ᖃᓄᐃᓕᖓᖕᒪᖔᑦ ᒥᕐᖑᐃᓯᕐᕕᖕᒧᑦ ᐅᓂᒃᑳᑦ 2012-ᒥ

Parc national Sirmilik

ᐃᓗᓕᖏᑦ

A green banner reading Sirmilik National Park State of the Park Assessment 2012

© ᐊᖓᔪᖅᑳᕐᔪᐊᖅ ᖁᐃᖕ ᑲᓇᑕᒥ, ᑭᒡᒐᖅᑐᖅᑕᐅᔪᖅ ᑐᑭᒧᐊᖅᑎᒥᑦ ᑲᓇᑕᒥ ᒥᕐᖑᐃᓯᕐᕕᖕᓄᑦ, 2012.

Cette publication est aussi disponible en français.

This publication also available in English.

ᑲᓇᑕᓕᒫᕐᒥ ᐅᖃᓕᒪᒐᖃᕕ ᓇᓗᓇᐃᓯᒪᔪᑦ ᑎᑎᕋᑕᐅᓂᕕᓂᖏᑕ ᖃᓄᐃᑐᓂᖏᑦ:

  • ᒥᕐᖑᐃᓯᕐᕕᓕᕆᔩᑦ ᑲᓇᑕᒥ.
  • ᓯᕐᒥᓕᒃ ᒥᕐᖑᐃᓯᕐᕕᒃ ᑲᓇᑕᒥ ᖃᓄᐃᓕᖓᖕᒪᖔᑦ ᒥᕐᖑᐃᓯᕐᕕᖕᒧᑦ ᐅᓂᒃᑳᑦ.
  • ᓯᕐᒥᓕᒃ ᒥᕐᖑᐃᓯᕐᕕᒃ ᑲᓇᑕᒥ ᖃᓄᐃᓕᖓᖕᒪᖔᑦ ᒥᕐᖑᐃᓯᕐᕕᖕᒧᑦ ᐅᓂᒃᑳᑦ. [ᖃᕆᑕᐅᔭᑰᕈᓐᓇᐅᑏ]. ᖃᕆᑕᐅᔭᒃᑯᑦ: ᒪᑐᐃᕈᓐᓇᕐᑐᖅ ᐅᓇ ᐊᑐᕐᓗᒍ PDF.

ᓴᖅᑭᖅᑕᐅᓯᒪᒻᒥᔪᖅᑕᐅᖅ ᖃᓪᓗᓈᑎᑑᖓᓪᓗᓂᑦ ᐊᑎᖃᖅᑐᓂ:
Sirmilik National Park of Canada state of the park report

ᓴᖅᑭᖅᑕᐅᓯᒪᒻᒥᔪᖅᑕᐅᖅ ᐅᐃᕖᑎᑑᖓᓪᓗᓂᑦ ᐊᑎᖃᖅᑐᓂ:
Parc national du Canada Sirmilik, rapport sur l’état du parc.

ᐊᑐᐃᓐᓇᐅᖕᒥᔪᑦ ᖃᕋᓴᐅᔭᒃᑯᑦ ᑐᕌᕈᑎᒥ.

  • PDF: ISBN 978-1-100-21366-8
  • Cat. no.: R61-84/2012E-PDF

ᐊᑐᓕᖁᔭᐅᓯᒪᔪᑦ ᐊᒻᒪᓗ ᐊᖏᖅᑕᐅᓂᖓ:

ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᒃ ᒥᕐᖑᐃᓯᕐᕕᒃ ᖃᓄᐃᓕᖓᖕᒪᖔᑦ ᐅᓂᒃᑳᑦ

ᐊᑐᓕᖁᔭᐅᓯᒪᔪᑦ ᐊᒻᒪᓗ ᐊᖏᖅᑕᐅᓂᖓ:

ᓈᓐᓯ ᐊᓂᕐᓂᓕᐊᖅ
ᐃᓱᒪᑕᖅ, ᓄᓇᕗᑦ
ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ

ᒌᓱᓂ ᕿᓕᖅᑎ
ᐃᒃᓯᕙᐅᑕᖅ
ᓯᕐᒥᓕᒃ ᑲᑎᙵᔪᑦ ᐃᓄᐃᑦ/ᒐᕙᒪᒃᑯᑦ ᒥᕐᖑᐃᓯᕐᕕᖕᒧᑦ ᐸᕐᓇᐃᔩᑦ ᐊᒻᒪᓗ ᐊᐅᓚᑦᑎᔩᑦ ᑲᑎᒪᔨᕋᓛᖏᑦ

ᐋᓚᓐ ᓛᑐᐊᕆᐅ
ᑐᑭᒧᐊᖅᑎ
ᑲᓇᑕᒥ ᒥᕐᖑᐃᒥᕐᖑᐃᓯᕐᕕᓕᕆᔨᒃᑯᑦ

ᖁᔭᓐᓇᒦᖅᑕᐅᔪᑦ

ᐸᕐᓇᒃᑕᐅᓂᖓ ᑖᔅᓱᒪ ᓯᕗᓪᓕᖅᐹᖑᔫᑉ ᒥᕐᖑᐃᓯᕐᕕᐅᑉ ᖃᓄᐃᓕᖓᓂᖓᓄᑦ ᑖᒃᑯᓄᖓ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᓄᓇᕗᑦᒥ ᐃᓚᖃᓚᐅᖅᑐᖅ ᐊᒥᓱᓂᒃ ᐃᓄᖕᓂᒃ. ᐱᓕᕆᖃᑕᐅᓂᖏᑦ ᑖᒃᑯᐊ ᐊᔾᔨᒌᖏᑦᑐᑦ ᐃᓄᐃᑦ ᓴᖅᑮᓯᒪᕗᖅ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ ᑐᙵᕕᒋᔮᐅᓂᐊᖅᐳᖅ ᓯᕗᓪᓕᖅᐹᒧᑦ ᐊᐅᓚᑦᑎᓂᕐᒧᑦ ᐸᕐᓇᐃᓂᐅᑉ ᐱᕙᓪᓕᐊᓂᖓᓄᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ. ᑖᒃᑯᐊ ᐊᑖᓃᑦᑐᑦ ᐃᓄᐃᑦ ᐱᒻᒪᕆᐅᔪᑎᒍᑦ ᑐᓂᓯᓯᒪᕗᑦ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ ᐅᓂᒃᑳᖓᓄᑦ ᐊᒻᒪᓗ ᐃᖅᑲᖅᑕᐅᔭᕆᐊᖃᕐᖢᑎᒃ:

ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ ᐸᕐᓇᐃᔩᑦ (ᒫᓐᓇ ᐊᒻᒪᓗ ᐃᓚᒋᔭᐅᓂᑯᐃᑦ):

  • ᑕᐃᓗ ᕼᐋᐱᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
  • ᑕᐃᑑᓯ ᐊᕐᓇᑲᓪᓚᒃ, ᒥᑦᑎᒪᑕᓕᒃ
  • ᑕᓂᐊᓕ ᑯᒪᖓᐱᒃ, ᒥᑦᑎᒪᑕᓕᒃ
  • ᓇᑕᓕᓄ ᒪᒃᑖᖅ, ᒥᑦᑎᒪᑕᓕᒃ
  • ᐊᐃᕙᓚᕼᐋ ᑯᓪᓗ, ᒥᑦᑎᒪᑕᓕᒃ
  • ᑭᐅᕆ ᐃᐅᕗᕋᒻ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ
  • ᔪᓯ ᓕᕕᐳᕆ, ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ
  • ᓯᐅ-ᓕᖕ ᕼᐋᓐ, ᑲᓇᑕᒥ ᐆᒪᔪᓕᕆᔨᕐᔪᐊᒃᑯᑦ

ᐃᓄᐃᑦ ᖃᐅᔨᒪᔭᖏᓐᓄᑦ ᐱᓕᕆᖃᑎᒌᑦ ᒥᑦᑎᒪᑕᓕᖕᒥᑦ ᐊᒻᒪᓗ ᐃᒃᐱᐊᕐᔪᖕᒥᑦ ᒫᓐᓇ ᐊᒻᒪᓗ ᐃᓚᒋᔭᐅᓂᑯᐃᑦ):

  • ᒧᐊᒡᒐᓐ ᐊᕐᓇᑲᓪᓚᒃ
  • ᐃᓅᔪᓐᓃᖅᓯᒪᔪᖅ ᔫᓯᐱ ᑯᓄᒃ
  • ᐋᓐᓄᓘ ᓴᖑᔭ
  • ᐸᓂᓗ ᓴᖑᔭ
  • ᔭᐃᒥᓯ ᐊᑕᒍᑦᑕᒃ
  • ᐱᓕᐴᓯ ᐊᑕᒍᑖᓗᒃ
  • ᐊᐃᕙᓚᕼᐋ ᑯᓪᓗ
  • ᑭᒍᑎᑲᕐᔪᒃ ᓴᐸ
  • ᓴᒻᓴᓐ ᐃᕐᖢ
  • ᕇᑕ ᓄᙵᖅ
  • ᔨᐊᓯ ᓲᔪᖅ
  • ᐊᐃᑭ ᑭᒍᑎᑲᕐᔪᒃ
  • ᑯᓄᒃ ᐆᔪᑯᓗᒃ
  • ᐲᑕ ᑕᑦᑕᑐᐊᐱᒃ
  • ᐃᓚᐃᔾᔭᔅ ᐸᓂᒃᐸᑯᑦᑐᒃ

ᓯᕐᒥᓕᒃ ᑲᑎᙵᔪᑦ ᐃᓄᐃᑦ/ᒐᕙᒪᒃᑯᑦ ᒥᕐᖑᐃᓯᕐᕕᖕᒧᑦ ᐸᕐᓇᐃᔩᑦ ᐊᒻᒪᓗ ᐊᐅᓚᑦᑎᔩᑦ ᑲᑎᒪᔨᕋᓛᖏᑦ (ᒫᓐᓇ ᐊᒻᒪᓗ ᐃᓚᒋᔭᐅᓂᑯᐃᑦ):

  • ᖃᕙᕙᐅᖅ ᐃᓱᖃᖏᑦᑐᖅ, ᒥᑦᑎᒪᑕᓕᒃ
  • ᐊᔅᑎᓐ ᕇᑦ, ᑯᐃᐸᒃ
  • ᓕᐊ ᑲᓪᓗᒃ, ᐃᒃᐱᐊᕐᔪᒃ
  • ᑖᒥ ᑕᑦᑕᑐᐊᐱᒃ, ᐃᒃᐱᐊᕐᔪᒃ
  • ᒋᓲᓂ ᕿᓕᖅᑎ, ᑭᖑᕐᕕᓯᒪᔪᖅ ᐃᒃᓯᕙᐅᑕᖅ, ᒥᑦᑎᒪᑕᓕᒃ
  • ᐋᓄᓘ ᑕᖅᑐ, ᐃᒃᓯᕙᐅᑕᖅ, ᐃᒃᐱᐊᕐᔪᒃ
  • ᓯᑏᕝ ᐅᐃᓐᑦ, ᓄᐊᕐᑦ ᒐᐅᕐ
  • ᑕᐃᕕᑎ ᖃᒪᓂᖅ, ᐃᓚᒋᔭᐅᓂᑯᑦ ᐃᒃᓯᕙᐅᑕᖅ, ᒥᑦᑎᒪᑕᓕᒃ

ᒥᕐᖑᐃᓯᕐᕕᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ:

  • ᓈᓐᓯ ᐊᓂᕐᓂᓕᐊᖅ ᐃᓱᒪᑕᖅ, ᓄᓇᕗᒻᒥ ᐱᓕᕆᔩᑦ
  • ᐸᐅᓪ ᐋᔅᓕ ᐅᐆᒪᓂᖃᕐᑐᓄᑦ ᓇᔪᒐᕐᒥ ᖃᐅᔨᓴᕐᑎ, ᓄᓇᕗᒻᒥ ᐱᓕᕆᔩᑦ
  • ᒫᒍᕋᑦ ᐳᑐᓕ ᐃᑦᑕᕐᓂᓴᓕᕆᔨ, ᐅᐊᓕᓂᕐᒥ ᐅᐊᖕᓇᕐᒥᓗ ᐱᓕᕆᕕᖕᒥ
  • ᔭᐃᓐ ᓯᓱᒻ ᐅᐆᒪᓂᖃᕐᑐᓄᑦ ᓇᔪᒐᕐᒥ ᖃᐅᔨᓴᕐᑎ, ᓄᓇᕗᒻᒥ ᐱᓕᕆᔩᑦ
  • ᓕᓐ ᑲᓯᓐᔅ ᐃᓕᖅᑯᓯᓕᕆᓂᕐᒨᖓᔪᓄᑦ ᑲᒪᔨ, ᓄᓇᕗᒻᒥ ᐱᓕᕆᔩᑦ
  • ᓚᐃᐅ ᑎᒃ ᐱᖓᓐᓇᐅᑉ ᓯᒡᔭᖓᓂ ᐃᒻᒪᕐᓂᓴᓕᕆᔨ, ᐅᐊᓕᓂᕐᒥ ᐅᐊᖕᓇᕐᒥᓗ ᐱᓕᕆᕕᖕᒥ
  • ᓗᐊᕆ ᑎᐅᐃᐊᒃ ᐃᓅᓯᓕᕆᓂᕐᒨᖓᔪᑦ ᑲᒪᒋᔭᐅᓂᖏᓐᓄᑦ ᐅᖃᐅᔾᔨᖅᓱᐃᔨ ᐅᒃᑯᓯᒃᓴᓕᒃ ᒥᕐᖑᐃᓯᕐᕕᖕᒥ
  • ᒋᐅᕆ ᐃᓐᔅ ᑲᓇᑕᐅᑉ ᓯᓚᑖᓃᑦᑐᓄᑦ ᐱᓕᕆᖃᑎᒌᖕᓂᕐᒧᑦ ᑲᒪᔨ, ᓄᓇᕗᒻᒥ ᐱᓕᕆᔩᑦ
  • ᐋᓚᓐ ᕕᕼᐅ ᑐᑭᒧᐊᖅᑎᐅᑲᐃᓐᓇᕐᑐᖅ - ᑲᓇᑕᐅᑉ ᐅᐊᖕᓇᖓᓄᑦ
  • ᐳᕋᓐᒃ ᒡᕆᒋᐊᓪ ᖃᐅᔨᓴᑎ ᖃᓄᐃᐸᓕᐊᓃᒃ, ᐅᐊᓕᓂᕐᒥ ᐅᐊᖕᓇᕐᒥᓗ ᐱᓕᕆᕕᖕᒥ
  • ᑲᑎ ᕼᐋᓐᓴᓐ ᐱᓕᕆᖃᑎᒌᖕᓂᒃᑯᑦ ᑲᒪᒋᔭᖃᕐᑐᓄᑦ ᐅᖃᐅᔾᔪᖅᓱᐃᔨ, ᓄᓇᕗᑦᒥ ᐱᓕᕆᔩᑦ
  • ᓯᑏᕙᓐ ᓚᐅ ᑐᓴᖃᑦᑕᐅᑎᓕᕆᔨ, ᓄᓇᕗᑦᒥ ᐱᓕᕆᔩᑦ
  • ᒪᕇᔅ ᒪᐃᕼᐃ ᐸᕐᓇᐃᔨ, ᓄᓇᕗᑦᒥ ᐱᓕᕆᔩᑦ
  • ᐋᓐᓄᓘ ᒪᐃᔅᐅ ᑭᓱᒃᓴᐃ ᐊᐅᓚᑕᐅᓂᖏᓐᓄᑦ ᐱᓕᕆᔨ ᐊᒻᒪᓗ ᑭᒃᑯᑐᐃᓐᓇᕆᑦ ᐊᑦᑕᕐᓇᖅᑐᒦᑦᑕᐃᓕᓂᖏᓐᓄᑦ ᐊᐅᓚᑦᑎᔨ, ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ ᐊᒻᒪᓗ ᑭᖑᓂᐊᒍᑦ ᑭᓱᑐᐃᓐᓇᐃᑦ ᐊᓯᐅᑎᑕᐅᑦᑕᐃᓕᒪᓂᖏᓐᓄᑦ ᑲᒪᔨ, ᓄᓇᕗᑦᒥ ᐱᓕᕆᔩᑦ
  • ᒥᓴᓖᓐ ᒫᓐᓱ ᐅᒪᓂᖃᕐᑐᓄᑦ ᓇᔪᒐᕐᒥ ᖃᐅᔨᓴᕐᑎ, ᐱᖓᓐᓇᐅᑉ ᓯᒡᔭᖓᓂ ᐃᒻᒪᕐᓂᓴᓕᕆᔨ, ᐅᐊᓕᓂᕐᒥ ᐅᐊᖕᓇᕐᒥᓗ ᐱᓕᕆᕕᖕᒥ ᐊᒻᒪᓗ ᐃᓕᓯᒪᔪᕐᔪᐊᖅ, ᓴᓇᓯᒪᖏᑦᑐᓄᑦ ᐱᔭᐅᔪᓐᓇᕐᑐᓄᑦ ᖃᐅᔨᓴᕐᕕᒃ, ᒫᓂᑑᐸᐅᑉ ᐃᓕᓐᓂᐊᕐᕕᔾᒡᔪᐊᖓᓂᑦ
  • ᒫᒃ ᒪᑯᐊᒥᒃ ᐸᕐᓇᐃᔨ, ᓄᓇᕗᑦᒥ ᐱᓕᕆᔩᑦ
  • ᒋᐅᕆ ᒨᓚᓐ ᑲᒪᔨ, ᑭᓱᑐᐃᓐᓇᐃᑦ ᐊᓯᐅᑎᑕᐅᑦᑕᐃᓕᒪᓂᖏᓐᓄᑦ ᑲᒪᔨ, ᓄᓇᕗᒻᒥ ᐱᓕᕆᔩᑦ
  • ᓘᓯ ᓇᑦᑎᖅ ᐃᓱᒪᑕᐅᑉ ᐃᑲᔪᖅᑎᖓ, ᓄᓇᕗᒻᒥ ᐱᓕᕆᔩᑦ
  • ᒫᒡᒍᓚ ᓇᐅᓪᓚᖅ ᐊᕕᒃᑐᖅᓯᒪᓂᕐᒧᑦ ᐸᕐᓇᐃᔨᐅᓂᕐᒧᑦ ᐃᓕᓐᓂᐊᖅᑎᑕᐅᓂᖅ, ᓄᓇᕗᒻᒥ ᐱᓕᕆᔩᑦ
  • ᐄᕙ ᐸᐅᓪ ᐅᒪᓂᖃᕐᑐᓄᑦ ᓇᔪᒐᕐᒥ ᖃᐅᔨᓴᕐᑎ, ᓄᓇᕗᑦᒥ ᐱᓕᕆᔩᑦ
  • ᐸᐅᓖᓐ ᓯᑳᑦ ᐳᓚᕋᑦᑐᓕᕆᓂᕐᒧᑦ ᑲᒪᔨ ᐊᒻᒪᓗ ᖃᓄᐃᑦᑕᐃᓕᒪᑎᑦᑎᔨ, ᓄᓇᕗᒻᒥ ᐱᓕᕆᔩᑦ
  • ᕼᐊᔪ ᓯᑐᐊᑦ ᐅᒪᓂᖃᕐᑐᓄᑦ ᓇᔪᒐᕐᒥ ᖃᐅᔨᓴᕐᑎ, ᓄᓇᕗᑦᒥ ᐱᓕᕆᔩᑦ
  • ᒫᓂᑲ ᑎᐊᒻᐱᓕᓐ ᓄᓇᙳᐊᓕᕆᔨ, ᓄᓇᕗᑦᒥ ᐱᓕᕆᔩᑦ
  • ᕗᐊᐃᓐ ᑕᒃᑯ ᐱᕝᕙᓕᐊᔪᓐᓂᒃ ᐅᓂᒃᑲᓂᒥᒃ ᖃᐅᔨᒪᔨᒋᔭᐅᔫᖅ, ᐊᓪᓚᕕᓐᒥᒃᑐᖅ ᓄᓇᓕᓪᓂᒃ ᑲᒻᒪᒃᕕᐅᕙᒃᑐᒥ

ᐃᓚᒋᔭᐅᔪᑦ ᓄᓇᖃᕐᑐᓂᑦ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥ:

  • ᐃᓄᑐᖃᐃᑦ ᒥᑦᑎᒪᑕᓕᖕᒥᑦ ᐊᒻᒪᓗ ᐃᒃᐱᐊᕐᔪᖕᒥᑦ
  • ᕼᐋᒪᓚᑦᖏᑦ ᒥᑦᑎᒪᑕᓕᖕᒥᑦ ᐊᒻᒪᓗ ᐃᒃᐱᐊᕐᔪᖕᒥᑦ
  • ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐊᖅᑏᓪᓗ ᑲᑎᒪᔨᖏᑦ ᒥᑦᑎᒪᑕᓕᖕᒥᑦ ᐊᒻᒪᓗ ᐃᒃᐱᐊᕐᔪᖕᒥᑦ

ᑐᓵᔨ:

  • ᒥᓴᒃ ᐊᓪᓗᕈᑦ
  • ᑕᐃᑑᓯ ᐊᕐᓇᑲᓪᓚᒃ
  • ᒧᐊᒡᒐᓐ ᐊᕐᓇᑲᓪᓚᒃ
  • ᐃᓚᐃᓴ ᐱᐅᒑᑦᑐᐊᓗᒃ
  • ᐊᑐᕆ ᐸᓂᒃᐸᑯᑦᑐᒃ ᖃᒪᓂᖅ

ᐃᖅᑲᐅᒪᓪᓗᒋᑦ

ᐃᓅᔪᓐᓃᖅᓯᒪᔪᖅ ᑰᓂᓘᓯ ᓄᑕᕋᖅ ᐃᓐᓇᐅᓂᖅᓴᖅ ᐃᖅᑲᐅᒪᔭᐅᕗᖅ ᐃᒃᐱᒋᔭᐅᑦᑎᐊᖅᖢᓂ ᐃᓐᓇᕆᔭᐅᓚᐅᖅᑐᖅ ᖃᐅᔨᒪᔪᒻᒪᕆᐅᓂᖓ ᐊᔾᔨᖃᑐᐃᓐᓇᓚᐅᖅᓯᒪᔪᖅ ᐊᒥᖅᑳᕈᑎᖃᕈᒥᓇᕐᓂᕐᒥᒍᑦ. ᐊᕐᕌᒍᓄᑦ ᐊᒥᓱᓄᑦ ᐊᒡᒋᖅᑐᓄᑦ, ᖃᐅᔨᒪᓂᕆᔭᖓ ᐃᒻᒪᕐᓂᓴᕐᓂᒃ ᐃᑲᔫᑎᖃᕈᓐᓇᕐᓂᐊᖅᑐᖅ ᐅᕙᑦᑎᓐᓄᑦ ᑕᐅᑐᙳᐊᕈᓐᓇᖁᓪᓗᑕ ᐊᒻᒪᓗ ᓴᓇᔪᓐᓇᖁᓪᓗᑕ ᓯᕗᓂᒃᓴᒥᒃ ᐅᐱᒋᔪᓐᓇᕐᑕᑦᑎᓐᓂᒃ. ᑰᓂᓘᓯ ᐱᑎᑕᐅᓚᐅᖅᑐᖅ ᑲᓇᑕᐅᑉ ᖁᔭᓐᓇᒦᕈᑎᖓᓂᒃ ᐃᓕᑕᕆᔭᐅᔾᔪᑎᒥᒃ 2006ᒥ.

ᐃᓅᔪᓐᓃᖅᓯᒪᔪᖅ ᔭᐃᑯ ᐊᒻᒪᓗ ᐃᓅᔪᓐᓃᖅᓯᒪᔪᖅ ᐋᓂ “ᐸᐃᖑᑦ” ᐱᑦᑐᓗᓯ ᑕᒻᒪᒃᒥᒃ ᓯᕝᕗᓕᒃᑎᐅᓚᐅᒃᑐᑑᒃ ᖃᐅᔨᑎᑎᒋᐊᓐᓂᒻᒥᒃ ᑲᐅᔨᒪᔭᐅᔪᓂᒃ ᐃᓐᓇᒪᕆᓐᓅᑦ ᐃᓐᓄᓱᒃᑐᓄᑦ. ᐃᓅᔪᓐᓃᖅᓯᒪᔪᖅ ᐋᓂ ᐱᑦᑐᓗᓯ ᐱᑎᑕᐅᓚᐅᖅᑐᖅ 2011 ᑲᓇᑕᒥ ᓄᓇᖃᖅᑳᖅᑐᑦ ᐱᓕᕆᓯᒪᓂᖏᓐᓄᑦ ᐃᓕᑕᕆᔭᐅᔾᔪᑎᖓᓄᑦ ᐊᕕᒃᑐᖅᓯᒪᓂᖓ ᐃᓕᑕᕆᔭᐅᓂᖓᑕ ᐃᓕᖅᑯᓯᓕᕆᓂᕐᒧᑦ, ᐅᒃᐱᕐᓂᓕᕆᓂᕐᒧᓪᓗ.

ᐃᓅᔪᓐᓃᖅᓯᒪᔪᖅ ᔫᓯᐱ ᑰᓅ ᐱᒻᒪᕆᒋᔭᐅᓚᐅᒃᑐᖅ ᐃᓐᓇᕆᔭᐅᓗᓂ ᓯᕗᓕᒃᑎᒪᕆᐅᓚᐅᒃᑐᖅ ᐃᓇᒃᑎᒋᐊᑲᓂᓐᓂᕐᒥᒃ ᐃᓄᓐᓂᒃ ᐊᒻᒪᓗ “ᖃᓗᓇᒥᐅᓂᒃ ᑲᓇᑕᒥ” ᐱᖁᓯᓂᒃ ᖃᐅᔨᖃᑕᐅᑎᖁᓗᓂᖏᒃ ᐃᓕᖁᓯᒥᓐᓂᒃ ᐃᓕᖃᑕᐅᑎᓗᑎᒃᓗ. ᐅᒃᑲᓚᐅᓯᒪᒥᒻᔪᖅ ᑲᓇᑕᒥ ᒥᖕᒍᐃᓯᕐᕕᓕᕆᒌᑦ ᐃᒡᔪᐊᕋᒃᓴᑎᐊᕙᐅᓂᕋᒃᑐᓂᒋᑦ ᑲᑎᖃᑎᖃᓐᓂᒥᒃ ᒪᕐᕈᓂᒃ ᐃᓕᒃᑯᓯᕆᔭᐅᔪᓐᓃᒃ.

ᐃᓅᔪᓐᓃᖅᓯᒪᔪᖅ ᐱᓕᑉ ᐃᔅᓯᒐᐃᑦᑐᖅ ᐃᓚᒋᔭᐅᓚᐅᒥᔪᖅ ᐱᓂᑭᓴᐅᑎᔪᖃᑎᓗᒍ ᑕᐃᒍᑎᒃᓴᖓᓂᒃ ᒥᕐᖑᐃᓯᕐᕕᐅᑉ. ᓴᓚᒃᓴᓚᐅᖅᑐᖅ ᐊᑎᒃᑕᕆᔭᐅᓪᓗᓃᓗ ᓴᕿᑕᖓ ᐊᑎᐅᖁᓗᒍ, “ᓯᕐᒥᓕᒃ ᒥᐃᓯᕐᕕᒃ ᑲᓇᑕᒥ".

ᐊᓯᖏᑕᐅ ᐃᓐᓇᑐᖃᐃᑦ ᐱᒻᒪᕆᐅᔪᒥ ᐃᓚᒋᔭᐅᖃᑕᒃᓯᒪᒥᔪᑦ ᒥᕐᖑᐃᓯᕐᕕᐅᑉ ᐊᒻᒪ ᐊᑦᑐᐊᔾᔭᖏᓗ.

1.0 ᐱᒋᐊᕐᓂᖓᑦ

ᐱᔾᔪᑎᒋᔭᖓ ᑖᔅᓱᒪ ᖃᓄᐃᓕᖓᖕᒪᖔᑦ ᒥᕐᖑᐃᓯᕐᕕᖕᒧᑦ ᐅᓂᒃᑳᑉ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ ᐃᒪᐃᑦᑑᕗᖅ:

  • ᐊᑐᐃᓐᓇᕈᐃᓗᓂ ᐊᔾᔨᓕᐅᖅᓯᒪᖅᑯᐃᔨᔪᒥᒃ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ;
  • ᐅᓂᒃᑳᕆᓗᒋᑦ ᒥᕐᖑᐃᓯᕐᕕᐅᑉ ᑲᔪᓯᑎᓯᒪᔭᖏᑦ ᓂᕆᐅᒋᔭᐅᔪᑦ ᑲᔪᓯᓯᒪᖕᒪᖔᑕ, ᐊᒻᒪᓗ ᐃᑲᔫᑎᒋᓯᒪᔭᖏᓐᓄᑦ ᒥᕐᖑᐃᓯᕐᕕᓕᕆᔨᒃᑯᑦ ᐸᕐᓇᒃᓯᒪᔭᖏᑕ ᑲᔪᓯᑦᑎᐊᕐᓂᖏᓐᓄᑦ;
  • ᐅᓂᒃᑳᕆᓗᒋᑦ ᒥᕐᖑᐃᓯᕐᕕᓕᕆᔨᒃᑯᑦ ᑲᔪᓯᑎᓐᓇᓱᒃᓯᒪᔭᖏᑦ ᐅᕝᕙᓘᓐᓃᑦ ᐊᑲᐅᓯᒋᐊᖅᑎᓐᓇᓱᒃᓯᒪᔭᖏᑦ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ;
  • ᓇᓗᓇᐃᕐᓗᒋᑦ ᐱᒻᒪᕆᐅᓛᑦ ᐱᓕᕆᐊᑦ ᐃᓱᒪᒃᓴᖅᓯᐅᕈᑕᐅᖁᓪᓗᒋᑦ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥ.

ᒥᕐᖑᐃᓯᕐᕕᒃ ᖃᓄᐃᓕᖓᖕᒪᖔᑦ ᐅᓂᒃᑳᑦ ᐊᑐᖅᑕᐅᔪᓐᓇᕐᑐᖅ ᐅᓂᒃᑳᕈᑕᐅᓗᓂ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᖓᔪᖅᑳᖓᓄᑦ ᐊᒻᒪᓗ ᐃᑲᔫᑕᐅᓗᓂ ᑐᓴᐅᒪᑎᑕᐅᖁᓪᓗᒋᑦ ᐃᓱᒪᓕᐅᕆᔩᑦ ᐊᒻᒪᓗ ᑐᓴᖅᑎᑦᑎᔾᔪᑕᐅᓗᓂ ᐱᓕᕆᖃᑕᐅᔪᓄᑦ ᐊᒻᒪᓗ ᐃᓄᓕᒫᓄᑦ. ᐱᕕᒃᓴᖃᕐᑎᑦᑎᔪᓐᓇᓂᕗᖅ ᐱᒋᐊᖅᑎᑦᑎᓗᓂ ᓯᓚᑖᓂᑦ ᐅᖃᒪᔭᐅᑕᐅᓂᖓᓂᒃ ᐱᒋᐊᓕᓵᕐᓂᖓᓂ ᓴᖅᑭᑕᐅᓂᖓᑕ ᒥᕐᖑᐃᓯᕐᕕᐅᑉ ᐊᐅᓚᑦᑎᓂᕐᒧᑦ ᐸᕐᓇᐅᑎᖓᓂᒃ.

ᒥᕐᖑᐃᓯᕐᕕᒃ ᖃᓄᐃᓕᖓᖕᒪᖔᑦ ᐅᓂᒃᑳᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ ᐸᕐᓇᒃᑕᐅᓚᐅᖅᑐᖅ ᑲᑐᔾᔨᖃᑎᒌᒍᑕᐅᓪᓗᓂ ᓯᕐᒥᓕᒃ ᒥᕐᖑᐃᓯᕐᕕᖕᒧᑦ ᐸᕐᓇᐃᔨᖏᓐᓂᑦ ᐊᒻᒪᓗ ᑲᑎᙵᔪᑦ ᒥᕐᖑᐃᓯᕐᕕᖕᒧᑦ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖏᓐᓂᑦFootnote 1 ᑐᙵᕕᖃᕐᖢᑎᒃ ᐱᑕᖃᕐᐸᒌᖅᑐᓂᒃ ᑐᓴᒐᒃᓴᓂᒃ. ᐃᓚᖃᕐᑐᑦ ᑐᓴᒐᒃᓴᓂᒃ ᐊᑐᐃᓐᓇᕈᖅᑕᐅᓯᒪᔪᓂᒃ ᐃᓄᑐᖃᕐᓂᑦ ᓄᓇᖃᕐᑐᓂᑦ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥᑦ, ᐃᓚᒋᔭᐅᓪᓗᓂ ᐃᓄᐃᑦ ᖃᐅᔨᒪᔭᖏᓐᓄᑦ ᐱᓕᕆᐊᒥ (2005-2010) ᐃᓚᒋᔭᐅᓪᓗᑎᒃ ᐊᓯᖏᑎᒍᑦ ᑲᑎᒪᑲᑕᖕᓂᐅᔪᓂ. ᑕᓐᓇ ᒥᕐᖑᐃᓯᕐᕕᒃ ᖃᓄᐃᓕᖓᖕᒪᖔᑦ ᐅᓂᒃᑳᑦ ᐊᖏᖅᑕᐅᓚᐅᖅᑐᖅ ᑲᑎᙵᔪᑦ ᒥᕐᖑᐃᓯᕐᕕᖕᒧᑦ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖏᓐᓂᑦ.

2.0 ᐊᐅᓚᑦᑎᖃᑎᒌᒃᑐᑦ

ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᒃ ᐃᓂᖃᕐᑐᖅ ᕿᑭᖅᑖᓘᑉ ᐅᐊᖕᓇᖓᓂ, ᖃᓂᒋᔭᖓᓂ ᓄᓇᓕᐅᔪᑦ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᒃ. ᐊᖏᓂᖃᕐᓗᓂ 22,200 „ᕄ, ᐃᓚᒋᔭᐅᔪᖅ ᐊᖏᓂᖅᐹᖑᖃᑕᐅᓪᓗᓂ ᑲᓇᑕᒥ ᒥᕐᖑᐃᓯᕐᕕᖕᓂ. ᓴᖅᑭᑕᐅᓚᐅᖅᓯᒪᔪᖅ 2001-ᒥ ᐊᒻᒪᓗ ᑲᑐᔾᔨᖃᑎᒌᖕᓂᒃᑯᑦ ᐊᐅᓚᑕᐅᔪᖅ ᐃᓄᖕᓂᑦ ᐊᒻᒪᓗ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᒪᓕᒃᖢᒋᑦ ᓄᓇᕗᑦᒥ ᓄᓇᑕᕐᓂᕐᒧᑦ ᐊᖏᖃᑎᒌᒍᑎᖓᓂ, ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐊᒻᒪᓗ ᐱᕚᓪᓕᕈᑎᒃᓴᖏᓐᓄᑦ ᐊᖏᖃᑎᒌᒍᑎ ᐊᐅᔪᐃᑦᑐᕐᒧᑦ, ᖁᑦᑎᖕᓂᖅᐹᖅ ᐊᒻᒪᓕ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ ᐊᒻᒪᓗ ᑲᓇᑕᓕᒫᒥ ᒥᕐᖑᐃᓯᕐᕕᖕᓄᑦ ᒪᓕᒐᖓᓂ. ᒥᕐᖑᐃᓯᕐᕕᒃ ᑎᓴᒪᐅᓕᓯᒪᖕᒪᑦ ᐃᓂᐅᔪᓂ; ᒥᑦᑎᒪᑕᓕᐅᑉ ᐊᑭᐊᓂ, ᐃᒡᓗᐊᑦ, ᑲᖏᖅᑐᒑᕐᔪᒃ, ᑲᖏᖅᖢᕈᓗᒃ.

ᐃᓄᐃᑦ ᓄᓇᒋᔭᖏᑦ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᒃ ᑲᑎᙵᔪᓂᒃ ᐱᓕᕆᖃᑦᑕᕐᓯᒪᔪᑦ ᐅᓄᖅᖢᑎᒃ ᑭᖑᕚᖑᔪᑦ ᐃᓅᓪᓗᑎᒃ ᐊᕙᑕᑖᓂᓗ ᒫᓐᓇᒃᑯᑦ ᖃᐅᔨᒪᔭᐅᓕᖅᑐᒥ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒥ, ᐅᑭᐅᑦ 4,000 ᐅᖓᑕᓄᑦ. ᖃᐅᔨᒪᔭᕆᐊᖃᕐᓂᖅ ᐊᒻᒪᓗ ᓴᐳᒻᒥᒃᖠᕆᐊᖃᕐᓂᖅ ᐊᕙᑎᒥᒃ ᐱᒻᒪᕆᐅᓯᒪᕗᖅ ᐊᓐᓇᐅᒪᓇᓱᐊᕐᓂᕐᒧᑦ ᐃᓄᖏᓐᓂᑦ ᒥᑦᑎᒪᑕᓕᐅᑉ ᐊᒻᒪᓗ ᐃᒃᐱᐊᕐᔪᖕᒥᑦ. ᓂᕿᖏᑦ, ᑕᐃᒪᐃᒻᒪᑦ ᐃᓅᓯᖏᑦ, ᐱᖃᕆᐊᖃᕐᓂᖏᓐᓄᑦ. ᓄᓇᓕᐅᔫᒃ ᑲᑎᙵᓪᓗᑎᒃ ᖃᐅᔨᒪᓂᖏᑦ ᑕᐅᕙᓂ ᐊᕙᑎᒋᔭᒥᖕᓂ ᑐᙵᕕᖃᕐᑐᖅ ᐊᑯᓂᐅᔪᒃᑯᑦ ᐱᔭᕆᐊᖃᕐᑐᑎᒍᑦ.

ᓄᓇᙳᐊᖅ 1

regional setting of Sirmilik National Park 
ᓄᓇᙳᐊᖅ 1: ᓱᑯᑦᑎᐊᓃᓐᓂᖓᑦ ᓯᕐᒥᓕᒃ ᒥᕐᖑᐃᓯᕐᕕᒃ ᑲᓇᑕᒥ.

ᑲᑐᔾᔨᖃᑎᒌᖕᓂᒃᑯᑦ ᐱᓕᕆᖃᑎᒌᒃᖢᑎᒃ ᒪᕐᕉᖕᓂ ᓄᓇᓕᐅᔪᓂᒃ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐃᓕᑦᑎᕙᓪᓕᐊᓕᕐᑐᑦ ᑕᕝᕙᙵᑦ ᑲᑎᙵᔪᒥᒃ ᐱᓕᕆᖃᑎᒌᓂᕐᒥᑦ ᐱᒻᒪᕆᐅᔪᒥᒃ ᐃᓕᖅᑯᓯᕐᒥᒃ ᐊᒻᒪᓗ ᐆᒪᔪᑦ ᓇᔪᒐᖏᓐᓂᒃ, ᓄᓇᐃᑦ ᐊᑐᖅᑕᐅᖃᑦᑕᕐᓂᑐᖃᖏᓐᓂᑦ ᐊᒻᒪᓗ ᖃᐅᔨᒪᔭᒻᒪᕆᖕᒥᓂᑦ ᐊᕙᑎᒥᒃ. ᐃᓚᒋᔭᖏᑦ ᖃᐅᔨᒪᓂᐅᔪᑦ ᐱᔭᐅᓯᒪᕗᑦ ᐅᓂᒃᑲᖅᑐᐊᑎᒍᑦ ᐃᑦᑕᕐᓂᓴᕐᓄᑦ ᐱᓕᕆᐊᑎᒍᑦ ᐊᒻᒪᓗ ᓄᓇᐃᑦ ᐊᑎᖏᓐᓄᑦ ᐱᓕᕆᐊᑎᒍᑦ. ᐱᒻᒪᕆᐅᔪᑦ ᖃᐅᔨᔭᐅᓯᒪᔪᑦ ᓴᖅᑭᑕᐅᓯᒪᕗᑦ ᑕᕝᕙᓂ ᖃᓄᐃᓕᖓᓂᖓᓂ ᒥᕐᖑᐃᓯᕐᕕᐅᑉ ᐅᓂᒃᑳᖓᓂ; ᓇᓗᓇᐃᖅᓯᓯᒪᕗᑦ ᐱᒻᒪᕆᐅᓂᖓᓂᒃ ᐃᓄᐃᑦ ᖃᐅᔨᒪᓂᖏᑕ ᐊᑐᓕᖅᑎᑕᐅᑎᓪᓗᒍ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᐊᖏᓐᓂ ᑕᐅᔪᓂ.

ᐊᑖᓃᑦᑐᖅ ᓄᓇᙳᐊᖅ (ᓄᓇᙳᐊᖅ 2) ᓇᓗᓇᐃᖅᓯᔪᖅ ᐊᖏᔪᒻᒪᕆᖕᒥᒃ ᓄᓇᐅᑉ ᐊᑐᖅᑕᐅᖃᑦᑕᕐᓂᖓᓂᒃ ᐊᒻᒪᓗ ᓱᖏᐅᙵᔭᐅᓂᖓᓂᒃ ᐊᕙᑎᒥᔭᒥᖕᓂᒃ ᑐᙵᕕᖃᖅᖢᑎᒃ ᑲᑎᖅᓱᖅᑕᐅᓯᒪᔪᑎᒍᑦ ᖃᐅᔨᒪᓂᕆᔭᖏ'ᑕ ᐃᓄᐃᑦ ᓄᓇᖃᕐᑐᑦ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥ:

ᓄᓇᙳᐊᖅ 2

Map featuring Main sea ice travel routes, selected sea ice safety features and Inuktitut Place Names around Mittimatalik and Ikpiarjuk. 
ᓯᑯᒃᑰᑦ ᐊᖅᑯᑎᒋᔭᐅᓲᑦ, ᐃᖏᕐᕋᕕᕝᐅᓪᓗᐊᑕᓲᑦ, ᓯᒃᑯᑯᑦ ᐊᑦᑕᕐᓇᑐᖁᕐᓇᖏᑦᑐᑦ ᐊᒻᒪᓗ ᐃᓄᒃᑎᑐᑦ ᐊᑦᑎᖏᑦ ᓄᓇᐃᑦ ᒥᑦᑎᒪᑕᓕᐆᑉ ᐊᒻᒪ ᐃᒃᐱᐊᕐᔫᑉ ᖃᓂᒋᔭᓂ. ᐃᓄᐃᑦ ᑲᐅᔨᒪᔭᖏᓂᒃ ᑲᒪᔨᔭᖃᓂᒃ 2010ᒥ.

ᐅᖃᖃᑎᒋᔭᐅᕙᒃᖢᑎᒃ ᒥᑦᑎᒪᑕᓕᖕᒥᐅᑦ ᐃᒃᐱᐊᕐᔪᖕᒥᐅᓪᓗ (ᐃᓚᒋᔭᐅᓪᓗᑎᒃ ᐃᓄᐃᑦ ᖃᐅᔨᒪᓂᖏᓐᓄᑦ ᐱᓕᕆᐊᒥ, ᓴᖅᑭᑕᐅᓂᖓᒍᑦ ᑖᔅᓱᒪ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ ᐅᓂᒃᑳᖓᓂ, ᒥᕐᖑᐃᓯᕐᕕᖕᒧᑦ ᐸᕐᓇᐃᔩᑦ ᑲᑎᒪᖃᑦᑕᕐᓂᖏᑎᒍᑦ, ᑲᑎᙵᔪᑦ ᒥᕐᖑᐃᓯᕐᕕᐅᑉ ᐊᐅᓚᑕᐅᓂᖓᓄᑦ ᑲᑎᒪᔨᕋᓛᖏᑕ ᑲᑎᒪᖃᑦᑕᕐᓂᖏᑎᒍᑦ, ᑲᑎᒪᖃᑎᒋᔭᐅᖃᑦᑕᕐᓂᖏᑎᒍᑦ ᐊᖑᓇᓱᒃᑏᑦ ᒥᑭᒋᐊᕐᓂᐊᖅᑏᓪᓗ ᑲᑎᒪᔨᖏᓐᓂᑦ ᐊᒻᒪᓗ ᓄᓇᓕᖕᓂ ᑐᓴᕋᓱᐊᕐᓂᐅᔪᓂᑦ) ᐊᑕᐅᓯᐅᖏᑦᑐᑦ ᐃᓱᒫᓗᑕᐅᔪᑦ ᓴᖅᑭᑕᐅᓯᒪᕗᑦ:

  • ᐱᓕᕆᖃᑎᒌᖕᓂᖅ: ᓴᙱᔪᒃᑯᑦ ᐱᔪᒪᓂᖅᑕᖃᕐᑐᖅ ᓄᓇᓕᔪᓂᑦ ᑐᓴᐅᒪᖃᑦᑕᕈᒪᓪᓗᑎᒃ ᖃᐅᔨᓴᕐᑕᐅᓯᒪᔪᓂᒃ ᐊᒻᒪᓗ ᐊᐅᓚᑦᑎᔾᔪᑕᐅᕙᒃᑐᓄᑦ ᐱᓕᕆᐊᓂᒃ. ᐱᒻᒪᕆᐅᔪᑦ ᐱᓕᕆᐊᖑᔪᑦ ᐃᑲᔪᖅᓯᒪᕗᑦ ᐱᓕᕆᖃᑎᒌᒍᓐᓇᖅᓯᖁᓪᓗᒋᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪᓗ ᒥᑦᑎᒪᑕᓕᖕᒥᐅᓂᑦ ᐊᒻᒪᓗ ᐃᒃᐱᐊᕐᔪᖕᒥᐅᓂᑦ ᐊᒻᒪᓗ ᐊᖏᓕᒋᐊᖅᑎᑦᑎᓯᒪᓪᓗᓂ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑐᑭᓯᐅᒪᓂᖏᓐᓂᒃ ᒥᕐᖑᐃᓯᕐᕕᐅᑉ ᓂᕐᔪᑎᖃᕐᕕᖏᓐᓂᒃ, ᐃᓕᖅᑯᓯᓕᕆᓂᕐᒨᖓᔪᓂᒃ ᐊᒻᒪᓗ ᐃᓕᖅᑯᓯᓕᕆᓂᐅᑉ ᐃᓗᓕᖏᓐᓂᒃ (ᐅᓂᒃᑳᑎᒍᑦ ᐊᑐᖃᑦᑕᕐᓯᒪᔪᓄᑦ, ᐃᓄᒃᑎᑐᑦ ᓄᓇᐃᑦ ᐊᑎᖏᓐᓂᒃ ᐊᒻᒪᓗ ᐃᓄᐃᑦ ᖃᐅᔨᒪᔭᖏᓐᓄᑦ ᐱᓕᕆᐊᑎᒍᑦ). ᑭᓯᐊᓂ, ᐃᓱᒪᓇᕐᒪᑦ ᐱᓕᕆᐊᖑᒃᑲᓐᓂᕈᓐᓇᕐᓂᖓᓂᒃ ᐊᒻᒪᓗ ᐱᓕᕆᐊᖑᒃᑲᓐᓂᕆᐊᖃᕐᓂᖓᓂᒃ.
  • ᐸᒡᕕᓵᕆᓂᐅᓇᓱᒋᔭᐅᔪᖅ: ᐃᓚᖏᑦ ᖃᐅᔨᓴᕐᓃᑦ, ᑕᑯᓇᖃᑦᑕᕐᓃᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐱᓕᕆᐊᖑᔪᑦ ᒥᕐᖑᐃᓯᕐᕕᐅᑉ ᐃᓗᐊᓂ ᑕᐅᑐᒃᑕᐅᓯᒪᖕᒪᑕ ᐸᒡᕕᓵᕆᔪᒥᒃ ᐃᓄᐃᑦ ᐊᑐᖃᑦᑕᕐᓂᖓᓂᒃ ᒥᕐᖑᐃᓯᕐᕕᖕᒥᒃ ᐊᒻᒪᓗ ᒥᕐᖑᐃᓯᕐᕕᐅᑉ ᖃᓄᐃᖏᑦᑎᐊᕐᓂᖓᓂᒃ, ᐊᒻᒪᓗ ᑐᓴᐅᒪᑎᑦᑎᖃᑦᑕᒃᑲᓐᓂᕆᐊᓖᑦ ᓄᓇᓕᐅᔪᓂᒃ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥᐅᓂᒃ ᒪᓕᒃᑕᐅᔭᕆᐊᓖᑦ ᐊᒻᒪᓗ ᐊᑐᐊᒐᐃᑦ ᒥᒃᓵᓄᑦ ᐊᑑᑎᖃᕐᑐᓄᑦ ᒥᕐᖑᐃᓯᕐᕕᖕᒧᑦ.
  • ᐊᖏᓕᕙᓪᓕᐊᔪᓐᓇᕐᓂᖅ:ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᐅᓛᑎᔪᑦ ᑎᑎᕋᕐᕕᖕᒥᒃ ᒥᑦᑎᒪᑕᓕᖕᒥ ᑭᓯᐊᓂ ᐃᒃᐱᐊᕐᔪᖕᒦᖏᓐᓇᕈᓐᓇᖏᑦᑐᑦ. ᐊᐅᓚᑎᑦᑏᓐᓇᕋᓱᖕᓂᖅ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᐊᖏᓐᓂᒃ ᐊᒃᑐᐊᔭᐅᔪᓂ ᓄᓇᖃᕐᑐᓂ ᐊᒻᒪᓗ ᐃᖅᑲᓇᐃᔭᖅᑎᑦᑎᓂᖅ ᓄᓇᓕᖕᒥᐅᓂᒃ ᐊᐅᓚᓂᖓᓄᑦ ᐊᒻᒪᓗ ᐊᐅᓚᑕᐅᓂᖓᓂᒃ ᒥᕐᖑᐃᓯᕐᕕᐅᑉ ᐃᓱᒪᒋᔭᐅᖕᒪᑦ ᐱᔭᕆᐊᖃᕐᑎᑕᐅᓂᖓᓂᒃ ᐊᑯᓂᐅᔪᒃᑯᑦ ᑲᔪᓯᑦᑎᐊᖁᓪᓗᒋᑦ.

ᑕᒃᑯᐊ ᐃᓱᒫᓘᑕᐅᔪᑦ ᐱᒻᒪᕆᐅᔪᑦ ᓄᓇᓕᐅᔪᓄᑦ ᐊᒻᒪᓗ ᐱᔭᕆᐊᖃᓪᓚᑦᑖᖅᑐᑦ ᓯᕗᓂᒃᓴᒥ ᑲᑐᔾᔨᖃᑎᒌᖕᓂᒃᑯᑦ ᐱᓕᕆᔪᖃᕐᑎᓪᓗᒍ.

3.0 ᒥᕐᖑᐃᓯᕐᕕᐅᑉ ᖃᓄᐃᓐᓂᖓ

ᓯᕝᕗᓕᒃᐸᓯᐅᑎᐅᒪᑦ ᖃᓄᐃᓕᖓᒪᖔᑦ ᒥᕐᖑᐃᓯᕐᕕᒧᑦ ᐅᓂᒃᑳᑦ ᑕᒃᓱᒻᒧᖓ ᓯᕐᒥᓕᒃ ᒥᖑᐃᓯᕐᕕᒧᑦ ᐊᒻᒪ ᓇᓗᓇᐃᖅᑕᐅᓯᒪᒐᔭᑦᑐᑦ ᐲᑕᖃᓚᐅᖏᒪᑕ ᓈᓴᐅᑎᓄᑦ ᓇᓗᓇᐃᑯᑕᐅᒐᔭᖅᑐᑦ. ᖃᓄᐃᓂᐅᓯᒪᔪᓄᑦ ᓇᓗᓇᐃᑯᑕᐅᒐᔭᑦᑐᑦ ᑎᑎᕋᖅᑕᐅᓯᒪᔪᑦ ᒥᕐᖑᐃᓯᕐᕕᒥᒃ ᓇᓗᓇᐃᓯᓯᒪᔪᑦ ᑭᓯᐊᓂ ᖃᓄᐃᓕᖓᓂᕆᔭᖓ ᐆᒪᔪᓐᓇᖅᑐᓕᒫᑦ ᐊᕙᑎᑦᑎᓐᓂ ᖃᑦᑎᓐᓇᕈᑉᐸᓕᐊᓯᒪᒻᒪᑕ ᐱᔾᔪᑎᒋᓗᒍ ᐊᓯᕈᐸᓕᐊᓂᖅ.

ᖃᓄᐃᓕᖓᒪᖓᑦ ᒥᕐᖑᐃᓯᕐᕕᒃᒧᑦ ᐅᓐᓂᒃᑲᑦ ᐊᑦᑐᖃᑕᖓᕐᑕ ᓇᓗᓇᐃᑐᓯᒪᔪᓐᓂᒃ ᑐᓴᐅᒪᖃᑕᐅᑎᓂᒧᖓᔪᓂᒃ ᐆᒪᔪᓐᓇᖅᑐᓕᒫᑦ ᐊᕙᑎᑦᑎᓐᓂ ᖃᓄᐃᓕᓐᓂᖓ , ᐃᓪᓕᖁᓯᒧᑦ ᐊᑦᑐᖅᑕᐅᓱᓂᒃ, ᐳᓚᕆᐊᒃᑐᓄᑦ ᐊᑦᑐᑕᐅᕙᒃᑐᓄᑦ, ᐃᔅᓴᒃᓯᒪᒋᐊᕆᐊᓂᒃᒥᒃ ᐊᒻᒪ ᐃᓪᓕᓐᓂᐊᓂᒧᖓᔪᓂᒃ ᒥᕐᖑᐃᓯᕐᕕᒧᖓᔪᓂᒃ ᐊᒻᒪ ᖃᓄᑎᒋ ᑲᔪᓯᑎᑕᐅᑎᐊᓯᒪᓕᕐᒪᖔᑦ ᑕᒻᒪᓐᓇ ᒥᕐᖑᐃᓯᕐᕕᓕᕆᓂᖅ ᓂᕐᕆᐅᒍᓯᕆᔭᐅᓯᒻᒪᔫᑦ ᑕᒃᑯᓐᓇᒃᑐᒋᑦ:

ᖃᓄᐃᓐᓂᖓ
  		 ᐊᔾᔨᒌᖃᑦᑕᖏᓐᓂᖕᒋᑦ
Good-not rated Fair-not rated Poor-not rated ᓇᓗᓇᐃᖅᓯᒪᖏᑦᑐᖅ Not rated-improving Not rated-stable Not rated-declining ᓇᓗᓇᐃᖅᓯᒪᖏᑦᑐᖅ
ᐱᐅᔪᖅ ᐱᐅᐸᓗᒃᑐᖅ ᐱᐅᖏᑦᑐᖅ ᓇᓗᓇᐃᖅᓯᒪᖏᑦᑐᖅ ᐱᐅᓯᕙᓪᓕᐊᔪᖅ ᓱᕐᕌᖏᑦᑐᖅ ᑲᑕᒃᐸᓪᓕᐊᔪᖅ ᓇᓗᓇᐃᖅᓯᒪᖏᑦᑐᖅ
ᓇᓗᓇᐃᔭᐅᑦ: ᑕᑯᓗᒍ ᐃᓚᒋᐊᕈᑦ 1 ᑐᑭᖏᓐᓄᑦ ᐊᒃᑐᐊᔪᓄᑦ ᖃᓄᐃᓐᓂᖓᓄᑦ ᐊᒻᒪᓗ ᐊᔾᔨᒌᖃᑦᑕᖏᓐᓂᖏᓐᓄᑦ

ᓇᓗᓇᐃᖅᓯᒪᔪᖅ 1 ᐊᑖᓂ ᓇᓗᓇᐃᔭᐃᓯᒪᔪᖅ ᒥᕐᖑᐃᓯᕐᕕᐅᑉ ᓂᕐᔪᑏᑦ ᐃᓂᒋᔭᖓᓐᓄᑦ, ᐃᓕᖅᑯᓯᓕᕆᓂᕐᒧᑦ ᐊᑐᖅᑕᐅᔪᓐᓇᕐᑐᓄᑦ, ᐳᓚᕋᑏᑦ ᑕᒫᓃᖃᑦᑕᕐᓂᖏᓐᓄᑦ ᐊᒻᒪᓗ ᖃᓄᐃᓕᖓᓂᖓ ᐃᓄᓕᒫᓂᑦ ᓈᒻᒪᒋᔭᐅᖁᓪᓗᒍ ᐊᒻᒪᓗ ᑐᑭᓯᐅᒪᓂᖃᕐᓂᕐᒥᒃ ᒥᕐᖑᐃᓯᕐᕕᐅᑉ ᒥᒃᓵᓄᑦ ᑐᙵᕕᖃᕐᓗᑎᒃ ᐊᑐᐃᓐᓇᐅᕙᒌᖅᑐᓂᒃ ᑐᓴᒐᒃᓴᓂᒃ.

ᓇᓗᓇᐃᖅᓯᒪᔪᖅ 1: ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ ᓇᐃᒡᓕᒋᐊᖅᓯᒪᔪᑦ
ᓇᓗᓇᐃᔭᐅᑎ ᖃᓄᐃᓐᓂᖓ ᐱᔾᔪᑎᖓ
ᓇᐃᒡᓕᒋᐊᖅᓯᒪᔪᑦ ᖃᓄᐃᓐᓂᖓᓄᑦ ᐊᒻᒪᓗ ᑲᔪᓯᓯᒪᔪᓄᑦ ᐅᑭᐅᑦ ᑕᓪᓕᒪᑦ ᐊᓂᒍᖅᑎᓪᓗᒋᑦ ᐊᐅᓚᓪᓗᒍ ᐅᕝᕙᓘᓐᓃᑦ ᐊᑲᐅᓯᒋᐊᕐᓗᒍ ᖃᓄᐃᓕᖓᓂᖓ
ᐊᓯᐅᑎᑕᐅᑦᑕᐃᓕᒪᓂᖏᑦ - ᐆᒪᓂᖃᕐᑐᑦ ᓇᔪᒐᖏᑦ (ᖃᓄᐃᓐᓂᖓ ᐊᒻᒪᓗ ᑲᔪᓯᓂᖏᑦ)
ᓯᕐᒦᑦ ᓯᑯᑐᖃᐃᓪᓗ Good-declining  ᑐᙵᕕᒋᓪᓗᒋᑦ ᖃᓄᐃᓐᓂᖏᓐᓄᑦ ᖃᐅᔨᓴᕐᑕᐅᓯᒪᔪᓂ “ᐱᐅᓂᕋᖅᑕᐅᓪᓗᑎᒃ” ᒥᒃᖠᕙᓪᓕᐊᓪᓗᑎᒃ ᐱᑕᖃᕐᓂᖏᑦ ᒪᕐᕈᒃ ᐅᕝᕙᓘᓐᓃᑦ ᐱᖓᓱᐃᖅᓲᑎᓪᓗᐊᒥᒃ, ᐃᑲᔪᖅᑐᖅᑕᐅᓪᓗᑎᒃ ᐊᑯᓂᐅᔪᒃᑯᑦ ᐅᔾᔨᕆᔭᐅᓯᒪᔪᓂᑦ ᐃᓅᔪᓐᓃᖅᓯᒪᔪᒥᑦ ᑰᓂᓘᓯ ᓄᑕᕋᖅ ᐊᖓᔪᒃᖠᕐᒥᑦ, ᑖᓐᓇ ᓇᓗᓇᐃᔭᐅᑎ ᓴᖅᑭᑕᐅᓯᒪᕗᖅ ᐱᐅᓂᖓᓂᒃ ᒥᒃᖠᕙᓪᓕᐊᒐᓗᐊᖅᖢᓂ.
ᐅᑭᐅᖅᑕᖅᑐᖅ / ᓇᐹᖅᑐᕐ ᑲᖏᑦᑐᑦ fair-declining ᒫᓐᓇᐅᔪᖅ. ᐊᖏᓂᖏᑦ ᑕᕝᕙᓂ ᓇᓗᓇᐃᔭᐅᑎᒥ ᓴᖅᑭᓯᒪᔪᑦ ᖃᓄᐃᓗᐊᖏᓐᓂᖏᓐᓂᒃ ᐱᔾᔪᑎᒋᓪᓗᒍ ᐃᓱᒫᓗᖕᓇᖅᑐᖃᕐᓂᖓᓄᑦ ᑕᒪᐃᓐᓄᑦ ᐊᓯᐅᕙᓪᓕᐊᔪᓄᑦ.
ᐃᒪᖅᓱᕈᔪᐃᑦ Good-stable ᒫᓐᓇᐅᔪᖅ, ᒪᕐᕈᒃ ᐅᕝᕙᓘᓐᓃᑦ ᐱᖓᓱᐃᖅᓲᑎᓪᓗᐊᒥᒃ, ᓇᓗᓇᐃᖅᓯᒪᕗᑦ ᐱᐅᓂᖏᓐᓂᒃ ᐊᒻᒪᓗ ᑕᐃᒪᐃᖏᓐᓇᕐᖢᑎᒃ ᐊᒻᒪᓗ ᐊᑕᐅᓯᖅ ᖃᓄᐃᖏᑦᑐᖅ ᑭᓯᐊᓂ ᑲᑕᒃᐸᓪᓕᐊᔪᖅ. ᑖᓐᓇ ᐃᓱᒪᒋᓪᓗᒍ, ᐃᒪᖅᓱᕈᔪᖕᓄᑦ ᓇᓗᓇᐃᔭᐅᑎ ᐱᐅᓂᕋᖅᑕᐅᕗᖅ ᐊᒻᒪ ᓱᕐᕌᖏᑦᑐᖅ.
ᓯᒡᔭᐃᑦ / ᐃᒪᐃᑦ ᓇᓗᓇᐃᖅᓯᒪᖏᑦᑐᖅ ᑕᒻᒪᓇ ᖃᐅᔨᓴᐅᑦ ᐅᑦᑐᕋᖅᓯᒪᖏᑐᖅ ᒪᓐᓇᑯᑦ. ᐱᖓᔪᐊ ᐅᑦᑐᕋᓯᒪᔪᖅ ᒪᓕᒃᑐᓂ ᐃᓄᐃᑦ ᖃᐅᔨᒪᔭᖏᓂᒃ ᓇᒪᑐᐃᓇᒪᑦ ᐊᕿᓯᒪᓂᖓ ᓄᖑᐸᓕᐊᓂᖅ ᐱᑕᖃᑎᓗᒍ ᑕᒃᑯᓴᐅᑎᑎᓗᓂᓗ ᐃᒻᒪᒻᒥ ᖃᐅᔨᓴᓐᓂᖅ ᐊᓯᕐᕈᑉᐸᓕᐊᒻᒥᒻᒪᑦ.
ᑕᕆᐅᖕᒍᖕᒋᑐᑦ ᐃᒪᐃᑦ ᓇᓗᓇᐃᖅᓯᒪᖏᑦᑐᖅ ᖃᐅᔨᓴᕐᑕᐅᓂᖏᑦ ᑕᓪᓕᒪᐅᔪᓂᑦ ᐱᔭᐅᔪᒪᓯᒪᔪᓂᑦ 2008-ᒥ ᖃᐅᔨᓴᖅᑕᐅᖁᓪᓗᒋᑦ ᐃᒦᑦ ᐱᐅᓂᖏᑦ ᒥᕐᖑᐃᓯᕐᕕᖕᒥ ᐱᒋᐊᖅᓯᒪᖏᑦᑐᑦ ᓱᓕ. ᐃᓄᐃᑦ ᐊᖑᓇᓱᒃᑏᑦ ᐃᓱᒫᓘᑎᖃᖃᑦᑕᕐᓯᒪᔪᑦ ᐊᐅᔪᐃᑦᑐᖅ ᐊᐅᒃᐸᓪᓕᐊᔪᖅ ᑰᖃᑦᑕᕐᒪᑦ ᒪᕋᕐᒥᒃ ᓄᓇᐃᑦ ᐃᓚᖏᓐᓂ ᐊᒃᑐᐃᓪᓗᑎᒃ ᐅᓄᖅᑐᓂᒃ ᑭᓚᒦᑕᓂᒃ ᓄᓇᓂᒃ ᐊᒻᒪᓗ ᒪᕋᕈᔪᖕᓂᒃ ᑰᖕᒧᐊᖅᓯᖃᑦᑕᕐᓂᖏᓐᓂᒃFootnote 2. ᒥᕐᖑᐃᓯᕐᕕᒻᒧᑦ ᐊᐅᓚᑦᑎᔨᑦ ᑲᑎᒪᔨᕋᓛᖏᑕ ᑲᑎᒪᑎᓪᓗᒋᑦ ᒪᔅᓯ 2012ᒥ ᓇᓗᓇᐃᕐᓯᓯᒪᔪᑦ ᐊᒥᓱᑦ ᑕᓰᑦ ᐃᒪᐃᓕᕚᓪᓕᕐᓯᒪᔪᑦ ᐊᒻᒪ ᓯᑰᑎᓪᓗᒋᑦ ᓴᓐᓂᕐᓴᐅᓕᕐᒥᔪᑦ.
ᐊᓯᐅᑎᑕᐅᑦᑕᐃᓕᒪᓂᖏᑦ - ᐃᓕᖅᑯᓯᖃᕐᕖᑦ (ᖃᓄᐃᓐᓂᖓ ᐊᒻᒪᓗ ᑲᔪᓯᓂᖏᑦ)
ᐱᖃᕐᕕᐅᔪᑦ ᖃᓄᐃᓕᖓᓂᖏᑦ* Good-stable ᐅᓄᖅᑐᑦ ᐃᓂᐅᔪᑦ ᐊᒻᒪᓗ ᐃᓕᖅᑯᓯᖃᕐᕖᑦ ᓇᓗᓇᐃᖅᑕᐅᓯᒪᔪᑦ ᐅᓪᓗᒥᒧᑦ. 66-ᖑᔪᓂᑦ ᖃᐅᔨᒪᔭᐅᔪᓂᑦ, 6-ᖑᔪᑦ ᑎᑎᖅᑕᐅᓯᒪᔪᑦ ᐊᑦᑕᕐᓇᖅᑐᒦᑐᐃᓐᓇᕆᐊᖃᕐᓂᖏᓐᓂᒃ ᐊᒻᒪᓗ ᑎᓴᒪᑦ ᓇᓗᓇᐃᖅᑕᐅᓯᒪᓪᓗᑎᒃ ᐸᒡᕕᓵᖅᑕᐅᓂᑰᓂᖏᓐᓂᒃ ᐅᕝᕙᓘᓐᓃᑦ ᐊᑦᑕᕐᓇᖅᑐᒦᓐᓂᖏᓐᓂᒃ, 21 ᓇᓗᓇᐃᖅᓯᒪᔪᑦ ᓈᒪᑦᑎᐊᕐᓂᖏᓐᓂᒃ ᐊᒻᒪᓗ 35 ᖃᓄᐃᒻᒪᖔᑕ ᓇᓗᔭᐅᔪᑦ ᐊᑦᑕᕐᓇᕈᑕᐅᔪᑦ ᐃᓕᖅᑯᓯᖃᕐᕕᖕᓄᑦ ᒥᕐᖑᐃᓯᕐᕕᐅᑉ ᐃᓗᐊᓃᑦᑐᓄᑦ ᑕᑯᓇᒃᑕᐅᑦᑎᐊᖅᓯᒪᖏᑦᑐᑦ ᑭᓯᐊᓂ ᐃᓚᖃᒐᔪᒃᑐᑦ ᐊᖏᖅᑕᐅᓯᒪᓇᑎᒃ ᐃᑦᑕᕐᓂᓴᕐᓂᒃ ᐱᕝᕕᐅᖃᑦᑕᕐᓂᖏᓐᓂᒃ ᐅᕝᕙᓘᓐᓃᑦ ᐸᒡᕕᓵᖅᑕᐅᓪᓗᑎᒃ ᐃᑦᑕᕐᓂᓴᖃᕐᕖᑦ, ᓄᓇᐅᓪᓗ ᓄᖑᐸᓪᓕᐊᓂᖓᓄᑦ ᐊᒻᒪᓗ ᐅᐸᒃᑕᐅᖃᑦᑕᕐᓂᖏᓐᓄᑦ. ᑖᒃᑯᐊ ᑐᓴᒐᒃᓴᐃᑦ ᑐᙵᕕᒋᓪᓗᒋᑦ, ᑖᓐᓇ ᓇᓗᓇᐃᔭᐅᑎ ᑕᒪᐃᑎᒍᑦ ᐅᖃᐅᓯᐅᓯᒪᔪᖅ ᐱᐅᓂᖓᓂᒃ ᐊᒻᒪᓗ ᖃᓄᐃᖏᓐᓂᖓᓂᒃ.
ᓂᕈᐊᖑᓯᒪᔪᑦ ᐊᐅᓚᑦᑎᔾᔪᑕᐅᕙᒃᑐᑦ Good-improving ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑲᑎᖅᓱᐃᖃᑦᑕᕐᓯᒪᔪᑦ ᒥᕐᖑᐃᓯᕐᕕᖕᒥ ᐃᓕᖅᑯᓯᖃᕐᕕᖏᓐᓂᒃ ᐊᒻᒪᓗ ᐱᒋᐊᖅᓯᒪᓪᓗᑎᒃ ᓇᓗᓇᐃᔭᐃᓂᕐᒥᒃ ᐊᒻᒪᓗ ᖃᐅᔨᓴᖃᑦᑕᕐᓂᕐᒥᒃ ᖃᐅᔨᒪᔭᐅᔪᓂᒃ ᐃᑦᑕᕐᓂᓴᖃᕐᕕᐅᔪᓂᒃ. ᓄᓇᕗᑦᒥ ᒥᕐᖑᐃᓯᕐᕕᓕᕆᔩᑦ ᐸᕐᓇᐃᓯᒪᖕᒥᔪᑦ ᐊᕐᕌᒍᑦ ᑕᓪᓕᒪᓅᖓᔪᑦ ᐸᕐᓇᐅᑎᒥᒃ ᑖᔅᓱᒧᖓ ᐃᓕᖅᑯᓯᓕᕆᓂᕐᒨᖓᔪᓄᑦ ᐊᐅᓚᑦᑎᓂᕐᒧᑦ ᐱᓕᕆᐊᒧᑦ 2009-ᒥ. ᐸᕐᓇᐅᑎ ᓈᒻᒪᒋᔭᐅᓚᐅᖅᑐᖅ ᓄᓇᕗᑦᒥ ᒥᕐᖑᐃᓯᕐᕕᓕᕆᔨᓂᑦ ᐊᒻᒪᓗ ᑲᑎᙵᔪᓂᑦ ᒥᕐᖑᐃᓯᕐᕕᖕᒧᑦ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖏᓐᓂᑦ, ᐊᒻᒪᓗ ᓄᑖᕈᕆᐊᖅᑕᐅᑐᖅ 2011-ᒥ. ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐃᓚᐅᑎᑦᑎᓲᑦ ᐃᓄᑐᖃᕐᓂᒃ ᐊᒻᒪᓗ ᒪᒃᑯᒃᑐᓂᒃ ᓄᓇᓕᖕᓂᙶᖅᓯᒪᔪᓂᑦ ᒥᑦᑎᒪᑕᓕᖕᒥᑦ ᐃᒃᐱᐊᕐᔪᖕᒥᓪᓗ ᐊᒻᒪᓗ ᑲᑎᙵᔪᓂᑦ ᒥᕐᖑᐃᓯᕐᕕᖕᒧᑦ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᖏᓐᓂᑦ ᓇᓗᓇᐃᖅᑕᐅᑎᓪᓗᒋᑦ, ᖃᐅᔨᓴᖅᑕᐅᑎᓪᓗᒋᑦ, ᐸᕐᓇᒃᑕᐅᑎᓪᓗᒋᑦ ᐊᒻᒪᓗ ᐊᓯᖏᑎᒍᑦ ᐃᓕᖅᑯᓯᓕᕆᓂᕐᒨᖓᔪᑦ ᐊᐅᓚᑦᑎᓂᕐᒧᑦ ᐱᓕᕆᐊᒥ ᒥᕐᖑᐃᓯᕐᕕᐅᑉ ᐃᓗᐊᓄᑦ.
ᐳᓚᕋᑎᓂᑦ ᐊᑐᖅᑕᐅᕙᒃᑐᑦ (ᐊᔾᔨᒌᖃᑦᑕᖏᓐᓂᖏᑦ)
ᐳᓛᕆᐊᖅᑐᑦ ᓇᓗᓇᐃᖅᓯᒪᖏᑦᑐᖅ ᓇᓗᓇᐃᑯᑕᖅ ᐃᓚᖃᖏᑐᖅ ᐊᕐᕋᒍᑕᒪᖅ ᐊᒻᒥᓱᓂᕆᕙᔪᒃᑕᓂᖏᓂᒃ ᐳᓚᕋᓐᓂᒧᑦ ᑎᑭᒃᐸᑐᓂᒃ. ᑕᒻᒪᒥᓗᒃᑖᖅ ᑕᑯᓐᓇᒃᑐᒍ ᐊᐅᓚᓂᐅᕙᒃᑐᖅ ᖃᑎᓇᕈᖅᐸᓕᐊᓂᖃᕐᓯᒪᒻᒪᑕ ᐅᐆᒥᐊᖅᔪᐊᑯᑐᑦ. 2007 ᕙᐅᑎᓗᒍ ᐊᒻᒥᓱᒪᕆᓂᒃ ᖃᑎᓇᕈᖅᐸᓕᓕᓚᐅᓯᒪᒪᑕ ᐳᓚᕆᐊᒃᐸᒃᑐᑦ (ᐳᓚᕋᓃᑦ ᐅᒻᒥᐊᔪᐊᒃᑯᑦ), ᑭᓯᐊᓂ ᐳᓚᕆᐊᖅᐸᒃᑐᑦ ᐊᒥᓱᕈᖅᐸᓕᒃᓯᒪᓕᖓᑕ, ᒪᕈᐃᑐᓪᓗᐊᒃᑐᒋᑦ ᐊᒻᒥᓱᕐᕈᓂᓴᐅᓯᒪᓕᖓᑕ 2007ᒥᒃ 2011ᒧᑦ. ᐆᒥᐊᔪᐊᖅᑯᖃᑕᑦᓂᒃ ᐊᓯᒡᔨᑲᓚᓯᒪᓗᐊᖓᑦ. ᐊᒥᓱᕈᑲᓪᓚᓐᓂᖅ ᐱᑕᖃᓗᐊᓂᑯᒪᑦ 2007ᒥ, ᐅᒥᐊᔪᐊᑯᒃ ᐳᓚᕋᑐᓕᕆᔨᑯᑦᑐᑦ ᑕᐃᒪᓇᒐᑦ ᖃᑎᓇᕈᐸᓕᐊᓂᑯᒪᑕ ᐊᔨᒋᕈᔪᒥᒃ. ᐊᓯᔾᔨᖅᓯᒪᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᒪᓕᒐᖏᓐᓄᑦ ᖁᑭᐅᑏᑦ ᐊᑦᑕᓇᖅᑕᐃᓕᒪᓂᕐᒧᑦ ᐊᖏᓕᒋᐊᖅᑎᑦᑎᑐᐃᓐᓇᕆᐊᓕᒃ ᐳᓛᕆᐊᖅᐸᒃᑐᓂᒃ. ᐳᓛᕆᐊᖅᐸᒃᑐᑦ ᒥᕐᖑᐃᓯᕐᕕᓕᕆᔨᒃᑯᑦ ᑎᑎᕋᕐᕕᖓᓄᑦ, ᐊᒻᒪᓗ ᑕᑯᔭᒃᓴᐅᔪᓄᑦ, ᒥᕐᖑᐃᓯᕐᕕᖕᒧᐊᓲᑦ ᐃᓄᑑᓪᓗᑎᒃ ᐊᒻᒪᓗ ᐱᖃᑎᖃᓲᑦ ᐃᖅᑲᓇᐃᔭᖅᑎᒥᒃ, ᓇᐃᓴᖅᑕᐅᓯᒪᖏᑦᑐᑦ ᐳᓚᕋᑎᐅᓂᖏᓐᓂᒃ ᐅᓪᓗᒥᒧᑦ. ᑲᑎᖅᓱᖅᓯᒪᔪᑦ 2008-2010-ᒧᑦ ᐳᓚᕋᑏᑦ ᖁᕕᐊᒋᔭᖃᕐᓂᖏᓐᓄᑦ ᑐᓴᒐᒃᓴᐅᔪᓂᒃ ᓇᓗᓇᐃᖅᓯᓯᒪᔪᑦ ᐳᓚᕋᑏᑦ ᑕᒪᐃᑎᒍᑦ ᓈᒻᒪᒃᓴᖅᑐᑦ ᐊᐅᓪᓚᓚᐅᖅᑎᓐᓇᒋᑦ ᑐᓴᒐᒃᓴᕆᔭᐅᓲᓄᑦ ᑐᓴᖅᑎᑕᐅᔭᕌᖓᒥᒃ.
ᐃᓕᑦᑎᓂᖅ ᓇᓗᓇᐃᖅᓯᒪᖏᑦᑐᖅ ᑲᑎᖅᓱᖅᓯᒪᔪᑦ ᐳᓚᕋᑏᑦ ᐃᓕᑦᑎᕕᒋᔪᓐᓇᕐᑕᖏᓐᓄᑦ ᐊᒻᒪᓗ ᖁᕕᐊᒋᔭᖃᕐᓂᖏᓐᓄᑦ ᐃᓕᑦᑎᓂᕐᒥᖕᓂᒃ ᐳᓛᕆᐊᖅᓯᒪᑎᓪᓗᒋᑦ ᒥᕐᖑᐃᓯᕐᕕᖕᒧᑦ ᐅᓄᖏᑦᑐᑦ. ᑐᓴᒐᒃᓴᐃᑦ ᐊᑐᐃᓐᓇᐅᔪᑦ ᑐᓴᖅᑕᐅᓲᖑᖕᒪᑕ ᐅᖃᖃᑎᒌᖕᓂᖏᑎᒍᑦ ᐳᓚᕋᑏᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪᓗ ᑲᑎᖅᓱᖅᓯᒪᔪᑦ ᐳᓚᕋᑏᑦ ᑭᓱᒥᒃ ᐱᔾᔪᑎᖃᕐᖢᑎᒃ ᒥᕐᖑᐃᓯᕐᕕᖕᒧᐊᕈᒪᓐᓂᕐᒪᖔᑕ ᑐᓴᐅᒪᔭᐅᓪᓗᑎᒃ ᐊᑎᓕᐅᑕᐅᕙᒌᕆᐊᓕᖕᓂᑦ ᖃᐅᔨᓴᐅᑎᕕᓂᕐᓂᑦ 2008-2010-ᐨᒧᑦ. ᑲᑎᖅᓱᖅᓯᒪᔪᑦ ᐳᓚᕋᑏᑦ ᖁᕕᐊᒋᔭᖃᕐᓂᖏᓐᓄᑦ ᐊᑐᖅᓯᒪᔭᒥᖕᓂᒃ ᐊᑐᐃᓐᓇᐅᑐᐃᓐᓇᕐᒪᑕ 2010-ᒧᑦ (14-ᓂᑦ ᐳᓚᕋᑎᓂᑦ), ᑕᐃᒪᐃᒻᒪᑦ ᑖᓐᓇ ᓇᓗᓇᐃᔭᐅᑎ ᓇᓗᓇᐃᖅᑕᐅᔪᓐᓇᖏᑦᑐᖅ ᓱᓕ.
ᑲᔾᔭᐅᓴᖕᓂᖅ ᓇᓗᓇᐃᖅᓯᒪᖏᑦᑐᖅ ᑲᑎᖅᓱᖅᓯᒪᔪᑦ ᐳᓚᕋᑏᑦ ᑲᔾᔭᐅᓴᖃᑦᑕᕐᓂᖏᓐᓄᑦ ᒥᕐᖑᐃᓯᕐᕕᖕᒥ (ᐃᓚᒋᓪᓗᒋᑦ ᐊᒃᑐᐊᔪᑦ ᐱᖁᑎᓄᑦ, ᐱᔨᑦᑎᕋᖅᑕᐅᓂᕐᒧᑦ, ᐱᓕᕆᐊᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ) ᐅᓄᖏᑦᑐᑦ. ᑕᒪᕐᒥᒃ ᐳᓚᕋᑏᑦ ᓵᙵᖃᑦᑕᐅᑎᓪᓗᑎᒃ ᐅᖃᓪᓚᖃᑎᖃᓲᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐅᓄᖅᑐᑦ ᓂᓪᓕᐅᑎᖃᖃᑦᑕᕐᑐᑦ ᐃᖅᑲᓇᐃᔭᖅᑎᓄᑦ ᒥᕐᖑᐃᓯᕐᕕᖕᒦᓚᐅᕈᓯᕐᒥᖕᓂᒃ. ᑕᐃᒪᓐᓇ ᐅᖃᖃᑎᒌᖃᑦᑕᕐᓂᖏᑦ ᐳᓚᕋᑏᑦ ᐃᖅᑲᓇᐃᔭᖅᑏᓪᓗ ᓇᓗᓇᐃᖅᓯᕗᖅ ᐳᓚᕋᑏᑦ ᖁᕕᐊᓱᖃᑦᑕᕐᒪᑕ ᐳᓛᕆᐊᖅᓯᒪᓂᕐᒥᖕᓄᑦ ᒥᕐᖑᐃᓯᕐᕕᖕᒧᑦ. ᑲᑎᖅᓱᖅᓯᒪᔪᑦ ᐳᓚᕋᑏᑦ ᖁᕕᐊᒋᔭᖃᕐᓂᖏᓐᓂᒃ ᐊᑐᓚᐅᖅᑕᒥᖕᓂᒃ ᐊᑐᐃᓐᓇᐅᑐᐃᓐᓇᕐᒪᑕ 2010-ᒧᑦ -ᒧᑦ (14-ᓄᑦ ᐳᓚᕋᑎᓄᑦ), ᑕᐃᒪᐃᒻᒪᓐ ᖃᐅᔨᓴᐅᑎ ᓇᓗᓇᐃᖅᑕᐅᔪᓐᓇᖏᑦᑐᖅ ᓱᓕ.
ᖁᕕᐊᒋᔭᖃᕐᓂᖅ ᓇᓗᓇᐃᖅᓯᒪᖏᑦᑐᖅ ᑕᒪᕐᒥᒃ ᐳᓚᕋᑏᑦ ᓵᙵᖃᑦᑕᐅᑎᓪᓗᑎᒃ ᐅᖃᓪᓚᖃᑎᖃᓲᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐅᓄᖅᑐᑦ ᓂᓪᓕᐅᑎᖃᖃᑦᑕᕐᑐᑦ ᐃᖅᑲᓇᐃᔭᖅᑎᓄᑦ ᒥᕐᖑᐃᓯᕐᕕᖕᒦᓚᐅᕈᓯᕐᒥᖕᓂᒃ. 2007-ᒥ ᐅᒥᐊᕐᔪᐊᓄᑦ ᐳᓚᕋᑎᓄᑦ ᖃᐅᔨᓴᕐᓂᖅ ᑐᕌᖓᔪᖅ ᐊᐅᔪᐃᑦᑐᕐᒧᑦ, ᖁᑦᑎᖕᓂᖅᐹᖅ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᓄᑦ ᑲᑎᖅᓱᖅᓯᒪᔪᓂᒃ ᐊᑐᐃᓐᓇᕈᐃᓚᐅᖅᑐᖅ ᐅᒥᐊᕐᔪᐊᒃᑯᑦ ᐳᓚᕋᑏᑦ ᖁᕕᐊᒋᔭᖃᓚᐅᕐᓂᖏᓐᓂᒃ ᐃᖏᕐᕋᓂᕆᓚᐅᖅᑕᒥᖕᓂᒃ. ᑭᓯᐊᓂ ᑲᑎᖅᓱᖅᓯᒪᔪᑦ ᓇᓗᓇᐃᖅᓯᓯᒪᖏᑦᑐᑦ ᑭᐅᔾᔪᑕᐅᔪᑦ ᐳᓚᕋᑏᑦ ᖁᕕᐊᒋᔭᖃᓚᐅᕐᒪᖔᑕ ᐊᐅᓪᓚᖅᓯᒪᓂᕆᓚᐅᖅᑕᒥᖏᒃ ᑐᕌᖓᓚᐅᕐᒪᖔᑦ ᑕᒪᐃᓐᓄᑦ ᐊᑐᓚᐅᖅᑕᒥᖕᓄᑦ ᐅᕝᕙᓘᓐᓃᑦ ᐊᑐᓚᐅᖅᑕᒥᖕᓄᑦ ᓯᕐᒥᓕᒃ ᒥᕐᖑᐃᓯᕐᕕᖕᒧᑐᐊᖅ ᑐᕌᖓᖕᒪᖔᑦ. ᑲᑎᖅᓱᖅᓯᒪᔪᑦ ᐳᓚᕋᑏᑦ ᖁᕕᐊᒋᔭᖃᓚᐅᕐᓂᖏᓐᓄᑦ ᐊᐅᓪᓚᖅᓯᒪᓂᕆᓚᐅᖅᑕᒥᖕᓂᑦ ᑕᐃᒪᐃᒻᒪᓐ ᐊᑐᐃᓐᓇᐅᑐᐃᓇᕐᒪᑕ 29010-ᒧᑦ -ᒧᑦ (14-ᓄᑦ ᐳᓚᕋᑎᓄᑦ).
ᑐᑭᖏᑦ ᓇᓗᓇᐃᖅᓯᒪᖏᑦᑐᖅ ᑕᒪᕐᒥᒃ ᐳᓚᕋᑏᑦ ᓵᙵᖃᑦᑕᐅᑎᓪᓗᑎᒃ ᐅᖃᓪᓚᖃᑎᖃᓲᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐅᓄᖅᑐᑦ ᓂᓪᓕᐅᑎᖃᖃᑦᑕᕐᑐᑦ ᐃᖅᑲᓇᐃᔭᖅᑎᓄᑦ ᒥᕐᖑᐃᓯᕐᕕᖕᒦᓚᐅᕈᓯᕐᒥᖕᓂᒃ. ᐅᓂᒃᑳᑦ ᐳᓚᕋᑏᑦ ᓴᒻᒪᑦ ᒥᕐᖑᐃᓯᕐᕕᒻᒧᓚᐅᕐᒪᖔᑕ ᐊᕐᕌᒍᑦ 2008-2010-ᒥᑦ (ᐃᓕᑦᑎᓂᖅ ᖁᓛᓂᑦᑐᖅ ᐅᖃᓕᒫᒐᕐᓴᖅ). ᑲᑎᖅᓱᖅᓯᒪᔪᑦ ᐳᓚᕋᑏᑦ ᓈᒪᒃᓴᓚᐅᕐᒪᖔᑕ ᐳᓛᕐᓂᕆᓚᐅᖅᑕᒥᖕᓄᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑐᐊᖅ ᐊᑐᐃᓐᓇᐅᑐᐃᓐᓇᕐᒪᑕ 2010ᒧᑦ (14ᓄᑦ ᐳᓚᕋᑎᓄᑦ), ᑕᐃᒪᐃᒻᒪᑦ ᑕᓐᓇ ᓇᓗᓇᐃᔭᐅᑎ ᓇᓗᓇᐃᖅᑕᐅᔪᓐᓇᖏᑦᑐᖅ ᓱᓕ.
ᐃᓄᓕᒫᑦ ᐱᐅᒃᓴᕐᓂᖓᑦ ᐊᒻᒪᓗ ᑐᑭᓯᓯᒪᓂᖓᑦ
ᐱᐅᒃᓴᕐᓂᖅ ᐊᒻᒪ ᑐᑭᓯᐅᒪᓂᖅ ᓇᓗᓇᐃᖅᓯᒪᖏᑦᑐᖅ 2007 ᑎᑭᓚᐅᖅᑎᓐᓇᒍ ᓄᓇᕗᑦᒥ ᐱᓕᕆᔩᑦ ᐃᒃᐱᒋᔭᖃᓪᓗᐊᑕᓚᐅᖅᑐᑦ ᓴᖅᑭᑦᑎᔪᒪᓪᓗᑎᒃ ᐱᖁᑎᓂᒃ ᐱᔭᕆᐊᖃᕐᑎᑕᐅᔪᓂᒃ ᑖᔅᓱᒧᖓ ᐃᓄᐃᑦ ᐊᒃᑐᒃᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᑦ ᐊᖏᖃᑎᒌᒍᑎᒥ ᐊᐅᔪᐃᑦᑐᕐᒧᑦ, ᖁᑦᑎᖕᓂᖅᐹᖅ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᓄᑦ, ᑕᑯᒃᓴᐅᑎᑦᑎᖃᑦᑕᕐᓂᒃᑯᑦ ᒪᕐᕈᔪᓂ ᖃᓂᒌᒃᑐᓂ ᓄᓇᓕᖕᓂ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥ. ᑕᒪᐃᓐᓅᖓᔪᑦ ᐊᒻᒪᓗ ᐃᓕᓐᓂᐊᕐᓂᕐᒨᖓᔪᑦ ᐱᓕᕆᐊᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ ᓴᖅᑭᑕᐅᕙᓪᓕᐊᓕᖅᑐᑦ ᐱᐅᓂᖅᓴᒃᑯᑦ. ᐱᒻᒪᕆᐅᔪᑦ ᐱᒋᐊᖅᑎᑕᐅᓯᒪᔪᑦ ᓴᖅᑭᑕᐅᓂᖓᓄᑦ ᐃᓕᓐᓂᐊᒐᒃᓴᐃᑦ ᓄᓇᕗᑦ ᐃᓕᓐᓂᐊᕐᕕᖏᓐᓂ (ᖁᑦᑎᖕᓂᓕᖕᓄᑦ 7-0) ᑕᐃᔭᐅᔪᖅ “ᐊᕙᑎᒥᒃ ᐸᐸᑦᓯᓂᒃᑯᑦ ᒥᐊᓂᕐᓯᔨᐅᓂᕐᖕᒥᑦ ᐃᓕᓐᓂᐊᕈᑏᑦ ᐸᐃᑉᐹᖁᑎᑖᕈᑕᐅᔪᓐᓇᕐᑐᑦ”, ᐊᒻᒪᓗᑦᑕᐅᖅ ᐊᔾᔨᓕᐅᕆᔪᒃᖢᑎᒃ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒥ ᑖᒃᑯᓄᖓ ᑲᓇᑕᒥ ᒥᕐᖑᐃᓯᕐᕕᖕᓄᑦ ᐱᓕᕆᐊᖅ: ᐊᒃᑐᐃᑎᑕᐅᓂᖏᑦ ᓄᓇᓕᐸᐅᔭᕐᒥᐅᑕᐃᑦ ᒪᒃᑯᒃᑐᑦ ᓂᕐᔪᑎᖃᕐᕕᖕᒧᑦ. ᐃᑲᔪᖅᑐᐃᓪᓗᑎᒃ ᐃᓕᓐᓂᐊᖅᑎᒥᒃ ᑕᕝᕙᓂ ᑲᓇᑕᐅᑉ ᐊᐅᔭᒃᑯᑦ ᐃᖅᑲᓇᐃᔮᑦᑎᐊᕙᐅᓛᖓᓂ ᐱᓕᕆᐊᒥ ᐊᒻᒪᓗ ᓴᖅᑭᑎᑦᑎᓪᓗᑎᒃ ᐱᓕᕆᖃᑎᖃᕐᓂᕐᒥᒃ ᕚᓐᑰᕙ ᐃᒪᕐᒥᐅᑕᕐᓄᑦ ᑕᑯᔭᒐᖃᕐᕕᖓᓂ.
ᐃᑲᔪᖅᑐᖅᑕᐅᓂᖅ ᓇᓗᓇᐃᖅᓯᒪᖏᑦᑐᖅ ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪᓗ ᒥᕐᖑᐃᓯᕐᕕᒃ ᐃᓚᐅᑎᑦᑎᓯᒪᖕᒪᑕ ᐊᔾᔨᒌᖏᑦᑐᓂᒃ ᐱᓕᕆᖃᑕᐅᔪᓂᒃ ᐊᕕᒃᑐᖅᓯᒪᔪᓂ ᐃᑲᔪᖅᑐᐃᖁᓪᓗᒋᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᒃ ᐊᑐᓕᖅᑎᑦᑎᑎᓪᓗᒋᑦ ᐱᓕᕆᐊᒃᓴᒥᖕᓂᒃ ᒥᕐᖑᐃᓯᕐᕕᐅᑉ ᐃᓗᐊᓂ. ᐃᓚᖃᕐᓯᒪᔪᑦ ᐱᓕᕆᖃᑕᐅᔪᓂᒃ ᐳᓚᕋᑦᑐᓕᕆᓂᕐᒥᒃ, ᐃᓕᓐᓂᐊᖅᑐᓕᕆᓂᕐᒥᒃ, ᐃᓄᓕᒫᑦ ᐊᑦᑕᕐᓇᖅᑐᒦᑕᐃᓕᒪᓂᖏᓐᓂᒃ ᐊᒻᒪᓗ ᖃᐅᔨᓴᕐᓂᕐᒥᒃ, ᐃᓚᒋᓪᓗᒋᑦ ᐱᓕᕆᖃᑎᖃᖅᐸᓪᓕᐊᓂᕐᒥᒃ ᐃᓄᐃᑦ ᓄᓇᒋᔭᖏᓐᓂᒃ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥ ᑖᒃᑯᓇᓂ ᐱᓕᕆᐊᖑᔪᓂ. ᒫᓐᓇᑦᑎᐊᖑᓚᐅᖅᑐᖅ, ᓄᓇᕗᑦᒥ ᐱᓕᕆᔩᑦ ᐊᖏᓕᒋᐊᖅᑎᑦᑎᓯᒪᔪᑦ ᑕᒪᐃᓐᓂᒃ ᐱᓕᕆᖃᑎᖃᕐᓂᕆᔭᒥᖕᓂᒃ ᐃᓕᓐᓂᐊᖅᑎᑦᑎᔨᐅᔪᓄᑦ ᓄᓇᕗᑦᒥ ᐊᒻᒪᓗ ᐊᓯᐊᓂ, ᒥᕐᖑᐃᓯᕐᕕᒃ ᐊᒻᒪᓗ ᐃᖅᑲᓇᐃᔭᖅᑏᑦ ᓴᖅᑭᑦᑎᓯᒪᔪᑦ ᐊᒻᒪᓗ ᑲᔪᓯᑎᑦᑎᓯᒪᔪᑦ ᐱᓕᕆᐊᓂᒃ ᐊᖏᓕᒋᐊᖅᑕᐅᖁᓪᓗᒋᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᖃᑎᖃᕐᓂᖏᑦ ᓄᓇᖃᕐᑐᓂᒃ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥ, ᐊᒻᒪᓗ ᒥᕐᖑᐃᓯᕐᕕᓕᕆᔩᑦ ᐸᕐᓇᐃᔪᒪᔪᑦ ᓴᖅᑭᑦᑎᓗᑎᒃ ᑕᒪᐃᓐᓂᒃ ᐱᓕᕆᖃᑎᖃᕐᓂᕐᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒧᑦ ᐱᓕᕆᐊᓂᒃ ᑐᖖᙵᕕᖃᕐᓗᒋᒃ 2005-2010-ᒧᑦ ᐃᓄᐃᑦ ᖃᐅᔨᒪᔭᖏᓐᓄᑦ ᐱᓕᕆᐊᖓᓂ. ᖃᐅᔨᓴᓐᓂᐅᔪᑦ ᐃᓪᓗᐊᓂ ᒥᕐᖑᐃᓯᕐᕕᐅᑉ ᐅᓂᒃᑲᓕᐊᖑᓯᒪᔪᑦ ᐱᓗᐊᒃᑐᒥᒃ ᑕᑯᓐᓇᒐᒃᓴᓕᕆᔩᑦ ᑕᓚᕖᓴᒃᑯᑦ (BBC) ᓄᓇᔪᐊᒥ ᐅᓂᒃᑲᓕᐊᖑᖃᑕᓂᑯᐃᑦ ᑕᐃᕕᑦ ᓱᔪᑭᐆᑉ ᑕᑯᓇᕋᓴᔭᖁᑎᓂᖏᓂ ᑕᐃᒍᖅᑕᐅᔪᑎᖏ ᐃᓕᖁᓯᖏᑦ ᑭᓱᐃᑦ, ᐊᒥᓱᒪᕆᓗ ᓇᓚᐅᑎᑯᕈᑎᐅᕙᒃᑐᑦ ᒥᑦᑎᒪᑕᓕᐅᑉ ᐊᒃᑭᐊᖓ ᐊᒻᒪᓗ ᐅᓂᒃᑲᓕᐊᖑᓯᒪᔪᑦ ᑲᙳᐃᑦ ᐱᑦᓗᒋᑦ ("Lumière des oiseaux") ᐱᑦᔪᑎᖃᑐᓂ ᒥᑦᑎᒪᑕᓕᐅᑉ ᐊᒃᑭᐊᖓᓂᒃ ᐊᒻᒪ ᑯᐸᐃᒥᐅᐆᑉ ᐅᓂᑲᓕᐊᒥᓂᖓ ᐱᐊᕆ ᒧᕆᓐᓯ.

ᓄᓇᙳᐊᖅ 3

image of sirmilik national park 
ᓇᓗᓇᐃᖅᓯᒪᔪᖅ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕ

4.0 ᓇᐃᒡᓕᒋᐊᖅᓯᒪᔪᑦ ᒥᕐᖑᐃᓯᕐᕕᐅᑉ ᐊᐅᓚᓂᖓᑕ ᖃᓄᐃᓕᖓᓂᖓᓄᑦ

ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᖃᖏᑦᑐᖅ ᓱᓕ. ᑖᓐᓇ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ ᐱᔭᕇᖅᑕᐅᕙᓪᓕᐊᔪᖅ ᐃᓚᒋᔭᐅᓪᓗᓂ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᐅᑉ ᓯᕗᓪᓕᖅᐹᒥᒃ ᐊᐅᓚᑦᑎᓂᕐᒧᑦ ᐸᕐᓇᐃᓂᖓᑕ ᐊᐅᓚᓂᖓᓄᑦ. ᐊᐅᓚᓂᖓᑕ ᖃᓄᐃᓕᖓᓂᖏᑦ ᐊᒃᑐᐊᔪᑦ ᑲᓇᑕᒥ ᓯᕐᒥᓕᒃ ᒥᕐᖑᐃᓯᕐᕕᐅᑉ ᐃᑲᔫᑎᖏᑦ ᑲᔪᓯᑎᑕᐅᖁᓪᓗᒋᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐸᕐᓇᐅᑎᖏᓐᓄᑦ ᐊᖏᕈᑎᒋᓯᒪᔭᖏᑦ ᓇᓗᓇᐃᖅᓯᒪᔪᑦ 2-ᒥ.

ᓇᓗᓇᐃᔭᐅᑦ 2: ᐱᓕᕆᐊᑦ ᓇᓗᓇᐃᖅᑕᐅᓯᒪᓂᖏᑦ ᐊᒃᑐᐊᔪᑦ ᒫᓇᕐᓂᓴᐃᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐸᕐᓇᐅᑎᖏᓐᓂ
ᐱᓕᕆᐊᒧᑦ ᓂᕆᐅᒋᔭᐅᔪᑦ ᓇᓗᓇᐃᖅᓯᒪᓂᖓ ᖃᓄᐃᒻᒪᖔᑕ/ ᐱᔾᔪᑎᖏᑦ
ᖃᓄᐃᓐᓂᖏᑦ ᐱᔾᔪᑎᓖᑦ ᐃᖅᑲᓇᐃᔭᖅᑏᑦ ᐊᖏᖅᓯᒪᓂᖏᓐᓄᑦ ᑕᕝᕙᓂ 2010/2011 ᑮᓇᐅᔭᓕᐅᕋᓱᐊᕐᓂᕐᒧᑦ ᐸᕐᓇᐅᑎᖏᓐᓂ
ᐱᖅᑯᓯᓕᕆᓂᕐᒨᖓᔪᓄᑦ ᐊᓯᐅᑎᑕᐅᑦᑕᐃᓕᒪᓂᖏᑦ
ᐱᐅᓯᒋᐊᕐᓗᒍ ᐊᕙᑎᑦᑕ ᓱᕐᕋᖏᓐᓂᖓ ᓴᙱᓂᖓᓄᑦ ᖃᐅᔨᒪᔪᑕᐅᔪᑦ ᓇᓗᓇᐃᖅᓯᒪᖏᑦᑐᖅ 2009-ᒥ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᕕᐊᓂ ᐱᓕᕆᑦᑎᐊᕐᓂᕐᒧᑦ ᐊᐅᓚᑦᑎᓂᕐᒧᑦ ᐃᑲᔪᖅᑐᐃᔩᑦ ᐲᖅᑎᑦᑎᓚᐅᖅᑐᑦ ᐅᑭᐅᖅᑕᖅᑐᒥ ᒥᕐᖑᐃᓯᕐᕖᑦ ᑕᕝᕙᙵᑦ ᐱᓕᕆᑦᑎᐊᕐᓂᕐᒧᑦ ᖃᐅᔨᓴᕐᑕᐅᔭᕆᐊᖃᕐᓂᖏᓐᓂᒃ. ᑕᑯᓗᒋᑦ “ᓇᐃᒡᓕᒋᐊᖅᓯᒪᔪᑦ ᐱᓕᕆᐊᓄᑦ” ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒪᑐᒧᖓ.
80% ᑲᔪᓯᔪᑦ ᐊᐅᓚᑦᑎᓂᕐᒧᑦ ᑐᕌᒐᕆᔭᐅᔪᑦ ᐊᑲᐅᓯᒋᐊᖁᓪᓗᒋᑦ ᐆᒪᓂᖃᕐᑐᑦ ᓇᔪᒐᖏᓐᓄᑦ ᓇᓗᓇᐃᔭᐅᑏᑦ ᒫᔾᔨ 2014-ᒥ. ᓇᓗᓇᐃᖅᓯᒪᖏᑦᑐᖅ ᑲᔪᓯᔪᑦ ᐊᐅᓚᑦᑎᓂᕐᒧᑦ ᑐᕌᒐᕆᔭᐅᔪᑦ ᓇᓗᓇᐃᖅᑕᐅᓯᒪᖏᑦᑐᑦ ᓱᓕ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ.
ᐊᓂᓕᒋᐊᕐᓗᒋᑦ ᐳᓴᓐᖓ (%) ᑲᓇᑕᒥᐅᑦ ᐃᓱᒪᒋᔭᖃᕐᓂᖏᑦ ᐃᓕᑦᑎᓚᐅᖅᓯᒪᓇᓱᒋᔪᑦ ᐱᖅᑯᓯᓕᕆᓂᕐᒥᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᐊᐅᓚᑕᐅᔪᓂᒃ ᓄᓇᓂᑦ ᒫᔾᔨ 2014 ᑎᑭᓪᓗᒍ. ᑲᔪᓰᓐᓇᕐᑐᖅ ᐊᑕᓃᑦᑐᑦ ᐱᒋᐊᖅᑎᑕᐅᓯᒪᔪᑦ ᐊᑐᓕᖅᑎᑕᐅᓯᒪᕗᑦ ᓄᓇᕗᑦᒥ ᐱᓕᕆᔨᓂᑦ ᐃᓚᒋᓪᓗᒋᑦ ᐊᒃᑐᐊᔪᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒧᑦ:
  • ᑕᒪᐃᓐᓄᖓᔪᑦ ᐃᓕᓐᓂᐊᖅᑐᓕᕆᓂᕐᒨᖓᔪᑦ ᐱᒋᐊᖅᑎᑕᐅᓯᒪᔪᑦ: ᐊᕙᑎᓕᕆᓂᕐᒥᒃ ᑲᒪᒋᔭᖃᕐᓂᕐᒧᑦ ᓇᓗᓇᐃᒃᑯᑕᖅᑖᕐᓇᖅᑐᖅ ᐱᓕᕆᐊᖅ ᐊᑐᓕᖅᑎᑕᐅᓚᐅᖅᑐᖅ ᒫᔾᔨ 31, 2011-ᒥ (ᐱᒋᐊᖅᑎᑕᐅᓪᓗᓂ ᕖᕝᕗᐊᕆ 2010-ᒥ)
  • ᐃᑲᔫᑏᑦ ᑐᓴᖅᑎᑕᐅᖁᓪᓗᒋᑦ ᓄᓇᓕᐸᐅᔭᕐᒥᐅᑦ: ᓄᓇᕗᑦᒥ ᐱᓕᕆᔨᖏᑦ ᐃᓚᐅᖃᑕᐅᓚᐅᖅᑐᑦ ᑲᓇᑕᓕᒪᒥ ᐊᒻᒪᓗ ᓄᓇᕐᔪᐊᓕᒫᒥ ᑕᑯᒃᓴᐅᑎᑦᑎᓂᐅᔪᓂ ᑲᒪᒋᔭᖃᓪᓗᐊᑕᕐᑐᓂᒃ ᐅᑭᐅᖅᑕᖅᑐᒧᑦ ᐳᓚᕋᑦᑐᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒥᒃ ᒪᓐᑐᕆᐊᒥ ᐊᒻᒪᓗ ᕚᓐᑰᕙᒥ ᕖᕝᕗᐊᕆ 2011-ᒥ.
ᐃᓕᓐᓂᐊᕐᑐᓄᑦ ᐃᓕᓐᓂᐊᕐᕈᑎᒃᓴᐃᑦ ᓯᑰᑉ ᖃᐅᔨᓴᖅᑕᐅᖃᑦᑕᕐᓂᖓᓄᑦ ᓴᕿᑕᐅᓂᐊᓚᐅᖅᓯᒪᔪᖅ ᒫᔾᔨ 31, 2011 ᑎᑭᓯᒪᓕᖅᐸᑦ, ᑭᓯᐊᓂ ᐱᒋᐊᕐᑕᐅᓯᒪᙱᑦᑐᖅ ᐃᖅᑲᓇᐃᔭᖅᑎᐅᒃᓴᕐᓂᕐᒧᑦ.
ᑲᔪᓰᓐᓇᖅᑎᓪᓗᒋᑦ ᖃᓄᐃᓕᖓᓂᖏᑦ ᐃᑦᑕᕐᓂᓴᓕᕆᓂᕐᒨᖓᔪᑦ. Good-stable ᑕᑯᓗᒍ ᓇᓗᓇᐃᔭᐅᑎ 1: ᒥᕐᖑᐃᓯᕐᕕᒃ ᖃᓄᐃᓕᖓᖕᒪᖔᑦ ᐅᓂᒃᑳᖓᓄᑦ ᓇᐃᒡᓕᒋᐊᖅᓯᒪᔪᑦ, ᐊᑐᖅᑕᐅᔪᓐᓇᕐᑐᑦ ᐊᓯᐅᑎᑕᐅᑦᑕᐃᓕᒪᓂᖏᑦ- ᐃᓕᖅᑯᓯᓕᕆᓂᕐᒨᖓᔪᑦ, ᐊᑐᖅᑕᐅᔪᓐᓇᕐᑐᑦ ᖃᓄᐃᓕᖓᓂᖏᑦ
ᐃᓄᓕᒫᓂᑦ ᖁᕕᐊᒋᔭᐅᓂᖏᑦ ᐊᒻᒪᓗ ᑐᑭᓯᐅᒪᔭᐅᓂᖏᑦ
ᐊᓂᓕᒋᐊᕐᓗᒋᑦ ᐳᓴᓐᖓ (%) ᑲᓇᑕᒥᐅᓂᑦ ᑐᑭᓯᐅᒪᓂᕆᔭᐅᔪᖅ ᑲᓇᑕᓕᒫᒥ ᐅᔾᔨᕐᓇᕐᑐᑦ ᓄᓇᐃᑦ ᐊᐅᓚᑕᐅᔪᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᓴᐳᒻᒥᔭᐅᖕᒪᑕ ᐊᒻᒪᓗ ᓴᖅᑭᔮᖅᑎᑕᐅᓪᓗᑎᒃ ᑲᓇᑕᒥᐅᓕᒫᑦ ᑭᒡᒐᖅᑐᖅᖢᒋᑦ ᒫᔾᔨ 2014 ᑎᑭᓯᒪᓕᖅᐸᑦ. ᑲᔪᓰᓐᓇᕐᑐᖅ ᖃᕋᓴᐅᔭᒃᑯᑦ ᓴᖅᑭᔮᖅᑎᑕᐅᔪᑦ ᐊᒃᑐᐊᔪᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒨᖓᔪᑦ ᓄᑖᕈᕆᐊᖅᑕᐅᓚᐅᖅᑐᑦ ᒫᔾᔨ 2011-ᒥ.
ᐊᖏᓕᒋᐊᕐᓗᒋᑦ ᐳᓴᓐᖏᑦ (%) ᑲᒪᖃᑕᐅᔪᑦ ᐊᒻᒪᓗ ᐱᓕᕆᖃᑕᐅᔪᑦ ᐃᑲᔪᖅᑐᐃᔪᑦ ᓴᐳᒻᒥᔭᐅᓂᖏᓐᓄᑦ ᐊᒻᒪᓗ ᓴᖅᑭᔮᖅᑎᑕᐅᓂᖏᓐᓄᑦ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᐅᓚᑕᖏᑦ ᓄᓇᐃᑦ ᒫᔾᔨ 2014 ᑎᑭᓯᒪᓕᖅᐸᑦ. ᑲᔪᓰᓐᓇᕐᑐᖅ ᐱᓕᕆᖃᑕᐅᔪᓄᑦ ᐊᒻᒪᓗ ᑲᒪᖃᑕᐅᔪᓄᑦ ᐃᓗᓕᖏᑦ ᐊᒃᑐᐊᔪᑦ ᓄᓇᕗᑦᒥ ᐱᓕᕆᔨᓄᑦ ᓄᑕᕈᕆᐊᖅᑕᐅᓚᐅᖅᑐᑦ ᑲᒪᖃᑕᐅᔪᓄᑦ/ ᐱᓕᕆᖃᑕᐅᔪᓄᑦ ᑎᑎᕋᖅᑕᐅᕙᓪᓕᐊᔾᔪᑎᖏᓐᓂ ᒫᔾᔨ 2011 ᑎᑭᓯᒪᓕᖅᑎᓪᓗᒍ.
ᐊᖏᓕᒋᐊᕐᓗᒋᑦ ᐳᓴᓐᖏᑦ (%) ᑲᒪᖃᑕᐅᔪᑦ ᐊᒻᒪᓗ ᐱᓕᕆᖃᑕᐅᔪᑦ ᐃᓱᒪᔪᓐᓇᖁᓪᓗᒋᑦ ᐱᕕᒃᓴᖃᕐᓂᖏᓐᓂᒃ ᐃᓱᒪᓕᐅᕆᔪᓐᓇᕐᓗᑎᒃ ᐊᒻᒪᓗ ᑐᓂᓯᔪᓐᓇᕐᓗᑎᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᐊᖏᓐᓄᑦ ᒫᔾᔨ 2014 ᑎᑭᓯᒪᓕᖅᐸᑦ. ᑲᔪᓰᓐᓇᕐᑐᖅ ᒪᓐᓇᑯᑦ ᑲᑎᖃᑎᖃᖃᑕᓃᑦ ᐅᒻᒪᔪᐃᑦ ᒪᓕᒐᖏᓂᒃ ᐱᔾᔪᑎᑲᑐᓂᒃ ᒪᓐᓇ ᐆᑐᑎᑎᐊᕙᐅᒪᑦ ᐃᖏᕋᓂᖓ ᐊᑦᑐᒃᑕᐅᓚᐅᒃᑐᖅ ᖃᓄᐃᓕᖓᓂᖏᑦ ᑎᒍᒥᐊᖅᑎᐅᖃᑕᐅᔪᑦ ᐱᓕᕆᖃᑎᒋᔭᐅᖃᑦᑕᕐᓂᖏᓂ. ᐱᒻᒪᕆᐅᔪᑦ ᖃᓄᐃᓘᖃᑎᒌᒐᓚᐃᑦ ᐊᒻᒪᓗ ᐱᓕᕆᖃᑎᒌᖕᓂᕐᒧᑦ ᐊᖏᓕᑎᑦᑎᕙᓪᓕᐊᓇᓱᐊᕐᓂᕐᒧᑦ ᐱᕕᒃᓴᐅᔪᓄᑦ ᓄᓇᕗᑦᒥ ᐱᓕᕆᔨᓂᑦ ᑲᔪᓯᑎᑕᐅᔪᒪᔪᑦ ᑎᓴᒪᓄᑦ ᒥᕐᖑᐃᓯᕐᕕᖁᑎᒥᖕᓄᑦ ᐊᑎᖃᓚᐅᖅᑐᖅ “ᑕᒫᓂᒃᑲᓐᓂᕆᑦ” ᐱᓕᕆᐊᒥ ᐱᓕᕆᖃᑎᖃᕐᖢᑎᒃ ᓄᓇᕗᑦᒥ ᐳᓚᕋᑦᑐᓕᕆᔨᓂᒃ. ᓇᓗᓇᐃᖅᑕᐅᓚᐅᖅᑎᓪᓗᒍ ᑖᓐᓇ ᐱᓕᕆᐊᖑᔪᖅ ᐱᒻᒪᕆᐅᓂᖓᓂᒃ ᐱᓕᕆᐊᖑᔪᖅ, ᐃᓱᒪᒋᔭᐅᓕᓚᐅᖅᑐᖅ ᐊᑐᓕᖅᑎᑕᐅᔪᓐᓇᕐᓂᖓᓂᒃ ᑭᓯᐊᓂ ᐊᑕᐅᓯᕐᒧᑦ ᒥᕐᖑᐃᓯᕐᕕᖕᒧᑦ ᓇᐃᑦᑐᒃᑯᑦ, ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᓯᕐᕕᖕᒥ ᐱᔾᔪᑎᒋᓪᓗᒋᑦ ᖃᖓᑕᓲᑦ ᐃᖏᕐᕋᖃᑦᑕᕐᓂᖏᑦ ᐊᒻᒪᓗ ᐊᓯᖏᓐᓄᑦ ᑐᔪᕐᒥᕕᖃᕆᐊᖃᕐᓂᕐᒧᓪᓗ ᐱᔭᕐᓂᕈᓐᓃᖅᑎᑦᑎᓯᒪᓂᖏᓐᓄᑦ ᑲᔪᓯᑎᓐᓇᓱᒡᓗᒋᑦ ᐱᓇᓱᐊᕈᓯᐅᑉ ᓄᙳᐊᒍᑦ ᐳᓚᕆᐊᕐᓂᐅᔪᑦ ᐊᓯᖏᓐᓄᑦ ᑲᓇᑕᒥ ᒥᕐᖑᐃᓯᕐᕕᖕᓄᑦ.
ᐳᓚᕋᑎᓂᑦ ᐊᑐᖅᑕᐅᓯᒪᔪᑦ
ᐊᑐᖅᑕᐅᒐᔪᒃᑐᖅ, 85% ᐳᓚᕋᑏᑦ ᐊᐱᖅᓱᖅᑕᐅᔪᕕᓃᑦ ᓄᓇᓂ ᐃᓱᒪᒋᔭᖃᓚᐅᖅᑐᑦ ᐅᐸᓚᐅᖅᑕᖓᑦ ᐃᒃᐱᖕᓇᓚᐅᖅᕐᓂᖓᓂᒃ ᑕᒃᑯᓄᖓ. ᓇᓗᓇᐃᖅᓯᒪᖏᑦᑐᖅ ᑲᓇᑕᒥ ᒥᕐᖑᐃᓯᕐᕖᑦ ᓄᓇᕗᑦᒥ ᐱᓕᕆᐊᖑᔪᑦ, ᐃᓚᒋᓪᓗᒍ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕ, ᐅᓂᒃᑳᓕᐅᕆᐊᖃᖏᑦᑐᑦ ᐅᕝᕙᓘᓐᓃᑦ ᐃᓚᐅᔭᕆᐊᖃᖏᑦᑐᑦ ᐳᓚᕋᑎᓄᑦ ᑐᓴᖅᑎᑦᑎᖃᑦᑕᕐᓂᕐᒧᑦ ᐱᓕᕆᐊᒥ ᐱᔾᔪᑎᒋᓪᓗᒍ ᑖᒃᑯᐊ ᑲᓇᑕᒥ ᒥᕐᖑᐃᓯᕐᕖᑦ 1,000 ᑐᖔᓃᑦᑐᓂᑦ ᐳᓛᕆᐊᖅᑕᐅᖃᑦᑕᕐᒪᑕ ᐊᕐᕌᒍᑕᒫᑦ ᐊᒻᒪᓗ ᑲᑎᖅᓱᖅᓯᒪᔪᑦ ᒥᑭᑦᑐᑯᓗᖕᓂᑦ ᐳᓚᕋᑎᓂᑦ ᖃᐅᔨᓴᖅᑕᐅᔪᓐᓇᖏᒻᒪᑕ ᓇᐃᓴᐅᑎᖏᑦ ᐊᑐᑦᑎᐊᕐᓗᒋᑦ. ᓄᓇᕗᑦᒥ ᐱᓕᕆᔩᑦ ᑭᓯᐊᓂ ᓄᐊᑦᑎᔪᑦ ᑲᑎᖅᓱᖅᓯᒪᔪᓂᒃ ᑕᒪᑐᒧᖓ ᐃᓚᒋᔭᐅᓪᓗᓂ ᐳᓚᕋᑏᑦ ᐊᑎᓕᐅᑎᑕᐅᔭᕆᐊᖃᕐᓂᖏᑕ ᐃᓚᒋᓪᓗᓂᐅᒃ ᐊᒻᒪᓗ ᐊᑐᕈᓐᓇᓪᓗᐊᖅᑐᑦ ᑖᒃᑯᓂᖓ ᑲᑎᖅᓱᖅᓯᒪᔪᓂᒃ ᓯᕗᓂᒃᓴᒥ ᐊᑐᖅᑕᐅᔪᓐᓇᓛᕐᒪᑕ ᐃᓚᖓᒍᑦ ᓯᕗᒧᐊᕈᑕᐅᓗᑎᒃ ᐳᓚᕋᑏᑦ ᐊᑐᖅᐸᒃᑕᖏᓐᓄᑦ ᐊᒻᒪᓗ ᐊᐅᓚᑦᑎᓂᕐᒨᖓᔪᑦ ᐸᕐᓇᒃᑕᐅᔭᕆᐊᖃᕐᓂᖏᑦ ᓯᕗᓕᐅᔾᔭᐅᓕᖅᐸᑕ.
ᐊᑐᖅᑕᐅᒐᔪᒃᑐᖅ, 90% ᐳᓚᕋᑏᑦ ᐊᐱᖅᓱᖅᑕᐅᔪᕕᓃᑦ ᓄᓇᓂ ᓈᒻᒪᒃᓴᓚᐅᖅᑐᑦ ᐳᓛᕆᐊᖅᓯᒪᓚᐅᕐᓂᕐᒥᖕᓂᒃ ᐊᒻᒪᓗ ᖃᖓᑐᐃᓐᓇᖅ 50% ᐳᓚᕋᑎᑦ ᐊᐱᖅᓱᖅᑕᐅᔪᑦ ᓄᓇᓂ ᖁᕕᐊᒋᔭᖃᒻᒪᕆᓚᐅᖅᑐᑦ ᐳᓛᓚᐅᕐᓂᕐᒥᖕᓂᒃ. ᓇᓗᓇᐃᖅᓯᒪᖏᑦᑐᖅ
ᑲᒪᒋᔭᐅᔪᑦ ᐅᓄᕐᓂᖏᑦ ᐳᓛᕆᐊᖅᐸᒃᑐᑦ ᑲᓇᑕᒥ ᒥᕐᖑᐃᓯᕐᕕᖕᒥ. ᓇᓗᓇᐃᖅᓯᒪᖏᑦᑐᖅ
ᐊᑐᖅᑕᐅᒐᔪᒃᑐᖅ, 60% ᐳᓚᕋᑏᑦ ᐊᐱᖅᓱᖅᑕᐅᔪᕕᓃᑦ ᓄᓇᓂ ᐃᓱᒪᖃᓚᐅᖅᑐᑦ ᐃᓕᑦᑎᓚᐅᕋᓱᒋᓪᓗᑎᒃ ᑕᐃᒪᐃᓕᖓᐃᓐᓇᕐᑐᒥᒃ ᐃᓕᖅᑯᓯᖃᕐᕕᖕᒥᒃ (ᓄᓇᐅᔪᒥᒃ) ᐅᐸᓚᐅᖅᑕᒥᓂ. ᓇᓗᓇᐃᖅᓯᒪᖏᑦᑐᖅ
ᐊᑐᖅᑕᐅᒐᔪᒃᑐᖅ, 90% ᐳᓚᕋᑏᑦ ᐊᐱᖅᓱᖅᑕᐅᔪᕕᓃᑦ ᓄᓇᓂ ᖁᕕᐊᒋᔭᖃᓚᐅᖅᑐᑦ ᐳᓛᕆᐊᖅᓯᒪᓂᕐᒥᖕᓂᒃ. ᓇᓗᓇᐃᖅᓯᒪᖏᑦᑐᖅ

ᓯᕗᓪᓕᖅ ᑕᑯᓇᒃᑕᐅᓂᖓ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐊᒻᒪᓗ ᐱᕚᓪᓕᕈᑎᒃᓴᖏᓐᓄᑦ ᐊᖏᖃᑎᒌᒍᑎ ᐊᐅᔪᐃᑦᑐᕐᒧᑦ, ᖁᑦᑎᖕᓂᖅᐸᒧᑦ ᐊᒻᒪᓗ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᓄᑦ ᐱᔭᕇᖅᑕᐅᓂᐊᖅᑐᑦ 2011-ᒥ. ᓴᖅᑭᓯᒪᔪᑦ ᑕᐃᑲᙵᑦ ᑕᑯᓇᒃᑕᐅᓂᖓᓂᑦ, ᑭᓯᐊᓂ, ᐊᑐᐃᓐᓇᐅᓚᐅᖏᒻᒪᑕ ᑎᑎᕋᖅᑕᐅᑎᓪᓗᒍ ᑖᓐᓇ ᖃᓄᐃᓕᖕᓂᖓᓅᖓᔪᖅ ᒥᕐᖑᐃᓯᕐᕕᐅᑉ ᐅᓂᒃᑳᖓ..

5.0 ᓇᓗᓇᐃᖅᓯᒪᔪᑦ ᐱᒻᒪᕆᐅᓛᓄᑦ ᐱᓕᕆᐊᓄᑦ

ᓇᓗᓇᐃᖅᓯᒪᔪᑦ ᐱᒻᒪᕆᐅᓛᓄᑦ ᐱᓕᕆᐊᓄᑦ

ᓄᓇᓖᑦ ᐱᓕᕆᖃᑎᒌᖕᓂᖏᑦ:

ᑲᑐᔾᔨᓪᓗᑎᒃ ᐊᐅᓚᑕᐅᓂᖓᑕ ᓯᕐᒥᓕ ᑲᓇᑕᒥ ᒥᕐᖑᐃᓯᕐᕕᐅᑉ ᐃᓄᖕᓂᑦ ᐊᒻᒪᓗ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᑕᑎᒋᔭᖃᕐᒪᑕ ᖃᐅᔨᒪᓂᕆᔭᐅᔪᓂᒃ ᐊᒻᒪᓗ ᐱᖃᑕᐅᓂᖏᓐᓂᒃ ᒥᑦᑎᒪᑕᓕᖕᒥᐅᑦ ᐊᒻᒪᓗ ᐃᒃᐱᐊᕐᔪᖕᒥᐅᑦ.

  • ᓴᕿᑕᐅᓂᖓ ᒥᕐᖑᐃᓯᕐᕖᑦ ᐱᖁᓯᖃᓯᒪᒻᒪᑦ ᐊᐅᓚᓂᐅᔪᓂᒃ ᑕᑉᑯᓄᖓ ᐊᑦᑐᐊᖃᑎᒋᑐᓂᒃ ᐃᓐᓄᓂᒃ/ᒐᕙᒪᐃᑦ ᒥᕐᖑᐃᓯᕐᕕᓕᕆᓂᒻᒧᑦ ᐸᓐᓇᐃᔨᖏᑦ ᐊᒻᒪ ᑲᒪᒋᔭᐅᔭᕆᐊᓕᑦ ᑲᑎᒪᔨᖏᓄᑦ, ᐊᓪᓚᕕᒃᑕᑐᑎᒃ ᓄᑕᒥᒃ ᒥᑦᑎᒪᑕᓕᒃᒥ, ᐃᖃᓇᐃᔭᓕᒃᑐᑎᒃ ᐃᓄᐃᑦ ᒥᑦᑎᒪᑕᓕᒃᒥ ᐊᒻᒪ ᐃᒃᐱᐊᕐᔪᒃᒥ. ᐃᓚᒋᔭᐅᒋᓪᓗᑎᒃ ᓴᕿᐅᒪᑎᑎᕕᑕᖃᕆᓗᓂᑕᐅᖅ ᑕᒃᑯᓇᓂ ᓄᓇᒋᔭᐅᔪᓂ.
  • ᐱᖃᑎᒋᑲᓂᓂᒃ ᐱᑕᖃᖃᓂᕆᐊᖃᕆᓗᓂ ᐊᔾᔨᔨᖏᑐᓂ ᐃᓚᒋᔭᖏᓂ ᒥᖓᒍᐃᓯᕐᕕᐅᑉ ᑲᒪᔨᒋᔭᖏᓐᓂ.
  • ᒥᕐᖑᐃᓯᕐᕖᑦ ᑲᓇᑕᒥ ᑲᒪᒋᔭᖃᒻᒪᑕ ᐊᓪᓚᕕᒃᒥᒃ ᒥᑦᑎᒪᑕᓕᒃᒥᒃ ᑭᓯᐊᓂ ᑕᐃᒪᖓᓗᒃᑕᖑᒋᑐᖅ ᐃᒃᐱᐊᕐᔪᒃᒥᒃ ᑲᒪᐃᓇᖏᑲᓗᐊᒃᑐᓂ.
  • ᑲᒪᒋᕙᓕᐊᔭᕗᑦ ᓄᓇᓖᑦ ᐃᓄᖏᑦ, ᐃᖃᓇᐃᔭᑎᓪᓗ, ᑕᑯᔭᐅᓯᒪᔪᖅ ᐱᐅᓂᒃᓴᒥᒃ ᐊᕿᐅᒪᓂᒃᑕᑲᕆᐊᑲᒻᒪᑦ ᐳᓚᕋᓂᓕᕆᓂᒥᒃ, ᑭᒃᑯᑐᐃᓇᐃᑦ ᐊᒻᒪ ᐃᓕᓐᓂᐊᓂᒧᖓᔪᓂᒃ ᑲᒻᒪᓂᖅ ᐊᒻᒪᓗ ᐆᒪᔪᓐᓇᖅᑐᓕᒫᑦ ᐊᕙᑦᑎᑎᓐᓂ ᖃᓄᐃᖏᓐᓂᖓ ᐊᒻᒪᓗ ᐱᖁᓯᐅᔪᓄᑦ ᓄᓇᒥᐅᑕᐃᑦ ᐊᑐᑎᖃᖅᑐᑦᓂᒃ ᐸᓇᒍᑎᖃᐸᓕᐊᓂᒧᖓᔫᑦ.
  • ᐃᓄᐃᑦ ᓄᓇᒧᕆᐊᖃᓱᖑᒪᑕ ᓯᑯᒧᓪᓗ - ᓯᓇᓄᕋᔪᓐᓂᒃᓴᐅᓗᑎᒃFootnote 3 ᐱᖃᓗᔭᓐᓄᓪᓗ - ᐊᒻᒥᖃᖃᑎᖃᕆᐊᒃᑐᑎᒃ ᖃᐅᔨᒪᔭᒥᓂᒃ ᐱᖅᑯᓯᒥᓂᓗ, ᐃᓚᒋᔭᐅᖁᔨᕙᒃᑭᓗᑎᓗ ᒪᒃᑯᑐᓂᒃ ᑕᐃᒪᐃᓕᐅᓂᑲᑎᓗᒋᑦ.
  • ᐆᑲᐅᓯᒃᑯᑦ ᐱᓚᐅᓯᒪᔪᓂᒃ ᐅᓂᒃᑲᓐᓂᖅ ᐊᑦᑐᐊᔭᓖᑦ ᒥᕐᖑᐃᓯᕐᕕᒃᓂᒃ ᓄᐊᑕᐅᓯᒪᓂᑯᔪᑦ ᒥᑦᑎᒪᑕᓕᒃᒥ ᑭᓯᐊᓂ ᐃᒃᐱᐊᕐᔪᒃᒥᐅᖏᑐᖅ.
  • ᓄᓇᓕᐅᔪᐃᑦ ᖃᓂᒋᔭᓖᑦ ᒥᕐᖑᐃᓯᕐᕕᓐᓂᒃ ᐃᓕᓴᐃᔪᒪᔪᑦ ᐃᓄᓐᓂᑦ ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪᓗ ᐱᖅᑯᓯᖏᓐᓂᒃ ᑭᓯᐊᓂᓕ ᐃᓱᒫᓗᑎᖃᒪᑕ ᑕᕐᕆᔭᓕᐅᓂᒥᒃ ᐊᒻᒪᓗ ᐊᔨᓕᐅᕆᖃᑦᑕᓂᖅᒥᒃ ᐃᓄᐃᑦ ᐅᒪᔪᒃᓯᐅᓂᒥᒃ ᐊᐅᓚᓂᕆᕙᔪᒃᑕᖏᓂᒃ ᐃᓗᐊᓂ ᓯᓚᑕᓂᓗᓃᑦ ᒥᕐᖑᐃᓯᕐᕕᐅᑉ.

ᓴᐳᒻᒥᔭᐅᓂᖏᑦ ᒥᕐᖑᐃᓯᕐᕕᐅᑉ ᐆᒪᓂᖃᕐᑐᑦ ᓇᔪᒐᖃᕐᕕᖏᓐᓂ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐊᑐᖅᑕᐅᔪᓐᓇᕐᑐᓂ:

ᓴᐳᒻᒥᔭᐅᓂᖏᑦ ᒥᕐᖑᐃᓯᕐᕕᐅᑉ ᐆᒪᓂᖃᕐᑐᑦ ᓇᔪᒐᖃᕐᕕᖏᓐᓂ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐊᑐᖅᑕᐅᔪᓐᓇᕐᑐᓂ ᑲᑎᙵᖃᑕᐅᓪᓗᓂ ᐃᓚᒋᔭᐅᖕᒪᑦ ᐱᓕᕆᖃᑎᒌᖕᓂᖏᓐᓂᒃ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐊᒻᒪᓗ ᐃᓄᐃᑦ ᐊᒻᒪᓗ ᑕᑎᒋᔭᖃᕐᖢᓂ ᖃᐅᔨᓴᖃᑦᑕᕐᓂᐅᔪᓂᒃ, ᑐᓴᒐᒃᓴᓂᒃ ᐱᖃᑦᑕᕐᓂᕐᒥᒃ ᓄᓇᖃᕐᑐᓂᑦ ᒥᑦᑎᒪᑕᓕᖕᒥ ᐊᒻᒪᓗ ᐃᒃᐱᐊᕐᔪᖕᒥ ᐊᒻᒪᓗ ᑖᒃᑯᐊ ᖃᐅᔨᒪᓂᕆᔭᐅᔪᑦ ᐊᒥᖅᑳᕈᑕᐅᓂᖏᑎᒍᑦ ᑕᒪᐃᓐᓄᖓᔪᑎᒍᑦ ᐊᒻᒪᓗ ᐃᓕᓐᓂᐊᒐᒃᓴᑎᒍᑦ ᐱᓕᕆᐊᖑᔪᑎᒍᑦ ᐊᒻᒪᓗ ᐱᖁᑎᑎᒍᑦ.

  • ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᑦ ᐱᔪᓐᓇᓂᒋᑦ ᐊᑲᐅᓯᒋᐊᖅᑎᑦᑎᔪᓐᓇᕐᓗᑎᒃ ᑕᒻᒪᐃᓄᑦ ᐆᒪᔪᓐᓇᖅᑐᓕᒫᑦ ᐊᕙᑎᒃᑎᓐᓂ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᒻᒥ ᒥᑭᒪᑕ ᐱᔾᔪᑎᒋᓗᒍ ᐊᖕᓂᓂᖏᑦ ᐆᒪᔪᓐᓇᖅᑐᓕᒫᑦ ᐊᕙᑎᒃᑎᓐᓂ ᐊᑦᑐᖅᑕᐅᔪᑎᐅᓯᒪᔪᑦ ᓯᓚᔪᐊᒥ ᐊᑦᑐᑕᐅᓯᒪᖃᑕᒻᒪᑕ.
  • ᐊᑐᖅᑐᑦ ᐊᐅᓚᑦᑎᓂᕐᒨᖓᔪᑦ ᑎᑭᐅᑎᔭᐅᓇᓱᐊᕐᑐᑦ ᓇᓗᓇᐃᖅᑕᐅᓯᒪᖏᑦᑐᑦ ᓱᓕ ᐊᑲᐅᓯᒋᐊᖅᑕᐅᖁᓪᓗᒋᑦ ᐆᒪᓂᖃᕐᑐᑦ ᐃᓂᒋᔭᖏᓐᓂ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒥ.
  • ᓄᓇᓕᖕᓂ ᐊᒻᒪᓗ ᖃᓂᒋᔭᖏᓐᓂ ᐊᒃᓱᕈᕈᑕᐅᔪᑦ ᓇᓗᓇᐃᖅᑕᐅᓯᒪᔪᑦ ᒥᑦᑎᒪᑕᓕᖕᒥᐅᓂᑦ ᐊᒻᒪᓗ ᐃᒃᐱᐊᕐᔪᖕᒥᐅᓂᑦ.
  • ᐊᒻᒥᓱᐃᑦ ᒥᕐᖑᐃᓯᕐᕕᓂ ᖃᐅᔨᓴᖅᑕᐅᓚᐅᓯᒪᖏᒪᑕᓱᓕ ᖃᖓᓕᓴᐃᑦ ᐃᓄᓯᒧᑦᖓᔪᑦ ᐱᖁᑎᑦ ᐊᒻᒪ ᓱᓇᑯᑕᒥᓃᑦ ᑲᒪᒋᔭᐅᓂᖓᑕ ᐊᕿᐅᒪᑎᐊᕈᑎᒋᒍᓇᒃᑕᖏᑦ ᓇᒧᑐᐃᓇᕐᓂᑯᒪᑕ.
  • ᐃᓕᖅᑯᓯᓕᕆᓂᕐᒨᖓᔪᑦ ᐱᒻᒪᕆᐅᓂᖏᓐᓄᑦ ᐅᓂᒃᑳᖅᓯᒪᔪᒥᒃ ᐱᑕᖃᕆᐊᓕᒃ ᒥᕐᖑᐃᓯᕐᕕᖕᒧᑦ.
  • ᑕᒪᐃᓐᓅᖓᔪᓄᑦ ᐊᒻᒪᓗ ᐃᓕᓐᓂᐊᒐᒃᓴᓄᑦ ᐱᓕᕆᐊᑦ ᐊᒻᒪᓗ ᓴᖅᑭᑕᐅᓯᒪᔪᑦ ᒥᕐᖑᐃᓯᕐᕕᐅᑉ ᓂᕐᔪᑎᓄᑦ ᐃᓂᒋᔭᖏᓐᓄᑦ ᐊᒻᒪᓗ ᐃᓕᖅᑯᓯᓕᕆᓂᕐᒨᖓᔪᑦ ᐊᑐᖅᑕᐅᔪᓐᓇᕐᑐᑦ ᒫᓐᓇᐅᔪᒥᒃ ᒥᑭᓗᐊᖅᑐᑦ.

ᐱᕕᒃᓴᐅᔪᓐᓇᕐᑐᑦ ᐳᓚᕋᑎᓄᑦ:

ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᒃ ᐊᑐᐃᓐᓇᐅᑎᑦᑎᕙᒃᐳᖅ ᖁᑦᑎᒃᑐᒥ / ᐅᑭᐅᖅᑕᖅᑐᒥ ᐳᓚᕋᑎᓄᑦ ᐊᑐᖅᑕᐅᕙᒃᑐᓂᒃ, ᑲᔾᔮᕐᓇᖅᖢᓂ ᐊᒻᒪᓗ ᐊᔾᔨᒌᖏᑦᖢᓂ ᓄᓇᒐ, ᓂᕐᔪᑎᓕᐊᓘᓪᓗᓂ ᐊᒻᒪᓗ ᐆᒪᑦᑎᐊᕐᑐᒥᒃ ᐃᓄᐃᑦ ᐃᓕᖅᑯᓯᖃᕐᓂᖏᓐᓂᒃ ᐊᒻᒪᓗ ᐊᑐᖃᑦᑕᕐᓯᒪᔭᖏᓐᓂᒃ.

  • ᐊᖏᖃᑎᒋᒃᓯᒻᒪᓂᖅᒧᑦ ᐊᖏᕈᑕᐅᓯᒪᔪᑦ ᐱᑦᔪᑎᒋᓗᒋᑦ ᓇᑎᓐᓇᖅ ᐳᓛᕐᕕᒃ ᒥᑦᑎᒪᑕᓕᒃᒥ ᐊᖑᑎᑎᑕᐅᒋᐊᖅᑐᖅ.
  • ᐆᒥᐊᔪᐊᑯᑦ ᐳᕐᓚᕋᖅᑐᓕᕆᓂᖅ ᐳᓚᕋᕈᑎᐅᕙᓪᓕᑐᐃᓐᓇᕆᐊᓕᒃ ᐳᓚᕋᖅᐸᑦᑐᓄᑦ ᒥᕐᖑᐃᓯᕐᕕᓄᑦ ᑭᓯᐊᓂ ᓄᓇᓖᑦ ᐃᔅᓱᒪᓗᑎᖃᒻᒪᑕᒃᑕᐅᖅ.
  • ᐊᐅᓚᕐᕈᔾᔨᓂᒥᒃ ᐃᖃᓇᐃᔭᖃᐸᑐᑦ ᐊᐅᓚᕈᔨᓗᑎᒃ ᖁᑭᐅᑎᖃᖃᑕᕈᒪᔪᑦ ᐃᒻᒥᓂᒃ ᓴᐳᑎᓯᒪᒍᒪᒧᑦ ᐊᒻᒪᓗ ᓴᐳᑦᔨᒍᒪᒧᑦ ᐊᐅᓚᕈᑎᓯᒪᔭᒥᓂᒃ ᒥᕐᖑᐃᓯᕐᕕᒧᑦ.
  • ᐊᕿᓯᒪᔪᖃᓚᑕᖏᑐᖅ ᐱᓱᕕᐅᖃᑕᕋᔭᒃᑐᒥᒃ ᐊᒻᒪᓗᓂᑦ ᓯᐊᕆᔭᐅᑎᑯᑕᒃᑯᑦ ᐊᖁᑎᒃᓴᒥᒃ ᐊᔅᓯᖏᑎᒍᓗᓂᑦ ᐊᑯᑎᐅᖃᑕᕋᔭᒃᑐᓂᒃ ᐅᑯᐊ ᐊᖁᑎᐅᒍᓇᑐᓚᓯᒪᔪᖃᖏᑐᖅ ᐳᓚᕆᐊᑐᓄᑦ ᐊᑐᑕᐅᖃᑕᕋᔭᒃᑐᓂᒃ.
  • ᐳᓚᕆᐊᖅᑐᓕᕆᓂᓂᒃ ᑲᒻᒪᓂᖅᒥᒃ ᐃᖏᕋᑎᑕᐅᔪᑦ ᑭᓱᐃᓪᓗ ᐊᑦᑐᐊᓯᔪᑦ ᐃᓄᐃᑦ ᐱᖁᓯᖏᓐᓂᒃ ᐊᒻᒪ ᒥᕐᖑᐃᓯᕐᕕᓂᒃ ᐊᕿᐸᓕᕆᐊᓖᑦ.
  • ᐳᓚᕋᑏᑦ ᐊᑦᑕᕐᓇᖅᑐᒦᑕᐃᓕᓂᖏᑦ ᐱᒻᒪᕆᐊᓘᖕᒪᑕ ᒥᑦᑎᒪᑕᓕᖕᒥᐅᓄᑦ ᐊᒻᒪᓗ ᐃᒃᐱᐊᕐᔪᖕᒥᐅᓄᑦ.
  • ᐱᔭᕆᐊᖃᕐᓂᖅ ᓇᓗᓇᐃᖅᑕᐅᓚᐅᖅᑐᖅ ᐳᓚᕋᑎᓄᑦ ᑐᓴᒐᒃᓴᒃᑲᓐᓂᕐᓂᒃ ᐊᒻᒪᓗ ᒪᓂᓴᐃᔾᔪᑎᒃᓴᒃᑲᓐᓂᕐᓂᒃ ᒥᕐᖑᐃᓯᕐᕕᖕᒧᑦ.

ᖃᐅᔨᓵᖑᕙᒃᑐᓄᑦ ᐱᓕᕆᐊᑦ

ᖃᐅᔨᓵᖑᕙᒃᑐᓄᑦ ᐱᓕᕆᐊᑦ ᖃᓄᐃᓕᖓᓂᖓᓄᑦ ᒥᕐᖑᐃᓯᕐᕕᐅᑉ ᐆᒪᓂᖃᕐᑐᑦ ᐃᓂᒋᔭᖏᓐᓂ, ᐃᓕᖅᑯᓯᓕᕆᓂᕐᒧᑦ ᐊᑐᑕᐅᔪᓐᓇᕐᑐᓂ, ᐳᓛᕆᐊᖅᐸᒃᑐᓄᑦ ᐊᒻᒪᓗ ᐃᓄᓕᒫᓂᒃ ᐃᓚᐅᑎᑦᑎᓂᕐᒧᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒧᑦ ᐱᒋᐊᖅᓯᒪᓕᖅᑐᑦ ᑭᓯᐊᓂ ᐊᓪᓗᐃᑦᑕᖅᓯᒪᔪᑦ ᐃᓚᖏᓐᓄᑦ ᓇᓗᓇᐃᔭᐅᑎᓄᑦ.

  • ᑕᑎᒋᔭᒃᓴᐅᔪᓂᒃ ᑐᓴᒐᒃᓴᓂᒃ ᐊᑐᐃᓐᓇᐅᔪᖃᕐᑐᖅ ᐃᓄᐃᑦ ᖃᐅᔨᒪᔭᖏᓐᓂᑦ ᐊᒻᒪᓗ ᖃᐅᔨᓴᐅᑎᕕᓂᕐᓂᑦ ᐆᒪᓂᖃᕐᑐᑦ ᐃᓂᒋᔭᖏᓐᓄᑦ ᓇᓗᓇᐃᔭᐅᑎᓂᑦ, ᑭᓯᐊᓂ ᑭᙱᖃᐅᕐᑐᑦ ᐃᓚᖏᓐᓂ ᓇᓗᓇᐃᔭᐅᑎᓄᑦ.
  • ᐊᑕᖏᐸᓗᒃᑐᑦ ᐅᑯᐊ ᐆᒪᓂᖃᕐᑐᑦ ᖃᐅᔨᓴᕐᓂᑦ ᐊᒻᒪ ᖃᐅᔨᓵᖑᕙᒃᑐᑦ ᓯᕐᒥᓕᒃ ᒥᕐᖑᐃᓯᕐᕕᒃ ᑲᓇᑕᒥ ᐱᒋᐊᓚᐅᕐᓯᒪᔪᑦ 1980 ᖏᓐᓂᑦ ᓯᓚᑦᑐᓴᕐᕖᕕᒡᔪᐊᓄᑦ ᐊᓯᖏᓐᓄᓪᓗ. ᑕᒃᑯᐊ ᐱᓕᕆᐊᕆᕙᑦᑕᖏᑦ ᐊᑦᑐᐃᓂᖃᑦᑎᐊᕐᑐᑦ/ ᐃᑲᔫᑎᖃᕐᑐᑦ ᒥᕐᖑᐃᓯᕐᕕᒃ ᖃᓄᐃᓕᖓᓕᕐᒪᖔᖅ ᐅᓂᒃᑳᖏᓐᓄᑦ.
  • 66 ᖑᔪᑦ ᓇᓗᓇᐃᖅᑕᐅᓯᒪᔪᑦ ᐃᑦᑕᕐᓂᓴᖃᕐᕕᐅᔪᑦ ᓯᕐᒥᓕᒃ ᑲᓇᑕᒥ ᒥᕐᖑᐃᓯᕐᕕᖕᒥ ᐊᒻᒪᓗ ᐃᓕᖅᑯᓯᓕᕆᓂᕐᒨᖓᔪᓄᑦ ᖃᐅᔨᓴᕐᓃᑦ ᐊᒻᒪ ᖃᐅᔨᓴᖅᐸᓪᓕᐊᓂᐅᖃᑦᑕᕐᑐᓄᑦ ᐱᓕᕆᐊᖅ ᒥᕐᖑᐃᓯᕐᕕᖕᒧᑦ ᐱᒋᐊᓕᓵᕋᑖᕐᓂᑰᔪᖅ ᐊᒻᒪᓗ ᐊᑐᓕᖅᑎᑕᐅᓂᖓᓄᑦ.
  • ᐊᒻᒥᓱᐃᑦ ᖃᐅᔨᒪᒋᐊᕈᑏᑦ ᐳᓚᕋᑐᓕᕆᓂᓐᒧᑦ ᓇᓗᓇᐃᕐᓯᒪᓚᒃᑕᕈᓇᓂᑯᖏᒪᑕ ᐱᑦᔪᑎᒋᓗᒍ ᐅᓂᑲᖑᒐᔭᒃᑐᖅ ᐱᑕᖃᓯᒪᖏᒪᑦ.
  • ᐃᓪᓕᓂᐊᕈᑎᓕᕆᓂᒥᒃ ᐊᒻᒪ ᓴᓇᔭᐅᓯᒪᔪᓂᒃ ᒪᓐᓇ ᖃᐅᔨᒪᒋᐊᓐᓂᖅ ᐃᓴᖅᓯᒪᓂᖅᒥᒃ ᐱᒋᐊᖅᐸᓪᓕᐊᓂᖅᒥᓕᑕᐃᓇᓐᒪᑕ ᓴᕿᐸᓪᓕᐊᓂᖓ.

ᐃᓚᒋᐊᕈᑎ

ᓇᓗᓇᐃᖅᓯᒪᔪᑦ ᓇᓗᓇᐃᖅᓯᖃᑦᑕᕐᓂᕐᒧᑦ ᖃᐅᔨᓴᕐᓂᕐᓄᑦ ᖃᓄᐃᓕᖓᓂᖏᓐᓄᑦ ᐆᒪᓂᖃᕐᑐᑦ ᐃᓂᖃᕐᕕᖏᓐᓂ
ᐱᐅᔪᖅ Good-not rated ᐆᒪᓂᖃᕐᑐᑦ ᐃᓂᒋᔭᖓ ᒫᓐᓇᐅᔪᖅ ᖃᓄᐃᖏᑦᑐᖅ, ᐊᒻᒪᓗ ᐃᓗᓕᖃᐅᕐᑐᖅ ᖃᓄᐃᖏᑦᑐᓂᒃ ᑲᑎᖅᓱᖅᓯᒪᔪᓂᒃ ᐊᒻᒪᓗ ᐅᓄᖅᑐᓂᒃ ᑕᒫᓂᕐᒥᐅᑕᕐᓂᒃ ᓂᕐᔪᑎᓂᒃ ᐊᒻᒪᓗ ᐆᒪᔪᕐᓂᒃ, ᐊᓯᔾᔨᖅᐸᓪᓕᐊᓂᖏᑦ ᐊᒻᒪᓗ ᐃᑲᔫᑕᐅᔪᓐᓇᕐᓂᖏᑦ. ᐱᒻᒪᕆᐅᔪᑎᒍᑦ ᐊᐅᓚᑦᑎᓂᕐᒨᖓᔪᓂᒃ ᐊᓯᔾᔨᕆᐊᖃᖏᑦᑐᑦ.
ᖃᓄᐃᓗᐊᖏᑦᑐᖅ Fair-not rated ᐆᒪᓂᖃᕐᑐᑦ ᐃᓂᒋᔭᖓ ᒫᓐᓇᐅᔪᖅ ᐊᑦᑕᕐᓇᖅᑐᒦᑦᑐᖅ ᐊᒻᒪᓗ ᐱᑕᖃᖏᑦᑐᖅ ᖃᓄᐃᖏᑦᑐᓂᒃ ᑲᑎᖅᓱᖅᓯᒪᔪᓂᒃ ᐊᒻᒪᓗ ᐅᓄᖅᑐᓂᒃ ᑕᒫᓂᕐᒥᐅᑕᕐᓂᒃ ᓂᕐᔪᑎᓂᒃ ᐊᒻᒪᓗ ᐆᒪᔪᕐᓂᒃ, ᐊᓯᔾᔨᖅᐸᓪᓕᐊᓂᖏᑦ ᐊᒻᒪᓗ ᐃᑲᔫᑕᐅᔪᓐᓇᕐᓂᖏᑦ. ᐊᐅᓚᑦᑎᓂᒃᑯᑦ ᐊᓯᔾᔨᖅᑕᐅᔭᕆᐊᓕᒃ.
ᐱᐅᖏᑦᑐᖅ Poor-not rated ᐆᒪᓂᖃᕐᑐᑦ ᐃᓂᒋᔭᖓ ᐱᐅᖏᑦᑐᖅ ᐊᒻᒪᓗ ᐱᑕᖃᖏᑦᑐᖅ ᖃᓄᐃᖏᑦᑐᓂᒃ ᑲᑎᖅᓱᖅᓯᒪᔪᓂᒃ ᐊᒻᒪᓗ ᐅᓄᖅᑐᓂᒃ ᑕᒫᓂᕐᒥᐅᑕᕐᓂᒃ ᓂᕐᔪᑎᓂᒃ ᐊᒻᒪᓗ ᐆᒪᔪᕐᓂᒃ, ᐊᓯᔾᔨᖅᐸᓪᓕᐊᓂᖏᑦ ᐊᒻᒪᓗ ᐃᑲᔫᑕᐅᔪᓐᓇᕐᓂᖏᑦ. ᐅᔾᔨᕐᓇᖅᑐᒃᑯᑦ ᐊᒻᒪᓗ ᑲᔪᓰᓐᓇᖅᑐᒃᑯᑦ ᐊᐅᓚᑕᐅᖏᓐᓇᕆᐊᓕᒃ.
ᓇᓗᓇᐃᖅᓯᒪᖏᑦᑐᖅ ᓇᓗᓇᐃᖅᓯᒪᖏᑦᑐᖅ ᒫᓐᓇᐅᔪᒥᒃ ᑐᓴᒐᒃᓴᖅᑕᖃᙱᓗᐊᖅᑐᖅ ᖃᓄᐃᓕᖓᖕᒪᖔᑦ ᓇᓗᓇᐃᔭᐅᑎ ᑕᐃᔭᐅᓇᓱᒡᓗᓂ.

ᓇᓗᓇᐃᖅᓯᒪᔪᑦ ᓇᓗᓇᐃᖅᓯᖃᑦᑕᕐᓂᕐᒧᑦ ᖃᐅᔨᓴᕐᓂᕐᓄᑦ ᖃᓄᐃᓕᖓᓂᖏᓐᓄᑦ ᐃᓕᖅᑯᓯᓕᕆᓂᕐᒨᖓᔪᑦ
ᐱᐅᔪᖅ Good-not rated ᐱᐅᔪᖅ. ᐊᑐᑎᖃᕐᑐᖅ, ᐅᕝᕙᓘᓐᓃᑦ ᖃᓄᐃᖏᑦᑐᖅ.
ᖃᓄᐃᓗᐊᖏᑦᑐᖅ Fair-not rated ᖃᓄᐃᓗᐊᖏᑦᑐᖅ ᐅᕝᕙᓘᓐᓃᑦ ᒥᑭᑦᑐᒥᒃ ᐱᐅᖏᓐᓂᖄᔪᒃᑐᖅ. ᐱᐅᓯᒋᐊᕆᐊᓕᒃ.
ᐱᐅᖏᑦᑐᖅ Poor-not rated ᐱᐅᖏᑦᑐᖅ, ᐊᑐᑎᖃᖏᑦᑐᖅ, ᐱᐅᖏᑦᑐᒻᒪᕆᒃ ᐅᕝᕙᓘᓐᓃᑦ ᐅᔾᔨᕐᓇᖅᑐᒃᑯᑦ ᑭᑭᑦᑎᓯᒪᔪᖅ (ᐊᒃᑐᐊᔪᕐᓗᑭᐊᖅ ᑲᓄᐃᓐᓂᖓᓄᑦ ᐅᕝᕙᓗᑭᐊᖅ ᓂᕈᐊᕆᔭᐅᓯᒪᔪᓄᑦ ᐊᐅᓚᑦᑎᔾᔪᑕᐅᔪᒃᑐᓄᑦ).
ᓇᓗᓇᐃᖅᓯᒪᖏᑦᑐᖅ ᓇᓗᓇᐃᖅᓯᒪᖏᑦᑐᖅ ᓇᓗᓇᐃᖅᓯᒪᖏᑦᑐᖅ ᐅᕝᕙᓘᓐᓃᑦ ᐅᖃᐅᓯᐅᓯᒪᖏᑦᑐᖅ ᑐᓴᒐᒃᓴᐃᑦ ᐊᑐᐃᓐᓇᐅᖏᓐᓂᖏᓐᓄᑦ.
ᐊᑐᖏᑦᑐᖅ ᐊᑐᖏᑦᑐᖅ ᐊᑐᖏᑦᑐᖅ; ᐊᐱᖅᑯᑎ ᐊᑐᖏᑦᑐᖅ.

ᓇᓗᓇᐃᖅᓯᒪᔪᑦ ᐱᕙᓪᓕᐊᓂᖏᑕ ᖃᐅᔨᓴᖅᑕᐅᓂᖏᓐᓄᑦ ᖃᓄᐃᓕᖓᓂᖅᖓᖏᑕ ᓇᓗᓇᐃᔭᐅᑎᖏᓐᓄᑦ
ᐱᐅᓯᕙᔪᓪᓕᐊᔪᖅ Not rated-improving ᖃᓄᐃᓕᖓᓂᖓ ᓇᓗᓇᐃᔭᐅᑎᐅᑉ/ᐆᒃᑑᒪᔭᐅᑎᐅᑉ ᐱᐅᓯᕚᓪᓕᖅᓯᒪᔪᖅ ᑭᖑᓪᓕᖅᐹᒥᒃ ᖃᐅᔨᓴᖅᑕᐅᓂᕕᓂᖓᓂᑦ.
ᓱᕐᕌᖏᑦᑐᖅ Not rated-stable ᖃᓄᐃᓕᖓᓂᖓ ᓇᓗᓇᐃᔭᐅᑎᐅᑉ/ᐅᐆᒃᑑᒪᔭᐅᑎᐅᑉ ᓱᕐᕌᖏᑦᑐᖅ ᑭᖑᓪᓕᖅᐹᒥᒃ ᖃᐅᔨᓴᖅᑕᐅᓂᕕᓂᖓᓂᑦ.
ᑲᑕᒃᐸᓪᓕᐊᔪᖅ Not rated-declining ᖃᓄᐃᓕᖓᓂᖓ ᓇᓗᓇᐃᔭᐅᑎᐅᑉ/ᐆᒃᑐᒪᔭᐅᑎᐅᑉ ᑲᑕᒃᐸᓪᓕᐊᔪᖅ ᑭᖑᓪᓕᖅᐹᒥᒃ ᖃᐅᔨᓴᖅᑕᐅᓂᕕᓂᖓᓂᑦ.

Liens connexes

Date de modification :