᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᕌᖅᑕᐅᓇᓱᐊᖅᑐᓄᑦ ᓄᓇᕗᒻᒥ ᐊᖏᕈᑎᖓᓂ ᐊᒻᒪᓗ ᕿᑭᖅᑖᓗᖕᒥ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ ᐱᔾᔪᑎᖃᖅᑐᒥ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖕᒥ ᑭᐅᔭᐅᓂᖏᓐᓂ ᐊᒻᒪ ᐃᒃᐱᒋᔭᐅᑦᑎᐊᕐᓂᖏᓐᓂ.

ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #2 - ᐱᓕᕆᖃᑎᒌᖕᓂᖅ

ᑐᑭᓕᐊᖅᑎᑦᑎᓂᕐᒥ ᐸᐸᑦᑏᓐᓇᕋᓱᐊᕐᓂᐅᔪᓂ ᐊᒃᓱᕈᕈᑕᐅᔪᓂ ᐊᕕᒃᑐᖅᓯᒪᓂᐅᔪᓂ ᐊᑑᑎᖃᕐᓂᖅᓴᐅᔪᒥ ᐱᓕᕆᖃᑎᒌᖕᓂᐅᔪᒥ ᑭᐅᓂᕐᒥ ᑕᒪᒃᑭᓂ ᑐᕌᒐᒋᔭᐅᖃᓯᐅᑎᔪᓂ ᐊᒻᒪ ᐊᒃᓱᕈᕈᑕᐅᖃᑎᐅᔪᓂ.

ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #3 - ᐃᓕᑦᑎᓂᕐᒥ ᐃᓄᖕᓂ ᐊᒻᒪ ᓄᓇᒥ

ᓴᙱᒃᑎᒋᐊᖅᓯᓂᕐᒥ ᐃᓄᖕᓄᑦ ᑲᑎᙵᓂᐅᔪᓂ ᐊᒻᒪ ᑐᑭᓯᐅᒪᓂᕐᒥ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ ᐊᑐᕐᓗᑎᒃ ᑕᒪᒃᑭᓂ ᖃᐅᔨᓴᕐᓂᕐᒥ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ.

ᐱᒻᒪᕆᐅᔪᓂ ᐊᑲᐅᙱᓕᐅᕈᑕᐅᔪᓂ ᓴᖅᑭᑕᐅᔪᖃᓚᐅᙱᓚᖅ ᐅᖃᖃᑎᖃᕐᓂᐅᔪᓂ. ᓇᓗᓇᐃᒃᑯᑕᖅ A1 ᐊᑕᔪᒥ A ᑐᓂᓯᕗᖅ ᐅᓂᒃᑳᕆᓯᒪᑦᑎᐊᖅᑐᒥ ᕿᒥᕐᕈᔭᐅᓂᖓᓂ ᑕᒪᒃᑭᓂ ᐅᖃᐅᓯᒃᓴᓕᐊᓂ ᐱᔭᐅᓚᐅᖅᑐᓂ ᐅᕝᕙᓘᓐᓃᑦ ᑐᓴᖅᑕᐅᔪᓂ ᐅᖃᓪᓚᖕᓂᐅᔪᓂ ᑕᐃᑲᓂ ᐱᓕᕆᓂᖓ II ᐅᖃᖃᑎᖃᕐᓂᐅᔪᒥ ᖃᓄᐃᓕᐅᕐᓂᐅᔪᓂ.

ᑕᒪᕐᒥᒐᓚᑦ ᐋᖅᑭᒋᐊᖅᑕᐅᓂᐅᔪᓂ ᐱᓕᕆᐊᖑᔪᓂ ᐸᕐᓇᐅᑎᒧᑦ ᐱᑎᑕᐅᓂᐅᔪᒥ ᐋᖅᑭᒋᐊᖅᑕᐅᓂᐅᓚᐅᖅᐳᑦ ᐅᕝᕙᓘᓐᓃᑦ ᒥᑭᖦᖢᑎᒃ, ᐱᓗᐊᖅᑐᒥ ᑐᓂᓯᓂᕐᒥ ᑐᑭᓯᓇᖅᓯᑎᑦᑎᒃᑲᓐᓂᕐᓂᖓᓂ ᐅᖃᓕᒫᖅᑎᐅᔪᒧᑦ. ᓲᕐᓗ:

ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ

ᖄᒃᑲᓐᓂᐊᒍᑦ ᑐᓴᒐᒃᓴᓂ ᑐᑭᖓᓂ ᐊᒻᒪ ᐱᔾᔪᑎᖓᓐᓂ ᐊᑐᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐃᓚᔭᐅᓚᐅᖅᐳᖅ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᑕ ᐃᓚᖓᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ (ᑕᑯᒍᒃ ᐃᓚᖓᓐᓂ 7.0 ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ). ᐅᓇ ᑭᐅᓂᐅᓪᓗᐊᑕᐅᓚᐅᖅᐳᖅ ᖃᔅᓯᒐᓚᖕᓄᑦ ᐊᐱᖅᑯᑕᐅᔪᓄᑦ, ᐱᓗᐊᖅᑐᒥ ᓄᓇᓕᖕᒥᐅᑕᓂ, ᑐᑭᖓᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐊᒻᒪ ᑭᒡᓕᖃᖅᑎᑕᐅᓂᐅᔪᒥ ᐊᑐᓂ ᓇᓗᓇᐃᖅᓴᐅᓯᒪᔪᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ. ᑐᓂᓯᑎᓪᓗᒋᑦ ᑐᓴᒐᒃᓴᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ, ᐃᖅᑲᓇᐃᔭᖅᑏᑦ ᑐᑭᓯᓇᑦᑎᐊᓚᐅᖅᐳᑦ ᓇᓗᓇᐃᖅᓯᓂᕐᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᑭᒡᓕᖃᖅᑎᑕᐅᓂᐅᔪᓂ ᐱᕙᙱᓚᑦ ᐊᒻᒪ ᐊᑑᑎᖃᓚᐅᖅᓯᒪᔾᔮᙱᓚᖅ ᐃᓄᖕᓄᑦ ᐊᑐᖅᑐᓂ ᐱᔪᓐᓇᕐᓂᕆᔭᖏᓐᓂ−ᑐᙵᕕᓕᖕᓂ ᖃᓄᐃᓕᐅᕈᑕᐅᔪᓂ ᖁᑦᑎᓂᖅᐸᒥ ᐅᕝᕙᓘᓐᓃᑦ ᓇᓕᐊᑐᐃᓐᓇᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓂᒋᔭᐅᔪᓂ ᓄᓇᕗᒻᒥ. ᑕᐃ,ᐃᒃᑲᓗᐊᖅᑎᓪᓗᒍ, ᐱᒻᒪᕆᐅᕗᖅ ᐃᓱᒪᓂᐅᔪᓂ ᑐᑭᓯᐅᒪᔭᐅᑦᑎᐊᕐᓂᖏᓐᓂ ᐃᓄᖕᓄᑦ ᐊᒻᒪ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᑑᑎᖃᑦᑎᐊᖅᑐᒥ ᐱᓕᕆᖃᑎᒌᖕᓂᖏᓐᓂ ᓴᐳᔾᔨᓯᒪᓂᕐᒥ ᓄᓇᓂ ᐃᓗᐊᓂ ᖁᑦᑎᓂᖅᐸᕐᒥ, ᐊᒻᒪᓗ ᖁᕝᕙᖅᓴᐃᓂᕐᒥ ᑐᓂᐅᖅᑲᐃᓂᖏᓐᓂ ᑕᒻᒪᖅᓯᒪᙱᑦᑎᐊᖅᑐᓂ ᑐᓴᒐᒃᓴᓂ ᖁᑦᑎᓂᖅᐸᕐᒧᑦ ᐳᓚᕋᖅᑎᐅᔪᓄᑦ ᐃᑳᑐᐃᓐᓇᕆᐊᖃᖅᑐᓂ ᖃᐅᓱᐃᑦᑐᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᐊᐅᓱᐃᑦᑐᒃᑯᑦ.

ᑕᓯᖅ ᕼᐊᐃᓯᓐ/ᑕᓴᓕᐅᒃ ᓴᓂᕋᔭᖓ ᐊᐅᓚᑦᑎᓂᕐᒧᑦ ᐃᓂᐅᔪᖅ

ᓱᓕᒃᑲᓐᓂᖅ ᖁᓛᓄᑦ, ᐊᒥᓱᓂ ᐅᖃᐅᓯᒃᓴᓕᐊᓂ ᐱᔭᐅᓚᐅᖅᑐᓂ ᐅᖃᖃᑎᖃᕐᓂᐅᔪᒥ ᐱᔾᔪᑎᖃᓪᓗᐊᑕᖅᑐᒥ ᓄᑖᖑᔪᒥ ᐊᓯᐊᒎᖅᑐᒥ ᐊᐅᓚᑦᑎᓂᕐᒧᑦ ᐃᓂᐅᔪᒥ ᓇᓗᓇᐃᖅᑕᐅᓂᖓᓂ ᐊᒻᒪ ᓴᖑᓂᐅᔪᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I−ᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ II−ᒧᑦ ᑕᓯᖅ ᕼᐊᐃᓯᓐ/ᑕᓴᓕᐅᒃᓴᓂᕋᔭᖓ ᐃᓂᐅᔪᒧᑦ. ᐅᖃᐅᓯᖓ ᐋᖅᑭᒋᐊᖅᑕᐅᓯᒪᕗᖅ ᓇᓗᓇᐃᖅᓯᓂᕐᒥ ᐅᓇ ᐊᓯᔾᔨᕐᓂᐅᔪᖅ ᑐᒃᓯᕋᖅᑕᐅᓯᒪᓂᖓᓂ ᐃᓱᒪᒃᓴᖅᓯᐅᕆᑦᑎᐊᒃᑲᓐᓂᕐᓂᕐᒧᑦ ᐱᕕᒃᓴᖃᕐᓂᐅᔪᓂ ᐊᐅᓚᑕᐅᔪᒥ ᖃᐅᔨᓴᖅᑕᐅᓂᐅᔪᒥ ᐊᒻᒪ ᒥᑭᑦᑐᒥ ᐳᓚᕋᕐᓂᐅᔪᒥ ᓇᓗᓇᐃᖅᓰᓐᓇᖅᑎᓪᓗᒋᑦ ᑕᐃᒪᐃᓕᖓᐃᓐᓇᖅᑐᒥ ᐊᒻᒪ ᓈᒻᒪᒃᑐᒥ ᓴᐳᔾᔨᓯᒪᓂᐅᔪᒥ ᑕᐃᒪᐃᑦᑐᒧᑦ ᐊᓯᐊᒎᖅᑐᒥ ᐃᓂᐅᔪᒥ. ᑐᕌᖅᑕᐅᓇᓱᐊᖅᑐᑦ 1 ᐃᓕᓴᖅᓯᕗᖅ ᓯᕗᓂᒃᓴᒥ ᐊᓯᔾᔨᕐᓂᐅᔪᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐆᒪᙵᑦ ᐃᓂᐅᔪᒥ ᐱᔭᕆᐊᖃᑐᐃᓐᓇᕆᐊᖃᖅᐳᖅ ᑕᑯᒃᓴᐅᓂᐅᔪᒥ ᑕᑯᒃᓴᐅᑎᑦᑎᒍᓂ ᐱᐅᙱᑦᑐᒥ ᐊᒃᑐᐃᓂᐅᔪᓂ ᓇᔪᒐᖓᓐᓂᓪᓗᓯᓚᖁᑎᖏᓐᓂᓪᓗ ᖃᐅᔨᓴᕐᓂᐅᔪᒥ ᐊᒻᒪ ᐃᓕᖅᑯᓯᒧᑦ ᐃᑲᔪᕈᑎᒃᓴᓂ ᐃᓂᐅᔪᒥ.

ᑲᑎᙵᓂᖃᕐᓂᐅᔪᒥ ᒪᒃᑯᒃᑐᓄᑦ

ᓴᓇᓂᕐᒥ ᐊᒻᒪ ᐃᑲᔪᖅᓱᐃᓂᕐᒥ ᑲᑎᙵᓂᖃᒃᑲᓐᓂᕐᓂᐅᔪᓂ ᒥᕐᙳᐃᖅᓯᕐᕕᖕᒧᑦ, ᐱᓗᐊᖅᑐᒥ ᐃᓄᖕᓄᑦ ᓴᓂᓕᐊᓂ ᓄᓇᓕᐅᔪᓄᑦ, ᐱᒻᒪᕆᐅᓪᓗᓂ ᐅᖃᐅᓯᐅᓂᐅᔪᒥ ᐊᑦᑕᑕᖅᓯᒪᔪᒥ ᑕᐃᑲᓂᓗᒃᑖᖅ ᑎᑎᕋᖅᑕᐅᒋᐊᙵᕈᒻᒥ ᐸᕐᓇᐅᑎᒥᒃ, ᐊᒻᒪ ᐅᖃᐅᓯᒃᓴᐅᓚᐅᖅᐳᖅ ᑕᐃᑲᓂᓗᒃᑖᖅ ᐅᖃᖃᑎᖃᕐᓂᐅᔪᒥ ᐅᖃᓪᓚᖕᓂᐅᔪᓂ. ᑲᑎᙵᓂᖃᕐᓂᖅ ᐊᒻᒪ ᐃᓚᐅᑎᑦᑎᓂᕐᒥ ᒪᒃᑯᒃᑐᓂ ᐱᓗᐊᖅᑐᒥ ᓇᓗᓇᐃᖅᑕᐅᓚᐅᖅᐳᖅ ᖁᙱᐊᖅᑎᐅᔪᓂ ᑐᕌᒐᕆᔭᖃᓪᓗᐊᕐᓂᖏᓐᓂ, ᐊᒻᒪ ᒥᑭᑦᑐᓂ ᐋᖅᑭᒋᐊᖅᑕᐅᓂᐅᔪᓂ ᓴᓇᓯᒪᕗᑦ ᑎᑎᕋᖅᑕᐅᒋᐊᙵᕈᒻᒥ ᐸᕐᓇᐅᑎᒥᒃ ᓈᒻᒪᒃᑎᓪᓗᒍ ᓇᓗᓇᐃᖅᓯᒃᑲᓐᓂᕐᓂᕐᒧᑦ ᐆᒥᖓ ᓯᕗᓪᓕᐅᖁᔭᐅᓂᐅᔪᒥ (ᓲᕐᓗ, ᑐᕌᒐᕆᔭᐅᔪᖅ 3.1.1: “ᐊᑕᐅᓯᐅᔪᒥ ᐃᓴᒃᓯᒪᓂᐅᔪᒥ ᖃᓄᐃᓕᐅᕐᓂᐅᔪᒥ ᑕᑯᒃᓴᐅᑎᑦᑎᔪᒥ ᐅᓂᒃᑳᓕᐊᖑᔪᒥ ᑐᙵᕕᖃᖅᑐᒥ ᑐᑭᓯᐅᒪᓂᐅᔪᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪ ᖃᐅᔨᓴᕐᓂᕐᒥ ᖁᑦᑎᓂᖅᐸᕐᒥ ᐊᑐᐃᓐᓇᐅᕗᖅ ᐃᖅᑲᓇᐃᔭᖅᑎᓄᑦ ᐅᖃᐅᓯᕆᓂᖏᓐᓂ ᐊᒻᒪ ᑕᑯᒃᓴᐅᑎᑦᑎᓂᖏᓐᓂ ᐃᓄᐊᓂ ᐊᕐᕌᒍᓂ ᒪᕐᕉᖕᓂ, ᓯᕗᓪᓕᐅᔾᔭᐅᖁᔭᐅᔪᒥ ᒪᒃᑯᒃᑐᓄᑦ ᖁᙱᐊᖅᑐᓄᑦ ᐊᔪᕐᓇᙱᒃᑳᖓᑦ”).

ᓄᓇᕐᔪᐊᒥ ᐱᓐᓇᕆᔭᐅᓂᖓ

ᐊᖏᔪᒻᒪᕆᐊᓗᖕᒥ ᓄᓇᕐᔪᐊᒥ ᐱᓐᓇᕆᔭᐅᓂᖓᓂ ᖃᐅᔨᓴᖅᑕᐅᓂᐅᔪᒥ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ - ᐱᓗᐊᖅᑐᒥ ᖃᐅᔨᓴᕐᓂᕐᒥ ᐊᒃᑐᐃᓂᐅᔪᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ - ᓇᓗᓇᐃᖅᑕᐅᓚᐅᖅᐳᖅ ᖃᐅᔨᓴᖅᑕᐅᔪᒥ ᓄᓇᓕᐅᔪᒥ ᐅᖃᖃᑎᖃᕐᓂᐅᔪᒥ ᐱᓕᕆᐊᖑᓂᐅᔪᓂ. ᒥᑭᑦᑐᓂ ᐋᖅᑭᒋᐊᖅᑕᐅᓂᐅᔪᓂ ᓇᓗᓇᐃᖅᓯᔪᒥ ᓄᓇᕐᔪᐊᒥ ᐱᒻᒪᕆᐅᓂᖓᓂ ᒥᕐᙳᐃᖅᓯᕐᕕᖕᒥ ᐃᓚᔭᐅᓯᒪᕗᖅ ᓈᒻᒪᖕᓂᖓᓂ ᓇᓕᒧᑎᑦᑎᓂᕐᒧᑦ ᓇᓗᓇᐃᖅᓯᓂᐅᔪᒥ ᓄᓇᓕᖕᓂ ᐱᒻᒪᕆᐅᓂᖓᓂ ᓴᓂᓕᐊᓂ ᓄᓇᓕᐅᔪᓄᑦ.

ᓄᓇᙳᐊᑦ

ᑕᒪᕐᒥᒃ ᓄᓇᙳᐊᑦ ᐋᖅᑭᒋᐊᖅᑕᐅᒃᑲᓐᓂᖅᓯᒪᕗᑦ ᑭᐅᓂᕐᒥ ᓄᑖᙳᕆᐊᖅᑎᑕᐅᓂᐅᔪᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᓄᓇᙳᐊᓕᐅᕐᓂᕐᒥ ᒪᓕᒋᐊᓕᖏᓐᓂ. ᓱᓕᒃᑲᓐᓂᖅ, ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ ᐊᒻᒪ ᐃᓕᔭᐅᔪᒥ ᓄᓇᙳᐊᑦ (ᓄᓇᙳᐊᖅ 3 ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ), ᓯᕗᓂᐊᓂ ᐱᑕᖃᓚᐅᖅᑐᒥ ᒪᕐᕉᓪᓗᑎᒃ ᐊᕕᒃᓯᒪᔪᓂ ᓇᓗᓇᐃᒃᑯᑕᐅᔪᓂ, ᑲᑎᑕᐅᓯᒪᕗᑦ ᐊᑕᐅᓯᕐᒧᑦ ᑐᑭᓯᓇᖅᑎᑦᑎᓂᕐᒧᑦ ᐊᒻᒪ ᐊᔪᕐᓇᙱᓐᓂᖓᓂ ᖃᐅᔨᒋᐊᕐᓂᕐᒧᑦ.

ᒥᕐᙳᐃᖅᓯᕐᕕᖕᒥ ᐸᕐᓇᐃᓂᕐᒧᑦ ᑲᑎᙵᓂᐅᔪᑦ ᐱᓚᐅᖅᐳᑦ ᐊᒥᓱᓂ ᑕᒪᐃᑎᒍᑦ ᐊᐱᖅᑯᑕᐅᓂᐅᔪᓂ ᐊᒻᒪ ᐅᖃᐅᓯᒃᓴᓕᐊᓂ ᑕᐃᑲᓂᓗᒃᑖᖅ ᐅᖃᖃᑎᖃᕐᓂᐅᔪᒥ ᐱᓕᕆᓂᐅᔪᒥ. ᐊᒥᓱᑦ ᓯᓚᑖᓃᓚᐅᕐᓂᖏᓐᓂ ᐊᖏᓂᖓᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ, ᑎᑎᕋᖅᑕᐅᓚᐅᖅᐳᑦ ᐊᒻᒪ ᐱᓐᓇᕆᔭᐅᕗᑦ ᑐᑭᓯᐅᒪᑦᑎᐊᕐᓂᖏᓐᓂ ᐊᑐᐃᓐᓇᖃᖅᑎᑕᐅᔪᓂ ᐱᔪᒪᓂᐅᔪᓂ ᐊᒻᒪ ᐃᓱᒫᓘᑕᐅᔪᓂ ᓴᓂᓕᐊᓂ ᓄᓇᓕᐅᔪᓂ. ᐊᔪᕐᓇᙱᑦᑕᕌᖓᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑏᑦ ᑭᐅᕙᓚᐅᖅᐳᑦ ᐊᐱᖅᑯᑕᐅᔪᓂ ᒫᓐᓇᓪᓚᕆᐅᔪᒥ ᓄᓇᓕᖕᒥᐅᑕᓄᑦ, ᐱᐅᔪᒻᒪᕆᐊᓘᓪᓗᓂ ᐱᓕᕆᖃᑎᒌᖕᓂᐅᔪᒥ-ᓴᓇᓂᕐᒥ ᐱᕕᒃᓴᖃᕐᓂᐅᓚᐅᖅᐳᖅ ᖃᐅᔨᒪᓂᐅᔪᒥ ᐅᖃᐅᓯᖃᕐᓂᕐᒥ. ᐊᑖᓂ ᐃᓚᖏᓐᓂ ᐆᒃᑑᑎᐅᕗᑦ ᖃᓄᐃᑦᑑᓂᖓᓂ ᐊᐱᖅᑯᑕᐅᔪᓂ ᐊᒻᒪ ᐅᖃᐅᓯᒃᓴᓕᐊᓂ ᐱᔭᐅᔪᓂ ᐅᖃᖃᑎᖃᕐᓂᐅᔪᒥ ᑲᑎᒪᓂᐅᔪᓂ ᑕᐃᒪᐃᒐᔪᓚᐅᖅᑐᓂ ᐊᒻᒪᓗ/ᐅᕝᕙᓘᓐᓃᑦ ᓯᓚᑖᓂ ᐊᖏᓂᖓᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ. ᐋᖅᑭᒃᓱᖅᓯᒪᕗᑦ ᖃᓄᑐᐃᓐᓇᖅ ᐊᕕᒃᑐᖅᓯᒪᓂᐅᔪᒥ.

ᐱᓕᕆᐊᖓᓐᓂ ᐊᒻᒪ ᑲᒪᒋᔭᕆᐊᖃᕐᓂᖏᓐᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᖁᑦᑎᓂᖅᐹᖅ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖑᔪᓄᑦ, ᐊᒻᒪ ᑕᒪᐃᑎᒍᑦ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ ᐱᓕᕆᓂᐅᔪᒥ

ᑭᓲᕙ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᐊᒻᒪ ᖃᓄᐃᓕᐅᓲᖑᕙᑦ? ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖑᔪᓄᑦ ᖃᓄᐃᓕᐅᓲᖑᕙᑦ? ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ ᐱᓕᕆᓲᖑᕙᑦ ᒥᕐᙳᐃᖅᓯᕐᕕᖕᒥ? ᑭᓲᕙ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ ᐊᒻᒪ ᐊᑐᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ ᑐᑭᖃᖅᐸ? ᑭᓲᕙᑦ ᐃᓚᖏᓐᓂ ᐱᓱᔪᒡᕕᐅᒐᔪᒃᑐᓂ ᐊᖅᑯᑕᐅᔪᓂ ᒥᕐᙳᐃᖅᓯᕐᕕᖕᒥ?

ᐃᖅᑲᓇᐃᔮᒧᑦ ᐱᕕᒃᓴᖃᕐᓂᐅᔪᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ

ᐃᖅᑲᓇᐃᔮᒃᓴᖃᕐᓂᐊᖅᐸ? ᖃᓄᖅ ᐱᔪᒥᓇᕐᓂᖅᓴᐅᑎᑦᑎᔪᓐᓇᖅᐱᑕ ᐃᓄᖕᓄᑦ ᓴᓂᓕᐊᓂ ᓄᓇᓕᐅᔪᓂ?

ᐃᓕᖅᑯᓯᕐᒧᑦ ᐃᓂᐅᔪᓂ ᐊᒻᒪ ᓇᔪᒐᖓᓐᓂᓪᓗᓯᓚᖁᑎᖏᓐᓂᓪᓗ ᖃᐅᔨᓴᕐᓂᐅᔪᒥ ᓄᓇᖏᓐᓂ ᓴᐳᔾᔭᐅᓯᒪᔪᓂ ᐃᓗᐊᓂ ᖁᑦᑎᓂᖅᐸᒥ

ᐃᖃᓗᑦ ᓇᓂᔭᐅᓯᒪᕙᑦ ᑕᓯᖅ ᕼᐊᐃᓯᓐᒥ? ᑭᓱᓂ ᖃᐅᔨᒪᕕᑦ ᐅᓄᕐᓂᐅᔪᓂ ᐊᒻᒪ ᐃᓂᐅᔪᓂ ᐊᒪᕈᕐᓄᑦ ᓯᑎᐅᔪᓂ ᒥᕐᙳᐃᖅᓯᕐᕕᖕᒥ?

ᒥᕐᙳᐃᖅᓯᕐᕕᖕᒥ ᐊᑐᐃᓐᓇᖃᕐᓂᖓᓂ ᐊᒻᒪ ᖁᕝᕙᖅᓴᐃᓂᐅᔪᒥ

ᖃᓄᖅ ᐃᓄᐃᑦ ᒥᕐᙳᐃᖅᓯᕐᕕᖕᒧᐊᓲᖑᕙᑦ? ᖃᓄᑎᒋ ᐊᑭᖃᖅᐸ? ᓇᓂᓯᓂᕐᒥ ᐱᓕᕆᓂᐅᔪᓂ ᐅᓄᕐᓂᖅᓴᓂ ᐃᓄᖕᓂ ᑕᑉᐸᐅᖓ ᐊᒻᒪ ᐅᔾᔨᕈᓱᓕᕐᓗᑎᒃ ᐱᒻᒪᕆᐅᓂᖓᓂ!

6.0 ᐃᓱᓕᑦᑎᓂᐅᔪᒥ

ᓄᑖᖑᔪᖅ ᐅᖃᐅᓯᐅᔪᖅ ᑕᐅᑐᙳᐊᖅᑕᐅᓂᐅᔪᒥ ᐱᕙᓪᓕᐊᑎᑕᐅᔪᒥ ᐅᕘᓇ ᐱᓕᕆᓂᐅᔪᒥ ᐊᔪᕆᖅᓱᐃᓂᐊᖅᐳᖅ ᐊᐅᓚᑦᑎᓂᖓᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖕᒥ ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᖁᓕᓄᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪ ᐃᓄᐃᑦ ᐱᓕᕆᖃᑎᒌᒡᓗᑎᒃ ᐊᑐᓕᖅᑎᑦᑎᓂᕐᒥ ᐱᒻᒪᕆᐅᔪᓂ ᐸᕐᓇᒍᑕᐅᔪᓂ, ᑐᕌᖅᑕᐅᓇᓱᐊᖅᑐᓂᑦ, ᐊᒻᒪ ᑐᕌᒐᕆᔭᐅᔪᓂᑦ. ᐊᐅᓚᑦᑎᓂᕐᒧᑦ ᐸᕐᓇᐅᑎᖓ ᐃᓱᓕᓐᓂᐅᙱᓚᖅ ᐊᒻᒪᓗ ᐃᒻᒥᒍᑦ, ᐊᒻᒪ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐋᖅᑭᐅᒪᑎᑦᑏᓐᓇᕐᓂᐊᖅᐳᑦ ᒪᑐᐃᖓᔪᒥ ᐅᖃᓪᓚᖕᓂᐅᔪᒥ ᐊᑐᓕᖅᑎᑕᐅᓂᖓᓂ ᓇᓗᓇᐃᖅᓯᓂᕐᒧᑦ ᐊᑑᑎᖃᑦᑎᐊᖏᓐᓇᕐᓂᐊᕐᓂᖓᓂ ᐊᒻᒪ ᑐᑭᖃᑦᑎᐊᕐᓗᓂ.

ᐊᑕᔪᒥ A: “ᑐᓴᓚᐅᖅᑕᕗᑦ” ᐱᒻᒪᕆᐅᔪᓂ ᐅᖃᐅᓯᐅᔪᓂ

ᑐᕌᒐᕆᔭᐅᔪᖅ 3.1.1 ᐋᖅᑭᒋᐊᖅᑕᐅᓚᐅᖅᐳᖅ (ᐊᐅᐸᖅᑐᒥ) ᑭᐅᓂᕐᒥ ᐅᖃᐅᓯᒃᓴᓕᐊᖑᔪᓄᑦ: “ᐊᑕᐅᓯᖅ ᐃᓴᒃᓯᒪᓂᐅᔪᒥ ᖃᓄᐃᓕᐅᕐᓂᐅᔪᒥ ᑕᑯᒃᓴᐅᑎᑦᑎᔪᒥ ᐅᓂᒃᑳᓕᐊᒥ ᑐᙵᕕᖃᖅᑐᒥ ᑐᑭᓯᐅᒪᓂᐅᔪᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪ ᖃᐅᔨᓴᕐᓂᕐᒥ ᖁᑦᑎᓂᖅᐹᒥ ᐊᑐᐃᓐᓇᐅᕗᖅ ᐃᖅᑲᓇᐃᔭᖅᑎᓄᑦ ᐅᖃᐅᓯᖃᕐᓂᖏᓐᓂ ᐊᒻᒪ ᑕᑯᒃᓴᐅᑎᑦᑎᓂᕐᒥ ᐃᓗᐊᓂ ᐊᕐᕌᒍᓄᑦ ᒪᕐᕉᖕᓄᑦ, ᓯᕗᓪᓕᐅᔾᔭᐅᑎᑕᐅᓂᖃᕐᓗᓂ ᒪᒃᑯᒃᑐᓂ ᖁᙱᐊᖅᑎᐅᔪᓄᑦ ᐱᔪᓐᓇᑐᐊᕌᖓᑕ”.
ᓇᓗᓇᐃᒃᑯᑕᖅ A1: ᐅᓂᒃᑳᕆᓯᒪᑦᑎᐊᖅᑐᓂ ᕿᒥᕐᕈᔭᐅᓂᖓᓂ ᐅᖃᐅᓯᒃᓴᓕᐊᖑᔪᓂ ᐱᔭᐅᔪᓂ ᐅᖃᖃᑎᖃᕐᓂᐅᔪᒥ ᐆᒃᑐᕋᕐᓂᐅᔪᓂ ᐊᒻᒪ ᖃᓄᖅ ᐃᓚᓕᐅᔾᔭᐅᓂᖓᓂ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓄᑦ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓄᑦ.
ᑐᓴᓚᐅᖅᑕᕗᑦ ᐅᖃᐅᓯᒃᓴᓕᐊᑦ / ᑲᑎᙵᓂᐅᔪᒥ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓄᑦ
ᐊᑐᐃᓐᓇᖃᕐᓂᕐᒥ ᖁᑦᑎᓂᖅᐹᖅ
ᐅᓄᕐᓂᖅᓴᓂ ᐃᓄᖕᓂ ᒥᕐᙳᐃᖅᓯᕐᕕᖕᒧᖅᑎᑕᐅᓂᖏᓐᓂ/ᐅᔾᔨᕈᓱᒡᓗᑎᒃ ᐱᒻᒪᕆᐅᓂᖓᓂ ᐱᓗᐊᖅᑐᒥ ᓴᓂᓕᐊᓂ ᓄᓇᓕᐅᔪᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓ ᐊᓯᐊᒎᖅᑐᒥ ᐃᓂᐅᕗᖅ, ᐊᒻᒪ ᐅᖃᐅᓯᖃᕐᓂᖓᓂ ᐱᓐᓇᕆᔭᐅᓂᖓᓂ ᐊᒻᒪ ᐱᒻᒪᕆᐅᓂᖓᓂ ᑲᓴᕼᒥᐅᑕᓕᒫᖑᔪᓄᑦ, ᐱᓗᐊᖅᑐᒥ ᐃᓄᖕᓂ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ, ᓯᕗᓪᓕᐅᔾᔭᐅᑎᑕᐅᖁᔭᐅᕗᖅ ᑕᐃᑲᓂᓗᒃᑖᖅ 2020−ᒥ ᑎᑎᕋᖅᑕᐅᒋᐊᙵᕈᒻᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ (ᑕᑯᒍᒃ ᐱᓗᐊᖅᑐᒥ ᑐᕌᖅᑕᐅᓇᓱᐊᖅᑐᑦ 1.3 ᐊᒻᒪ 2.2, ᐊᒻᒪᓗ ᑕᐅᑐᙳᐊᖅᑕᐅᓂᐅᔪᒥ).
ᖃᓄᑦ ᐃᓄᐃᑦ ᒥᕐᙳᐃᖅᓯᕐᕕᖕᒧᐊᓲᖑᕙᑦ? ᐳᓚᕋᖅᑐᓄᑦ ᓵᑕᒥᒃ ᐊᑐᐃᓐᓇᖃᖅᐸ? ᖃᓄᖅ ]ᖅᑭᒃᓱᖅᑕᐅᓲᖑᕙ? ᖃᓄᑎᒋ ᐊᑭᖃᖅᐸ?

ᐊᐱᖅᑯᑕᐅᔪᑦ ᐊᒻᒪ ᐅᖃᐅᓯᒃᓴᓕᐊᑦ ᐱᔾᔪᑎᓪᓗᐊᑕᖃᖅᑐᓂ ᒥᕐᙳᐃᖅᓯᕐᕕᖕᒧᑦ ᐊᑐᐃᓐᓇᖃᕐᓂᖓᓂ ᓴᖅᑭᓚᐅᖅᐳᖅ ᑕᒪᒃᑭᓂ ᓄᓇᓕᖕᓂ ᐅᖃᖃᑎᖃᕐᓂᐅᔪᒥ ᖃᓄᐃᓕᐅᕐᓂᐅᔪᓂ, ᐊᒻᒪ ᐅᕙᙶᖅᐳᑦ ᖃᓄᐃᑦᑐᑐᐃᓐᓇᑦᑎᐊᓂ ᖁᙱᐊᖅᑎᐅᔪᓂ. ᐅᑯᐊ ᖃᓄᐃᑦᑑᓂᖏᓐᓂ ᐅᓂᒃᑳᕆᔭᐅᑦᑎᐊᕐᓂᖏᓐᓂ ᐊᐅᓚᑕᐅᓂᖓᓂ ᓇᓗᓇᖅᑐᓂ ᐊᐅᓚᑕᐅᓂᐅᔪᓂ ᐊᐱᖅᑯᑕᐅᔪᓂ ᐅᖓᑖᓃᑉᐳᑦ ᐊᖏᓂᖓᓂ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ, ᓇᓗᓇᐃᖅᓯᓂᖃᖅᐳᑦ ᐱᔪᒪᓂᕐᔪᐊᖑᔪᒥ ᒥᕐᙳᐃᖅᓯᕐᕕᖕᒥ ᐊᒻᒪᓗ ᐱᒻᒪᕆᐅᓂᖓᓂ ᐱᕙᓪᓕᐊᑎᑦᑎᓂᕐᒥ ᐃᓱᒪᑐᓂᕐᒥ ᐱᓕᕆᓂᐅᔪᓂ ᑲᑎᙵᓂᖃᕐᓂᐅᔪᒥ ᖁᑦᑎᓂᖅᐹᕐᒥ ᑲᓇᑕᒥᐅᑕᓄᑦ, ᓇᓗᓇᐃᖅᑕᐅᓯᒪᔪᒥ ᑕᐃᑲᓂᓗᒃᑖᖅ ᐸᕐᓇᐅᑎᒥ (ᑕᑯᒍᒃ ᑐᕌᖅᑕᐅᓇᓱᐊᖅᑐᓄᑦ 1.3 ᐊᒻᒪ 2.2−ᒥ ᐱᓗᐊᖅᑐᒥ).

ᖃᐅᔨᒋᐊᒃᑲᓐᓂᕐᓂᐅᔪᓂ ᐸᕐᓇᐃᓂᕐᒥ ᐳᓚᕋᕐᓂᐅᔪᒥ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓄᑦ ᓇᓂᔭᐅᔪᓐᓇᖅᐳᖅ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᑭᐊᖅᑭᕕᖓᓐᓂ ᐅᕙᓂ: https://parks.canada.ca/pn-np/nu/quttinirpaaq/visit. ᖃᐅᔨᒋᐊᒻᒪᕆᒡᓗᒍ ᐃᖅᑲᓇᐃᔭᖅᑎᓂ ᐊᔪᕆᖅᓱᐃᒃᑲᓐᓂᕐᓂᐅᔪᓄᑦ ᐸᕐᓇᐃᓂᑎᓪᓗᒋᑦ ᐊᐅᓪᓛᕐᓂᐅᔪᒥ.

ᒥᕐᙳᐃᖅᓯᕐᕕᖕᒥ ᖁᕝᕙᖅᓴᐃᓂᐅᔪᒥ ᐊᒻᒪ ᐃᓴᒃᓯᒪᓂᐅᔪᒥ

ᓄᓇᓕᖕᓂ (ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ):

ᐊᖏᒡᓕᒋᐊᖅᑎᑦᑎᓗᓂ ᒪᓂᓴᐃᓂᐅᔪᓂ ᒥᕐᙳᐃᖅᓯᕐᕕᖕᒥ ᐳ<ᕋᖅᑐᓕᕆᔨᒃᑯᓐᓄᑦ ᐱᓕᕆᔨᕐᔪᐊᖑᔪᓄᑦ.="" ᐊᖏᒡᓕᒋᐊᖅᑎᑦᑎᓗᓂ="" ᐱᕚᓪᓕᕈᑎᓂ="" ᓄᓇᓕᖕᓄᑦ="">

ᑕᑯᒍᒃ ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #2, ᐱᓗᐊᖅᑐᒥ ᑐᕌᖅᑕᐅᓇᓱᐊᖅᑐᑦ 2.2.

ᐅᖃᐅᓯᖃᕐᓗᓂ ᑐᓴᒐᒃᓴᓂ ᒥᕐᙳᐃᖅᓯᕐᕕᖕᒥ ᓄᓇᓕᐅᔪᓂ, ᐱᓗᐊᖅᑐᒥ ᖃᕋᓴᐅᔭᑎᒍᑦ ᐱᓕᕆᓂᐅᔪᓂ (ᓲᕐᓗ, ᑕᕐᕆᔭᓕᐊᖑᔪᓂ, ᐊᔾᔨᖁᑎᓂ, ᐊᓯᖏᓪᓗ): “ᐃᓕᑦᑎᕙᓪᓕᐊᖏᓐᓇᕆᕗᒍᑦ [ᐊᐅᓱᐃᑦᑐᕐᒥᐅᑦ] ᕿᑭᖅᑕᖓᓂ”

ᓄᓇᓕᖕᒥᐅᑕᑦ ᖃᐅᓱᐃᑦᑐᕐᒥ ᐊᒻᒪ ᐱᓗᐊᖅᑐᒥ ᐊᐅᓱᐃᑦᑐᕐᒥ ᓇᓗᓇᐃᖅᓯᓚᐅᖅᐳᑦ ᐱᒻᒪᕆᐅᓂᖓᓂ ᐅᖃᐅᓯᖃᒐᔪᖕᓂᕐᒥ ᓄᑖᙳᕆᐊᖅᑎᑕᐅᓯᒪᔪᓂ ᐊᒻᒪ ᑐᓴᒐᒃᓴᓂ ᐱᓕᕆᓂᐅᔪᒥ ᐱᓕᕆᐊᖑᔪᓂ ᐃᓗᐊᓂ ᒥᕐᙳᐃᖅᓯᕐᕕᖕᒥ. ᐃᓱᒪᒋᓇᒍ ᖃᓂᓛᖑᔪᓂ ᓄᓇᓕᐅᔪᓂ ᒥᕐᙳᐃᖅᓯᕐᕕᖕᒧᑦ ᓄᓇᑎᒍᑦ, ᐅᖓᓯᐸᓗᐊᕐᔪᖕᒪᑦ ᖁᑦᑎᓂᖅᐹᒧᑦ (900 ᑭᓛᒥᑐᐸᓗᖕᓂ ᖃᐅᓱᐃᑦᑐᕐᒥ), ᐊᒻᒪ ᖃᔅᓯᐊᕐᔪᖕᓂ ᓄᓇᓕᖕᒥᐅᑕᓂ ᐳᓚᕋᖅᓯᒪᕗᑦ ᖁᑦᑎᓂᖅᐹᒧᑦ. ᐊᑕᐅᓯᕐᒥ ᐃᓚᒋᔭᐅᔪᒥ ᐊᐅᓱᐃᑦᑐᕐᒥ ᕼᐋᒻᓚᒃᑯᑦ ᑲᑎᒪᔨᐅᔪᓂ ᐅᖃᓚᐅᖅᐳᖅ, “ᐃᓕᑦᑎᕙᓪᓕᐊᖏᓐᓇᕆᕗᒍᑦ [ᐊᐅᓱᐃᑦᑐᕐᒥᐅᑦ] ᕿᑭᖅᑕᖓᓂ”; ᐱᕕᒃᓴᖃᕐᓂᐅᔪᓂ ᑕᑯᒃᓴᐅᑎᑦᑎᓂᕐᒥ ᐊᔾᔨᙳᐊᓂ, ᑕᕐᕆᔭᓕᐊᖑᔪᓂ, ᐊᒻᒪ ᑕᒪᐃᑎᒍᑦ ᓄᑖᙳᕆᐊᖅᑎᑕᐅᓂᐅᔪᓂ ᖃᓄᐃᓕᐅᕐᓂᖓᓂ ᒥᕐᙳᐃᖅᓯᕐᕕᖕᒥ ᐱᓕᕆᐊᖑᓪᓗᐊᖅᐳᑦ.

ᐊᔾᔨᒌᙱᑦᑐᓂ ᑐᕌᖅᑕᐅᓇᓱᐊᖅᑐᓄᑦ ᑕᐃᑲᓂᓗᒃᑖᖅ ᓄᑖᖑᔪᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ ᓇᓗᓇᐃᖅᓯᕗᖅ ᐱᒻᒪᕆᐅᓂᖓᓂ ᓴᓇᓂᕐᒥ ᑲᑎᙵᓂᖃᒃᑲᓐᓂᕐᓂᐅᔪᓂ ᐅᑯᓇᓂ ᖁᑦᑎᓂᖅᐹᖅ ᐊᒻᒪᓗ ᓴᓂᓕᐊᓂ ᓄᓇᓕᐅᔪᓂ (ᑕᑯᒍᒃ ᑐᕌᖅᑕᐅᓇᓱᐊᖅᑐᑦ 1.3 ᐱᓗᐊᖅᑐᒥ). ᑐᙵᕕᖃᖅᑐᒥ ᐅᖃᐅᓯᒃᓴᓕᐊᖑᔪᓂ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᓂ ᓇᓗᓇᐃᖅᓯᓚᐅᖅᐳᑦ ᐊᔾᔨᖁᑎᑕᖃᕐᓂᖓᓂ ᖁᑦᑎᓂᖅᐹᒥᑦ ᐊᒻᒪ ᐱᓕᕆᓂᐅᔪᓂ ᑕᑯᒃᓴᐅᑎᑕᐅᓂᐅᔪᒥ ᐊᐅᓱᐃᑦᑐᕐᒥ ᐃᓄᓕᒫᓂ ᒪᑐᐃᖓᔪᒥ ᐃᒡᓗᒥ ᑲᑎᒪᓂᐅᔪᒥ.

ᑲᓇᑕᒥ ᐊᒻᒪ ᓄᓇᕐᔪᐊᒥ:

ᓴᙱᒃᑎᒋᐊᖅᓯᕗᖅ ᑲᑎᙵᓂᖃᕐᓂᐅᔪᓂ ᐅᑯᓇᓂ ᒥᕐᙳᐃᖅᓯᕐᕕᖕᒥ ᐊᒻᒪ ᑕᒪᒃᑭᓂ ᑲᓇᑕᒥᐅᑕᓂ (ᓲᕐᓗ, ᒫᓐᓇᐅᔪᒥ ᓇᓗᓇᐃᖅᓯᒪᔪᑐᐃᓐᓇᐅᙱᑦᑐᒥ ᖃᐅᔨᓴᖅᑕᐅᔪᒥ ᓄᓇᓕᐅᔪᒥ)

 ᑕᑯᒍᒃ ᑐᕌᖅᑕᐅᓇᓱᐊᖅᑐᑦ 3.1, ᓇᓗᓇᐃᖅᓯᔪᒥ ᑐᕌᒐᕆᔭᐅᔪᓂᑦ ᐃᓄᓕᒫᓄᑦ ᐃᓴᒃᓯᒪᓂᐅᔪᓂ ᐱᓕᕆᔾᔪᑕᐅᔪᓂ ᐊᒻᒪ ᐱᓕᕆᐊᖑᔪᓂ ᑐᓴᐅᒪᑎᑦᑎᓂᕐᒥ ᐱᓐᓇᕆᔭᐅᓂᐅᔪᓂ ᖁᑦᑎᓂᖅᐹᒥᑦ “ᑲᒪᑕᒥᐅᑕᓕᒫᓄᑦ ᐊᒻᒪ ᐅᖓᑖᓄᑦ”.
ᓇᓗᓇᐃᖅᓯᓗᓂ ᖁᑦᑎᓂᖅᐹᑉ ᓄᓇᕐᔪᐊᒥ ᐱᒻᒪᕆᐅᕐᔪᐊᕐᓂᖓᓂ

ᐱᒻᒪᕆᐅᓂᖓᓂ ᖃᐅᔨᓴᕐᓂᕐᒧᑦ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ ᑲᑎᖅᓱᖅᑕᐅᓯᒪᔪᓂ ᖁᑦᑎᓂᖅᐹᒥ ᓇᓗᓇᐃᖅᑕᐅᓯᒪᕗᖅ ᑕᐃᑲᓂᓗᒃᑖᖅ ᑎᑎᖅᑲᖁᑕᐅᔪᒥ ᐊᑐᕐᓂᑯᖓᓐᓂ ᐅᖓᕙᕆᐊᖅᓯᓂᕐᒥ ᓄᓇᕐᔪᐊᒥ ᑐᑭᓯᐅᒪᓂᐅᔪᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ. ᓱᓕᒃᑲᓐᓂᖅ, ᑐᕌᒐᕆᔭᐅᔪᖅ 3.1.5 ᑕᑯᒃᓴᐅᑎᑦᑎᕗᖅ ᐊᖏᖅᓯᒪᓂᐅᔪᒥ ᐃᓕᓴᖅᓯᓂᕐᒥ ᐱᓐᓇᕆᔭᐅᓂᖓᓂ ᖁᑦᑎᓂᖅᐹᒥ ᓄᓇᕐᔪᐊᒥ ᐊᖏᓂᐅᔪᒥ ᐸᕐᓇᐃᓪᓗᑎᒃ ᑎᒃᑯᐊᕆᓂᐅᔪᒥ ᑕᑯᒃᓴᐅᑎᑕᐅᓂᖓᓂ ᑎᑎᕋᖅᑕᐅᓯᒪᓂᖓᓂ ᑎᑎᕋᖅᓯᒪᔪᓂ ᓄᓇᕐᔪᐊᒥ ᐃᑦᑕᕐᓂᓴᐅᔪᓂ ᐃᓂᐅᔪᓂᑦ.

ᒥᑭᑦᑐᓂ ᐋᖅᑭᒋᐊᖅᑕᐅᓂᐅᔪᓂ ᐅᖃᐅᓯᕐᒥ ᑕᐅᑐᙳᐊᖅᑕᐅᓂᐅᔪᒥ ᐅᓂᒃᑳᕆᓯᒪᕐᔪᐊᒃᑲᓐᓂᖅᑐᒥ ᐃᓚᖃᕐᓗᓂ ᐅᖃᐅᓯᐅᓂᖓᓂ ᒥᕐᙳᐃᖅᓯᕐᕕᐅᑉ ᓄᓇᕐᔪᐊᒥ ᐱᒻᒪᕆᐅᓂᖓᓂ.

ᒪᒃᑯᒃᑐᓂ ᐃᓚᐅᑎᑦᑎᓂᐅᔪᒥ:

ᐊᖏᒡᓕᒋᐊᖅᑎᑦᑎᓗᓂ ᒪᒃᑯᒃᑐᓂ ᐃᓚᐅᑎᑦᑎᓂᐅᔪᒥ ᐊᒻᒪᓗ/ᐅᕝᕙᓘᓐᓃᑦ ᓇᓂᓯᓗᓂ ᓄᑖᖑᔪᓂ ᐱᓕᕆᓂᐅᔪᓂ ᐃᓚᐅᑎᑦᑎᓂᕐᒥ ᒪᒃᑯᒃᑐᓂ ᖁᑦᑎᓂᖅᐹᖅ ᐸᕐᓇᐃᓂᕐᒥ, ᐊᐅᓚᑦᑎᓂᕐᒧᑦ, ᐊᒻᒪ ᐊᐅᓚᑕᐅᓂᐅᔪᓂ (ᓲᕐᓗ, ᐃᓕᓐᓂᐊᕐᕕᓕᐊᖅᐸᒡᓗᑎᒃ ᐱᔪᓐᓇᕐᓂᓕᒫᖑᔪᒥ, ᐃᓱᒪᒋᔭᖃᕐᓗᑎᒃ ᓄᓇᒥ ᑕᖕᒫᕐᓂᐅᔪᓂ ᒪᒃᑯᒃᑐᓂ, ᐃᓄᑐᖃᕐᓂ, ᖃᐅᔨᓴᖅᑎᐅᔪᓂ, ᐊᒻᒪ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᓂ)

 ᓄᓇᓕᖕᓂ-ᐃᓗᐊᓂ ᐱᔪᓐᓇᕐᓂᐅᔪᒥ ᓴᓇᓂᕐᒥ ᐃᓄᖕᓄᑦ ᓴᓂᓕᐊᓂ ᓄᓇᓕᐅᔪᓂ, ᐊᒻᒪ ᑐᓂᓯᒃᑲᓐᓂᕐᓂᕐᒥ ᐱᕕᒃᓴᖃᕐᓂᐅᔪᓂ ᒪᒃᑯᒃᑐᓂ ᐃᓚᐅᖃᑕᐅᓂᖏᓐᓂ, ᓇᓗᓇᐃᖅᑕᐅᓯᒪᕗᖅ ᑕᐃᑲᓂᓗᒃᑖᖅ ᐱᒻᒪᕆᐅᔪᓂ ᐸᕐᓇᒍᑕᐅᔪᑦ, ᐱᓗᐊᖅᑐᒥ ᑐᕌᖅᑕᐅᓇᓱᐊᖅᑐᓄᑦ 1.1, 1.2, ᐊᒻᒪ 1.3−ᒥ (ᑕᑯᒍᒃ ᐱᓗᐊᖅᑐᒥ ᑐᕌᒐᕆᔭᐅᔪᖅ 1.3.4).
ᐱᕚᓪᓕᕈᑎᒃ ᓄᓇᓕᖕᓄᑦ
ᓄᓇᓕᐅᔪᑦ ᐱᕚᓪᓕᕈᑎᖃᕈᓐᓇᖅᐸᑦ ᐅᑭᐅᖅᑕᖅᑐᒥ ᓄᓇᒥ ᐃᒫᓗᖓᓐᓂ ᐱᓕᕆᐊᖑᔪᒥ (PCSP) ᖃᓄᐃᓕᐅᕈᑕᐅᔪᓂ (ᓲᕐᓗ, ᐱᓕᕆᔾᔪᑎᓂ ᐊᒻᒪ ᖃᐅᔨᒪᓂᕐᒥ ᐅᖃᐅᓯᖃᕐᓂᐅᔪᓂ)? ᐅᓇ ᐊᐱᖅᑯᑕᐅᔪᖅ ᓯᓚᑖᓃᑉᐳᖅ ᐊᖏᓂᖓᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᑭᓯᐊᓂ ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #2, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᕿᓂᖅᐳᑦ ᖃᓂᓐᓂᖅᓴᐅᔪᒥ ᐱᓕᕆᖃᑎᖃᕋᓱᐊᖅᐳᑦ ᑕᒪᒃᑭᓂ ᐊᓯᖏᓐᓂ ᒐᕙᒪᑐᖃᒃᑯᓐᓂ ᐱᓕᕆᖃᑕᐅᔪᓄᑦ ᐊᒻᒪ ᓄᓇᓕᐅᔪᓂ ᐃᑲᔪᖅᓱᐃᓂᕐᒥ ᑐᕌᒐᕆᔭᐅᔪᐃᓐᓇᐅᔪᓂ. ᕿᓂᕐᓂᕐᒧᑦ ᐅᖃᓪᓚᖕᓂᐅᔪᓂ ᐱᓕᕆᐊᖑᓯᒫᓂᒃᐳᖅ ᐊᒻᒪ ᑲᔪᓯᓂᐊᖅᐳᖅ ᐃᓅᓯᖓᑕ ᐱᓕᖅᑭᒃᑕᕐᓂᖓᓂ ᐆᒪᙵᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ.
ᐃᖅᑲᓇᐃᔮᒃᓴᓂ ᐊᑐᐃᓐᓇᖅᑕᖃᖅᐸ ᖁᑦᑎᓂᖅᐹᒥ? ᖃᓄᖅ ᐱᔪᒥᓇᖅᑎᑦᑎᒃᑲᓐᓂᕈᓐᓇᖅᐱᑕ ᐃᓄᖕᓄᑦ? ᓇᓗᓇᐃᖅᑕᐅᓯᒪᔪᒥ ᐃᖅᑲᓇᐃᔭᖅᑎᑖᕐᓂᕐᒥ ᐸᕐᓇᐅᑎᒥ ᓯᓚᑖᓃᑎᓪᓗᒍ ᐊᖏᓂᖓᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ, ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᓯᕗᓪᓕᐅᔾᔭᐅᑎᑕᐅᖏᓐᓇᐅᔭᖅᐳᖅ ᖁᑦᑎᓂᖅᐹᒥ ᐊᒻᒪ ᑕᒪᒃᑭᖅᑐᒥ ᓄᓇᕗᒻᒥ ᓄᓇᒥ ᑲᑎᙵᓂᐅᔪᓂ. ᐅᓇ ᐊᐅᓚᑦᑎᓂᕐᒧᑦ ᐸᕐᓇᐅᑎᖓ ᑐᕌᕋᓱᐊᖅᐳᖅ ᐊᖏᒡᓕᒋᐊᖅᓯᓂᖓᓂ ᐊᑐᐃᓐᓇᐅᔪᓂ ᐱᕕᒃᓴᖃᕐᓂᐅᔪᓂ ᐃᓄᖕᓄᑦ ᐃᖅᑲᓇᐃᔮᖃᕐᓂᐅᔪᒥ ᐱᕕᒃᓴᖃᕐᓂᐅᔪᓂ ᐃᓄᖕᓄᑦ ᐃᖅᑲᓇᐃᔮᖃᕐᓂᕐᒧᑦ, ᐱᔪᓐᓇᕐᓂᕐᒥ-ᓴᓇᓂᐅᔪᒥ, ᐊᒻᒪ ᐊᖏᒡᓕᒋᐊᖅᑐᒥ ᑮᓇᐅᔾᔭᒃᓴᓂᐅᔪᒥ (ᑕᑯᒍᒃ ᑐᕌᖅᑕᐅᓇᓱᐊᖅᑐᑦ 1.2 ᐱᓗᐊᖅᑐᒥ). ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᕌᒐᖃᖅᐳᑦ ᑐᓂᓯᑐᐃᓐᓇᙱᓐᓂᕐᒥ ᐃᖅᑲᓇᐃᔮᒃᓴᓂ ᐱᕕᒃᓴᖃᕐᓂᐅᔪᓂ, ᑭᓯᐊᓂ ᑲᔪᓰᓐᓇᖅᑐᒥ ᐱᓕᒻᒪᒃᓴᓂᐅᔪᓂ ᐊᒻᒪ ᐊᔪᕆᖅᓯᐃᓂᐅᔪᒥ ᖁᕝᕙᖅᓴᐃᓂᕐᒧᑦ ᐊᑯᓂᐅᔪᒥ ᐱᓕᕆᑦᑎᐊᕈᓐᓇᕐᓂᖓᓂ ᐃᓄᖕᓂ ᐱᔪᒃᓴᐅᑕᐅᔪᓄᑦ.
ᓴᓇᓂᕐᒥ ᐱᓕᕆᖃᑎᒌᖕᓂᐅᔪᓄᑦ/ᐱᓕᕆᖃᑎᒌᖕᓂᖅ
ᓴᙱᒃᑎᒋᐊᖅᓯᓗᓂ ᐊᔾᔨᒌᙱᑦᑐᓂᒃ-ᐱᓕᕆᕝᕕᐅᔪᓂ ᐱᓕᕆᖃᑎᖃᕐᓂᐅᔪᓂ ᐊᒻᒪ ᐱᕙᓪᓕᐊᑎᑦᑎᓗᑎᒃ ᑲᑎᙵᓂᐅᔪᓂ ᒐᕙᒪᐅᔪᓂ ᐱᓕᕆᐊᒃᓴᐅᔪᓂ ᐊᑑᑎᖃᕐᓂᖓᓂ ᑕᑯᒍᒃ ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #2, ᐱᓗᐊᖅᑐᒥ ᑐᕌᖅᑕᐅᓇᓱᐊᖅᑐᓄᑦ 2.3 ᐊᒻᒪ 2.4. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᓴᖅᓯᕗᑦ ᐱᓕᕆᓪᓗᓂ ᐊᑑᑎᖃᑦᑎᐊᕐᓂᐅᔪᒥ ᐊᒻᒪ ᐊᖏᓛᖑᔪᒥ ᐃᑲᔪᕈᑎᒃᓴᓂ ᐱᓕᕆᑦᑎᐊᕐᓂᖓᓂ ᓄᓇᑖᕋᓱᐊᕐᓂᐅᔪᒥ ᑎᑎᕋᖅᓯᒪᓂᖓᓂ ᑐᑭᖃᖅᐳᖅ ᐱᓕᕆᖃᑎᒌᖕᓂᐅᔪᒥ, ᐊᒻᒪ ᐅᓇ ᑕᑯᒃᓴᐅᑎᑕᐅᕗᖅ ᓄᑖᖑᔪᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ.
ᑲᑎᙵᓂᖃᕐᓂᐅᔪᓂ ᑲᓛᖦᖠᑦ ᓄᓈᓐᓂ (ᓲᕐᓗ, ᐱᓕᕆᖃᑎᖃᕐᓗᑎᒃ ᑲᓛᖦᖠᑦ ᓄᓈᓐᓂ ᓄᓇᖃᖅᑳᖅᓯᒪᔪᓄᑦ-ᐊᐅᓚᑕᐅᔪᓂ ᐱᓕᕆᐊᒃᓴᐅᔪᓂ, cross border ᐱᒋᐊᕈᑕᐅᔪᓂ, ᐊᓯᖏᓪᓗ) ᑕᑯᒍᒃ, ᐱᓗᐊᖅᑐᒥ, ᑐᕌᒐᕆᔭᐅᔪᖅ 2.3.3: “ᕿᓂᖅᐳᑦ ᐱᕕᒃᓴᖃᕐᓂᐅᔪᓂ ᐃᑲᔪᖅᓱᐃᓂᕐᒥ ᓴᖅᑭᑎᑕᐅᒃᑲᓐᓂᕐᓂᖓᓂ ᑕᐃᔅᓱᒪᓂᑐᖃᖅ ᐃᓄᖕᓂ ᑲᑎᙵᓂᐅᔪᓂ ᑲᓛᖦᖠᑦ ᓄᓈᓐᓂ”. ᖃᓄᐃᑦᑑᓂᖓᓂ ᐊᒻᒪ ᐊᖏᓂᖓᓂ ᐅᑯᓂᖓ ᐱᕕᒃᓴᖃᕐᓂᐅᔪᓂ ᕿᒥᕐᕈᐊᖅᑕᐅᓂᐊᖅᐳᑦ ᑕᐃᑲᓂᓗᒃᑖᖅ ᐃᓅᓯᖓᑕ ᐊᑯᓂᐅᓂᖓᓂ ᐆᒥᖓ ᓄᑖᖑᔪᒥ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ.
ᑲᑎᙵᓂᖃᕐᓂᐅᔪᓂ ᑐᕙᐃᔪᐃᑦᑐᕐᒧᑦ ᑕᑯᒍᒃ ᑐᕌᒐᕆᔭᐅᔪᖅ 2.3.5, ᐱᓗᐊᖅᑐᒥ: “ᐱᓕᕆᖃᑎᖃᕐᓗᑎᒃ ᑐᕙᐃᔪᐃᑦᑐᕐᒥ (ᖁᑦᑎᒃᑐᒥ ᐅᑭᐅᖅᑕᖅᑐᒥ ᓴᓂᕋᔭᖓᓂ) ᐊᓐᒪ ᐊᕕᒃᑐᖅᓯᒪᓂᐅᔪᒥ ᐸᐸᑦᑏᓐᓇᕐᓂᐅᔪᒥ ᐱᒋᐊᕈᑕᐅᔪᓂ ᓈᒻᒪᖕᓂᖓᓂ”. ᐊᔪᕐᓇᙱᑐᐊᕌᖓᑦ, ᑲᑐᔾᔨᖃᑎᒌᒡᓗᑎᒃ ᐊᒻᒪ ᐊᐅᓚᑦᑎᓗᑎᒃ ᐱᓕᕆᖃᑎᒋᔭᐅᔪᓂ ᐊᐅᓚᑦᑎᓂᐅᔪᒥ ᓴᐳᔾᔭᐅᓯᒪᓂᐅᔪᓂ ᐃᓂᐅᔪᓂ ᐊᕕᒃᑐᖅᓯᒪᓂᐅᔪᒥ ᑭᒡᓕᐅᔪᒥ ᐱᒻᒪᕆᐅᓪᓗᓂ ᑐᕌᖅᑕᐅᓇᓱᐊᖅᑑᕗᖅ ᐆᒪᙵᑦ ᓄᑖᖑᔪᒥ ᐸᕐᓇᐅᑎᒥ.
ᖃᔅᓯᒐᓚᖕᓂ ᓴᓂᓕᖏᓐᓂ ᑐᓴᐅᒪᑎᑦᑎᓂᐅᔪᒥ (ᑕᑯᒍᒃ ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #2) ᐅᖃᐅᓯᖓ ᑕᐅᕙᓂ “ᒪᕐᕈᐃᓕᖓᔪᓄᑦ ᑐᓴᐅᒪᑎᑦᑎᓂᐅᔪᒥ” ᐋᖅᑭᒋᐊᖅᑕᐅᓯᒪᕗᖅ “ᖃᔅᓯᒐᓚᖕᓂ ᓴᓂᓕᖏᓐᓂ ᑐᓴᐅᒪᑎᑦᑎᓂᐅᔪᒥ” ᓈᒻᒪᒃᑎᓪᓗᒍ ᓇᓗᓇᐃᖅᓯᒃᑲᓐᓂᕐᓂᕐᒥ ᐱᒻᒪᕆᐅᓂᖓᓂ ᐱᓕᕆᖃᑎᒌᖕᓂᐅᔪᒥ ᖃᔅᓯᒐᓚᖕᓂ ᐱᓕᕆᖃᑕᐅᔪᓂ.
ᐊᑐᖅᑕᐅᕙᓚᐅᖅᑐᓂ/ᐃᓕᖅᑯᓯᒧᑦ ᐱᒻᒪᕆᐅᓂᖓᓂ ᖁᑦᑎᓂᖅᐹᒥ
ᐃᓚᓯᓗᓂ ᐅᖃᐅᓯᖃᓪᓚᕆᖕᓂᖓᓂ ᐃᓕᖅᑯᓯᒥ ᐊᒻᒪ ᐊᑐᖅᑕᐅᕙᓚᐅᖅᑐᓂ ᒥᕐᙳᐃᖅᓯᕐᕕᖕᒥ (ᐱᓗᐊᖅᑐᒥ ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #3 ᐊᒻᒪ ᑕᐅᑐᙳᐊᖅᑕᐅᓂᐅᔪᒥ) ᒥᑭᑦᑐᓂ ᐋᖅᑭᒋᐊᖅᑕᐅᓂᐅᔪᓂ ᐊᓯᔾᔨᕐᓂᐅᓂᖃᓚᐅᖅᐳᑦ ᓈᒻᒪᒃᑳᖓᑦ ᑕᐅᕗᖓᒃᑲᓐᓂᖅ ᑲᑎᙵᓂᖃᕐᓂᐅᔪᓂ ᐃᓕᖅᑯᓯᒧᑦ ᐊᑦᑕᕐᓇᓕᕆᓂᕐᒥ ᐃᓱᒪᒋᔭᐅᓂᐅᔪᓂ ᖁᑦᑎᓂᖅᐹᒥ.
ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ
ᑭᓱᓂ ᖃᓄᐃᑦᑑᓂᖏᓐᓂ ᐃᓗᐊᓂ-ᒥᕐᙳᐃᖅᓯᕐᕕᖕᒥ ᓯᕿᓂᕐᒧᑦ ᓄᑖᙳᖅᐸᓪᓕᐅᓂᐅᔪᒥ ᐊᑐᐃᓐᓇᕈᖅᑎᑕᐅᔪᓐᓇᖅᐸᑦ ᓄᓇᓕᖕᓄᑦ? ᑕᒪᐃᑎᒍᑦ ᐊᐱᖅᑯᑕᐅᔪᒥ ᓯᓚᑖᓃᑉᐳᖅ ᐊᖏᓂᖓᓂ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ ᑐᓂᓯᓚᐅᖅᐳᑦ ᑐᓴᒐᒃᓴᓂ ᓯᕿᓂᕐᒧᑦ ᓄᑖᙳᖅᐸᓪᓕᐅᓂᐅᔪᒥ ᐊᑐᖅᑕᐅᕙᒃᑐᒥ ᑕᖕ`ᒫᕐᕕᖓᓂ ᖁᑦᑎᓂᖅᐹᒥ.
ᓴᓗᒻᒪᖅᓴᐃᓗᑎᒃ ᓄᑕᐅᙱᑦᑐᓂ ᓈᓚᐅᑎᓄᑦ ᓇᑉᐸᖅᑯᑕᐅᔪᓂ ᓈᓚᐅᑎᒃᑰᕈᑕᐅᔪᒥ ᓇᑉᐸᖅᑯᑕᐅᔪᓂ ᐊᒻᒪ ᐱᓕᕆᕝᕕᓂ ᑲᒪᒋᔭᐅᓂᐅᕗᖅ ᑲᓇᑕᒥ ᓴᐳᓐᓂᐊᖅᑎᐅᔪᓂ, ᖁᓕᒥᒎᓕᒃᑯᑦ ᐳᓚᕋᒋᐊᒐᔪᒃᑐᓂ ᐃᓂᐅᔪᓄᑦ ᐊᐅᔭᐅᔪᒥ ᐋᖅᑭᐅᒪᑎᑕᐅᓂᕐᒧᑦ. ᒫᓐᓇᐅᔪᒥ, ᖃᔅᓯᒐᓚᖕᓂ−ᐸᕐᕌᒍᓂ ᐱᓕᕆᐊᒃᓴᐅᔪᒥ ᐱᓕᕆᐊᖑᕙᓪᓕᐊᕗᖅ ᓴᓗᒻᒪᖅᓴᐃᓂᕐᒥ ᓄᑕᐅᙱᑦᑐᓂ ᓈᓚᐅᑎᓄᑦ ᓇᑉᐸᖅᑯᑕᐅᔪᓂ Mt. Arthur−ᒥ.
ᐊᑦᑕᓇᔾᔭᐃᖅᓯᒪᓂᕐᒥ
ᐊᑦᑕᓇᔾᔭᐃᖅᓯᒪᓂᕐᒥ ᐊᒻᒪ ᓴᐳᔾᔨᓯᒪᓂᕐᒥ ᐃᓄᖕᓄᑦ ᐊᒻᒪ ᐆᒪᔪᓄᑦ ᓯᕗᓪᓕᐅᑎᑕᐅᖏᓐᓇᐅᔭᓪᓗᐊᖅᐳᑦ ᐊᑦᑕᓇᔾᔭᐃᖅᓯᒪᓂᕐᒥ ᐊᒻᒪ ᓴᐳᔾᔨᓯᒪᓂᕐᒥ ᓯᕗᓪᓕᐅᑎᑕᐅᓯᒪᕗᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᐊᒻᒪ ᐊᔪᕆᖅᓱᐃᕗᑦ ᑕᒪᒃᑭᓂ ᐸᕐᓇᐃᓂᕐᒥ, ᐊᐅᓚᑦᑎᓂᕐᒧᑦ, ᐊᒻᒪ ᐊᐅᓚᑕᐅᓂᖓᓂ ᖁᑦᑎᓂᖅᐹᑉ ᑲᓇᑕᒥ ᒥᕐᙳᐃᖅᓯᕐᕕᒃ.
ᐃᓱᒪᒋᔭᖃᕐᓗᑎᒃ ᐊᒃᑐᐃᓂᐅᔪᓂ ᐳᓚᕋᖅᑐᓄᑦ ᐅᒥᐊᕐᔪᐊᖑᔪᓂ ᑕᕆᐅᕐᒥᐅᑕᐅᓄᑦ ᐆᒪᔪᓄᑦ

ᓄᓇᓕᕆᓂᕐᒥ ᐱᓪᓚᕆᐅᓂᖓᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ ᑐᑭᖃᖅᐳᖅ ᖃᔅᓯᐊᕐᔪᖕᓂ ᐳᓚᕋᖅᑐᓂ ᐅᒥᐊᕐᔪᐊᓂ ᐳᓚᕋᕋᔭᕐᓂᖏᓐᓂ ᐃᓂᐅᔪᒥ, ᐊᒻᒪ ᐊᒃᑐᐃᓂᐅᔪᓂ ᒪᓕᒃᑐᒥ ᒥᑭᓐᓂᐊᖅᐳᖅ. ᓱᓕᒃᑲᓐᓂᖅ, ᖃᐅᔨᒪᔭᐅᓪᓗᐊᖅᐳᖅ ᕿᒥᕐᕈᔭᐅᓂᖓᓂ ᐳᓚᕋᖅᑐᓂ ᐅᒥᐊᕐᔪᐊᓂ ᐊᖅᑯᑎᖏᑦ ᐊᒻᒪ ᐊᒃᑐᐃᓂᐅᑐᐃᓐᓇᕆᐊᖃᖅᑐᓂ ᐊᑲᐅᙱᓕᐅᕈᑕᐅᕗᖅ ᖄᖏᐅᑎᔪᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪ ᐱᓕᕆᐊᖑᕙᒃᐳᖅ ᓯᓕᖕᓂᖅᓴᐅᔪᒥ ᑭᒡᓕᐅᔪᒥ ᐅᕘᓇ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᑦ (NIRB).

ᐱᐅᙱᑦᑐᓂ ᐊᒃᑐᐃᓂᐅᔪᓂ ᑕᕆᐅᕐᒥ ᐊᒃᑐᐃᓂᐅᔪᓂ ᐱᔾᔪᑎᖃᖅᑐᒥ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ ᐱᑎᑕᐅᓂᐅᔪᒥ ᐳᓚᕋᖅᑐᓂ ᐅᒥᐊᕐᔪᐊᓂ ᓂᕆᐅᒋᔭᐅᙱᓚᖅ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑭᐅᓂᐊᖅᐳᑦ ᐱᔭᕆᐊᖃᕈᑎᒃ ᐃᓱᒫᓘᑕᐅᔪᓂ ᓴᖅᑭᑦᑐᖃᕐᓂᖅᐸᑦ

ᖃᐅᔨᓴᕐᓂᖅ
ᓇᓗᓇᐃᖅᓯᓗᓂ ᓴᙱᓂᖅᓴᐅᔪᒥ ᑲᑎᙵᓂᖃᕐᓂᐅᔪᒥto ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐱᒻᒪᕆᐅᔪᓂ ᐸᕐᓇᒍᑕᐅᔪᓂᑦ ᖃᐅᔨᓴᕐᓂᕐᒧᑦ ᐱᒻᒪᕆᐅᓂᖓᓂ ᒥᕐᙳᐃᖅᓯᕐᕕᖕᒥ ᖃᐅᔨᓴᕐᓂᕐᒧᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᓇᓗᓇᐃᖅᑕᐅᕗᖅ ᑕᐃᑲᓂᓗᒃᑖᖅ ᐸᕐᓇᐅᑎᒥ; ᑭᓯᐊᓂ, ᐃᓚᖏᓐᓂ ᐋᖅᑭᒋᐊᖅᑕᐅᔪᓄᑦ ᐊᓯᔾᔨᕐᓂᐅᔪᑦ ᓴᓇᓯᒪᕗᑦ ᓇᓗᓇᐃᖅᓯᓂᕐᒥ ᐱᒻᒪᕆᐅᓂᖓᓂ ᓈᒻᒪᒃᑳᖓᑦ. ᓲᕐᓗ, ᐱᒋᐊᕈᑎᖓᓂ ᑎᑎᕋᖅᓯᒪᓂᐅᔪᒥ ᐱᒻᒪᕆᐅᔪᓂ ᐸᕐᓇᒍᑕᐅᔪᖅ #3: “ᖁᑦᑎᓂᖅᐹᖅ ᐊᑐᐃᓐᓇᖃᖅᑎᑦᑎᔪᒥ the ᐱᒻᒪᕆᐅᔪᒥ ᐊᒻᒪ ᐊᔾᔨᐅᙱᓪᓚᑦᑖᕐᓂᖓᓂ ᐱᕕᒃᓴᖃᕐᓂᐅᔪᒥ ᑐᑭᓯᓂᕐᒧᑦ ᐅᑭᐅᖅᑕᖅᑐᒥ ᐆᒪᔪᐃᑦ ᓄᖅᑭᐅᕐᕕᖓᓂ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐊᕙᑎᐅᔪᒥ ᐊᑐᖅᑕᐅᔪᒥ ᑭᓯᐊᓂ ᐊᓯᔾᔨᓗᐊᖅᓯᒪᙱᑦᑐᒥ ᐃᓄᖕᓄᑦ ᖃᓄᐃᓕᐅᕐᓂᐅᔪᓄᑦ ᐊᒻᒪ ᐃᓂᖃᖅᖢᓂ ᖃᓂᒋᔭᖓᓂ ᓄᓇᕐᔪᐊᑉ ᑲᔾᔨᖓᓂ”.
ᑭᓲᕙ ᖃᐅᔨᓴᕐᓂᕐᒧᑦ ᑐᒃᓯᕋᕐᓂᐅᔪᒥ ᐊᖏᖅᑕᐅᓂᖓᓂ ᐱᓕᕆᓂᐅᔪᒥ? ᖃᐅᔨᒋᐊᒃᑲᓐᓂᕐᓂᕐᒧᑦ ᐱᓕᕆᓂᕐᒥ ᖃᐅᔨᓴᕐᓂᐅᔪᒥ ᑲᓇᑕᒥ ᒥᕐᙳᐃᖅᓯᕐᕕᖕᓂᑦ, ᐊᒻᒪᓗᑦᑕᐅᖅ ᖃᓄᖅ ᑐᒃᓯᕋᕐᓂᕐᒥ ᐊᒻᒪ ᑲᑎᖅᓱᐃᓂᕐᒥ ᐱᔪᓐᓇᐅᒻᒥ, ᓇᓂᔭᐅᔪᓐᓇᖅᐳᖅ ᖃᕋᓴᐅᔭᑎᒍᑦ ᐅᕙᓂ: : https://parks.canada.ca/nature/science/recherche-research/permis-permits. ᓄᓇᕗᒻᒥ ᓄᓇᒥ ᑲᑎᙵᓂᐅᔪᓂ ᐃᖅᑲᓇᐃᔭᖅᑎᖏᑦ ᖃᐅᔨᒋᐊᖅᑕᐅᔪᓐᓇᖅᐳᑦ ᑐᓂᓯᓂᕐᒥ ᑐᓴᒐᒃᓴᓂ ᐊᒻᒪ ᑭᐅᓗᑎᒃ ᐊᐱᖅᑯᑕᐅᔪᓂ: rechercheParcsNunavut-NunavutParksResearch@pc.gc.ca.
ᓯᕗᓪᓕᐅᔾᔭᐅᑎᑕᐅᓗᓂ ᐊᐅᓚᑎᖃᑎᒌᒃᑐᓂ/ᐱᕙᓪᓕᐊᑎᑕᐅᔪᓂ ᖃᐅᔨᓴᕐᓂᐅᔪᒥ ᐃᓄᖕᓂ ᐊᒻᒪ ᖃᓪᓗᓈᓂ ᖃᐅᔨᓴᖅᑎᐅᔪᓂ ᑕᑯᒍᒃ ᑐᕌᖅᑕᐅᓇᓱᐊᖅᑐᑦ 2.4.
ᑐᒃᑐᓂ ᖃᐅᔨᓴᕐᓂᐅᔪᒥ (ᓄᓇᓕᖕᓂ ᑐᓴᐅᒪᑎᑕᐅᓗᑎᒃ, ᐃᓚᖃᕐᓗᓂ ᐆᒪᔪᐃᑦ ᐊᓇᖏᓐᓂ ᖃᐅᔨᓴᐃᓂᐅᔪᓄᑦ ᐆᒪᔪᐃᑦ ᐊᔾᔨᒌᖏᓐᓂᖏᓐᓂ, ᐊᓯᖏᓪᓗ) ᖃᐅᔨᓴᕐᓂᐅᔪᒥ ᐸᕐᓇᒍᑎᒥ ᖃᓂᒋᔭᖓᓂ ᖃᐅᓱᐃᑦᑐᖅ ᑲᓇᑕᒥ ᒥᕐᙳᐃᖅᓯᕐᕕᖕᒥ ᑐᒃᑐᓯᐅᕐᕕᖕᒥ, ᑕᐅᑐᒃᑕᑐᐊᖃᑲᐃᓐᓇᖅᑐᒥ ᖃᑯᖅᑕᑯᓗᐃᑦ ᕿᑭᖅᑕᓂ ᑐᒃᑐᓂ, ᒫᓐᓇᐅᔪᒥ ᐱᕙᓪᓕᐊᑎᑕᐅᕙᓪᓕᐊᕗᖅ. ᑲᑎᙵᓂᖃᕐᓂᐅᔪᓂ ᐊᒻᒪ ᑐᒃᓯᕋᕈᓐᓇᕐᓂᖓᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ ᕿᒥᕐᕈᔭᐅᓂᐊᖅᐳᖅ ᐸᕐᓇᒃᑕᐅᕌᓂᒃᑯᓂ. ᐃᓚᓕᐅᔾᔨᓂᐅᔪᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑕᒪᒃᑭᓄᑦ ᒥᕐᙳᐃᖅᓯᕐᕕᖕᒥ-ᐱᔾᔪᑎᓕᖕᓂ ᐱᓕᕆᓂᐅᔪᓂ, ᐱᓗᐊᖅᑐᒥ ᖃᐅᔨᓴᕐᓂᕐᒥ, ᓇᓗᓇᐃᖅᑕᐅᕗᖅ ᑕᐃᑲᓂᓗᒃᑖᖅ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎ (ᑕᑯᒍᒃ ᑐᕌᖅᑕᐅᓇᓱᐊᖅᑐᑦ 2.4 ᐱᓗᐊᖅᑐᒥ).
ᐃᓱᒪᒋᔭᖃᕐᓗᑎᒃ ᓴᖅᑭᑎᑦᑎᓂᕐᒥ ᑕᓯᖅ ᕼᐊᐃᓯᓐ ᐱᓪᓚᕆᐅᔪᒥ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖁᙱᐊᕐᕕᐅᔪᒥ ᖁᑦᑎᓂᖅᐹᖅ ᓯᓚᕐᔪᐊᓕᒫᒥ ᐃᓕᓴᕆᔭᐅᕗᖅ ᓄᓇᕐᒧᐊᒥ ᐱᒻᒪᕆᐅᓂᖓᓂ ᖃᐅᔨᓴᕐᓂᕐᒧᑦ ᐊᒃᑐᐃᓂᐅᔪᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ, ᐱᖓᓱᓂ ᐊᐅᓚᑕᐅᓂᐅᔪᓂ ᑐᙵᕕᖃᖅᑐᓂ ᓴᖅᑭᑎᑕᐅᓯᒫᓂᒃᑐᒥ ᐊᒻᒪ ᐊᐅᓚᓂᖓᓂ ᐱᓕᕆᑦᑎᐊᖅᑐᒥ ᐊᔾᔨᒌᙱᑦᑐᓂ ᐃᓂᐅᔪᓂ ᒥᕐᙳᐃᖅᓯᕐᕕᖕᒥ, ᐃᓚᖃᖅᑐᒥ ᑕᓯᖅ ᕼᐊᐃᓯᓐᒥ. ᑮᓇᐅᔭᓕᕆᓂᕐᒧᑦ ᐊᒻᒪ ᓇᒦᓐᓂᖓᓂ ᑭᒡᓕᖃᖅᑎᑕᐅᓂᐅᔪᑦ ᓇᑉᐸᖅᑎᕆᓂᕐᒥ, ᐊᐅᓚᑦᑎᓂᕐᒥ, ᐊᒻᒪ ᐋᖅᑭᐅᒪᑎᑦᑎᓂᕐᒥ ᓱᓕᒃᑲᓐᓂᖅ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᐊᖏᕗᑦ. ᖄᒃᑲᓐᓂᐊᒍᑦ, ᐃᓱᒫᓘᑕᐅᔪᓂ ᐅᖃᐅᓯᐅᓯᒫᓂᒃᐳᖅ ᐱᔾᔪᑎᖃᖅᑐᒥ ᐊᒃᑐᐃᓂᐅᔪᓂ ᒫᓐᓇᐅᔪᒥ ᑭᒡᓕᐅᔪᒥ ᐃᓄᖕᓂ ᖃᓄᐃᓕᐅᕐᓂᐅᔪᓄᑦ ᑕᓯᖅ ᕼᐊᐃᓯᓐ ᓴᓂᕋᔭᖓᓂ.
ᑕᒪᐃᑎᒍᑦ ᐊᐱᖅᑯᑕᐅᔪᑦ ᖁᑦᑎᓂᖅᐹᒥ, ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ, ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
ᑭᓲᕙ ᐊᐅᓚᑦᑎᓂᕐᒧᑦ ᐸᕐᓇᐅᑎᒥ? ᖃᓄᐃᓕᐅᓲᖑᕙ? “ᐸᕐᓇᐅᑎ ᑲᓇᑕᐅᑉ ᒪᓕᒐᓕᐅᖅᑎᖏᓐᓄᐊᕐᓂᐊᖅᐸ?” ᑐᓴᒐᒃᓴᐃᑦ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ ᐱᓕᕆᓂᐅᔪᒥ ᓇᓂᔭᐅᔪᓐᓇᖅᐳᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖁᑦᑎᓂᖅᐹᖅ ᐃᑭᐊᖅᑭᕕᖏᓐᓂ: https://www.pc.gc.ca/pn-np/nu/quttinirpaaq/info/plan/apercu-overview.
ᑭᓱ ᐊᑐᕐᓂᖃᐅᑎᐅᕙ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖑᔪᓄᑦ? ᐃᓄᐃᑦ ᐊᒻᒪ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᐅᓚᑦᑎᕗᑦ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᒃ ᐊᖏᖃᑎᒌᒃᓯᒪᓪᓗᑎᒃ, ᐊᒻᒪᓗ ᖁᑦᑎᓂᖅᐹᖅ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖏᑦ ᑲᑐᔾᔭᐅᔪᒥ ᐃᓄᐃᑦ/ᒐᕙᒪᐅᔪᓂ ᒥᕐᙳᐃᖅᓯᕐᕕᖕᓂ ᐸᕐᓇᐃᓂᕐᒥ ᐊᒻᒪ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖏᑦ ᓴᖅᑭᑎᑕᐅᓪᓗᑎᒃ ᐅᕘᓇ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ ᑎᑎᕋᖅᑕᐅᓯᒪᓂᖓᓂ 8.4.11−ᒥ ᓄᓇᕗᒻᒥ ᐊᖏᕈᑎᖓᓐᓂ. ᐊᑐᕐᓂᖃᐅᑎᖓ ᐅᖃᐅᔾᔨᓂᕐᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᒥᓂᔅᑕ ᑲᒪᒋᔭᖃᖅᑐᒥ ᑲᓇᑕᒥ ᒥᕐᙳᐃᖅᓯᕐᕕᕐᓂᑦ, ᓄᓇᕗᒻᒥ ᐆᒪᔪᓕᕆᔨᕐᔪᐊᖑᔪᓂ ᑲᑎᒪᔨᓂ, ᐊᒻᒪ ᐊᓯᖏᓐᓂ ᐱᒡᒍᔾᔨᔨᐅᔪᓂ ᑕᒪᒃᑭᓂ ᐱᓕᕆᓂᐅᔪᓂ ᐱᔾᔪᑎᓕᖕᓂ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ. ᐃᓕᑦᑎᒃᑲᓐᓂᕆᑦ ᖃᓄᖅ ᐃᓄᐃᑦ ᐊᒻᒪ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᓕᕆᖃᑎᒌᒃᐸᖕᓂᖏᓐᓂ ᖁᑦᑎᓂᖅᐹᒥ ᐅᕙᓂ: https://www.pc.gc.ca/pn-np/nu/quttinirpaaq/info.
ᑭᓱᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ ᐱᓕᕆᓲᖑᕙᑦ ᒥᕐᙳᐃᖅᓯᕐᕕᖕᒥ? ᖃᐅᔨᓴᕐᓂᕐᒥ ᐊᒻᒪ ᓇᐅᑦᑎᖅᓱᕐᓂᕐᒥ, ᐆᒪᔪᓂ ᖁᙱᐊᕐᓂᐅᔪᓂ, ᐆᒪᔪᐃᑦ ᐊᔾᔨᒌᙱᓐᓂᖏᓐᓂ ᐸᐸᑦᑏᓐᓇᕐᓂᐅᔪᒥ ᐱᓕᕆᐊᒃᓴᐅᔪᓂ, ᐳᓚᕋᖅᑐᓂ ᑐᙵᓱᒃᑎᑕᐅᓂᖏᓐᓂ, ᓇᓗᓇᐃᔭᐃᔾᔪᔾᔭᐅᓂᕐᒥ, ᐊᒻᒪ ᐃᓕᓐᓂᐊᕐᓂᐅᔪᓂ ᐱᓕᕆᓂᐅᔪᓂ, ᐊᒻᒪ ᐋᖅᑭᖑᐅᒪᑎᑦᑎᓂᕐᒥ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᖃᔅᓯᐊᕐᔪᖕᓂ ᐱᓕᕆᐊᖑᔪᓂ ᐱᔭᕇᖅᑕᐅᓯᒪᔪᓂ ᒥᕐᙳᐃᖅᓯᕐᕕᖕᒥ. ᖃᐅᔨᒋᐊᒃᑲᓐᓂᕐᓂᕐᒧᑦ ᖁᑦᑎᓂᖅᐹᒥ ᐊᒻᒪ ᐊᔾᔨᒌᙱᑦᑐᓂ ᖃᓄᐃᓕᐅᕐᓂᐅᔪᓂ ᐱᓕᕆᐊᖑᕙᒃᑐᓂ ᒥᕐᙳᐃᖅᓯᕐᕕᖕᒥ ᓇᓂᔭᐅᔪᓐᓇᖅᐳᑦ ᖃᕋᓴᐅᔭᑎᒍᑦ ᐅᕙᓂ: https://www.pc.gc.ca/pn-np/nu/quttinirpaaq.
ᑭᓲᕙᑦ ᐱᒻᒪᕆᐅᔪᓂ ᐱᓱᔪᖕᓂᕐᒥ ᐊᖅᑯᑎᐅᕙᑦ ᒥᕐᙳᐃᖅᓯᕐᕕᖕᒥ? ᑐᓴᒐᒃᓴᒃᑲᓐᓂᕐᓂ ᖃᓄᐃᓕᐅᕐᓂᐅᔪᓂ ᐊᒻᒪ ᐊᑐᖅᑕᐅᓂᑯᓂ ᐊᑐᐃᓐᓇᐅᕗᑦ ᐳᓚᕋᖅᑐᓄᑦ ᖁᑦᑎᓂᖅᐹᒥ ᐊᑐᐃᓐᓇᐅᕗᑦ ᐅᕙᓂ: https://parks.canada.ca/pn-np/nu/quttinirpaaq/activ. ᖃᐅᔨᒋᐊᕐᓗᒍ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᓂ ᐅᖃᐅᓯᖃᒃᑲᓐᓂᕐᓂᕐᒧᑦ.
ᖃᖓᑕᕙᒃᑐᓂ ᐊᔾᔨᓕᐅᕈᑎᓂ ᐱᔪᓐᓇᖅᑎᑕᐅᕙᑦ? ᖃᖓᑕᕙᒃᑐᓂ ᐊᔾᔨᓕᐅᕈᑎᓂ ᐊᑐᕐᓂᕐᒥ ᒫᓐᓇᐅᔪᒥ ᐱᔪᓐᓇᖅᑎᑕᐅᙱᓚᑦ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᖓᓂ, ᑭᓯᐊᓂ ᐊᓯᐊᒎᖅᑐᒥ ᐱᔪᓐᓇᖅᑎᑕᐅᔪᒥ ᑐᓂᔭᐅᒍᓂ ᐅᕘᓇ ᐱᔪᓐᓇᐅᑎᒥᒃ ᐱᓕᕆᓂᐅᔪᒥ. ᐊᑐᐊᒐᓂ ᐊᒻᒪ ᐱᖁᔭᐅᔪᓂ ᐱᔾᔪᑎᖃᖅᑐᒥ ᐊᑐᕐᓂᕐᒥ ᖃᖓᑕᕙᒃᑐᓂ ᐊᔾᔨᓕᐅᕈᑎᓂ ᑲᒪᒋᔭᐅᓂᐅᕗᖅ ᑲᓇᑕᒥ ᐅᓯᑲᑦᑕᖅᑎᓂ.
ᑐᓴᒐᒃᓴᐅᔪᓂ ᓇᔪᒐᖏᓐᓂᓪᓗ ᓯᓚᖁᑎᖏᓐᓂᓪᓗ ᖃᐅᔨᓴᕐᓂᕐᒥ/ᐆᒪᔪᓂ ᒥᕐᙳᐃᖅᓯᕐᕕᖕᒥ (ᓲᕐᓗ, ᐃᖃᓗᖕᓂ ᓇᓂᔭᐅᔪᓐᓇᖅᐸᑦ ᑕᓯᖅ ᕼᐊᐃᓯᓐᒥ? ᑭᓱᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᖃᐅᔨᒪᓂᖃᖅᐸᑦ ᐊᒪᕈᕐᓂ ᐅᓄᕐᓂᖏᓐᓂ ᐊᒻᒪ ᐃᓂᐅᔪᓂ ᓯᑎᓂ?) ᑕᒪᐃᑎᒍᑦ ᑐᓴᒐᒃᓴᐃᑦ ᓯᓚᖓᓂ ᐊᒻᒪ ᖃᐅᔨᓴᕐᓂᕐᒥ ᖁᑦᑎᓂᖅᐹᒥ ᓇᓂᔭᐅᔪᓐᓇᖅᐳᖅ ᖃᕋᓴᐅᔭᑎᒍᑦ ᐅᕙᓂ: https://parks.canada.ca/pn-np/nu/quttinirpaaq/nature.
ᓄᖅᑲᖅᑎᑕᐅᑦᑕᐃᓕᓕ ᐃᖃᓪᓕᐊᕐᓂᕐᒧᑦ ᓄᖅᑲᖅᑎᑕᐅᓯᒪᓂᖓᓂ! ᐊᓯᔾᔨᕐᓂᐅᔪᓂ ᑐᒃᓯᕋᖅᑕᐅᓯᒪᙱᓚᑦ ᓄᖅᑲᖅᑎᑕᐅᓂᖓᓂ ᐃᖃᓗᒐᓱᖕᓂᕐᒥ ᒥᕐᙳᐃᖅᓯᕐᕕᖕᒥ ᐅᕘᓇ ᑎᑎᕋᖅᑕᐅᒋᐊᙵᕈᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂ.
ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ
ᑭᓲᕙ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ? ᖃᓄᖅ ᐊᑐᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᑐᑭᖃᖅᐸ?

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᒥᕐᙳᐃᖅᓯᕐᕕᖕᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐱᓕᕆᔾᔪᓯᖓ ᑲᑐᔾᔭᐅᓯᒪᓪᓗᓂ ᑐᕌᒐᕆᔭᐅᕗᖅ ᓇᓗᓇᐃᖅᑕᐅᓂᖓᓂ ᓄᓇᒥ ᐊᒻᒪ ᐃᒪᕐᓂ ᐃᓂᐅᔪᓂ ᑲᓇᑕᒥ ᒥᕐᙳᐃᖅᓯᕐᕕᖕᓂ. ᑐᕌᕋᓱᐊᖅᐳᖅ ᓇᓗᓇᐃᖅᓯᓂᕐᒥ ᓴᐳᔾᔨᓯᒪᓂᕐᒥ ᑐᕌᒐᐅᔪᓂ ᐊᑐᓂ ᐃᓂᐅᔪᓂ ᐊᒻᒪ ᐊᔪᕆᖅᓱᐃᓗᓂ ᓈᒻᒪᒃᑐᒥ ᐊᑐᕐᓂᐅᔪᒥ ᐅᕝᕙᓘᓐᓃᑦ ᖃᓄᐃᓕᐅᕐᓂᐅᔪᓂ

ᓇᓗᓇᐃᖅᓯᓂᕐᒥ ᐃᓂᐅᔪᓂ ᓄᓇᒥ ᐅᕝᕙᓘᓐᓃᑦ ᐃᒪᕐᓂ ᓇᓗᓇᐃᖅᑕᐅᓯᒪᔪᓂ ᖃᓄᐃᓕᐅᕐᓂᐅᔪᓂ ᐱᓕᕆᐊᖑᔪᓐᓇᕐᓂᖓᓂ ᑐᙵᕕᖃᖅᑐᒥ ᐃᑲᔪᖅᓱᐃᔪᓐᓇᕐᓂᐅᔪᒥ ᑕᐃᒃᑯᓄᖓ ᐊᑐᖅᑕᐅᓂᐅᔪᓂ ᐅᑯᓇᓂ ᐃᓂᐅᔪᓂ. ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐱᓕᕆᔾᔪᓯᐅᔪᖅ ᑕᓪᓕᒪᓂ ᐊᕕᒃᑐᖅᑕᐅᓯᒪᓂᖃᖅᐳᑦ:

  • ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I - ᐊᓯᐊᒎᖅᑐᒥ ᓱᕋᔾᔭᐃᖅᓯᓂᕐᒥ
  • ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ II - ᓯᓚᖓᓂ
  • ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ III - ᓯᓚᒥ ᐊᕙᑎᖓᓐᓂ
  • ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ IV - ᓯᓚᒥ ᐱᙳᐊᕐᓂᐅᔪᒥ
  • ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ V - ᒥᕐᙳᐃᖅᓯᕐᕕᖕᒥ ᐱᔨᑦᑎᕋᕐᓂᕐᒥ

ᐱᖓᓱᐃᓐᓇᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂᑦ ᐃᓚᓕᐅᔾᔭᐅᓯᒪᕗᑦ ᐃᓗᐊᓂ ᖁᑦᑎᓂᖅᐹᖅ ᑲᓇᑕᒥ ᒥᕐᙳᐃᖅᓯᕐᕕᒃ (ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I, II, ᐊᒻᒪ III). ᑎᑎᕋᖅᑕᐅᒋᐊᙵᕈᒻᒥ ᐸᕐᓇᐅᑎᖓ ᒪᓕᖕᓂᖃᖅᐳᖅ ᐃᓚᖓᓐᓂ 8.2.8 ᓄᓇᕗᒻᒥ ᐊᖏᕈᑎᖓᓂ, ᐅᖃᖅᓯᒪᔪᒥ “ᐊᑐᓂ ᑲᓇᑕᒥ ᒥᕐᙳᐃᖅᓯᕐᕕᖕᒥ ᓄᓇᕗᒻᒥ ᓄᓇᑖᕐᓂᐅᔪᒥ ᐃᓂᐅᔪᒥ ᐃᓗᓕᖃᕐᓂᐊᖅᐳᖅ ᐊᖏᓛᖓᓂ ᐃᓚᖓᓐᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I - ᐊᓯᐊᒎᖅᑐᒥ ᓱᕋᔾᔭᐃᖅᓯᓂᕐᒥ ᐊᒻᒪ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ II - ᓯᓚᖓᓂ”. ᒥᑭᑦᑐᓂ ᐋᖅᑎᒋᐊᖅᑕᐅᓂᐅᔪᓂ ᓴᓇᓯᒪᕗᑦ ᑎᑎᕋᖅᑕᐅᒋᐊᙵᕈᒻᒥ ᐸᕐᓇᐅᑎᖓᓂ ᑐᓂᓯᓂᕐᒥ ᖄᒃᑲᓐᓂᐊᓂ ᑎᑎᕋᖅᓯᒪᓂᐅᔪᓂ ᑐᑭᖓᓂ ᐊᒻᒪ ᐱᒻᒪᕆᐅᓂᖓᓂ ᐊᑐᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐊᑐᖅᑕᐅᔪᒥ ᒥᕐᙳᐃᖅᓯᕐᕕᖕᒥ.

ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᑲᓇᑕᒥ ᒥᕐᙳᐃᖅᓯᕐᕕᖕᓂᑦ ᐊᑐᕐᓂᖃᙱᓚᖅ ᓄᓇᖃᖅᑳᖅᓯᒪᔪᓄᑦ ᐊᑐᐃᓐᓇᖃᕐᓂᖓᓂ ᐊᒻᒪ ᖃᓄᐃᓕᐅᕈᑕᐅᔪᓂ ᐊᑐᕐᓂᕐᒥ ᐱᔪᓐᓇᕐᓂᐅᔪᓂ. ᑕᐅᑐᒃᑕᑐᐊᖃᑲᐃᓐᓇᕐᓂᕐᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐊᐅᓚᑦᑎᓂᐅᕗᖅ ᐳᓚᕋᖅᑐᓂ ᐊᑐᖅᑕᐅᓂᖓᓂ, ᐊᒻᒪ ᓄᓇᖃᖅᑳᖅᓯᒪᔪᓄᑦ ᐃᓄᒋᐊᖕᓂᖏᓐᓂ ᐊᑐᖅᑐᓂ ᐱᔪᓐᓇᕐᓂᐅᔪᓂ-ᑐᙵᕕᖃᖅᑐᓂ ᖃᓄᐃᓕᐅᕐᓂᐅᔪᓂ ᐃᓱᒪᒋᔭᐅᙱᓚᑦ “ᐳᓚᕋᖅᑎᐅᓂᖏᓐᓂ” ᒥᕐᙳᐃᖅᓯᕐᕕᖕᒧᑦ.

ᑕᓯᖅ ᕼᐊᐃᓯᓐ/ᑕᓴᓕᐅᒃᓴᓂᕋᔭᖓ ᐊᓯᐊᒎᖅᑐᒥ ᐊᐅᓚᑦᑎᓂᕐᒧᑦ ᐃᓂᐅᔪᒥ:

ᐅᓇ ᐊᓪᓚᕝᕕᓕᕆᓂᕐᒥ ᐊᓯᔾᔨᕐᓂᐅᕙ ᐅᕝᕙᓘᓐᓃᑦ ᐱᑎᑕᐅᓂᐅᔪᒥ ᐊᖏᒡᓕᒋᐊᖅᑐᒥ ᐃᖏᕐᕋᓂᐅᔪᒥ ᐃᓂᐅᔪᒧᑦ? ᐸᕐᓇᐅᑎ ᐃᓚᖃᓪᓗᐊᖅᐸ ᐱᓕᕆᓂᐅᔪᓂ ᑐᓂᓯᓂᕐᒥ ᐃᓂᖅᑎᕆᓂᐅᔪᒥ ᐊᖏᒡᓕᒋᐊᖅᑐᒥ ᐳᓚᕋᕐᓂᐅᔪᒥ/ᐊᑐᖅᑕᐅᓂᖓᓂ ᐊᑲᐅᙱᓕᐅᕈᑎᓕᐅᕈᓂ?

ᐊᓯᔾᔨᕐᓂᐅᔪᖅ ᐱᔾᔪᑎᖃᓪᓗᐊᑕᖅᐳᖅ ᐊᓪᓚᕝᕕᓕᕆᓂᕐᒧᑦ ᐃᓱᒪᓂᐅᔪᒥ ᐱᒋᐊᖅᑎᑕᐅᓚᐅᙱᓐᓂᖓᓂ ᐅᓄᖅᓯᒋᐊᖅᑐᓄᑦ ᐳᓚᕋᖅᑎᐅᔪᓂ ᐃᓂᐅᔪᒥ. ᓱᓕᓂᐅᔪᒥ, ᐃᓂᐅᔪᖅ ᑲᒪᒋᔭᖃᕋᔭᖅᑐᒃᓴᐅᙱᓚᖅ ᐊᒥᓱᓂ ᐳᓚᕋᖅᑎᐅᔪᓂ, ᑭᓯᐊᓂ ᐊᓯᔾᔨᕐᓂᐅᔪᖅ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᑐᕌᒐᕆᔭᐅᔪᒥ ᐃᓕᓴᖅᓯᕗᖅ ᐱᕕᒃᓴᖃᕐᓂᖓᓂ ᐳᓚᕋᖅᑎᓂ ᕿᒥᕐᕈᓂᕐᒧᑦ ᐆᒥᖓ ᐊᓯᐊᒎᖅᑐᒥ ᐃᓂᐅᔪᒥ ᐱᓕᕆᓂᐅᔪᒥ ᐊᑦᑕᓇᙱᓪᓗᓂ ᐊᒻᒪ ᒪᓕᑦᑎᐊᕐᓂᐅᔪᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᐊᓯᖏᓐᓂ ᐃᓂᐅᔪᓂᑦ.

ᐊᕕᒃᑐᒃᑲᓐᓂᕐᓗᓂ ᐃᓚᖃᕐᓂᕐᒥ ᐃᓚᖏᓐᓂ ᐃᓂᐅᔪᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I−ᒦᒃᑐᓂ ᐃᓗᐊᓂ ᐊᓯᐊᒎᖅᑐᒥ ᐊᐅᓚᑦᑎᓂᐅᔪᒥ ᐃᓂᐅᔪᒥ?

ᐱᓕᕆᓂᐅᔪᒥ ᑐᕌᖅᑕᐅᓇᓱᐊᖅᑐᑦ 1−ᒥ ᐅᔾᔨᕆᕗᑦ ᐊᕕᒃᑐᖅᓯᒪᒃᑲᓐᓂᕐᓂᖏᑕ ᐊᖏᓂᐊᑕ ᑐᒡᓕᐊᓂ ᓇᓗᓇᐃᖅᑕᐅᓯᒪᔪᓂ ᐃᓂᐅᔪᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I−ᒥ ᐃᓱᒪᒋᔭᐅᔪᓐᓇᑐᐃᓐᓇᕆᐊᖃᕐᓂᖓᓂ ᑕᑯᒃᓴᐅᓂᐅᔪᒥ ᓇᓗᓇᐃᖅᓯᒍᓂ ᖃᓄᐃᓕᐅᕐᓂᐅᔪᒥ ᐱᔾᔪᑎᖃᖅᑐᒥ ᐅᖃᐅᓯᐅᔪᒥ ᐱᐅᙱᑦᑐᒥ ᐊᒃᑐᐃᓂᐅᔪᓂ ᓇᔪᒐᖓᓐᓂᓪᓗᓯᓚᖁᑎᖏᓐᓂᓪᓗ ᖃᐅᔨᓴᕐᓂᐅᔪᒥ ᐊᒻᒪᓗ/ᐅᕝᕙᓘᓐᓃᑦ ᐃᓕᖅᑯᓯᒧᑦ ᐱᓐᓇᕆᔭᐅᓂᐅᔪᓂ ᐃᓂᐅᔪᒥ.

ᖃᓄᐃᓐᓂᐅᔪᖃᖅᐸ FUS ᐊᒻᒪ ᑲᑐᔾᔭᐅᔪᒥ ᒥᕐᙳᐃᖅᓯᕐᕕᖕᒥ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖑᔪᓄᑦ ᐱᔪᓐᓇᖅᑎᑦᑎᓇᔭᕐᓂᖏᓐᓂ ᐊᐅᓚᐅᑎᓕᖕᓂ ᓄᓇᓯᐅᑎᓂ ᐊᑐᕐᓂᕐᒥ ᖃᐅᔨᒪᔭᐅᔪᒥ ᐱᓪᓚᕆᐅᔪᓄᑦ ᓇᔪᖅᐸᒃᑕᖏᓐᓂ? ᐳᓚᕋᖅᑏᑦ ᐊᑐᐃᓐᓇᖃᖅᑎᑕᐅᓪᓗᐊᖅᐸᑦ ᐱᓪᓚᕆᐅᔪᓂ ᓇᔪᖅᐸᒃᑕᖏᓐᓂ ᑲᒪᒋᔭᐅᙱᓪᓗᑎᒃ?

ᖃᑯᖅᑕᑯᓗᐃᑦ ᕿᑭᖅᑕᓂ ᑐᒃᑐᐃᑦ

ᑕᒪᐃᑎᒍᑦ, ᐊᐅᓚᐅᑎᓕᖕᓂ ᓄᓇᓯᐅᑎᒥ ᐊᑐᕐᓂᐅᔪᒥ ᖃᐅᒪᔭᐅᔪᒥ ᐱᓪᓚᕆᐅᔪᓄᑦ ᓇᔪᖅᐸᒃᑕᖏᓐᓂ ᐱᔪᓐᓇᖅᑎᑕᐅᙱᓚᖅ. ᑭᓯᐊᓂ, ᒪᓕᒃᑐᒥ ᖃᓄᐃᑦᑑᓂᖓᓂ ᐊᒻᒪ ᖃᖓᐅᓂᖓᓂ ᖃᓄᐃᓕᐅᕈᑕᐅᔪᒥ, ᐱᔪᓐᓇᖅᑎᑕᐅᑐᐃᓐᓇᕆᐊᖃᖅᐳᖅ ᑕᑯᒃᓴᐅᑎᑕᐅᔪᓐᓇᕈᓂ ᐅᕘᓇ ᐊᒃᑐᐃᓂᓪᓚᕆᐅᔪᒥ ᖃᐅᔨᓴᐃᓂᐅᔪᒥ ᓈᒻᒪᒃᑐᒥ ᓱᕋᖅᑕᐃᓕᒪᓂᐅᔪᒥ ᐱᓕᕆᓂᐅᔪᓂ ᐊᒻᒪᓗ/ᐅᕝᕙᓘᓐᓃᑦ ᖃᓄᐃᓐᓂᐅᔪᓂ ᐱᓕᕆᑦᑎᐊᖅᑐᒥ ᐊᑐᓕᖅᑎᑕᐅᓂᖓᓂ ᓇᓗᓇᐃᖅᓯᓂᕐᒧᑦ ᒥᑭᓛᖑᔪᒥ ᐊᒃᑐᐃᓂᐅᔪᒥ ᐅᕝᕙᓘᓐᓃᑦ ᐸᒡᕕᓵᕆᓂᐅᔪᒥ. ᓲᕐᓗ, ᐊᐅᓪᓚᐅᔾᔨᔨᒧᑦ ᓯᑭᑑᒃᑯᑦ ᐊᐅᓪᓛᕐᓂᐅᔪᒥ ᐅᕝᕙᓘᓐᓃᑦ ᖃᐅᔨᓴᕐᓂᕐᒧᑦ ᖃᓄᐃᓕᐅᕐᓂᐅᔪᒥ ᑕᕆᐅᑉ ᓯᑯᖓᒍᑦ ᓯᔮᕆᒃᑐᖅ ᑲᖏᖅᖢᖓᓂ, ᐊᐅᓚᐅᑎᒨᖅᑐᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᖑᔪᒥ (ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ III) ᐊᒻᒪ ᓇᓗᓇᐃᖅᑕᐅᓯᒪᒍᓂ ᐱᓪᓚᕆᐅᔪᓄᑦ ᓇᔪᖅᐸᒃᑕᖏᓐᓂ ᖃᑯᖅᑕᑯᓗᐃᑦ ᕿᑭᖅᑕᓂ ᑐᒃᑐᓄᑦ, ᐱᔪᓐᓇᖅᑎᑕᐅᑐᐃᓐᓇᕆᐊᖃᖅᐳᖅ ᒪᓕᒃᑐᒥ ᓈᒻᒪᒃᑐᓂ ᐊᒃᑐᐃᓂᐅᔪᒥ ᖃᐅᔨᓴᐃᓂᐅᔪᒥ ᐊᒻᒪ ᐊᖏᖅᑕᐅᓂᖓᓂ/ᐱᔪᓐᓇᖅᑎᑕᐅᓂᐅᔪᒥ.

ᒪᓂᖅ (Porsild’s Bryum):

ᑕᑯᓪᓗᒍ ᑭᒡᓕᖃᕐᔪᐊᖅᑐᒥ ᐅᓄᕐᓂᐅᔪᓂ ᐳᓚᕋᖅᑎᓂ ᒥᕐᙳᐃᖅᓯᕐᕕᖕᒧᑦ, ᒫᓐᓇᐅᔪᒥ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ ᖃᐅᔨᓴᐃᓯᒪᕗᑦ ᐊᐅᓚᑦᑎᓂᕐᒥ ᐊᑐᐃᓐᓇᖃᕐᓂᕐᒥ/ᒥᒃᖠᒋᐊᖅᑎᑦᑎᓂᕐᒥ ᐊᒃᑐᐃᓂᐅᑐᐃᓐᓇᕆᐊᖃᕐᓂᖓᓂ ᒪᓂᕐᒧᑦ (Porsild’s Bryum) ᐱᓪᓚᕆᐅᔪᓄᑦ ᓇᔪᖅᐸᒃᑕᖏᓐᓂ (ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I) ᓯᔮᕆᒃᑐᖅ ᑲᖏᖅᖢᖓᓂ ᐱᔪᓐᓇᖅᐳᖅ ᐃᓕᓐᓂᐊᕐᓂᐅᔪᑎᒍᑦ ᐊᒻᒪ ᓇᓗᓇᐃᔭᐃᔾᔪᔾᔭᐅᓂᕐᒥ ᐳᓚᕋᖅᑎᐅᔪᓂ. ᐊᐅᓚᐅᑎᓕᖕᓂ ᓄᓇᓯᐅᑎᓂ ᐱᔪᓐᓇᖅᑎᑕᐅᒐᔪᙱᓚᑦ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊ I ᐃᓂᐅᔪᓂ; ᑭᓯᐊᓂ, ᐱᓪᓚᕆᐅᔪᓂ ᖃᓄᐃᓐᓂᐅᔪᓂ ᐊᑐᕈᓐᓇᖅᐳᑦ ᐅᓗᕆᐊᓇᖅᑐᖃᖅᑎᓪᓗᒍ ᐃᓄᖕᓄᑦ ᐃᓅᓯᖓᓐᓄᑦ ᐅᕝᕙᓘᓐᓃᑦ ᐊᒃᑐᐃᓂᓪᓚᕆᐅᔪᓂ ᖃᐅᔨᓴᐃᓂᐅᔪᓂ ᑕᑯᒃᓴᐅᑎᑦᑎᒍᓂ ᓈᒻᒪᒃᑐᒥ ᓱᕋᒃᑕᐃᓕᒪᓂᐅᔪᒥ ᐱᓕᕆᓂᐅᔪᓂ ᐊᑐᓕᖅᑎᑕᐅᔪᓐᓇᕐᓂᖓᓂ ᒥᒃᖠᒋᐊᖅᑎᑦᑎᓂᕐᒧᑦ ᐊᒃᑐᐃᓂᐅᔪᒥ ᐊᒻᒪᓗ/ᐅᕝᕙᓘᓐᓃᑦ ᐸᒡᕕᓵᕆᓂᐅᔪᒥ.

ᑭᓱᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᖏᓐᓂ ᑭᐅᔪᓐᓇᖅᐸ ᖃᑯᖅᑕᑯᓗᐃᑦ ᕿᑭᖅᑕᓂ ᑐᒃᑐᐃᑦ ᓴᐳᔾᔨᓯᒪᓂᕐᒥ ᒥᕐᙳᐃᖅᓯᕐᕕᖕᒥ? ᐅᑎᖅᑎᕆᓂᐅᔪᒥ ᐸᕐᓇᒍᑕᐅᔪᒥ ᐱᓪᓚᕆᐅᔪᓂ ᓄᓇᒥ ᓄᔪᒐᖃᕐᕕᖓᓂ ᖃᑯᖅᑕᑯᓗᐃᑦ ᕿᑭᖅᑕᓂ ᑐᒃᑐᓄᑦ ᒫᓐᓇᐅᔪᒥ ᐱᕙᓪᓕᐊᑎᑕᐅᕗᖅ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑐᕌᖅᑎᑦᑎᓪᓗᑎᒃ ᐱᔪᓐᓇᖅᑎᑦᑎᔨᐅᙱᓚᑦ ᐱᕙᓪᓕᐊᑎᑦᑎᓂᕐᒥ ᐆᒧᖓ ᐸᕐᓇᒍᑕᐅᔪᒥ ᑭᓯᐊᓂᐊ ᖃᓂᑦᑐᒥ ᐱᓕᕆᖃᑎᖃᕐᓂᐊᖅᐳᖅ ᐊᕙᑎᓕᕆᔨᒃᑯᓐᓂ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᑲᓇᑕᒥ ᑲᔪᓰᓐᓇᖅᑐᒥ ᐱᕙᓪᓕᐊᑎᑦᑎᓂᐅᔪᒥ.
ᐅᓇᑕᖅᑐᒃᓴᙳᐊᑦ ᐱᔪᓐᓴᐅᑎᖃᕆᐊᖃᖅᐸᑦ ᐊᑐᐃᓐᓇᖃᕐᓂᕐᒥ ᒥᕐᙳᐃᖅᓯᕐᕕᖕᒥ? ᐱᓕᕆᖃᑎᖃᕈᑎᒡᓕ ᑲᓇᑕᒥ ᓴᐳᔾᔨᔨᐅᔪᓂ? ᑕᒪᐃᑎᒍᑦ, ᐅᓇᑕᖅᑐᒃᓴᙳᐊᑦ ᐱᓕᕆᖃᑎᖃᕈᑎᒃ ᑲᑐᔾᔨᓗᑎᒃ ᐃᖅᑲᓇᐃᔭᖅᑎᓂ ᐊᓯᐊᓂ ᒐᕙᒪᐅᔪᒥ ᐱᓕᕆᕝᕕᐅᔪᒥ, ᒥᕐᙳᐃᖅᓯᕐᕕᖕᒥ ᐳᓚᕋᖅᑎᐅᔪᓂ, ᐊᓯᖏᓪᓗ (ᓲᕐᓗ, ᐱᔪᓐᓇᕐᓂᖅᑖᖅᑎᑕᐅᓯᒪᙱᑦᑐᒥ ᓄᓇᕗᒻᒥ ᐊᖏᕈᑎᖓᓂ), ᐱᔪᓐᓇᐅᑎᒥᒃ ᓯᕗᓪᓕᕐᒥ ᐱᔭᕆᐊᖃᖅᐳᑦ. ᖃᐅᔨᒋᐊᕐᓗᒍ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᒥ ᐊᐱᖅᑯᑕᐅᔪᓂᑦ ᐱᔪᓐᓇᐅᑎᒥᒃ ᐱᔭᕆᐊᖃᕐᓂᐅᔪᓄᑦ.
ᐱᒻᒪᕆᐅᕗᖅ ᓄᓇᓕᖕᒥᐅᑕᓂ ᐅᔾᔨᕈᓯᖕᓂᖏᓐᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᒥᕐᙳᐃᖅᓯᕐᕕᖕᒥ ᑐᓂᓯᑎᓪᓗᒋᑦ ᑐᓴᒐᒃᓴᓂ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ, ᐃᖅᑲᓇᐃᔭᖅᑎᐅᔪᑦ ᑐᑭᓯᓇᑦᑎᐊᓚᐅᖅᐳᑦ ᓇᓗᓇᐃᖅᓯᓂᕐᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᑭᒡᓕᖃᖅᑎᑕᐅᓂᐅᔪᑦ ᐊᑐᕐᓂᖃᓚᐅᖅᓯᒪᔾᔮᙱᓚᖅ ᐃᓄᖕᓄᑦ ᐊᑐᖅᑐᓂ ᐱᔪᓐᓇᕐᓂᕆᔭᐅᔪᓂ-ᑐᙵᕕᓕᖕᓂ ᖃᓄᐃᓕᐅᕐᓂᐅᔪᓂ ᖁᑦᑎᓂᖅᐹᒥ ᐅᕝᕙᓘᓐᓃᑦ ᓇᓕᐊᑐᐃᓐᓇᓂ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓂᒋᔭᐅᔪᓂ ᓄᓇᕗᒻᒥ. ᐃᓱᒪᒋᓇᒍ, ᐱᒻᒪᕆᐅᕗᖅ ᐃᓱᒪᓂᐅᔪᖅ ᑐᑭᓯᐅᒪᔭᐅᑦᑎᐊᕐᓂᖓᓂ ᐃᓄᖕᓄᑦ ᐊᒻᒪ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᑑᑎᖃᑦᑎᐊᖅᑐᒥ ᐱᓕᕆᖃᑎᖃᕐᓂᕐᒥ ᓴᐳᔾᔨᓯᒪᓂᕐᒥ ᓄᓇᓂ ᐃᓗᐊᓂ ᖁᑦᑎᓂᖅᐹᒥ. ᓱᓕᒃᑲᓐᓂᖅ, ᓇᓗᓇᐃᖅᓯᓂᕐᒥ ᐊᕕᒃᑐᖅᓯᒪᓂᖏᑕ ᐊᖏᓂᐊᑕ ᑐᒡᓕᐊᓂ ᑐᑭᓯᐅᒪᔭᐅᑦᑎᐊᕐᓂᖓᓂ ᓄᓇᓕᖕᓂ ᖁᕝᕙᖅᓴᐃᓂᐊᖅᐳᖅ ᑐᓐᓂᖅᓴᖅᑕᐅᕈᓘᔭᕐᓂᖓᓂ ᑕᒻᒪᖅᓯᒪᙱᑦᑐᓂ ᑐᓴᒐᒃᓴᓂ ᓇᓕᐊᑐᐃᓐᓇᓄᑦ ᖁᑦᑎᓂᖅᐹᒥ ᐳᓚᕋᖅᑎᓂ ᐃᑳᑐᐃᓐᓇᕆᐊᖃᖅᑐᓂ ᖃᐅᓱᐃᑦᑐᕐᒥ ᐊᒻᒪᓗ/ᐅᕝᕙᓘᓐᓃᑦ ᐊᐅᓱᐃᑦᑐᕐᒥ.

Liens connexes

Date de modification :