ᖃᐅᔨᒐᓱᐊᕐᓂᖅ 2023−ᒥ

Lieu historique national des Épaves-du-HMS Erebus-et-du-HMS Terror

ᑕᕝᕙᓂ ᒪᒃᐱᖅᑐᒐᕐᒥ

ᑯᐃᓐ ᐅᒥᐊᖁᑖ ᐃᕆᐸᔅᒥᒃ (HMS Erebus)

ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᓐᓄᑦ ᐅᐊᔭᒨᖅᑐᓕᕆᔨ ᑖᑦ ᓯᑕᐃᑲᓐᕕᑭᐊᔅ ᐅᑎᖅᑐᖅ ᐊᖅᑲᐅᒪᔫᖅᑏᑦ ᐲᔭᐃᕙᑦᑐᓄᓪᓗ ᐅᓯᑲᑦᑕᐅᑎᖓᓄᑦ ᕿᓂᖅᑎᕐᔪᐊᒧᑦ ᐊᖅᑲᐅᒪᓚᐅᖅᑐᓂ ᓇᓛᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᑕᑯᑦᓴᐅᖃᑕᐅᓪᓗᓂ RV ᑕᐃᕕᑦ ᑖᒻᓴᓐ ᐅᒥᐊᕐᔪᐊᖅ, ᓯᑦᑕᕝᕙ 6, 2023.
ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᓐᓄᑦ ᐅᐊᔭᒨᖅᑐᓕᕆᔨ ᑖᑦ ᓯᑕᐃᑲᓐᕕᑭᐊᔅ ᐅᑎᖅᑐᖅ ᐊᖅᑲᐅᒪᔫᖅᑏᑦ ᐲᔭᐃᕙᑦᑐᓄᓪᓗ ᐅᓯᑲᑦᑕᐅᑎᖓᓄᑦ ᕿᓂᖅᑎᕐᔪᐊᒧᑦ ᐊᖅᑲᐅᒪᓚᐅᖅᑐᓂ ᓇᓛᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᑕᑯᑦᓴᐅᖃᑕᐅᓪᓗᓂ RV ᑕᐃᕕᑦ ᑖᒻᓴᓐ ᐅᒥᐊᕐᔪᐊᖅ, ᓯᑦᑕᕝᕙ 6, 2023.

ᓯᑦᑕᕝᕙ 4, 2023−ᖑᑎᓪᓗᒍ ᐃᓚᒋᔭᐅᔪᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔩᑦ (UAT) ᐊᐅᓪᓚᕆᐊᓚᐅᖅᑐᑦ ᐅᖅᓱᖅᑑᒥᒃ (ᐅᖅᓱᖅᑑᖅ), ᓄᓇᕗᑦ, ᐃᑭᒪᓪᓗᑎᒃ ᐅᒥᐊᕐᔪᐊᒥ RV ᑕᐃᕕᑦ ᑖᒻᓴᓐᒥ ᑲᔪᓯᖁᓪᓗᒍ ᐃᑦᑕᕐᓂᑕᓕᕆᓂᐅᕙᑦᑐᖅ ᐃᓂᖓᓂ ᑯᐃᓐ ᐅᒥᐊᖁᑖᑕ ᐃᕆᐸᔅ (HMS Erebus). ᐱᓕᕆᖃᑎᒌᑦᑐᓄᑦ ᐃᓚᒋᓕᐅᑎᓚᐅᖅᑐᖅ ᐳᕋᑦ ᓰᒧᐊ, ᐊᔾᔨᓕᐅᕆᓂᕐᒥ ᑕᕐᕆᔮᒃᓴᓕᐅᖅᑎᓄᑦ ᖃᐅᔨᒪᔨᑕᖅ ᐊᒻᒪᓗ ᑐᖏᓕᕆᔭᐅᓪᓗᓂ ᐊᖓᔪᖅᑳᒧᑦ ᒥᐊᓕᒐᐃᑦ ᓄᓇᖓᓐᓂ ᒥᕐᖑᐃᓯᕐᕕᓕᕆᔨᒃᑯᖏᓐᓄᑦ (NPS) ᐃᖅᑲᕐᒥᐅᑕᓕᕆᔨᒃᑯᑦ ᐱᓇᓱᐊᕐᕕᖓᓂ. ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᐃᖅᑳᓂᒥᐅᑕᓕᕆᔩᑦ ᐱᓇᓱᐊᕐᕕᖓ ᑐᑭᓯᐅᒪᖃᑎᒌᓐᓂᒃᑯᑦ ᐊᖏᖃᑎᒌᒍᑎᖃᓚᐅᖅᑐᑦ ᐊᐅᓚᔾᔭᒋᐊᕈᑎᐅᓂᐊᖅᑐᒥᑦ ᐱᓕᕆᖃᑎᒌᓐᓂᐅᓂᐊᖅᑐᒥ ᐃᖅᑲᓇᐃᔭᖅᑎᒥᑦ ᐃᓇᖐᓂᐊᖅᑐᒥᑦ ᑲᒪᒋᔭᖃᓂᐊᖅᑎᓪᓗᒋᑦ ᑭᖑᕐᕕᖅᑕᐅᔪᖃᕆᐊᖃᖅᑎᓪᓗᒍ ᐃᖅᑳᓂ ᐃᑦᑕᕐᓂᑕᓕᕆᔨᒃᑯᑦ ᐃᖅᑲᓇᐃᔭᖅᑎᖓᑕ ᐃᓚᖓᓐᓂᑦ ᐃᖅᑳᓂ ᐊᖅᑲᐅᒪᔫᖅᑎᐅᑉ ᐃᓚᖓ ᐱᖃᑕᐅᒍᓐᓇᑎᓐᓇᒍ. ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ ᖁᔭᒋᔭᖃᖅᐳᑦ ᐃᖅᑳᓂᒥᐅᑕᓕᕆᔨᒃᑯᑦ ᐱᓇᓱᐊᕐᕕᖓᓂᒃ ᑖᒃᓱᒥᖓ ᐱᖃᑕᐅᓂᐊᕐᓂᖓᓂᑦ ᐳᕋᑦ ᓰᒧᐊ ᐱᓕᕆᓂᐅᔪᒥ.

ᐅᖓᑖᓄᑦ ᖁᓕᓪᓗ ᒪᕐᕉᓪᓗ ᐅᓪᓗᐃᑦ ᐊᑯᓐᓂᖏᓐᓂ ᓯᑦᑕᕝᕙ 5 ᑎᑭᑦᓱᒍ 19 68−ᖏᖅᓱᖅᓱᑎᒃ ᐊᖅᑲᐅᒪᓚᐅᖅᑐᑦ ᐱᓕᕆᖃᑎᒌᑦᑐᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐊᖅᑲᐅᒪᓂᕐᒨᖓᔪᓂᑦ ᐃᑲᔪᖅᑐᐃᓪᓗᑎᒃ ᐅᓯᑲᑦᑕᐅᑎᒥᑦ ᕿᓂᖅᑎᕐᔪᐊᒥᑦ ᑲᔪᓯᑦᑎᐊᖁᓪᓗᒍ ᖃᐅᔨᓴᕐᓂᖅ ᑎᑎᕋᐅᑕᒋᐊᓖᓪᓗ ᐱᓪᓗᒋᑦ ᐃᐅᕆᐸᔅᒥ, ᐊᒻᒪᓗ ᑲᒪᒋᔭᐅᑦᓯᐊᕋᓗᐊᕐᒪᖔᑕ ᐲᔭᖅᑕᐅᔪᑦ ᐃᑦᑕᕐᓂᑕᐃᑦ ᑕᕝᕙᖓᑦ ᐱᔭᐅᔪᑦ ᑐᑭᓯᔭᐅᒃᑲᓐᓂᖁᓪᓗᒍ ᕗᕌᓐᑭᓐ ᐅᒥᐊᕐᔪᐊᑉ ᐃᖏᕐᕋᓂᒥᓂᖓ, ᐱᖃᑕᐅᑎᑕᐅᓪᓗᑎᒃ ᐃᒪᒃᑯᑦ ᓇᐅᒃᑰᕐᓂᒥᓂᕐᒧᑦ ᓇᓗᒋᔭᐅᓯᒪᔪᑦ, ᖃᐅᔨᓴᖅᑐᓕᕆᓂᕐᒥ ᑭᓪᓕᓯᓂᐊᕐᓂᕐᒨᖓᔪᑦ, ᖃᓄᐃᓐᓂᕐᒪᖔᑕᓗ ᐅᒥᐊᕐᔪᐊᒦᑦᑐᒥᓃᑦ ᐃᓄᖏᑦ. ᐃᖅᑕᕐᓂᑕᓕᕆᔩᑦ ᓇᓂᓯᓚᐅᖅᑐᑦ ᐱᖁᑎᒥᓂᕐᓂᒃ ᑐᕌᖓᔪᓂᑦ ᐃᖏᕐᕋᓂᒥᓂᖓᓄᑦ, ᖃᐅᔨᓴᖅᑐᓕᕆᓂᕐᒨᖓᔪᑦ ᐊᒻᒪᓗ ᖃᓄᐃᓕᐅᖅᑐᖃᖅᐸᓂᕐᒪᖔᖅ ᐅᒥᐊᓕᑦᑕᐅᑉ ᑳᐱᑕᐃᑦ ᐃᓂᒥᓂᖓᓂ – ᐅᑉᐱᕆᔭᐅᔪᖅ ᑐᖏᓕᐅᓪᓗᓂ ᑲᒪᔨᒥᓂᖅ ᕼᐊᐃᓐᓇᓕ ᑕᓐᑕᔅ ᓕ ᕕᐊᔅᑳᓐᑕᐃ – ᓇᓂᔭᐅᖃᑕᐅᓚᐅᖅᑐᑦ ᒥᑦᓵᓅᖓᔪᑦ ᐃᖏᕐᕋᕕᐅᔭᕆᐊᖃᓚᐅᖅᑕᖏᓐᓄᑦ ᐃᒪᒃᑯᑦ, ᓱᕐᕋᐃᑦᑐᖅ ᓂᓪᓕᓇᕐᓂᕐᒥᒃ ᓂᕈᒥᓐᓂᕐᒥᒃ ᖃᐅᔨᓴᐅᑦ, ᐃᖃᖅᑎᒐᔭᐅᓪᓗᓂ ᓯᓚᑉᐱᐊᖓ ᐅᖃᓕᒫᒐᕐᒧᑦ ᖄᒥᓂᖅ, ᐊᒻᒪᓗ ᐃᖅᑲᑦᑕᐅᑦ ᐃᑲᓗᓐᓂᐅᑎᒧᑦ ᐃᐳ ᕿᓪᓕᖅᑐᒥᒃ ᓴᕕᕋᔭᒻᒥᒃ ᐅᔪᒃᑯᐊᒃᑯᕕᒥᓂᖅ.

ᖃᐅᑕᒫᑦ ᐊᑐᖅᑕᐅᓲᑦ ᓲᕐᓗ ᐃᖅᑲᖅᑎᒐᔭᐅᔭᒥᓂᐅᓪᓗᓂ ᐃᑎᒐᐅᔭᒥᓂᖅ ᑲᒥᒥᓂᕐᓘᓐᓃᑦ ᐊᓗᒥᓂᖓ, ᐊᓕᒍᐃᑦ ᐴᒍᑕᐃᑦ, ᐊᒻᒪᓗ ᒪᑐᓯᒪᑦᓯᐊᖅᑐᑦ ᐃᓅᓕᓴᐅᑎᒃᑯᕖᑦ ᐄᖅᑲᒐᑦᓴᓂᑦ ᓇᓂᔭᒥᓃᑦ ᓱᓕᔪᕆᔭᐅᓪᓗᑎᒃ ᐱᖁᑎᒥᓂᐅᒋᐊᖏᓐᓂᒃ ᑳᐱᑕᐃ ᐅᒥᐊᓕᑦᑕᒥᓂᐅᑉ ᓯᑑᕗᑦ ᐃᓂᒥᓂᖓᓂ. ᓴᒡᒐᕐᓂᖅ ᑲᔪᓯᓚᐅᖅᑐᖅ ᐃᓪᓗᕈᓯᒥᓂᐅᓱᕆᔭᐅᔪᒧᑦ ᐱᖓᔪᐊᓄᑦ ᑲᒪᔨᐅᔪᒧᑦ ᔭᐃᒥᓯ ᕕᐅᕼᐊᓪᒻᒧᑦ; ᐅᔾᔨᕐᓇᖅᑐᑦ ᓇᓂᔭᐅᔪᑦ ᑕᕝᕙᙵᑦ ᐃᓪᓗᕈᓯᒥᓂᖓᓂ ᐃᓚᖏᑦ ᐅᔭᕋᙳᖅᓯᒪᖅᑰᔨᖕᒪᖔᑕ ᑕᑯᕚᑦᓴᒥᓃᑦ, ᑖᒃᑯᐊᓗ ᐃᓚᖃᖅᑐᑎᒃ ᐊᔾᔨᑲᓴᖏᓐᓂᒃ ᐅᔭᕋᙳᖅᓯᒪᔪᓂᒃ ᓇᓂᔭᐅᔪᓂᒃ ᐃᓪᓘᔭᖓᓂ 2022−ᖑᑎᓪᓗᒍ. ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᑦ (UAT) ᐱᓕᕆᖃᑎᖃᐃᓐᓇᖅᐳᑦ ᖃᐅᔨᓴᖅᑎᓂᒃ ᓄᓇᓕᕆᔨᓂᑦ ᖃᐅᔨᓴᖅᑐᓂᒃ ᑲᓇᑕᒥ ᓇᓗᓇᐃᖅᑕᐅᖁᓪᓗᒋᑦ ᐅᔭᕋᙳᖅᓯᒪᔪᑦ.

ᐱᓕᕆᖃᑎᒌᑦᑐᑦ ᓴᒡᒐᕆᐊᓯᓚᐅᕐᒥᔪᑦ ᐅᒥᐊᕐᔪᐊᒦᑦᑐᑦ ᖁᓕᕈᐊᖁᑎᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓃᑦᑐᒥᓂᕐᒥ ᐃᓂᒋᒐᔪᑦᑕᖏᓐᓂ ᐅᒥᐊᕐᔪᐊᒦᐅᑕᐅᔪᑦ, ᐊᒥᓱᑦ ᐃᑦᑕᕐᓂᑕᐃᑦ ᐱᖃᑕᐅᓪᓗᑎᒃ ᖁᑭᐅᑎᒥᓃᑦ, ᐅᓇᓕᑦᓴᔭᓄᑦ ᐱᖁᑎᒥᓃᑦ, ᑲᒦᑦ, ᐃᓅᓕᓴᐅᑎᒃᑯᕖᑦ ᐃᖅᑲᕆᐊᓕᓐᓂᑦ, ᐊᒻᒪᓗ ᓴᕕᕋᔭᐃᑦ ᑮᓇᐅᔭᐃᑦ. ᓄᐊᑕᐅᓯᒪᔪᑦ ᓇᓂᔭᐅᓂᑯᐃᑦ ᖃᐅᔨᓴᖅᑕᐅᑲᓐᓂᕈᒫᕐᓂᐊᖅᑐᑦ ᐊᑐᐊᒥ ᐸᐸᒐᑦᓴᐅᔪᓪᓗ ᑲᒪᒋᔭᐅᓗᑎᒃ ᐱᕈᓇᖅᓴᖅᑕᐅᓗᑎᒃ ᐅᑎᖅᑎᑕᐅᖏᓐᓂᖏᓐᓂ ᑕᑯᔭᑦᓴᐅᓂᐊᕐᓗᑎᒃ ᑕᕝᕙᓂ ᓇᑦᑎᓕᒻᒥ ᐅᑦᑐᖅᑲᖃᕐᕕᖓᓂ ᐃᑦᑕᕐᓂᑕᓂᑦ ᐱᓕᕆᕕᒻᒥ ᐅᖅᓱᖅᑑᒥ.

ᐱᓕᕆᖃᑎᒌᑦᑐᑦ ᐊᖅᑲᐅᒪᔫᖅᓱᑎᒃ ᐅᒦᔭᕐᕕᒥᓂᕐᒥ ᐊᕙᓗᐊᓂᓗ ᕿᒥᕐᕈᓚᐅᖅᑐᑦ ᖃᐅᔨᔭᐅᔪᑦ ᑎᑎᕋᖅᑕᐅᓪᓗᑎᒃ ᐃᓚᖓᓗ ᑎᑎᕋᖅᑕᐅᓯᒪᖃᑕᐅᓚᐅᖅᑐᖅ ᐅᒥᐊᕐᔪᐊᑉ ᐸᐅᑎᒥᓂᖏᒃ ᒪᕐᕉᒃ (ᐊᐃᑉᐹ ᓇᓪᓕᐅᒃᑯᒫᖅ ᓱᕋᑉᐸᑦ ᓇᓪᓕᐊᒃ ᐸᐅᑎᖓ) ᓯᕗᓪᓕᖅ ᓇᓂᔭᐅᔪᖅ ᑎᑎᕋᖅᑕᐅᓚᐅᖅᑐᒥᓂᖅ 2015−ᖑᑎᓪᓗᒍ. ᐊᒻᒪᑦᑕᐅᖅ, ᐱᓕᕆᖃᑎᒌᑦᑐᑦ ᓇᓂᓯᓚᐅᕐᒥᔪᑦ ᓯᑯᒧᑦ ᓇᑦᑎᑎᒐᖅ ᑭᓴᐅᑦ ᐅᒦᔭᕐᕕᒥᓂᕐᒥ. ᑖᓐᓇ ᓯᕗᓪᓕᖅᐹᖑᓚᐅᖅᑐᑦ ᐅᒦᔭᕐᕕᒥᓂᕐᒥ ᓇᓂᔭᐅᔪᖅ ᑭᓴᐅᑦ ᐃᐅᕆᐸᔅᒥ ᐅᕝᕙᓘᓐᓃᑦ ᑎᐅᕈᕐᒥ.

ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᒫᒃ−ᐋᓐᑐᕋᐃ ᕘᓂᐊᐃ ᑲᒪᑦᓯᐊᒻᒪᕆᑦᑐᓂ ᐲᔭᐃᔪᖅ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓂ (ᐅᒥᐊᕐᔪᐊᒦᑦᑐᓄᑦ ᐃᓂᐅᕙᑦᑐᒥᓂᕐᒥ) ᐊᑖᓂ ᐅᒥᐊᕐᔪᐊᑉ ᑕᕝᕙᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᓯᑦᑕᕝᕙ 14, 2023.. ᑎᒍᒥᐊᖅᑐᖅ ᓇᓂᔭᐅᓂᑯᒥᑦ ᐃᓅᓕᓴᐅᑎᒃᑯᕕᒥᓂᕐᒥᒃ ᐃᑦᑕᕐᓂᑕᖃᐅᑎᐅᑉ ᐴᑦᓴᔭᖓᓂ.
ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐃᖅᑳᓂ ᐃᑦᑕᕐᓂᑕᓕᕆᔨ ᒫᒃ−ᐋᓐᑐᕋᐃ ᕘᓂᐊᐃ ᑲᒪᑦᓯᐊᒻᒪᕆᑦᑐᓂ ᐲᔭᐃᔪᖅ ᐅᒥᐊᕐᔪᐊᕐᒥᐅᑕᐅᖃᑕᐅᔫᑉ ᖁᓕᕈᐊᒥᓂᖓᓂᑦ ᐅᒥᐊᕐᔪᐊᑉ ᓯᕗᐊᓂ (ᐅᒥᐊᕐᔪᐊᒦᑦᑐᓄᑦ ᐃᓂᐅᕙᑦᑐᒥᓂᕐᒥ) ᐊᑖᓂ ᐅᒥᐊᕐᔪᐊᑉ ᑕᕝᕙᓂ ᑯᐃᓐ ᐅᒥᐊᖃᑖᑕ ᐃᕆᐸᔅ (HMS Erebus), ᓯᑦᑕᕝᕙ 14, 2023. ᑎᒍᒥᐊᖅᑐᖅ ᓇᓂᔭᐅᓂᑯᒥᑦ ᐃᓅᓕᓴᐅᑎᒃᑯᕕᒥᓂᕐᒥᒃ ᐃᑦᑕᕐᓂᑕᖃᐅᑎᐅᑉ ᐴᑦᓴᔭᖓᓂ.

ᐃᖅᑳᑕ ᐃᒃᑲᓐᓂᖓᓃᓐᓂᖓ ᑖᑦᓱᒪ ᑯᐃᓐ ᐅᒥᐊᖁᑖᑕ ᐃᕆᐸᔅ (HMS Erebus) ᓱᕋᑉᐸᓪᓕᐊᓕᖅᑐᒥᓂᐅᓂᖓ ᓇᓗᓇᖏᑦᑐᖅ ᐃᒪᐅᑉ ᐊᐅᓚᓂᖓᓄᑦ, ᐱᓗᐊᖅᑐᒥ ᓯᓚᑲᒻᒪᐅᑎᓪᓗᒍ ᐱᓗᐊᖅᑐᒥᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᐊᖅᑯᓇᖅᑐᓯᕙᓪᓕᐊᓯᒪᒻᒪᑦ ᑕᐃᒪᓐᖓᑦ. ᐱᓕᕆᖃᑎᒌᑦᑐᑦ ᑎᑎᕋᖅᓯᒪᔪᑦ ᐊᒻᒪᓗ ᖃᐅᔨᒪᒋᐊᖅᓯᒪᔪᑦ ᐊᓯᔾᔨᖅᓯᒪᒍᑕᐅᔪᓂᑦ ᐅᒦᔭᕐᕕᒥᓂᕐᒥ ᖃᐅᔨᔭᐅᒋᐊᖓᑎᓪᓗᒍ ᖁᓕᐅᓗᐊᖅᑐᑦ ᐊᕐᕌᒍᐃᑦ ᐊᓂᒍᖅᓯᒪᓕᕐᒪᑕ 2014−ᒥᓂᑦ, ᐱᖃᑕᐅᓪᓗᓂ ᓱᕋᖅᑐᒥᓂᐅᓂᖓ ᐅᒥᐊᕐᔪᐊᑉ ᖁᓛ ᐊᒻᒪᓗ ᓱᕋᓐᓂᒥᓃᑦ ᐊᕙᓗᐊᑕ ᐅᒥᐊᕐᔪᐊᒥᓂᐅᑉ. ᐱᓕᕆᖃᑎᒌᑦᑐᑦ ᑎᑎᕋᖅᓯᒪᔪᑦ ᐋᒥᑦᓯᑦᑕᐃᓕᑦᓱᑎᒃ ᐃᖏᕐᕋᓂᒥᓂᐅᔪᖅ ᐱᖃᑕᐅᓪᓗᒍ ᐃᓂᐅᔪᒥ ᑕᐅᓴᖏᓐᓃᑦᑐᓂᑦ ᐊᔾᔨᓕᐅᖅᑕᐅᓯᒪᔪᓂᑦ− ᐅᓪᓗᒥᓯᐅᑎᓄᑦ ᐊᔾᔨᙳᐊᑦᓯᐊᕙᓕᐅᕈᑕᐅᓕᖅᑐᓄᑦ, ᑕᒪᒃᑯᐊ ᐊᑐᖅᑕᒥᓃᑦ ᐊᔾᔨᓕᐅᕆᔪᓐᓇᑦᓯᐊᕐᒪᑕ ᓇᓚᐅᑦᑐᓂᑦ ᐊᕙᑖᓂ ᐊᔾᔨᓕᐅᕆᒍᓐᓇᖅᑐᓄᑦ ᑐᑭᓯᐅᒪᒍᑕᐅᑦᓯᐊᖁᓪᓗᒋᑦ ᖃᓄᖅ ᑖᑦᓱᒪ ᐃᓂᖓ ᐊᓯᔾᔨᐸᓪᓕᐊᓯᒪᒻᒪᖔᑦ ᑕᐃᒪᓐᖓᑦ.

ᑖᒃᑯᐊ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᐊᓂᓚᐅᖅᑐᑦ ᐊᖅᑲᐅᒪᓂᕐᒥᓂᑦ ᐃᐅᕆᐸᔅᒥ ᓯᑦᑕᕝᕙ 18−ᖑᑎᓪᓗᒍ ᐅᑎᖅᑐᒥᓂᐅᓪᓗᑎᓪᓗ ᐅᖅᓱᖅᑑᒧᑦ ᐅᒥᐊᕐᔪᐊᖓᒍᑦ ᑕᐃᕕᑦ ᑖᒻᓴ ᐊᒻᒪᓗ ᕿᓂᖅᑎᕐᔪᐊᒃᑯᑦ ᓯᑦᑕᕝᕙ 20, 2023−ᖑᑎᓪᓗᒍ.

ᑖᒃᑯᐊ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᑦ ᐱᓇᓱᐊᖃᑎᖃᓚᐅᖅᐳᑦ ᓴᓇᔪᓕᕆᔨᓂᑦ ᑕᐃᔭᐅᔪᓂᑦ ᓄᓇᒥ−ᓯᑖᓐᑕᒃᑯᓐᓂᑦ ᑕᐅᑐᑦᑎᑦᓯᔪᒪᓪᓗᑎᒃ ᖃᓄᖅ ᐃᒫᓂ ᐊᐅᓚᑕᐅᔪᓐᓇᕐᒪᖔᑕ ᐅᒦᔭᕐᕕᒥᓂᖏᓐᓂ ᑖᒃᑯᐊ ᐃᐅᕆᐸᔅ ᐊᒻᒪᓗ ᑎᐅᕈ ᑐᑭᓯᐅᒪᒍᑕᐅᓂᐊᖅᑐᒥᑦ ᐊᕙᑎᒧᑦ ᐊᐅᓚᑕᐅᓯᒪᔪᑦ ᓱᕋᐃᕙᓪᓕᐊᒍᓐᓇᕐᓂᖏᓐᓂᑦ ᐅᒦᔭᕐᕕᒥᓂᐅᔪᓂ, ᐱᓗᐊᖅᑐᒥ ᑖᑦᓱᒧᖓ ᐅᒥᐊᕐᔪᐊᒥᓂᕐᒧᑦ ᐃᕆᐸᔅᒧᑦ. ᓇᓗᓇᖏᒍᑕᐅᕗᖅ ᓯᓚᐅᑉ ᐊᓯᔾᔨᕐᓂᖓ ᐱᔾᔪᑕᐅᖃᓯᐅᑎᓂᖓᓂᒃ ᓱᕋᑦᑕᐅᑲᓐᓂᖅᓯᒪᓂᖓᑕ ᐃᕆᐸᔅᐅᑉ. ᕿᔪᒥᓂᕐᒧᑦ ᐊᒻᒪᓗ ᓱᕋᓐᓂᒥᓃᑦ ᐱᓪᓗᒋᑦ ᖃᐅᔨᓴᕋᑦᓴᓂᑦ ᓄᐊᑦᓯᓚᐅᕐᒥᔪᑦ ᖃᐅᔨᓴᕈᑕᐅᒃᑲᓂᕐᓂᐊᖅᑐᓂᑦ ᐃᓂᖓᑕ ᐊᕙᑎᐊᑕ ᒥᑦᓵᓄᑦ. ᕿᔪᒥᓃᑦ ᖃᐅᔨᓴᐅᑎᑦᓴᐅᓂᐊᖅᑐᑦ ᑲᑎᖅᓱᖅᑕᒥᓃᑦ 2023−ᖑᑎᓪᓗᒍ ᖃᐅᔨᓴᖅᑕᐅᒍᒫᕐᓂᐊᖅᑐᑦ ᐱᓕᕆᔨᐅᔪᓄᑦ ᑲᓇᑕᒥ ᑕᑯᔭᒐᖃᕐᕕᒻᒥ ᑎᐊᓐᒫᒃᒥᒃ ᓯᕗᒃᑲᑦᑕᕈᑕᐅᓪᓗᑎᒃ ᐊᐅᓚᑕᐅᓂᖏᑦ ᓘᑦᑖᖅ ᑕᐃᕕᑦ ᒍᕆᐊᑯᕆᒧᑦ, ᐃᓚᒋᓪᓗᓂᐅᒃ ᖃᐅᔨᓴᕐᓂᐅᕋᑖᖅᑐᒥᓂᕐᒥ ᐱᖃᑕᐅᓪᓗᑎᒃ ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ, ᓱᕐᕈᖅᓯᒪᔪᑦ ᖃᐅᔨᓴᒃᑲᓐᓂᕋᑦᓴᐃᑦ ᖃᐅᔨᓴᖅᑕᐅᒍᒪᕐᓂᐊᑎᓪᓗᒋᑦ ᖃᐅᔨᒪᓕᑕᕐᓄᑦ ᓯᓚᑦᑐᖅᓴᕕᔾᔪᐊᖓᓂ ᓚᕕᐅᓪ ᐊᒻᒪᓗ ᐋᑐᐊᑉ ᓯᓚᑦᑐᖅᓴᕕᔾᔪᐊᖓᓂ.

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᑕᕝᕙᓂ ᓇᑦᑎᓕᒻᒥ ᐅᑦᑐᖅᑲᖃᕐᕕᖓᑕ ᐃᑦᑕᕐᓂᑕᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᓯᑦᑏᕝᕙ 21−ᖑᑎᓪᓗᒍ ᖃᐅᔨᔭᒥᓃᑦ ᐃᓚᖏᑦ ᐊᒥᖅᑲᐅᑕᐅᓚᐅᖅᑐᑦ 2023−ᒥ. ᐅᓂᒃᑳᓕᐊᖑᔪᓂ ᓄᓇᓕᓐᓄᑦ.


ᑯᐃᓐ ᐅᒥᐊᖁᑖ ᑎᐅᕈᕐ (HMS Terror)

ᑖᒃᑯᐊ ᐃᖅᑳᓂ ᐃᑦᑕᕐᓂᑕᓕᕆᔩᑦ ᐱᓕᕆᖃᑎᒌᖏᑦ (UAT) ᐅᐸᓚᐅᖅᑐᑦ ᐅᐸᒍᑎᑲᐃᓐᓇᓚᐅᕐᒥᔪᑦ ᐅᒦᔭᕐᕕᒥᓂᖓᓄᑦ ᑯᐃᓐ ᐅᒥᐊᖁᑖᓄᑦ ᑎᐅᕈᕐᒧᑦ (HMS Terror) ᐊᑐᖅᑕᐅᓪᓗᓂ ᐅᒥᐊᕐᔪᐊᖅ RV ᑕᐃᕕᑦ ᐊᑯᓐᓂᖓᓂ ᓯᑦᑏᕝᕙ 22 ᑎᑭᑦᓱᒍ 24, 2023−ᖑᑎᓪᓗᒍ ᐋᖅᑮᔭᖅᑐᖅᑐᑎᒃ ᐊᐅᓚᑕᐅᔪᓐᓇᖅᑐᒥᑦ ᐅᐊᔭᒨᖅᑐᓄᑦ ᖃᐅᔨᒐᓱᐊᕈᑕᐅᒍᓐᓇᖅᑐᒥᑦ ᓂᐱᓕᐅᕈᑎᒃᑯᑦ, ᐊᑐᖅᑐᑎᒃ ᐅᒥᐊᕐᔪᐊᑉ ᐊᕙᑖ ᕿᓐᖑᐊᖅᑕᐅᓯᒪᒍᓐᓇᖁᓪᓗᒍ−ᐅᖓᓯᑦᑐᒥᑦ ᐃᖅᑲᓂᓪᓗ ᖃᐅᔨᓴᕈᑕᐅᒍᓐᓇᖅᑐᒥᑦ. ᑕᒪᑐᒪ ᐱᓕᕆᐊᖑᓂᖓ ᐱᖃᓯᐅᔾᔨᒋᐊᖃᓚᐅᖅᑐᖅ ᕿᓐᖑᒻᒥᒐᖅᑕᐅᖁᓪᓗᒍ ᐅᒦᔭᕐᓂᖁᒥᓂᐅᑉ ᐊᕙᑖ ᑖᓐᓇ ᐊᔾᔨᓕᐅᖅᑕᐅᖁᓪᓗᒍ ᐅᒥᐊᕐᔪᐊᒥᓂᐅᑉ ᖃᓄᐃᓕᖓᓂᖓ ᓯᕕᑦᑐᕆᐊᖅᑕᐅᖁᓪᓗᒍᓗ ᓄᓇᓐᖑᐊᑎᒍᑦ ᐊᔾᔨᓐᖑᐊᖓ ᐅᒥᐊᕐᔪᐊᒥᓂᐅᑉ ᖂᑭᓐᓂᖓᒍᑦ ᐊᖅᑯᑎᒥᓂᖓ ᑎᑎᕋᖅᑕᐅᓯᒪᖏᒻᒪᑦ ᐅᐸᑦᑕᐅᓯᒪᓇᓂᓗ. ᐊᒻᒪᓗᑦᑕᐅᖅ, ᐃᓂᖓ ᑎᑎᕋᖅᑕᐅᓚᐅᕐᒥᔪᖅ RV ᑕᐃᕕᑦ ᑖᒻᓴᓐ ᐊᑖᓂ ᐅᓂᒃᑳᖅᑎᖓᓄᑦ ᑐᑭᓯᑦᑎᐊᒃᑲᓐᓂᕈᒪᓪᓗᑎᒃ ᖃᓄᐃᓕᖓᓂᖓᓂᒃ.


ᐃᓂᒥ ᐊᐅᓚᑦᓯᓂᖅ

ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖃᑎᒌᑦᑐᑦ ᖃᐅᔨᒐᓱᐊᕐᓂᕐᒥ ᐊᐅᓚᑕᐅᓂᖏᓐᓂᓪᓗ ᐆᒦᔭᖅᑐᒥᓃᒃ ᑖᒃᑯᐊ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᕐ (HMS Terror). ᑖᒃᑯᐊ ᐆᒦᔭᖅᑐᒥᓃᒃ ᑯᐃᓐ ᐅᒥᐊᖁᑖ ᐃᕆᐸᔅ (HMS Erebus) ᐊᒻᒪᓗ ᑯᐃᓐ ᐅᒥᐊᖁᑖ ᑎᐅᕈᕐ (HMS Terror) ᑲᓇᑕᒥ ᐃᑦᑕᕐᓂᑕᖃᕐᕖᓐᓄᑦ ᐃᓃᒃ ᑲᑐᔾᔨᓂᒃᑯᑦ ᐊᐅᓚᑕᐅᔫᒃ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐊᓐᒪᓗ ᓇᑦᑎᓕᒻᒥ ᐅᑦᑐᖅᑲᖃᕐᕕᖓᓄᑦ ᐃᑦᑕᕐᓂᑕᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᐅᖅᓱᖅᑑᒥ. ᑖᒃᑯᐊ ᓇᑦᑎᓕᒻᒥ ᐅᑦᑐᖅᑲᖃᕐᕕᖓᓄᑦ ᐃᑦᑕᕐᓂᑕᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᒪᖃᓯᐅᑎᕙᑦᑐᑦ ᐅᒦᔭᕐᓂᕐᒧᑦ ᓇᐅᑦᓯᑐᕐᓂᕐᒥᒃ ᐱᓕᕆᐊᒥᒃ ᐊᒻᒪᓗ ᓇᑦᑎᓕᒻᒥ ᐅᑦᑐᖅᑲᖃᕐᕕᖓᓄᑦ ᐃᑦᑕᕐᓂᑕᓕᕆᓂᕐᒧᑦ ᐱᓕᕆᕕᒻᒥᒃ ᓯᐊᒻᒪᐸᓪᓕᐊᑎᑦᓯᓂᕐᒧᑦ ᐱᓕᕆᐊᒧᑦ ᑲᒪᔨᐅᓂᐊᕐᓗᑎᒃ ᓄᑖᒧᑦ ᑕᑯᔭᒐᖃᕐᕕᑦᓴᒧᑦ 2025−ᒥ. ᐃᑦᑕᕐᓂᑕᐃᑦ ᐱᔭᐅᓯᒪᔪᑦ ᐱᖁᑎᒋᔭᐅᒻᒥᔪᑦᑕᐅᖅ ᑖᒃᑯᓄᖓ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐊᒻᒪᓗ ᐃᓄᐃᑦ ᐃᑦᑕᕐᓂᑕᓂᑦ ᐸᐸᑦᓯᔨᖏᓐᓄᑦ.


ᐊᔾᔨᖑᐊᓄᑦ ᑕᑯᔭᒐᖃᕐᕕᒃ ᑕᕐᕆᔮᒃᓴᓄᓪᓗ

Transcription

0:00 [ᐅᓇ ᑕᕐᕆᔮᒃᓴᖅ ᐅᖃᐅᓯᖅ ᐊᑐᖅᑕᐅᙱᑦᑐᖅ.]

0:04 ᓯᑎᐱᕆ 4, 2023−ᖑᑎᓪᓗᒍ ᐃᓚᒋᔭᐅᔪᑦ ᒥᕐᙳᐃᓯᕐᕕᓕᕆᔨᖏᓐᓄᑦ ᑲᓇᑕᒥ ᐃᒪᐅᑉ ᐃᖅᑲᖓᓂ ᐃᑦᑕᕐᓂᓴᓕᕆᓂᕐᒥ

0:09 ᐱᓕᕆᖃᑎᒌᑦ ᐅᖅᓱᖅᑑᕐᒥ ᐊᐅᓪᓚᓚᐅᖅᐳᑦ, ᓄᓇᕗᒻᒥ, ᐅᒥᐊᕐᔪᐊᒃᑰᖅᑐᑎᒃ ᑕᐃᕕᑦ ᑖᒻᓴᓐᑯᑦ ᐃᑦᑕᕐᓂᓴᓕᕆᔪᒪᓪᓗᑎᒃ

0:13 ᐆᒥᔭᓚᐅᖅᓯᒪᔪᒥᑦ ᑯᐃᓐ ᐅᒥᐊᖁᑖᓂᒃ ᐃᕆᐸᔅᒥ (HMS Erebus).

0:17 ᐅᓪᓗᐃᑦ 12 ᐅᖓᑖᓄᑦ, ᐱᓕᕆᖃᑎᒌᑦ ᐱᓕᕆᓚᐅᖅᐳᑦ 68−ᖑᓪᓗᑎᒃ ᐊᖅᑲᐅᒪᔩᑦ ᐊᖅᑲᖃᑦᑕᕐᓂᕆᓚᐅᖅᑕᖏᑦ ᑖᒃᑯᐊᓗ ᒥᕐᖑᐃᓯᒃᕕᓕᕆᔨᒃᑯᓐᓄᑦ

0:23 ᑲᓇᑕᒥ ᐊᖅᑲᐅᒪᔫᖅᑏᑦ ᐃᑦᑕᕐᓂᑕᒥᓂᕐᓂᒃ ᕿᓂᖅᑐᑎᒃ ᐃᑲᔪᓚᐅᖅᐳᑦ ᕿᓂᖅᑎᕐᔪᐊᒃᑯᑦ ᕿᓂᖅᑐᓂᒃ

0:27 ᖃᐅᔨᓴᖅᑐᑎᒡᓗ ᐃᕆᐸᔅᒥᑦ (HMS Erebus) ᖃᐅᔨᒃᑲᓐᓂᕈᒪᓪᓗᑎᒃ ᐅᒥᐊᑉ ᒥᒃᓵᓄᑦ ᐊᒻᒪ ᕗᕌᖕᒃᓕᓐ ᐅᒥᐊᕐᔪᐊᕕᓂᖏᓐᓂᒃ.

0:33 ᒥᕐᙳᐃᓯᕐᕕᓕᕆᔩᑦ ᑲᓇᑕᒥ ᐃᓄᐃᓪᓗ ᐱᓕᕆᖃᑎᒌᓚᐅᖅᐳᑦ ᕿᒥᕐᕈᓪᓗᑎᒃ ᐊᐅᓚᑦᑎᓪᓗᑎᒡᓗ ᐅᒥᐊᕐᔪᐊᕕᓂᐅᔫᓐᓂᒃ ᑯᐃᓐ ᐅᒥᐊᖁᑖᓂᑦ ᐃᕇᐸᔅᒥᑦ (HMS Erebus)

0:39 ᐊᒻᒪ ᑯᐃᓐ ᐅᒥᐊᖁᑖᓂᑦ ᑎᐅᕈᒥᑦ (HMS Terror). ᐅᒥᐊᕐᔪᐊᕕᓃᒃ ᑯᐃᓐ ᐅᒥᐊᖁᑖᓂᑦ ᐃᕇᐸᔅᒥᑦ (HMS Erebus) ᐊᒻᒪ ᑯᐃᓐ ᐅᒥᐊᖁᑖᓂᑦ ᑎᐅᕈᒥᑦ (HMS Terror) ᑲᓇᑕᒥ ᐃᑦᑕᕐᓂᓴᖃᕐᕖᒃ ᑲᑐᔾᔨᓂᒃᑯᑦ ᐊᐅᓚᑕᐅᕘᒃ ᒥᕐᙳᐃᓯᕐᕕᓕᕆᔨᖏᓐᓄᑦ ᑲᓇᑕᒥ

0:46 ᐊᒻᒪ ᓇᑦᑎᓕᖕᒥ ᐃᑦᑕᕐᓂᓴᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ ᐅᖅᓱᖅᑑᕐᒥ (Gjoa Haven). ᓇᑖᑭᓐᓂᖓ ᑯᐃᓐ ᐅᒥᐊᖁᑖᑕ ᐃᕆᐸᔅ (HMS Erebus) ᑐᑭᓯᓇᖅᐳᖅ ᐊᒃᑐᖅᑕᐅᓴᕋᐃᓚᐅᕐᓂᖓᓂᑦ ᐊᖅᑯᓇᕐᒧᑦ .

0:49 ᐃᑦᑕᕐᓂᓴᓕᕆᔩᑦ ᑎᑎᕋᖃᑦᑕᖅᓯᒪᕗᑦ ᖃᐅᔨᔭᒥᓂᑦ ᐊᓯᔾᔨᖅᐸᓪᓕᐊᓂᖓᓂᒃ ᐃᓂᖏᑦ ᐃᑦᑕᕐᓂᓴᐃᑦ ᑕᐃᒪᙵᑦ ᖃᐅᔨᓴᕆᐊᓐᖓᓕᓚᐅᖅᑎᓪᓗᒋᑦ ᐅᑭᐅᑦ ᖁᓕᑦ ᐊᓂᒍᖅᑐᑦ 2014-ᒥᓂᑦ,

0:54 ᐃᓚᒋᔭᐅᓪᓗᓂ ᐅᒥᐊᕐᔪᐊᑉ ᓇᒦᓐᓂᖓ ᐊᒻᒪᓗ ᑭᕕᕙᓪᓕᐊᓯᒪᔪᑦ ᐃᖅᑳᓄᑦ ᑖᑦᓱᒪ ᐊᕙᑖᓄᑦ.

0:58 ᐱᓕᕆᖃᑎᒌᑦ ᓇᓂᓯᓚᐅᕐᒥᔪᑦ ᐅᒥᐊᕐᔪᐊᒦᖃᑕᐅᔫᑉ ᐃᑦᑎᕐᕕᒥᓂᖓᓂ ᑕᕆᐅᑉ ᐃᖅᑲᖓᓂ ᐅᒥᐊᕐᔪᐊᕐᒥ ᓇᔪᒐᕆᓚᐅᖅᑕᖏᓐᓂᑦ,

1:04 ᖃᔅᓯᑲᓪᓚᖕᓂᒃ ᐱᖁᑎᑐᖃᕕᓂᕐᓂᒃ ᓇᓂᓯᓪᓗᑎᒃ ᓲᕐᓗ ᐃᓪᓗᐃᓇᖅᑑᑏᑦ, ᐅᓇᑕᖅᑐᒃᓴᓄᑦ ᓱᓇᒃᑯᑖᑦ, ᑲᒫᓗᐃᑦ,

1:14 ᐃᓅᓕᓴᐅᑎᑦ ᐊᓕᒍᐃᑦ, ᓯᖃᓖᓪᓗ ᑮᓇᐅᔭᐃᑦ. ᐃᑦᑕᕐᓂᓴᓕᕆᔩᑦ ᓇᓂᔭᖏᑦ ᐃᑦᑕᕐᓂᓴᐃᑦ ᐊᑦᑐᐊᓚᐅᖅᑐᑦ ᖃᐅᔨᓴᖅᑐᓕᕆᓂᕐᒧᑦ, ᓇᒧᙵᐸᓪᓕᐊᓂᖏᓐᓄᓪᓗ,

1:20 ᖃᐅᑕᒫᓪᓗ ᐃᓅᓯᕆᓚᐅᖅᑕᖏᑦ ᑲᒪᔨᒻᒪᕇᑦ ᐅᒥᐊᕐᔪᐊᑉ ᐃᒡᓘᔭᖏᓐᓂ, ᓇᓂᔭᐅᖃᑕᐅᓪᓗᑎᓪᓗ ᓴᓂᓕᕇᒃᑑᒃ ᐆᑦᑑᑏᒃ, ᐆᓇᕐᓂᖅᓯᐅᑦ, ᐃᑲᖅᑎᒐᔭᐅᔭᖅ ᐅᖃᓕᒫᒐᐅᑉ ᓯᓚᑎᖓ, ᐊᒻᒪᓗ ᐃᖅᑲᖅᑕᐅᑦ ᐃᖃᓗᒐᓱᑦᑐᓄᑦ ᐊᑐᖅᑕᐅᓲᖅ.

1:32 ᑕᒪᕐᒥᑦᑎᐊᖅ ᐱᖁᑎᑐᖃᐃᑦ ᐱᔭᐅᔪᑦ ᐅᒥᐊᕐᔪᐊᕕᓂᕐᒥᑦ ᐅᔾᔨᕆᔭᐅᑦᓯᐊᖅᑐᑎᒃ ᓇᕝᕚᖅᑕᐅᕙᑉᐳᑦ

1:36 ᑎᑎᕋᖅᑕᐅᓚᐅᖅᑐᑎᒃ ᐊᐅᓪᓚᖅᑎᑕᐅᕙᑉᐳᑦ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ ᐱᓕᕆᕕᖓᓐᓄᑦ ᐋᑐᕚᒧᑦ ᖃᐅᔨᓴᖅᑕᐅᑲᓐᓂᖁᓪᓗᒋᑦ ᐊᒻᒪᓗ ᓱᕋᒌᒃᑯᓯᖅᑕᐅᓗᑎᒃ ᓴᓗᒻᒪᓴᖅᑕᐅᖁᓪᓗᒋᑦ.

2:27 ᖃᐅᔨᒋᐊᒃᑲᓐᓂᕈᓐᓇᖅᑐᑎᒃ ᐅᕗᖓ parks.canada.ca/wrecks (ᐅᐃᕕᑎᑐᑦ ᑭᓯᐊᓂ)

Date de modification :