ᐊᔾᔨᓕᐅᕆᔪᒪᔪᑦ, ᑕᕐᕆᔮᒃᓴᓕᐅᕈᒪᔪᑦ, ᐊᒻᒪ ᐊᔾᔨᙳᐊᓂᒃ ᑐᑦᓯᕋᐅᑏᑦ ᒥᑦᓵᓄᑦ

ᒥᕐᙳᐃᓯᕐᕕᓕᕆᔩᑦ ᑲᓇᑕᒥ ᐃᓄᐃᓪᓗ ᐱᓕᕆᖃᑎᒋᔭᖏᑦ ᑐᑦᓯᕋᕐᕕᐅᕙᒻᒪᑕ ᐊᒥᓱᓂᒃ ᐊᑐᕈᒪᓪᓗᑎᒃ ᐊᔾᔨᓂᒃ ᐅᒥᐊᕐᔪᐊᕕᓂᕐᓂᒃ ᑯᐃᓐ ᐅᒥᐊᖁᑖᓂᑦ ᐃᕆᐸᔅᒥᑦ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖᓂᑦ ᑎᐅᕈᕐᒥᑦ (HMS Terror) ᑲᓇᑕᒥ ᐃᑦᑕᕐᓂᓴᖃᕐᕕᖏᓐᓃᑦᑑᓐᓂᑦ, ᑕᕐᕆᔮᒃᓴᓂᒃ ᐊᒻᒪᓗ ᐊᔾᔨᓕᐅᕆᓂᕐᒧᑦ ᐱᔪᓐᓇᐅᑎᓂᒃ, ᐊᒻᒪᓗ ᐱᓕᕆᖃᑎᒌᖕᓂᒃᑯᑦ ᑕᕐᕆᔭᐅᓯᐅᕐᓂᕐᒧᑦ. ᑖᓐᓇ ᒪᒃᐱᖅᑐᒐᖅ ᓇᓗᓇᐃᔭᐃᕗᖅ ᖃᓄᖅ ᑕᒪᒃᑯᐊ ᐱᔪᒪᔾᔪᑕᐅᔪᑦ ᑲᒪᒋᔭᐅᕙᖕᒪᖔᑕ ᐱᑎᑦᑎᕙᒃᖢᑎᒡᓗ ᖃᓄᐃᓕᐅᕆᐊᖃᕐᓂᐅᔪᓂᑦ ᖃᓄᕐᓗ ᑕᒪᒃᑯᐊ ᐱᔪᒪᑐᓴᖅᑕᐅᔪᒃᓴᒃᑲᓐᓂᕐᓂᒃ.

ᑐᑭᓯᒋᐊᕈᒪᔪᓕᒫᑦ ᐊᔾᔨᙳᐊᓕᕆᓂᕐᒥ ᐊᑦᑐᐊᔪᓂ ᑕᕐᕆᔭᐅᓯᐅᖅᑕᐅᔪᓄᑦ, ᑕᕐᕆᔭᐅᓯᐅᕐᓂᕐᒧᑦ, ᐊᒻᒪ ᐊᔾᔨᓕᐅᕆᓂᕐᒧᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᑐᑦ erebus-terror-images@pc.gc.ca.

ᑕᕐᕆᔭᐅᓯᐅᕐᓂᕐᒧᑦ ᐊᔾᔨᓕᐅᕆᓂᕐᒧᓪᓗ ᐱᔪᓐᓇᐅᑏᑦ

ᐱᔪᓐᓇᐅᑏᑦ ᐱᔭᐅᔭᕆᐊᖃᖅᑐᑦ ᑕᕐᕆᔭᐅᓯᐅᖅᑕᐅᔪᓕᒫᓄᑦ ᐊᒻᒪ ᐊᔾᔨᓕᐅᕆᔪᒪᔪᓄᑦ ᐅᒦᔭᕐᕕᓂᕐᒥ ᑯᐃᓐ ᐅᒥᐊᖁᑖᓂᑦ ᐃᕆᐸᔅᒥᑦ (HMS Erebus) ᐊᒻᒪ ᑯᐃᓐ ᐅᒥᐊᖁᑖᓂᑦ ᑎᐅᕈᕐᒥᑦ (HMS Terror) ᑲᓇᑕᒥ ᐃᑦᑕᕐᓂᓴᖃᕐᕕᖏᓐᓂ. ᐱᔪᓐᓇᐅᑎᑖᕋᓲᑎᑦ ᕿᒥᕐᕈᔭᐅᓲᑦ ᒥᕐᙳᐃᓯᕐᕕᓕᕆᔨᓄᑦ ᑲᓇᑕᒥ ᐊᒻᒪᓗ ᐃᓄᐃᑦ ᐱᓕᕆᖃᑎᖏᓐᓄᑦ ᐃᒻᒥᒃᑯᑦ ᑕᑯᓇᑦᑕᐅᓲᑦ ᑐᑦᓯᕋᐅᑎᑦ, ᐃᓱᒪᒃᓴᖅᓯᐅᕈᑕᐅᑦᑎᐊᖅᐸᒃᖢᑎᒃ ᐃᑦᑕᕐᓂᓴᖃᕐᕖᑦ, ᐃᓕᖅᑯᓯᑐᖃᖃᕐᕖᑦ ᐊᕙᑎᖏᓪᓗ ᐊᒃᑐᖅᑕᐅᑐᐃᓐᓇᕆᐊᖃᓐᖏᒃᑲᓗᐊᕐᒪᖔᑕ.

ᖃᐅᔨᒪᒋᑦ: ᒫᓐᓇᐅᔪᖅ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐱᔪᓐᓇᓐᖏᑲᓚᐅᕐᒪᑕ ᐱᓇᔫᑎᓂᒃ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᓐᖐᕐᓇᖅᑕᐅᑎᒃᑯᑦ ᑎᑎᕋᕈᓐᓇᖅᑐᑎᒃ ᐅᕙᑦᑎᓐᓄᑦl.

ᑕᕐᕆᔮᒃᓴᓕᐅᕐᑕᓂᖅ ᐊᒻᒪ ᐅᓂᒃᑲᐅᓯᐅᕐᑕᐅᔪᒥᒃ ᑕᑯᕋᓐᓈᕐᓴᓕᐅᕆᔪᑦ

ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐊᒻᒪ ᐃᓄᐃᑦ ᑕᐱᕆᔭᖏᑦ ᑐᒃᓯᕋᕐᕕᐅᒐᔪᖕᒪᑕ ᑕᐱᕆᔭᐅᔪᒪᓪᓗᑎᒃ ᑕᕐᕆᔮᒃᓴᓕᐅᕐᑕᐅᔪᒪᓲᑦ ᐅᓂᒃᑳᕐᓗᑎᒃᓗ ᑕᑯᕋᓐᓈᕐᓴᓕᐅᕐᑕᐅᔪᒪᖃᑦᑕᕐᑐᑦ.

ᑐᑭᓯᒋᐊᕈᑦ: ᒫᓐᓇᐅᔪᖅ, ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᕿᓂᖏᑦᑐᖅ ᑕᑯᕋᓐᓇᕐᓴᓕᕆᔨᓂᒃ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᕆᑕᐅᔭᒃᑯᑦ ᑎᑎᕋᕐᕕᐅᑕ.

ᑲᑎᕐᓱᐃᔪᒪᔪᑦ, ᐊᑦᔨᒧᓂᒃ, ᑕᕐᕆᔭᐅᓯᐅᕐᑕᐅᓯᒪᔪᓂᒃ ᐊᒻᒪ ᐊᓯᖏᓐᓂᒃ ᐊᑦᔨᓕᐅᕐᑕᐅᓯᒪᔪᓂᒃ

ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᑐᒃᓯᕋᕐᑕᐅᔪᓂᒃ ᕿᒥᕐᕈᓂᐊᕐᑐᑦ ᓴᕿᑕᐅᓯᒪᕙᒌᕐᑐᓂᒃ ᐅᕝᕙᓘᓐᓃᑦ ᑕᐃᔅᓱᒪᓂᒃ ᓴᕿᑕᐅᓚᐅᕐᑐᓂᒃ ᐊᑦᔨᓕᐅᕐᑕᐅᓯᒪᔪᓂᒃ, ᑕᕐᕆᔭᐅᓯᐅᕐᑕᐅᓯᒪᔪᓂᒃ, ᖃᕆᑕᐅᔭᒃᑯᑦ ᑎᑎᕋᕐᑕᐅᓯᒪᔪᑦ ᐊᒻᒪ ᐊᓯᖏᑦ ᑐᓴᕐᑐᓕᕆᔨᓂᖔᕐᑐᓂᒃ (ᐅᖃᓕᒫᒐᒃᓴᐃᑦ, ᐃᓕᓐᓂᐊᕕᒃᔪᐊᒥᒃ ᐅᓂᒃᑲᐅᓯᐅᕐᑕᐅᓂᐅᔪᓂᒃ, ᑐᓴᒐᒃᓴᓕᕆᔨᒃᑯᑎᒍ, ᐊᓯᖏᓪᓗ, ᖃᕆᑕᐅᔭᒃᑯᑦ ᓴᕿᑕᐅᓯᒪᔪᓂᒃ ᑕᐃᒪᓐᓇᒐᓚᒃ) ᓱᓇᒃᑯᑖᓂᒃ ᑕᑯᔭᒐᖃᕐᕕᖕᓂᒃ, ᑕᕐᕆᔭᐅᑎᒃᑯᑦ, ᖃᕆᑕᐅᔭᒃᑯᑦ, ᐊᒻᒪ ᐊᒥᓱᓂᒃ ᑐᓴᒐᒃᓴᓕᐅᕐᓯᒪᔪᓂᒃ.

ᑐᒃᓯᕋᐅᑎᒥᒃ ᓇᒃᓯᐅᑦᔨᔪᓐᓇᕐᑐᑎᒃ, ᖃᕆᑕᐅᔭᒃᑯᑦ ᑎᑎᕋᕐᕕᐅᑕ ᓇᐃᒡᓕᒋᐊᕐᓯᒪᔪᓂᒃ ᑐᒃᓯᕋᐅᑎᒥᒃ ᓇᓗᓇᐃᕆᓗᑎ. ᑐᒃᓯᕋᕐᑐᐃᑦ ᑕᑕᑎᕆᔭᕆᐊᓖᑦ ᐊᑦᔨᒥ ᑐᒃᓯᕋᐅᑎᓂᒃ ᐊᒻᒪ ᐅᓂᒃᑳᕐᓯᒪᑦᑎᐊᕐᓗᓂ ᖃᓄᖅ ᐊᑦᔨ ᐊᑐᕐᑕᐅᓂᐊᕐᒪᖔᑦ ᑐᓴᒐᒃᓴᓕᕆᓂᕐᒧᑦ. ᑐᒃᓯᕋᐅᑎᓕᒫᑦ ᕿᒥᕐᕈᔭᐅᓂᐊᕐᑐᑦ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᓐᓂᒃ ᐊᒻᒪ ᑕᐱᕆᔭᑎᓐᓂᒃ.

ᑐᓴᒐᒃᓴᓕᕆᓂᕐᒧᑦ ᑐᑭᓯᒋᐊᕐᕕᑦ

ᑐᑭᓯᒋᐊᕈᒪᒍᕕᑦ ᑐᓴᒐᒃᓴᓕᕆᔨᒃᑯᓐᓄ ᑭᒡᒐᖅᑐᐃᔨᖏᓐᓂ (ᑎᑎᖃᑎᒍ ᖃᕆᓴᐅᔭᒃᑯᓪᓘᓐᓃᑦ, ᐅᖃᓕᒫᒐᒃᑯᓪᓗᓃᑦ, ᑕᐃᒪᓐᓇᒐᓚᒃ.) ᐅᕗᖓ ᑐᓴᒐᒃᓴᓕᕆᔨᒃᑯᓐᓄ ᑎᑎᕋᕆᑦ pc.media@pc.gc.ca ᐅᕝᕙᓘᓐᓃᑦ ᐅᖄᓚᓗᑎ ᐅᕗᖓ 1-855-862-1812.